ئه‌ڤرۆ نيوز:
دوهى ژ ئه‌نجامێ هاتنا فشارێن ده‌ريا ناڤه‌راست و وه‌لاتێ توركيا ل چه‌ند ويستگه‌هێن جودا يێن هه‌رێما كوردستانێ رێژێن جودا يێن باران باينێ هاتينه تۆماركرن و ب ڤى ره‌نگێ ل خوارێ دياركرى:
نووترين نووچه
- سەرۆك بارزانی و سەرۆكێ باسكێ (غەد) یێ سووری رەوشا سیاسی و ئەمنی یا دەڤەرێ گەنگەشەكر
- نێچیرڤان بارزانی و بالیۆزێ بریتانیایێ پەیوەندیێن دوقۆلی گەنگەشەكرن
- مەسرور بارزانی: گرنگە حوكمەتەكا ب هێز و ئێكگرتی و خزمەتگوزار بهێتە پێكئینان
- سەرۆكێ حوكمەتا هەرێمێ دوپاتیێ ل دابینكرنا مافێن كوردێن سووریێ دكەت
- د. ڤیان سەبری: هەكە بەغدا پێگیری رێككەفتنا ل گەل هەرێمێ ببیت، ئێدی گرفتا مووچەی دروست نابیت
- هەولێر و بەغدا ل دۆر هنارتنا پەترۆلا هەرێما كوردستانێ رێككەفتن
- بافل تالەبانی ل بەغدا بزاڤێن مەسرور بارزانی سەبارەت پڕۆژەیێ (هەژمارا من) بلند هەلسەنگاندن
- سەرۆك بارزانی: پێدڤییە ل ئیراقێ كار ب بنەمایێن هەڤپشكیێ و هەڤسەنگیێ و ل هەڤهاتنێ بهێتە كرن
- نێچیرڤان بارزانی: پێدڤییە PKK چەكی دانیت و ئەڤە رامانا خوە رادەستكرنێ نینە
- مەسرور بارزانی: ب هەموو شێوەیەكێ پشتەڤانیێ ل سەرئێخستنا پڕۆسەیا ئاشتیێ ل توركیا دكەم
سه‌ره‌كى Facebook
دوماهی هەلویستێ سەرۆکێ فرنسا دەربارەی گەمارۆیا عێراقێ ل سەر کوردستانێ
ئەڤرۆ نیوز ، زنار تۆڤی :
سەرۆکێ فرەنسا دەربارەی گەمارۆیێن سەر هەرێما کوردستانێ،کو حوکمەتا عێراقێ ل سەر سەپاندینە،دوماهی هەلویستێ خوە راگەهاندیە.
ئیمانوێل ماکرۆن، سەرۆکێ فرەنسا د پرێس کۆنفرانسەکێدا پشتی کۆمبوونا 27 سەرکردێن ئورۆپی ل برۆکسلا پایتەختێ بەلجیکا، هیڤی خواستیە پێش ئەنجامدانا هەلبژارتنێن پەرلەمانێ عێراقێ، کێشێن دناڤبەرا هەولێر و بەغدا دا بهێنە چارەسەر کرن،هەروەسا گوتیە،پێدڤیە حوکمەتا عێراقێ هەموو مافێن دارایی و دستووری یێن هەرێما کوردستانێ خەرج بکەت.
سەرۆکێ فرنسا هەروەسا داخواز ژ حەیدەر عەبادی، سەرۆک وەزیرێن عێراقێ کریە ”هەرچی زوویە فرۆکخانێن نێڤدەولەتی یێن هەرێما،کوردستانێ ڤەکەت.
فرنسا ئەنداما هەڤپەیمانیا نێڤدەولەتی یا ل دژی رێکخراوا تیرۆریستی یا داعشێ یە و پشتی هێرشا وێ رێکخراوا تیرۆریستی بۆ کوردستانێ، ب هنارتنا چەکی و شیرەتکارێن سەربازی و فرۆکێن جەنگی، هاریکاریا هەرێما کوردستانێ کریە و ئێکە ژ دوستێن گەلێ کوردستانێ.
ئه‌مریكا هۆشداریەکا توند ددەتە حوکمەتا عه‌بادى
ئەڤرۆ نیوز ، زنار تۆڤی:
واشنتۆن هۆشداریێ ددەتە عێراقێ ژ ده‌رهاڤێژێن گرێبه‌ستا كرینا چه‌كێ رووسی،کو لدووڤ قانوونا روو ب رووبوونا دوژمناتیا ئةمريكا ب سزادان (CAATSA) مامه‌لێ ل گه‌لدا دکەت،هەکە وێ گرێبەستێ ل گەل دا ئیمزا بکەت.
د بەرسڤا پرسیارەکێدا دەر‌باره‌ى ئه‌گەرێ كرینا سیستەمێ به‌رەڤانیا ئەسمانی ژ جۆرێ ئێس-400 یێ رووسی ژ‌لایێ به‌غداڤه، هیزه‌ر نوێرت،پەیڤدارا وه‌زاره‌تا ده‌رڤە یا ئه‌مریكا،راگه‌هاندیە:کو ئه‌مریكا،دانوستاندنێ ل گەل گەلەک وەلاتان دکەت،دناڤا وان دا عێراق، بۆ هندێ کو ئارمانجا وێ قانوونا مە بەحسکری شرۆڤە بکەن و ده‌رهاڤێژا بزانن،هەکە وی وەلاتی گرێبه‌ستا ژڤی جۆری ل گه‌ل رووسیا دا ئیمزا كر.
هه‌روه‌سا ئاماژه ب هندێ ژی دایە،کو ئەو نزانن کا عراقێ ئەو گرێبه‌ستا عێراقێ و رووسیا بۆ كرینا سیستەمێ ئێس-400 هاتیە کرن،هەتا نوکە مایە یان نە.
پێشتر ڤیكتۆر بۆنداریڤ، سه‌رۆكێ لیژنا به‌رەڤانی و ئاسایشێ ل جڤاتا فیدرالی یا (پیران) ل په‌رله‌مانێ رووسیا، راگه‌هاند:سووریا و عێراق و سودان و مسر كاندیدن بۆ ب ده‌ستڤەئینانا سیستەمێ ئێس-400 یێ رووسی.
هەروەسا مەكسیم ماكسیمۆڤ، بالیۆزی رووسیا ل به‌غدا، ئاشكرا كریە،کو عێراقێ ل بەرە داخوازەکا نوو بۆ كرینا چه‌كێ رووسی پێشكێش بكەت، دناڤا وان ژی دا سیستەمێ ئێس-400 هه‌یه.
سوباهى پيشانگه‌هه‌كا په‌رتۆكان ل دهۆكێ دێ هێته ڤه‌كرن
ئه‌ڤرۆنيوز:
سوباهى شه‌مبيێ 24/2/2018، پيشانگه‌هه‌كا په‌رتۆكان دێ ل زانكۆيا جيهان ل حه‌وشكێ هێته ڤه‌كرن وبۆ ده‌مێ 5 رۆژان دێ يا به‌رده‌وام بيت.
بورهان يه‌حيا ژ رێڤه‌به‌ريا راگه‌هاندن وچاپ وبه‌لاڤكرنێ ل دهۆكێ بۆ ئه‌ڤرۆنيوز گۆت” پيشانگه‌ه دێ ژلايێ رێڤه‌به‌ريا مه ڤه هێته ڤه‌كرن وب چاڤدێريا دكتۆر زێره‌ڤان عه‌بدولمحسن سه‌رۆكێ زانكۆيا جيهان، ودێ هه‌تا رۆژا چارشه‌مبى 28/2/2018 يا به‌رده‌وام بيت”.
گۆت ژى” چه‌ندين په‌رتۆكخانێن دهۆكێ ژى دێ پشكداريێ دوێ پيشانگه‌هێ دا كه‌ن وداشكاندن ژى ل سه‌ر بهايێ په‌رتۆكان يا هه‌ى”.
ئاگر به‌ربوو ته‌كسيه‌كێ
ئه‌ڤرۆنيوز:
رێڤه‌به‌ريا به‌ره‌ڤانيا باژێرهى ل دهۆكێ راگه‌هاند، ئه‌ڤرۆ ئه‌ينيێ 23/2/2018، پشتى مه‌غره‌ب، ئاگر به‌ربوو ترومبێله‌كێ ل ناڤ بازارێ باژێرێ دهۆكێ.
رائيد( بێوار عه‌بدولعه‌زيز) به‌رپرسێ راگه‌هاندنا به‌ره‌ڤانيا باژێرى بۆ ئه‌ڤرۆنيوز گۆت” ترومبێلا ئاگر به‌ربوويێ ژجۆرێ تاكسى بوو وئه‌گه‌رێ به‌ربوونا ئاگرى ژى ژئه‌نجامێ شورته‌كى بوو”.
دياركر ژى” كونترۆل ل سه‌ر روودانێ هاته كرن وچو زيانێن گيانى نه‌بوون”.
به‌نكا كوردستان بۆ په‌رله‌مانى:نه‌جمه‌دين كه‌ريم چو هژمارێن به‌نكى ل دف مه نينن
ئه‌ڤرۆنيوز:
به‌نكا كوردستان يا نێڤده‌وله‌تى دبه‌رسڤا په‌رله‌مانێ كوردستانێ دا دبێژيت، پارێزگه‌رێ كه‌ركووكێ نه‌حمه‌دين كه‌ريم چو هژمارێن تايبه‌ت ل به‌نكا مه نينن.
ل رۆژا 22/2/2018، په‌رله‌مانێ كوردستانێ ب ئيمزايا جه‌عفه‌ر ئيبراهيم ئێمينكى، جێگرێ سه‌رۆكێ په‌رله‌مانى، نڤيساره‌ك ئاراسته‌ى به‌نكا كوردستان يا نێڤده‌وله‌تى كربوو وتێدا داخواز رۆهنكرا پێدڤى كربوو سه‌باره‌ت هژماره‌كا تايبه‌ت ب ناڤێ نه‌جمه‌دين عومه‌ر كه‌ريم پارێزگه‌رێ كه‌ركووكێ ل به‌نكا ناڤبرى وته‌حويلكرنا كۆژمێ 60 مليۆن دۆلاران ژپارێ په‌ترۆدۆلارا كه‌ركووكێ بۆ سه‌ر هژمارا به‌نكى يا وى.
دهه‌مان رۆژدا، رێڤه‌به‌رێ به‌نكا كوردستان يا نێڤده‌وله‌تى ب نڤيسارا هژمار 938/438 كو بۆ په‌رله‌مانێ كوردستانێ هنارتيه وتێدا ئاماژه ب هژماروديرۆكا نڤيسارا په‌رله‌مانى كريه ودياركريه كو چو هژمارێن تايبه‌ت ب ناڤێ نه‌جمه‌دين عومه‌ر كه‌ريم پارێزگه‌رێ كه‌ركووكێ ل لقێن به‌نكا كوردستان يا نێڤده‌وله‌تى نينن.
عه‌لى حه‌مه سالح، په‌رله‌مانتارێ گۆران ل په‌رله‌مانێ كوردستانێ سه‌باره‌ت ب پاشه‌رۆژا په‌ترۆلا كه‌ركووكێ وكێلگێن په‌ترۆلى وداهاتێن وان، دكۆنفرانسه‌كێ رۆژنامه‌ڤانى دا
گۆتبوو كۆژمێ 60 مليۆن دۆلارێن په‌ترۆدۆلارێ كه‌ركووكێ يا ديار نينه كا چ لێ هاتيه ويێ چوويه سه‌ر هژمارا به‌نكى يا تايبه‌ت ب نه‌جمه‌دين كه‌ريم پارێزگه‌رێ كه‌ركووكێ ڤه كو ل به‌نكا كوردستان يا نێڤده‌وله‌تى يه.
بۆمبه‌كا كیمیاوی ل هەلەبجە هاته ديتن
ئه‌ڤرۆنيوز:
بۆمبه‌كا كيمياوى ل سنورێ پارێزگه‌ها هه‌له‌بجه هاته ديتن كو ديرۆكا وێ ڤه‌دگه‌ريت بۆ 16/3/1988 كو وێ رۆژێ هه‌له‌بجه ب چه‌كێ كيمياوى هاتبوو توپبارانكرن.
هوشيار بياوێله‌يى، شاره‌زايێ هه‌لگرتنا مينان، كو ئه‌و بۆمبه ئينايه ده‌ر بۆ راديۆيا نه‌وا گۆت” ئه‌و بۆمبه ڤه‌دگه‌ريت بۆ سه‌رده‌مێ كيميابارانكرنا هه‌له‌بجه ل سالا 1988 وهه‌تا نوكه نه ته‌قيه وبۆمبه‌كا كيمياوى يه ومادا كلۆرێ يا تێدا كو گه‌له‌ك يا ب مه‌ترسيه وبه‌راوردكرن ل گه‌ل بۆمبێن كيمياوى يێن رژێما به‌عس، ئه‌ڤ بۆمبه گه‌له‌ك يا بچووكتره”.
گۆت ژى” نابيت كه‌س ده‌ستێ خوه بكه‌ته ڤێ بۆمبێ، چونكى ده‌مێ من هه‌لگرتى، ده‌ستێن من برينداربوون”.
ماكرۆن دێ بزاڤێن خوه بۆ ناڤبژيڤانيێ دناڤبه‌را هه‌رێمێ وبه‌غدا خورتتر لێ كه‌ت
ئه‌ڤرۆنيوز:
ئيمانوێل ماكرۆن سه‌رۆكێ فره‌نسا دێ سه‌ره‌دانا عيراقێ كه‌ت ودێ بزاڤێن خوه بۆ ناڤبژيڤانيێ دناڤبه‌را به‌غدا وهه‌رێمێ خورتتر لێ كه‌ت.
ل دووڤ ژێده‌رێن دبلوماسى يێن فره‌نسى، ماكرۆن ل ڤان نێزيكان دێ سه‌ره‌دانا عيراقێ كه‌ت ونوكه به‌رهه‌ڤى بۆ وێ سه‌ره‌دانێ يێن دهێنه ئه‌نجامدان، بێ كو ژڤانێ وێ هاتبيته دياركرن.
ئه‌و ژێده‌ر ئاماژێ دده‌ن كو سه‌رۆكێ فره‌نسا دسه‌ره‌دانا خوه دا بۆ عيراقێ دێ ل گه‌ل به‌رپرسێن به‌غدا وهه‌ولێرێ كۆمبيت بۆ چاره‌سه‌ركرنا كێشێن دناڤبه‌را وان دا .
وان ژێده‌ران ئاشكراكر ژى كو سه‌رۆكێ فره‌نسێ دێ بزاڤێن خوه خورتتر لێ كه‌ت كو ده‌مه‌كه ئه‌نجامدده‌ت بۆ چاره‌سه‌ريا كێشێن هه‌ولێرێ وبه‌غدا وئارمانجا سه‌ره‌كى يا سه‌ره‌دانا به‌غدا ئه‌و بابه‌ته‌يه.
مەسرور بارزانی ل گه‌ل شيره‌تكارێ سه‌رۆكێ ئه‌مريكا بۆ ئاسايشا نيشتمانى كۆمبوو
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى، ل گه‌ل هێربرت مام ماسته‌ر شيره‌تكارێ سه‌رۆكێ ئه‌مريكا بۆ ئاسايشا نيشتمانى ل واشنتۆن كۆمبوو.
به‌يان سامى عه‌بدولره‌حمان، نوونه‌را حوكمه‌تا هه‌رێما كوردستانێ ل واشنتۆن ل سه‌ر به‌رپه‌رێ خوه ل تويته‌رى له‌لاڤكر” دانوستاندنه‌كا باش ل دۆر نووترين پێشهاتێن سياسى وئه‌منى وگه‌شه‌پێدانا ئابوورى هاته كرن، هه‌روه‌سا دانوستاندن هاته كرن ل دۆر ب هيزكرنا په‌يوه‌نديان دناڤبه‌را هه‌رێما كوردستانێ وئه‌مريكا”.
وەزارەتا بەرەڤانیا ئەمریکا: ھاریکاریێن پێشمەرگەی نەھاتینە راگرتن
ئەڤرۆ نیوز ، زنار تۆڤی:
وەزارەتا بەرەڤانیا ئەمریکا رەتکریە کو وان ھاریکاریێن خوە بۆ ھێزێن پێشمەرگەیێن کوردستانێ راگرت بن و دایە دیارکرن،چو گوھۆرین د سیاسەتا وان دا ل ھەمبەری پێشمەرگەیێن کوردستانێ روونەداینە.
ئیریک باھۆن، پەیڤدارێ وەزارەتا بەرەڤانیا ئەمریکا راگەھاندیە،چو گوھۆرین د سیاسەتا ئەمریکا دا ھەمبەری پێشمەرگەیێن کوردستانێ چێنەبووینە،هەتا نوکە ژی ئەو پارەی بۆ پێشمەرگەی دابین دکەن بۆ دانا مووچەی و بەرنامێ مەشقدانێ، ئەو یەک ژی ب رازیبوونا حوکمەتا بەغدا دھێتە کرن.
باھۆن راگەھاندیە ژی، ب تنێ پشکەک ژ وی پارەی بۆ ھێزێن پێشمەرگەی و ھێزێن عێراقێ ھاتیە کێمکرن،کو ژ 365 ملیۆن دۆلاران بۆ 290 ملیۆن دۆلاران ھاتینە کێمکرن.
پەیڤدارێ پنتاگۆنێ ئاشکراکر ژی، ئەو کێمکرن ژ بەر وێ ئێکێ بوویە،کو پشکەکا مەزن یا شەرێ دژی داعشێ ب دوماهی ھاتیە،لەورا وان گۆژمێ پاران کێمکریه.
نيشاندان
WP Facebook Auto Publish Powered By : XYZScripts.com