NO IORG
نووترين نووچه
Facebook

190

ئه‌ڤرۆنیۆز ،ره‌مه‌زان هه‌رنى:

ژبه‌ر نێزیك بوونا مه‌ها ئادارێ و نه‌وروزێ خه‌لكێ ئاكرێ ل سه‌ر جاده‌یان و تورێن جڤاكى و سوشیال میدیایێ هه‌وه‌كا نه‌هێلانا یاریێن ئاگرى ده‌ست پێكریه‌ كو ل سالێن بۆرى زیانێن مه‌زن ب زاروكێن ئاكرێ گه‌هاندینه‌.
چالاكڤان شهاب یاسین ل قه‌زا ئاكرێ بۆ ئه‌ڤرۆ نیۆز دیاركر , سالانه‌ ل وه‌رزێ بۆهارى و نه‌وروزێ چه‌ندین زاروك دبنه‌ كێم ئه‌ندام و بریندار دبن ژ سه‌ده‌مێ ب كارئینان و په‌قاندنا یاریێن ئاگرى یێن ترسناك له‌ورا بۆ دوباره‌ نه‌بۆنا وان بریندارو كێم ئه‌ندام نه‌بۆنا چۆ زاروكه‌كێ دى مه‌ ده‌ست ب ڤه‌لیزینا كریه‌ بۆ بنبركرنا ڤێ دیاردى.
ناڤبرى گوتژى : پێدڤیه‌ جهێن شوله‌ژى و ئه‌منى و ئه‌ڤساله‌ رژد تر بن لسه‌ر قه‌ده‌غه‌كرنا ب كارئینانا یاریێن ئاگرى ل ئاكرێ تایبه‌ت كو نوكه‌ وه‌رزێ بۆهارى و سه‌یرانایه‌ روژا كه‌رنه‌ڤالا نه‌وروزێ نزیك بۆیه‌ پێدڤیه‌ ئه‌ڤ هه‌وه‌ به‌رده‌وام بیت هه‌تا كو ئه‌ڤ ساله‌ چۆ یاریه‌كا ئاگرى یا مه‌ترسسیدار نه‌هێته‌ بكارئینان نه‌هێنه‌ فروتن ل بازارى دا.
شهاب گوتژى : دڤێت ماموستا ل قوتابخانه‌یان و گۆتاربێژێن ئاینى ل مزگه‌فتا ڤێ هه‌وه‌ بگه‌هینن خه‌لكى دا كو هشیار بن ل ب كارئینانا یاریێن ئاگرى رێگرى بهێته‌ كرن ل وان بازرگانێن ڤان یاریا دئینن بازارى ژبه‌ركو یارى ب ئاگرى ناهێنه‌ كرن پێدڤیه‌ ل خالێن سنورى ئه‌ڤ یاریه‌ نه‌هێنه‌ ناڤ بازاران ژبه‌ركو هه‌رسال ل ئاكرێ چه‌ند زاروك بریندارو كێم ئه‌ندام دبن لبه‌ر ڤێ دیاردا مه‌ترسیدار.

147

ئه‌ڤرۆ نیۆز ، ره‌مه‌زان هه‌رنى:

ل هولا كونفرانسان ل ئاكرێ ب به‌رهه‌ڤبوونا هژماره‌كا مه‌زن یا بینه‌ر و حه‌ز ژێكه‌رێن شانۆیێ شانۆیا (جه‌نه‌رال) هاته‌ نیشاندان.
كاوه‌ زوهێر ،رێڤه‌به‌رێ رەوشەنبیرى و هونه‌رى ل ئاكرێ بۆ ئه‌ڤرۆ نیۆز دیاركر : ل هولا کونفرانسان ل ئاكرێ ب به‌رهه‌ڤبونا هژماره‌كا هونه‌رمه‌ند و حه‌ز ژێكه‌رێن پشكا شانویێ شانویا (جه‌نه‌رال) هاته‌ نیشاندان .
ناڤبرى گوتژى : شانوگه‌ریا (جه‌نه‌رال) به‌رهه‌مێ نوده‌م ل نڤیسینا كاروان جه‌رجیس و ده‌رهێنانا شوکرى محه‌مه‌دە و بۆ جارا ئێكێ بۆ ئه‌ڤ شانوگه‌ریه‌ ل ئاكرێ بهێتە پێشكێشكرن.

received_1435358773239478

ئەڤرۆ نیوز ، زنار تۆڤی :

په‌رله‌مانتارەکێ هەڤپه‌یمانیا نیشتمانى ئاشكرا دکەت،کو رێككه‌فتن ل گه‌ل سونیان هاتیە كرن‌ و دهێتە چاڤەرێکرن،کو پرۆژه قانوونا بودجه‌ی بێی كوردان بهێتە په‌سه‌ند کرن.

ره‌سول رازى په‌رله‌مانتارێ هەڤپه‌یمانیا نیشتمانى ل په‌رله‌مانێ عێراقێ،د کونگرەکێ رۆژنامه‌ڤانى دا راگەهاندیه،کو رێككه‌فتن ل ‌گه‌ل سونیان هاتیە كرن‌،لەورا دهێته چاڤەرێ کرن،کو ده‌نگ ب په‌سه‌ندكرنا بودجه‌ی بده‌ن.

هەروەسا وی په‌رله‌مانتاری گوتیە،هەڤپه‌یمانیا قیوا یا سوننی‌ 15 داخوازی د بودجەی دا‌ هه‌بوون،حوکمه‌تێ ژی 8 داخوازیێن وان د‌ بودجه‌ی دا‌ جێبه‌جێ كرینە‌، ل ‌گه‌ل هندێ وان نەرازیبوون ل سەر پرۆژه‌ قانوونا بودجەی نه‌مایه‌،دەربارەی پارێزگەهێن باشورێ عێراقێ، ره‌سول رازى گوتیە،رێككه‌فتن ل سه‌ر هندێ هاتیە کرن‌،د زێدەبوونا داهاتی دا دێ پشکان وان ژی هێتەدان.

وی په‌رله‌مانتاری‌ دوپات ل هندێ کریە،پشتی وێ رێككه‌فتنێ ب تنێ كورد ماینه‌، دبێژیت ژی ،د كۆمبوونا هەر سێ سه‌رۆكاتیان دا،کو بریارە بهێته‌‌ ئه‌نجامدان،دێ دانوستاندن ل سەر داخوازیێن كوردان هێتە کرن،بۆ ڤەگەراندنا رێژا %17 یا کوردستانێ،دڤی حالەتی ژی دا،هەکە ئه‌نجامێ كۆمبوونا هەر سێ سه‌رۆكاتیان جهێ ره‌زامه‌ندیا كوردان نه‌بوو،وی په‌رله‌مانتاری گوتیە،دڤی حالەتی ‌دا، وه‌ك سالا بوری ب ده‌نگێ زۆرینه دێ‌ بودجه‌ هێتە په‌سه‌ند کرن.

بریاره‌ ل رۆژا سێشه‌مبیا بهێت،د روونشتنەکا‌ په‌رله‌مانێ عێراقێ دا كار بۆ په‌سه‌ندكرنا بودجێ عێراقێ بهێتە کرن،کو ئەڤە دو هەیڤ ل سەر ماوێ‌ قانوونا پەسەندکرنا وی دەرباز بووینە‌.

ئەڤرۆ نیوز ، زنار تۆڤی :

هونەرمەندێ كورد حەسەن شەریف د نووترین بەرهەمێ خوە یێ هونەری دا بەحسێ روودانێن عه‌فرینێ دکەت و سترانەک ب ناڤێ “ئەز زارۆیەک عەفرینی مە”، بۆ زارۆیێن عەفرینێ گوتیە و د ڤێ سترانێ دا بەحسێ دەردەسەری و ئێش و ئازارێن زارۆیێن عەفرینێ دکەت.

ناڤهاتی بۆ ئەڤرۆ نیوز دیارکریە:من ڤیایه ب رێیا ڤێ سترانێ ئێش و ئازار و دەنگێ زارۆیێن عەفرینێ ب گەهنە هەموو جیهانێ،چونکی نوکە زارۆیێن عەفرینێ ل ژێر دەنگێ بومب و فرۆکان ژیانا خوە دبورینن و گوت ژی:ئەڤ سترانە هاتیه کلیپ کرن و پەیڤێن ڤێ سترانێ یێن هەلبەستڤان شەعبان سلێمانی نە،موزیکا وێ ژ لایێ ئاری ئاکرەیی ڤە هاتیە دانان و مەحسوم شەریفی کارێ دەرهێنانا ڤێ کلیپێ کریە.

حەسەن شەریف ل سالا 1985 دەست ب كارێ هونەری كریە و هەتانوکە 10 بەرهەمێن تۆمارکری هەنە ل گەل چەندین سترانێن دی یێن سینگل،ل سالا 1969 هاتیە سەر دونیایێ.

عه‌فرین ئێکە‌ ژ‌ دەڤەرێن كوردستانی یێن رۆژئاڤا كوردستانێ و دکەڤیتە باكورێ رۆژئاڤایێ سووریا و سه‌ر ب‌ پارێزگەها حه‌له‌با سووریێ ڤەیە‌ و رووبه‌رێ وێ سێ هزار و 850 كیلۆمه‌ترێن دوجایه‌،ل دووڤ ئامارێن 2010 هژمارا خەلکێ وێ پترە ژ‌ 523 ‌هزار كه‌سان و پرانیا خەلکێ وێ كوردن.

161

 

ئەڤرۆ نیۆز، سەباح زوهێر:

ئەڤرۆ سپێدێ شاندەکێ یۆنانی کو ژ چەند پروفیسورێن تایبەتمەندێن نەخۆشیێن دلی پێک هاتبوون،سەرەدانا نەخۆشخانا گۆلان ل ئاکرێ دا ب مەرەما شرۆڤەکرن و چارەسەریا وان کەسێن نەخوشیا دلی هەی.
د. بەشیر رێڤەبەرێ ساخلەمیا قەزا ئاکرێ دیارکر کو سەرەدانا شاندێ تایبەتمەند بۆ چارەسەریا نەخۆشیێن دلی و نشتەرگەریێن دلی بوویە، کو مەرەم پێ ئەوە شرۆڤەکرنا بۆ وان نەخۆشان بکەن ئەوێن کو توشی نەخوشیێن دلی بووین و پێدڤی نشتەرگەریێ نە،کۆ هەمو نشتەرگەریێن دلی بخۆڤە دگریت، ئەڤ نشتەرگەریە ژی بێ بەرامبەر دێ بۆ نەخۆشا هێنە ئەنجامدان تنێ وەک کارەک خێرخوازی یە.
ب ڤێ چەندێ هژمارە خەلکێ د دەڤەرا ئاکرێ قەستا نەخۆشخانا گولان کر بۆ مەرەما چارەسەریێ، هەژی ئاماژێ یە ئەڤ شاندە ب هەماهەنگی دگەل رێکخراوا (ECIG)ب سەرپەرشتیا(د.ڤیان سەبری ئاکرەیی) هاتبوونە نەخۆشخانا گولان ل ئاکرێ، ئەڤ شاندە دێ کارێ خوە کەت ل دووڤ هژمارا وان نەخۆشان کو قەستا نەحۆشخانێ دکەن، ب ڤێ چەندێ رێڤەبەریا ساخلەمیا ئاکرێ و رێڤەریا نەخوشخانا گولان سوپاسیا رێکخراوا ناڤبری کر بۆ ڤی کارێ مروڤایەتی.

ئه‌ڤرۆنيوز:

وه‌زاره‌تا په‌روه‌ردێ ل هه‌رێما كوردستانێ راگه‌هاند كو پارێ هاندانا مامۆستايان دێ هێته‌ به‌لاڤكرن.

وه‌زاره‌تا په‌روه‌ردێ دبه‌ياننامه‌كێ دا دياركر كو وه‌زاره‌تا دارايى ل حه‌فتيا بهێت دێ ده‌رمالێ هاندانا مامۆستايێن وه‌زاره‌تا په‌روه‌ردێ ج كه‌ت.

ده‌رمالێ هاندانا مامۆستايان كوژمه‌كێ پاره‌يه‌ كو جودايه‌ ژ مووچه‌ى وپێدڤيه‌ هه‌يڤانه‌ بۆ مامۆستايان بهێته‌ خه‌رجكرن كو بۆ مامۆستايێن ناڤ باژێران 100 هزار دينارن وبۆ يێن ده‌رڤه‌ى باژێران 150 هزار دينارن، به‌لێ ژبه‌ر قه‌يرانا دارايى چه‌ند هه‌يڤه‌كه‌ حوكمه‌تا هه‌رێمێ نه‌شيايه‌ وى كۆژمێ پاره‌ى بده‌ته‌ مامۆستايان.

ئه‌ڤرۆنيوز:

يانا زاخۆ ئه‌ڤرۆ پێنجشه‌مبى 22/2/2018، ل ياريگه‌ها خوه‌ يا نێڤده‌وله‌تى مێهڤانداريا يانا كاره‌با كر دچارچۆڤێ گه‌را 16 ژ خۆلا عيراقێ بۆ يانێن پلا ناياب.

دڤێ ياريێ دا يانا زاخۆ نه‌شيا مفاى ژ ئه‌ردێ ياريگه‌ها خوه‌ وه‌رگريت وئه‌نجامێ ياريێ ب وه‌كهه‌ڤيێ بێ گۆل ب دووماهى هات وهه‌ر يانه‌كێ ژوان خاله‌ك بده‌ستڤه‌ئينا.

ب ڤى ئه‌نجامێ يانا زاخۆ خالێن خوه‌ گه‌هاندنه‌ 12 خالان و ل رێزا 17 دهێت د رێزبه‌ندا خۆلێ دا ويانا كاره‌با گه‌هشته‌ خالا 27 ول رێزا پێنجێ دهێت.

ئه‌ڤرۆنيوز:

رێڤه‌به‌رێ گشتيێ خانه‌نشينيێ ل هه‌رێما كوردستانێ ئاشكراكر كو پشتى ب دووماهى هاتنا به‌لاڤكرنا مووچێ پێشمه‌رگه‌ى، دێ ده‌ست ب به‌لاڤكرنا مووچێ خانه‌نشينان هێته‌ كرن.

حازم ئيسماعيل، رێڤه‌به‌رێ گشتيێ خانه‌نشينيێ ل هه‌رێمێ بۆ باسنيوز گۆت”پشتى گه‌له‌ك دووڤچوونێ، ل گه‌ل وه‌زيرێ دارايى ئاخڤتم وب من راگه‌هاند كو پشتى ب دووماهى هاتنا به‌لاڤكرنا مووچێ پێشمه‌رگه‌ى، دێ مووچێ خانه‌نشينان هێته‌ به‌لاڤكرن”.

گۆت ژى” هێشتا به‌لاڤكرنا مووچێ پێشمه‌رگه‌ى ب دووماهى نه‌هاتيه‌ وهيڤيدارين ب زووترين ده‌م مووچێ خانه‌نشينان بهێته‌ به‌لاڤكرن چونكى ده‌مه‌كێ درێژه‌ مووچێن خوه‌ وه‌نه‌گرتين”.

ئه‌ڤرۆنيوز:

ب مه‌ره‌ما ئه‌نجامدانا هژماره‌كا كۆمبوونان، شيره‌تكارێ جڤاتا ئاسايشا هه‌رێما كوردستانێ گه‌هشته‌ ئه‌مريكا.

ئه‌ڤرۆ پێنجشه‌مبى 22/2/2018، مه‌سرور بارزانى شيره‌تكارێ جڤاتا ئاسايشا هه‌رێما كوردستانێ گه‌هشته‌ ئه‌مريكا وكه‌نالێ كوردستان 24 به‌لاڤكر كو مه‌سرور بارزانى ل واشنتۆنا پايته‌ختێ ئه‌مريكا  ل گه‌ل مه‌زنه‌ به‌رپرسێن كۆچكا سپى وكونگرسێ ئه‌مريكى كۆمبيت.

ئەڤرۆ نیوز، نەوزاد هلۆری:

شرۆڤه‌كاره‌كێ سياسى دیاركر كو هاتنا هێزێن رژێما سووریێ بۆ ناڤا عەفرین ناچیتە دبازنا خیانەتێ‌ دا ژبەركو هەتا نها چو هێزەكا نیڤدەولەتی و هەرێمی پشتەڤانیا كانتۆنا عەفرینێ نەكریە و كورد نەچاربوون كو دناڤبەرا خراب و خرابتر ، خرابهەلبژێرن.

نەوزاد هێتوتی شرۆڤه‌كارێ سياسى و ماموستایێ‌ زانكۆیا سەلاحەددین ئەڤرۆ گۆت”هاتنا هێزێن رژێما سووریێ بۆ ناڤا كانتۆنا عەفرینێ‌ ناچیتە دبازنا خیانەتێ‌ دا ژبەركو هەتا نها وو هێزەكا نیڤدەولەتی و هەرێمی پشتەڤانیا كانتونا عەفرینێ‌ نەكریە و ئێدی هێزێن كوردی ل رۆژئاڤایێ‌ كوردستانێ‌ نەچار بوون بۆ پاراستنا عەفرینێ‌ دناڤبەرا خراب و خرابتر ، خراب هەلبژێرن”.

زێدەتر گۆت” هێزێن کوردی ل ڕوژئاڤایێ کوردستانێ بەرامبەر دو بژاردەیان دانە ، یان دڤێت دەڤەرێ رادەستی وان هێزێن گرۆپێن توندرەوێن ئیسلامی و تورکی بکەن  وهه‌كه‌ ئەڤ یەك دروست بۆ نەكو تنێ کانتۆنا عەفرینێ دا هێتە داگیرکرن، بەلکو دپلان و بەرنامێ تورکیا دایە کو نێزیکێ سێ ملیون عەرەبێن سوونە و تورکمان ل عەفرینێ ئاكنجى بكه‌ت و ل وی دەمی دا کارەساتێن گه‌له‌ك مەزن روو دەن و دەڤەر ب ئێکجاری بێتە دەڤەرەکا داگیركرى و تەعریب کری و تشتەك بناڤێ کوردستان نەدما  ، یان ژی دڤێیا بژاردا دویێ بکەن کو ئەو ژی رێکەفتنە ل گەل رژێما سووریێ، زێدەباری کو بژاردەیەکا خرابە ، بەلێ ئەڤ یەك نەچاریە، ژبەرکو هەر چ نەبیت دەڤەر وەکو تورکیا دخوازیت ناهێتە تەعریب کرن ، بەشار ئەسەد ئەڤە 50 سالە دەستهەڵاتێ ل دەڤەرێ دکەت بەلێ هەر وەکو دەڤەرەکا کوردستانی بوویە”.

website security
WP Facebook Auto Publish Powered By : XYZScripts.com