ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل ويستگه‌هێن جودا يێن هه‌رێما كوردستانێ رێژێن جودا يێن باران بارينێ هاتينه تۆماركرن و ب ڤى ره‌نگێ ل خوارێ دياركرى:
نووترين نووچه
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
- نێچیرڤان بارزانی و مەسرور بارزانی پیرۆزباهیێ ل شیرەتكارێ نوو یێ ئەلمانیایێ دكەن
- سەرۆكێ حوكمەتا هەرێمێ دوپاتیێ ل بهێزكرنا پەیوەندییان ل گەل هندستانێ دكەت
- خسرۆ گۆران: روودانێن دەڤەرێ كاریگەری ل سەر هەلبژارتنێن ئیراقێ نابیت
- نێزیكی 50 هزار تیرۆرست و كەسوكارێن وان مووچەیێ شەهیدان ژ حوكمەتا ئیراقێ وەردگرن
- بەغدا ب نە هنارتنا مووچەیێ خەلكێ كوردستانێ قەرەبوویا كێمبوونا داهاتییێن خوە دكەت
- نێچیرڤان بارزانی سەرەخوەشیێ ل ئەیاد عەلاوی دكەت
- مەسرور بارزانی: ئیراقێ پێدڤی ب حوكمڕانییەكا دادپەروەرانە هەیە
- تێكگەهشتنەكا باش هەیە و د زووترین دەم دا حوكمەت دێ هێتە پێكئینان
- وەزارەتا كۆچ و كۆچبەران سكالا دژی داخوازیێن مە بۆ مافێن ئاوارەیان تۆمار كریە
سهرهكى Facebook
قوتابخانا گوندێ گومانا ل به‌ر گه‌فێن هه‌رفین و چولكرنێ یه
ئه‌ڤرۆ نیوز، نه‌وزاد هلۆری:
قوتابخانا گومانا یا سه‌ر ب ناحیا دینارته ئێكه ژ وان قوتابخانێن سه‌ر ئاخ ل كوردستانێ كو د وه‌رزێ زستانێ داد لوپێن زور دكه‌ت و ئاڤ ژی دچیته د ژورڤه و مه‌ترسیا هه‌رفینا قوتابخانێ لسه‌ر قوتابی و ماموستایان هه‌یه ، رێڤه‌به‌رێ ناحیا دینارته دده‌تن دیاركرن كو قوتابخانا گوندێ ناڤبری ب چوو شێوه‌یان ب كێر خواندنێ ناهێت.
عه‌كان عه‌بدولسه‌لام ئێكه ژ ماموستا و قوتابیێن گوندێ گومانا بو ئه‌ڤرۆ نیوز گۆت: (قوتابخانا گوندێ گومانا ئێكه ژ قوتابخانێن سه‌ر ئاخ و ب چوو شێوه‌یان ب كێر خواندن و نڤیسانێ ناهێت و مه‌ترسیێن زور لسه‌ر قوتابی و ماموستایان درۆستكریه ژ به‌ركو ژ به‌ر گه‌ڤێن هه‌رفینێ نه و هه‌رده‌ما ب هه‌رفیت هه‌ما درۆسته و دێ بیته سه‌ده‌ما كوشتنا قوتابیان و راوستانا پرۆسه‌یا خواندنێ).
زێده‌تر گۆت: (چه‌ندین جاران مه داخوازی ل جهێن شوله‌ژێ كریه بو چێكرنا قوتابخانه‌كا نوو به‌لێ هه‌تا نها چوو به‌رسڤ نینه ، و چه‌ند روژێن بوری ژی ده‌ما كو باران باری ئاڤ هاته د ژورڤه و ئه‌ڤه سه‌ره‌رای كو قوتابخانه دلوپان دكه‌ت و قوتابی نكارن ده‌فته‌رێن خوه بینن ده‌ر).
ژلایێ خوڤه شه‌عبان خه‌لیل به‌رواری رێڤه‌به‌رێ ناحیا دینارته بو ئه‌ڤرۆ نیوز گۆت: (ب هیچ شێوه‌یه‌كێ قوتابخانا گوندێ گومانا ب كێر خواندن و نڤیسانێ ناهێت و پێدڤی یه سه‌ر ژ نوو بهێته خراپكرن و ئێكا دن ل شوونا وێ بهێته درۆستكرن و مه‌ترسی بو سه‌ر ژیانا قوتابیان و راگرتنا پروسه‌یا خواندنێ ل گوندی َناڤبری هه‌یه).
زێده‌تر گۆت: ( ل چه‌ند رۆژێن بوری ژ نێزیك مه سه‌ره‌دانا قوتابخانا گوندێ گومانا كریه و ب نڤیساره‌كا فه‌رمی داخواز ل جهێن شوله‌ژێ كریه كو ب زوترین ده‌م قوتابخانه‌كا نوو بو گوندی َناڤبری بهێته چێكرن ژ به‌ركو ئه‌وی گوندی چوو قوتابخانه نینن و خه‌لكی َگوندی خانویه‌كێ سه‌ر ئاخ و كه‌ڤن كریه قوتابخانه).
قوتابخانا گوندێ گومانا ل ساللا 2000 هاتیه درۆستكرن و 56 قوتابی تێدا دخوونن و ئێكه ژ قوتابخانێن سه‌ر ئاخ ژ ده‌ڤه‌را ئاكرێ.
راگەهاندنا توركیا بەحسێ ڤەگوهاستنا بنگەهێ ئینجه‌رلیك یێ ئەمریكا بۆ هەولێرێ دکەن
ئەڤرۆ نیوز ، زنار تۆڤی :
چەند میدیایێن توركی بەلاڤکرینە،کو هەبوونا ناكۆكیان دناڤبەرا توركیا و ئه‌مریكا دا ل سه‌ر كۆمه‌کا كێشه‌یان، ئەگەرەکا مەزن هەیە، بۆ هندێ کو ئه‌مریكا هزر ل هندێ بکەت،کو بنگەهێ ئینجه‌رلیك ل ئەدەنە ڤەگۆهێزیته هەولێرێ.
سایتێ T24 كو ئێکە ژ سایتێن پڕ خوینەر ل توركیا، د راپۆرتەکێدا بەحس ل نیگه‌رانیێن ئه‌مریكا هەمبەری تورکیا كرینە، ئاشكرا كریه ،کو ئه‌مریكا بیر ل ڤەگوهاستنا بنگەهی ئینجه‌رلیك دکەت، ل ئه‌ده‌نا بۆ هه‌ولێرێ،ئەڤ چەندە ب زیانەکا مەزن بۆ توركیا وه‌سف كریه.
حوکمه‌تا ئاكپارتی، زۆر جاران هێرشێن داخستنا بنگەهێ ئینجه‌رلیك ل ئه‌مریكا كرینه، زۆر جاران وه‌كو كارتەکا فشارێ ب كار ئینایه، ڤێ چەندێ دهستهەلاتدارێن ئه‌مریكا نیگه‌ران كرینه.
پشتی کو توركیا بریارا دای ئۆپه‌راسیۆنێ ل دژی یه‌په‌گێ بۆ سەر عه‌فرینێ ده‌ست پێ بكەت و ئه‌مریكا ب ساری بەرسڤا وێ دای، هه‌روه‌سا راگرتنا ڤیزا ئه‌مریكا بۆ وەلاتیێن توركیا، كۆمه‌کا سه‌ركردێن دیار یێن دناڤا ئاكپارتیێ دا داخوازکریە،کو توركیا ل به‌رامبه‌ر وی هه‌لویستێ ئه‌مریكا، بنگەهێ ئینجه‌رلیك بگریت.
ئه‌ڤه جارا ئێکێ نینە کو شرۆڤه‌كارێن سیاسی یێن توركیا بەحس ل ڤەگوهاستنا بنگەهێ ئینجه‌رلیك دكه‌ن ل ئه‌ده‌نا بۆ هه‌ولێرێ، پێشتر ژی ل سالا 2014، مه‌ته یه‌رار شاره‌زایێ وارێ سه‌ربازی ل توركیا و نڤیسه‌رێ دیاری توركیا، كتێبەکا تایبه‌ت ل سه‌ر ڤی بابه‌تی ب ناڤێ (ئینجه‌رلیك) بەلاڤە كریه،هەروەسا یه‌راری روون كریه،کو ل سالا 2015 بنگەهێ ئینجه‌لیك دێ هێتە ڤەگوهاستن بۆ هه‌ولێرێ،وی بەحسێ هندێ ژی كربوو،هەکە ل سالا 2015 ژی نه‌بیت، لێ پشتی وی ماوەی ب چه‌ند سالان دێ ئەو بریار هێته جێبه‌جێ كرن.
یه‌راری دهستهەلاتدارێن توركیا ئاگەهدار كرینه،کو ب هه‌ر شێوه‌یه‌كێ بیت،دڤێت رێکێ ل وێ بزاڤا ئه‌مریكا بگرن، چونكی زیانەکا مەزن دێ به‌ر ب توركیا کەڤیت و دێ هه‌رێما كوردستانێ ژی ب هەبوونا بنگەهێ ئینجه‌رلیك به‌ره‌ف ده‌وله‌تبوونێ ڤەچیت.
هەر چەندە وه‌زاره‌تا پێشمه‌رگه‌ی چو به‌یاننامه بەلاڤنەكرینه،دیسا وه‌زاره‌تا پێشمه‌رگه‌ی هیچ ئاگەهداریەک نینه،کو بنگەهێ ئینجه‌رلیك ژ ئه‌ده‌نا بهێتە ڤەگوهاستن بۆ هه‌ولێرێ، به‌لێ ئه‌ڤ بابه‌ته د رۆژه‌ڤا توركیا دا یێ گەرمە و وه‌كو بابه‌تەکێ گرنگ بەحس دكه‌ن.
رەنگان چو كاریگەری ل سەر چاڤان هەیە
ئەڤرۆ نیوز ، زنار تۆڤی :
كۆمەکا رەنگەكان بۆ چاڤان د باشن و كۆمەکا دیتر ژی زیانێ دگەهیننە چاڤان.
رەنگێ رەش: ئەڤ رەنگە نە یێ هێمن کەرە، بەلێ رەنگەکێ هێز و شیان بەخشە و دەلالەتێ ل سەر دەستهەلاتێ دکەت و چاڤان ماندی ناكەت.
رەنگێ شین: رەنگەکێ هێمن كەر و ئارام بەخشە و بۆ چاڤان یێ سڤکە و هەلبژاردەکێ باشە بۆ باگراوەندێ كۆمپیەتەری، دیواری، پەردە و جلوبەرگان ژی.
رەنگێ سور: ب تایبەتی سورێ تۆخ ل سەر باگراوەندێ كۆمپیوتەری رەنگەکێ گونجایە بۆ چاڤان.
رەنگێ قەهوەیی: رەنگێ ئاخێ یە و زۆر یێ ئارامكەرە و بەرێخۆدانا رەنگێ قەهوەیی وەستیانا چاڤان ل دەمێ كاركرنێدا ل سەر كۆمپیوتەری ناهێلیت.
رەنگی سپی:رەنگێ ئاشتی و ئارامیێ یە و ل هەموو جهان دبیته ئەگەرێ ئارامیێ و ل گەل هەموو رەنگان دگونجیت، بەلێ گەلەک دیتنا ڤی رەنگی چاڤان ماندی دكەت.
رێژا باران بارينا 12 ده‌مژمێرێن بوورى
هنگافتن دێ نەیماری بەتە ریال مەدرید
ئەڤرۆ نیوز ، زنار تۆڤی :
رۆژناما ئاس یا ئیسپانی راگەهاندیە، ب ئەگەرێ وێ هنگافتنا نەیمار داسیلڤا ستێرا پاریس سانجێرمان تووش بوویێ،ڤەگوهاستنا وی یاریزانی دێ بۆ یانا ریال مەدرید یا ب ساناهی بیت.
وێ رۆژنامێ راگەهاندیه، پشتی نیمار تووشی وی هنگافتنی بووی،وی بریاردایە بۆ ئەنجامدانا نەشتەرگەریێ بچیته بەرازیل و وی باوەری ب نۆشدارێن یانا خوە نینە،لەوما پەیوەندیێن دناڤبەرا نەیمار و دەستەیا کارگێریا پاریس سانجێرمان کێشە تێکەفتینە و ئەڤەژی،دێ ڤەگواستنا وی یاریزانی بۆ ریال مەدرید د ڤەگواستنێن هاڤینا داهاتیدا ئاسانتر لێ کەت.
نەیمار داسیلڤا ل گەرا 27 یا خولا فرنسا د یاریا دناڤبەرا پاریس سانجێرمان و مارسیلیا تووشی هنگافتنێ بوویە،ب ڤێ ئەگەرێ ئەو یاریزان ڤەگەریایە بەرازیل و بڕیارە سوبەهی شەمبیێ نەشتەرگەریی بۆ بهێته ئەنجامدان، رۆدریگۆ ئاسمەر،نۆشدارێ هەلبژارتیێ بەرازیلی راگەهاندیە،کو نەیمار هەتاکو پێش مۆندیالێ ناڤەگەریتە ناڤ یاریگەهان و ئەڤ وەرزە بۆ ڤی ستێرا بەرازیلی ب دوماهی هاتیە.
داعش كوشتنا 6 سه‌ربازێن ئیراقێ ل مووسل راگه‌هاند
فراكسیۆنێن كوردستانی دێ دوماهی بریار ل مالا سه‌رۆك كۆماری دەربارهی بودجەی ده‌ن
ئەڤرۆ نیوز ، زنار تۆڤی:
وەسا بریاره ئەڤ شەڤە فراكسیۆنێن كوردستانی ل مالا سه‌رۆك كۆمارێ عێراق كۆم ببن و تێدا دوماهی بریار دەربارهی پرۆژه قانوونا بودجەی بده‌ن و دوماهی هه‌لویستێ خوە رابگه‌هینن،ژبەرکو كۆمبوونا هەر سێ سه‌رۆكاتیێن عێراقێ هیچ ئه‌نجامەک نه‌بوو،لەوما كورد دێ هه‌لویستی خوە دیار کەن.
عه‌ره‌فات كه‌ره‌م سه‌رۆكێ فراكسیۆنا پارتی دیموكراتی كوردستان ل په‌رله‌مانێ عێراقێ راگه‌هاندیە: کۆمبوونا دوهی یا په‌رله‌مانی 13مادە ژ پرۆژێ قانوونا بودجەی په‌سه‌ند كرینە و ل دووڤدا كۆمبوونا هه‌ر سێ سه‌رۆكاتیان یا بێ ئه‌نجام بوو،لەوما بریاره ئەڤ شەڤە ل سه‌ر داخوازیا سه‌رۆك كۆمارێ عێراقێ فراكسیۆنێن كوردستانی كۆم ببن و تێدا دێ هه‌لویستێ خوە دەربارەی پرۆژه قانوونا بودجەی ده‌ربرن و دێ دوماهی بریارا خوە ده‌ن، چونكی ده‌نگدانێ ده‌ست پێكریه و مە چو ده‌رفه‌ت نه‌مایه.
عه‌ره‌فات كه‌ره‌می گوتیە ژی، سوبەهی دێ په‌رله‌مان درێژیێ ب كۆمبوونا خوە ده‌ت بۆ هندێ کو پڕۆژه قانوونا بودجەی بهێته په‌سه‌ند کرن،لێ هەتاکو نوکە داخوازیێن کوردان ل به‌رچاڤ نەهاتینە وەرگرتن و نەهاتینە جێبه‌جێ کرن،لەوما ئەم ژی دێ هه‌لویستێ خوە ده‌ربرین.
هەروەسا سه‌رحان سلێڤانه‌یی ئه‌ندامێ لیژنا دارایی ل په‌رله‌مانێ عێراقێ گوتیە، كۆمبوونا سێ سه‌رۆكاتیێن عێراقێ ب پشکداریا پشکەک ژ ئه‌ندامێن لیژنا دارایی هاتیە ئه‌نجامدان،هیچ ئه‌نجامەک نه‌بوو، چونكی هیچ رێككه‌فتنەک نه‌هاتیە کرن و ب تنێ سه‌رۆك وه‌زیرێن عێراقێ سۆزەک دایە،کو ئه‌و ژی پشكا هه‌رێما كوردستانێ ژ شه‌ش ترلیۆنان بۆ حه‌فت ترلیۆنان زێدە بكەت،لێ ئه‌ڤێ ژی پێدڤی ب هندێ هه‌یه کو ب نڤێسین بێخیته ناڤ پرۆژه قانوونا بودجەی نه‌كو ب ئاخفتن و سۆزان بیت، چونكی پێشتر ژی،گەلەک سۆز داینە،لێ چو ژ وان جێبەجێ نەکرینە.
ب وێنه.. ژیانا ئه‌ڤرۆ ل باخچێ حه‌له‌بێ
ئه‌ڤرۆ نیوز:
حه‌فت سالێن شه‌رێ ناڤخۆ ل سووریێ پرانییا باژێرێ حه‌له‌بێ كو ئێك ژ مه‌زنترین باژارێن رۆژهه‌لاتا ناڤین بوو وێران كر، لێ پشتی رژێما ئه‌سه‌دی ئه‌و باژێر ژ گرۆپێن ئۆپۆزسیۆنێ و توندره‌و كۆنترۆل كری، ژیان ب ره‌نگه‌كی ژ ره‌نگان ڤه‌گه‌ریایه.
پشتی رژێما سووریێ ل كانوونا ئێكێ یا 2016ێ كۆنترۆلكرنا حه‌له‌بێ راگه‌هاندی و ب هزاران كه‌س تێدا هاتینه كوشتن و هه‌تا نها 200 هزار ژ ئاوارێن حه‌له‌بێ ڤه‌گه‌ریانه رۆژهه‌لاتی وی باژاری كو ده‌مه‌كێ درێژ بن كۆنترۆلا گرۆپێن ئۆپۆزسیۆنێ بوو.
ئه‌ڤ وێنێن ل خارێ یێن ئه‌ڤرۆ نه ل باخچێ گشتی یێ سه‌ره‌كی ل حه‌له‌بێ.
ژ ئه‌نجامێ لێكدانا دوو ترۆمبێلان حه‌فت كه‌س دبنه قوربانى
ئامێدیێ، مه‌حمود نهێلى
ژ ئه‌نجامێ روودانه‌كا هاتن و چونێ ل سه‌ر رێكا ناڤبه‌را سه‌رسنك قه‌دش حه‌فت كه‌س بريندار دبن كو ژن زارۆك ژى دناڤ دا هه‌نه.
راید به‌یار ئیبراهیم ئه‌فسه‌رێ پولیسێن هاتن و چونێ ل ئامێدیێ بۆ ئه‌ڤرۆ نیوز دیار كر، كو ل ده‌مژمێر 6 ێ ئیڤاریا ئه‌ڤرۆ 3/3/2018 ئه‌ڤ روودانه دروست بوویه و گۆت: ( ئه‌ڤ روودانه ژ ئه‌نجامێ ژ ئه‌نجامێ لێكدانا دوو ترۆمبێلێن ژ جورێن قه‌مه‌ره دروست بوویه كو بوویه ئه‌گه‌رێ بریندار بوونا حه‌فت كه‌سان).
ناڤبرى ئه‌و یه‌ك ژى دیاركر كو ئێك ژ وان ترۆمبێلان ژن و زارۆ تێدا بوونه و یه‌كسه‌ر گه‌هاندینه نه‌خوشخانا هه‌وارهاتنا دهوكێ .
ناڤبرى داخاز ژى كر كو ل ده‌مێ باران و مژێ دا پێدڤیه شوفێر گه‌له‌ك یێن هشیار بن و له‌زاتیا خوه گه‌له‌ك كێمتر لێ بكه‌ن ژ رۆژێن خوه‌شى چونكه پرانیا روودانان ژ ئه‌نجامێ ته‌راتیا جاده‌یێ و هه‌روه‌سا مژێ دروست دبن.
نيشاندان
WP Facebook Auto Publish Powered By : XYZScripts.com