ئەڤرۆ نيوز:
ژێدەرێن دەنگوباسی ل برێتانیا وەسا داینە دیارکرن یاریزانێ بەرازیلی و یانا یوڤانتوس یا ئیتالی دوگلاس کوستا بوویە جھێ گرنگیەکا مەزن یا راھێنەرێ ئیسپانی و یانا مانچێستەر ستی گواردیولای کو ھەلگرا قارەمانا خولا ئنگلتەرا کوژمێ ١٠٠ ملیون یورۆ بەرھەڤکرینە بۆ کرینا ئەڤی یاریزانی.
مالپەرێ پریمیوم سپورت دیارکریە راھێنەرێ یانا مان ستی دخوازیت دگلاس کوستا بینتە دناڤ رێزێن پێھاتیێ تیما خوە کو ئەوی باوەریەکا مەزن ب شیانێن ئەڤی یاریزانی ھەیە کو ل وەرزێ ٢٠١٥-٢٠١٦ سەرپەرشتیا ئەڤی یاریزانی کریە و داخوازی ژ بەرپرسێن یانێ کریە ب زیترین دەم دانوستاندنان ل گەل یانا یوڤانتوس بکەن بۆ ب دووماھیی ئینانا ڤەگوھاستنا ئەوی و یانا مانچێستەر سیتی کوژمێ ١٠٠ ملیون یورۆیا بۆ ڤەگوھاستنا ئەڤی یاریزانی بەرھەڤکرینە.

ئەڤرۆ:
پشتی ل ماوێ چەند رۆژێن بوری چەند رۆژنامەیێن ئورۆپی دیارکری یانا بایرن میونیخ دێ دەستا ژ گولکەرێ خوە یێ پولەندی لیڤاندوڤیسکی بەرامبەر کوژمێ ٢٠٠ ملیون یورۆیا بەردەت سەرۆکێ یانا بایرن میونیخ ل سەر ڤی بابەتی ھاتە دەنگ و چارەنڤیسێ ستێرا پولەندی یێ یانا باڤاری د داخویانیەکێ دا بۆ دەزگەھێن راگەھاندنا ئەلمانی دیارکریە.
زێدەتر سەرۆکێ یانا بایرن میونیخ دیارکر لیڤاندوڤیسکی نە بوو فروتنێ یە ئەوان بەری نوکە ژی دیارکریە و نوکە ژی تەکید ل وێ چەندێ دکەن ئەو یاریزانێ خوە نافروشن و چو راستی بۆ ئەوان دەنگوباسان نین ئەوێن دیارکرین ئەو دێ دەستا ژ لیڤاندوڤیسکی بەرامبەر کوژمێ ٢٠٠ ملیون یورۆیا بەردەن .
ھەردیسان دیارکر ستێرا ئەوان بوو وەرزێ بھێت دێ ل گەل یانێ بیت و ئەو گرێدای ھەڤبەستا یانا بایرن میونیخ ھەتا ٢٠٢١ .

ئەڤرۆ:
ھەر ژ دەست کارکێشانا زێدان ژ پوستێ راھێنەریا یانا ریال مەدرید چەندین ناڤ ژلایێ رۆژنامەیێن ئورۆپی و جیھانی ھاتینە ئاشکراکرن کو بەربژارن بوو وەرگرتنا پوستێ راھێنەریا ریال مەدرید .
رادیویا مونتیکارلو یا بەرنیاس بەربژارەکێ نوو بۆ پوستێ راھێنەریا یانا ریال مەدرید ئاشکراکر ل دویڤ گوتنا ئەوێ رۆژنامێ راھێنەرێ پرتوگالی ڤلاش بواش ئێک ژ راھێنەرێن بەربژارە بوو وەرگرتنا پوستێ راھێنەریا ریال مەدرید ل جھێ راھێنەرێ بەری نوکە زێدان.
ھەژی گوتنێ یە ڤلاش بواش ئێک ژ راھێنەرێن بەرنیاس ل سەر ئاستێ ئورۆپا دەستپێکا خوە یا راھێنەری ل گەل مورینھوی بوو وەکو ھاریکارێ راھێنەری و ل سالا ٢٠٠٩-٢٠١٠ وەکو راھێنەرێ ئێکێ دەست ب ژیانا راھێنەری کر دەمێ پوستێ راھێنەریا ئەکادمیکا پرتوگالی وەرگرتی و پاش راھێنەریا چەندین یانێن بەرنیاس کر ل سەر ئاستێ ئورۆپا ئەوژی پورتو یا پرتوگالی و چێلسی و توتنھام یا ئینگلیزی و زنێت یا روسی پاش ل سالا ٢٠١٧ پوستێ راھێنەریا یانا شنگھای یا چینی وەرگرت و نوکە دەست ژ پوستێ راھێنەریا ئەوێ یانێ بەردایە.