ئه‌ڤرۆ نيوز، نيوار:

ده‌سته‌يا ده‌ستپاكيا هه‌رێما كوردستانێ راگه‌هاند كو د ماوێ چه‌ند رۆژێن بۆرى دا ليسته‌ك ب ناڤێ چه‌ند كه‌سان به‌لاڤ بوويه‌ كو ئاماژه‌ ب وێ چه‌ندێ هاتيه‌ كرن كو دووڤچوون ل سه‌ر گه‌نده‌ليێ ل گه‌ل ڤان كه‌سان دهێته‌ كرن، به‌لێ ئاشكه‌را كر كو ئه‌وان چو په‌يوه‌ندى ب وان ناڤان ڤه‌ نينه‌.

ئاماژه‌ ب وێ چه‌ندێ ژى كريه‌ كو ئه‌و ده‌زگه‌هه‌كێ فه‌رمى نه‌ و كارێن خوه‌ ب رێيێن فه‌رمى دكه‌ن، “ژ به‌ر هندێ ژى ئه‌و تشتێ به‌لاڤ بوويى چو په‌يوه‌ندى ب مه‌ ڤه‌ نينه‌”.

ده‌قێ راگه‌هاندنێ:

ماوه‌ى چه‌ند ڕۆژێكه‌ له‌ تۆڕه‌ كۆمه‌ڵایه‌تییه‌كان لیستێك بڵاو بووه‌ته‌وه‌ ده‌رباره‌ى ئه‌و كه‌سانه‌ى كه‌ كه‌یسیی گه‌نده‌ڵییان هه‌یه‌ و له‌لایه‌ن ده‌سته‌ى ده‌سپاكى هه‌رێمى كوردستانه‌وه‌ لێكۆڵینه‌وه‌یان  له‌گه‌ڵ ده‌كرێت، بۆیه‌ ئێمه‌ به‌ هه‌موو لایه‌كى ڕاده‌گه‌یه‌نین كه‌ بڵاو كردنه‌وه‌ى ئه‌و لیسته‌ پێوه‌ندى به‌ ده‌سته‌وه‌ نییه‌ و لاى ئێمه‌وه‌ بڵاو نه‌كراوه‌ته‌وه‌.

دووپات له‌سه‌ر ئه‌وه‌ ده‌كه‌ینه‌وه‌ كه‌ ده‌سته‌ى ده‌سپاكى هه‌رێمى كوردستان دامه‌زراوه‌یه‌كى فه‌رمییه‌ و چالاكییه‌كانى به‌فه‌رمى و به‌ ئاشكرا بڵاو ده‌كاته‌وه‌.

ده‌سته‌ى ده‌سپاكى هه‌رێمى كوردستان

12ى ئادار/ مارس، 2018

ئەڤرۆ نیوز، نەوزاد ھلۆری:

ئەندامەکێ پەرلەمانێ کوردستانێ دیارکر کو ئەڤرۆ رۆژا دووشەمبی رێکەفتی 12ێ ئادارێ شاندەکێ پەرلەمانێ کوردستانێ و پەیوەندەندیێن ھەرێم و ناڤەندی ، سەرەدانا ئوروپا کەت.

زانا عەبدولرەخمان ئەندامێ پەرلەمانێ کوردستانێ دیارکر کو مەرەم ژ سەرەدانێ دیارکرنا روولێ پەرلەمانێ کوردستانێ یە و باشکرنا پەیوەندیێن دناڤبەرا ھەرێما کوردستان و عیراقێ یە ، و بو وێ یەکێ داکو جڤاکێ نیڤدەولەتی روول ھەبیت ، بەرامبەر ئەوان بنپێکرنێن دەستووریێن کو ژلایێ عیراقێ بەرامبەر ھەرێما کوردستانێ ھاتینەکرن).

زێدەتر گۆت: (شاندێ پەرلەمانێ کوردستانێ پێکدھێت ژ جێگرێ سەرۆکێ پەرلەمانێ کوردستانێ و سکرتێرا پەرلەمانی و چەند فراکسوون و لژنەکێن ناڤا پەرلەمانێ کوردستانێ بیت ، و ئێکەم سەرەدان ژی دێ بو بریتانیا بیت).

پشتی ریفراندۆما سەربخوەی یا کوردستانێ ل رێکەفتی 25ی ئیلونا سالا بووری، پەیوەندیێن دناڤبەرا ھەولێر و بەغدا تێکچوون و ھەرێما کوردستانێ کەفتە د رەوشەکا دارایی و ئابوری یا دژوار دا.

ئه‌ڤرۆ نيوز:‏

بەرپرسەکێ وەزارەتا رەوشنبیری ھوشداری دا ئەڤان کەنالێن راگەھاندنێ یێن بەرنامێن ‏خێرخوازی و پەیوەندی ب کۆمکرنا پارە و مالی ڤە پەخش دکەن و دبێژیت، ب ھەموو ‏شێوەیەکی ئەڤ بەرنامە ھاتینە قەدەغەکرن و ھەر کەنالەکێ وەلاتیێن ھەژار بەلاف بکەت ‏کو پێدڤی ب ھاریکاریان ھەیە دێ ھێتە سزادان.‏

حەمەد گەردی، رێڤەبەرێ گشتیێ چاپ و بەلافکرنێ ل وەزارەتا رەوشنبیری و لاوان بۆ ‏رۆژناما ئەڤرۆ گۆت” وەزارەتا رەوشنبیری و لاوان ھەژمارەکا بڕیار دا ژبۆ رێکخستنا ‏دەزگەھێن راگەھاندنێ دەرکرینە، ژوانا ھەر کەنالەکێ بەرنامێن خێرخوازی پەخش بکەت ‏دێ ھێتە سزادان، چونکە ل ھەموو جیھانێ نابیت سەرۆ چاڤێن چو وەلاتیەکی بھێنە ‏نیشادان ل کەنالێن راگەھاندنێ، زۆرن ئەف کەنالێن بەرنامێن جوراو جور ھەنە و وەلاتیان ‏نیشا خەلکی ددەن کو رەوشا ئابووریا ئەڤی وەلاتی یا باش نینە و پێدڤی ب ھەڤکاریان ‏ھەیە.‏

محەمەد گەردی گۆت ژی” ھەموو بەرنامێن خێرخوازی و بن ھەر ناڤەکێ ھەبن ھاتینە ‏راگرتن، ژبەرکو نیشادا وەلاتیێن ھەژار و کێم دەرامەت و کێم ئەندام و بێ سەرپەرشت ل ‏کەنالێن راگەھاندنێ ژلایێ درەوونی ڤە کاریگەریێن خراپ ھەنە و نابیت ب چو شێوەیەکی ‏ئەف بەرنامێن ھوسا بمینن، ھەروەسا ھەر بەرنامەکی دی ھەبیت پەیوەندی ب کۆمکرنا ‏پارە و مالی ڤە ھەبیت قەدەغەیە و ھەر کەنالەکێ پێگیریێ نەکەت دێ ھێتە سزادان.‏