ئه‌ڤرۆ نیوز:
سروه عه‌بدولواحد په‌رله‌مانتارا گۆڕان ل په‌رله‌مانێ عیراقێ د دیداره‌كێ دا ل گه‌ل سكاى پرێس راگه‌هاند، ئه‌و بۆ خۆلا بهێت یا په‌رله‌مانێ عیراقێ خوه ل سه‌ر لیستا بزاڤا گۆران به‌ربژێر ناكه‌ت، به‌لكو دێ خوه ل سه‌ر لیستا سه‌ركه‌فتن یا حه‌یده‌ر عه‌بادى به‌ربژێر كه‌ت.
سروه‌یێ پابه‌ندبوونا خوه ب عیراقه‌كا ئێكگرتى دووپات كر و راگه‌هاندیه” ئه‌وا ل ده‌ف من گرنگ خزمه‌تكرنه ب عیراقه‌كا خودان ناسنامه‌كا نیشتیمانى یا ئێكگرتى”.
ئەڤرۆنیۆز، سالار دۆسكی:
بەرپرسێ پەیوەندی و راگەهاندنێ ل رێڤەبەریا بوردێ كارۆبارێن مرۆڤایەتی ل پارێزگەها دهۆكێ ئاشكراكر كو هژمارا رێكخراوێن هاریكاری پێشكێشی ئاوارە و پەنابەران كرین بەر ب كێمبوونێ دچن.
سالم سەعید بەرپرسێ پەیوەندی و راگەهاندنێ ل رێڤەبەریا بوردێ كارۆبارێن مرۆڤایەتی ل پارێزگەها دهۆكێ بۆ ئەڤرۆ نیۆز گۆت” رێكخراوێن هاریكاریا ئاوارا و پەنابەران دكەن كێم بووینە و هندەك ژی دبەردەوامن و پلان بۆ 2018 ژی هەنە”.
سالمی ئەو ژی دیاركرك كو پلان يێن هه‌ين بۆ پشتەڤانیا ئاواران وەكو نەخوه‌شخانە و قوتابخانە و رێ و پران و پاقژیێ و پرۆژێن خزمەتگوزاری.
گۆت ژی” دەمێ داعش ب دووماهی هاتی، پلان هەبوو كو ئاوارە ڤه‌گەرن جهێن خوە و چەندەك ژی ل ناحیا زومار و رەبیعە ڤەگەریان ،لێ پشتی هاتنا حەشدا شەعبی كاودان تێكچوون و هەتا نوكە ماینە و هه‌كه ل دووڤ ڤی دەستوداری بیت، دێ ئاوارە هەبن هەتا 2020ژی”.
سالمی رەخنە كۆنگرێ ئاڤەدانكرنا عیراقێ ل كوێتێ گرتن و ئاماژە كرە وێ چەندێ كو هەر بەحسێ ئاواران نەهاتیەكرن و بتنێ ل سەر ئاڤەدانیێ بوویە.
ئه‌ڤرۆنيوز:
شيره‌تكاره‌كێ سه‌رۆك بارزانى دياركر كو ئه‌و بزاڤێن هاتينه ئه‌نجامدان بۆ ژناڤبرنا هه‌رێما كوردستانێ پشتى ريفراندۆمێ، شكستن يا ئيناى.
هێمن هه‌ورامى، شيره‌تكارێ سه‌رۆك بارزانى وئه‌ندامێ سه‌ركردايه‌تيا پارتى ديموكراتى كوردستانى ل به‌رپه‌رێ خوه ل سه‌ر تۆرا جڤاكى يا تويته‌رى، به‌لاڤكر” داخوازنامه‌كا فه‌رمى هاتبوو ئاراسته‌كرن بۆ سه‌رۆك وه‌زيرێن هه‌رێما كوردستانێ نێچيرڤان بارزانى وشيره‌تكارێ جڤاتا ئاسايشا هه‌رێما كوردستانێ مه‌سرور بارزانى بۆ پشكداريێ دكۆنفرانسێ ميونشن يێ ئاسايشێ”.
زێده‌تر گۆت” نێچيرڤان بارزانى ومه‌سرور بارزانى دێ چه‌ندين كۆمبوونان ل گه‌ل شاندێن به‌رهه‌ڤبوويێن وى كۆنفرانسى ئه‌نجامده‌ن”.
دياركر ژى” ئه‌و بزاڤێن هاتينه ئه‌نجامدان پشتى ريفراندۆمێ بۆ ژناڤبرنا هه‌رێما كوردستانێ ودۆرپێچكرن وسزادانا ب كۆم يا خه‌لكێ هه‌رێمێ، شكه‌ستن ئينا”.
ئه‌ڤرۆنيوز:
رێڤه‌به‌ريا گه‌شتى يا گه‌شناسيێ وبيڤه‌له‌رزان ل هه‌رێما كوردستانێ د ئاگه‌هداريه‌كێ دا كو ئه‌ڤرۆ شه‌مبيێ 17/2/2018 به‌لاڤكرى، هوشداريێ ژ په‌يدابوونا له‌هيا بارانان ل چه‌نده ده‌ڤه‌ران دده‌ت.
رێڤه‌به‌ريا ناڤبرى دئاگه‌هداريه‌كێ دا كو دبه‌رپه‌رێ خوه يێ فه‌رمى ل سه‌ر تۆرا جڤاكى يا فه‌يسبووكى به‌لاڤكرى، دبێژيت”ژبه‌ر كاريگه‌ريا هه‌ردو نزمه پاله‌په‌ستۆيێن ده‌ريا سور وده‌ريا ناڤه‌راست ل سه‌ر هه‌رێما كوردستانێ كو هه‌تا نوكه ژى يا به‌رده‌وامه، ئه‌گه‌رێ روودانا له‌هيا بارانى ل هنده‌ك ده‌ڤه‌رێن هه‌رێما كوردستانێ يا هه‌ى”.
دياركر ژى” ئه‌و ده‌ڤه‌رێن ئه‌گه‌رێ په‌يدابوونا له‌هيا بارانێ لێ هه‌ى ده‌ڤه‌را ئيدارا گه‌رميان وده‌ڤه‌را راپه‌رينه ب تايبه‌تى دئه‌ڤ شه‌ڤه‌دا تاكو سپێده‌يا سوباهى ئێكشه‌مبى 18/2/2018″.
ئه‌ڤرۆينوز:
به‌رپرسه‌كێ وه‌زاره‌تا بازرگانى وپێشه‌سازى ل هه‌رێما كوردستانێ راگه‌هاند، برياره دڤێ حه‌فتيێ دا كێشا 30 مليار دينارێن گه‌نمێ جوتيارێن هه‌رێمێ يێن سالا 2016 چاره‌سه‌ر ببيت.
عه‌بدولره‌زاق ناوه‌نده‌يى، رێڤه‌به‌رێ گشتى ل وه‌زاره‌تا بازرگانى وپيشه‌سازى يا هه‌رێمێ گۆت” برياره دڤێ حه‌فتيێ دا كێشا وا 30 مليار دينارێن گه‌نمێ جوتيارێن هه‌رێما كوردستانێ چاره‌سه‌رببيت كو يا تايبه‌ته ب پارێ گه‌نمێ جوتيارێن هه‌ولێرێ بۆ سالا 2016″.
ناڤبرى زيده‌تر بۆ باسنيوزگۆت ژى”ل گه‌ل چاره‌سه‌ركرنا كێشێ كو په‌يوه‌ندى ب وه‌زاره‌تا بازرگانى يا عيراقێ ڤه هه‌يه، 30 مليار دينار دێ ل سه‌ر جوتياران هێته به‌لاڤكرن”.
ژئاليێ خوه‌ڤه نه‌وزاد ئه‌دهه‌م، ريڤه‌به‌رێ گشتيێ بازرگانى ل وه‌زاره‌تا بازرگانى وپێشه‌سازى راگه‌هاند” چاڤه‌رێ دهێته كرن ل چه‌ند رۆژێن داهاتى دا به‌غدا وى كوژمێ پاره‌ى ڤرێكه‌ت”.
دياركر” پێدڤيه پارێ گه‌نمێ جوتيارێن هه‌ولێرێ بۆ سالێن 2016 و2017 كو كوژمێ وى دبيته 41 مليار دينار بهێته هنارتن”.
دهێته زانين ل دستپێكا ڤێ هه‌يڤێ، حوكمه‌تا عيراقێ20 مليار دينارێن گه‌نمێ جوتيارێن پارێزگه‌ها سلێمانيێ و40 مليار دينارێن گه‌نمێ جوتيارێن پاريزگه‌ها دهۆكێ بۆ هه‌ردو سالێن 2016 و2017 هنارتبوونه هه‌رێما كوردستانێ ول سه‌ر جوتيارين وان هه‌ردو پارێزگه‌هان هاتبوونه به‌لاڤكرن.
ئه‌ڤرۆنيوز، سالار دۆسكى:
ئه‌ندامه‌كێ په‌رله‌مانێ كوردستانێ راگه‌هاند، كۆمبوونێن سه‌رۆك وه‌زيرێن هه‌رێما كوردستانێ ل گەل سەرۆك وەزیرێن عیراقێ ژئاليێ دبلوماسی ڤه گەلەك دگرنگن.
فه‌رسه‌ت سوفى، ئه‌ندامێ په‌رله‌مانێ كوردستانێ ژ فراكسيۆنا پارتى بۆ ئه‌ڤرۆ نيوز گۆت” كومبوونێن ل گەل حه‌يده‌ر عەبادی سه‌رۆك وه‌زرێن عيراقێ، دڤێت بەرهەم بۆ هه‌بيت و ئه‌م چاڤەرێی وێ چەندێ دكەین كو ڤان كۆمبوونان ئەنجامێن كريارى بۆ هه‌بن”.
ئه‌ڤرۆنيوز:
نوشداره‌كێ پشكا نەخوه‌شیا شەکرێ ل ئاکرێ دیارکر کو ب شێوەکێ گشتی نەخوه‌شیا شەکرێ بۆ چه‌ندين ئه‌گه‌ران دزڤريت كو ژ وان ئەگەران ژی قەلەوی یە، ھندەک کەس ژی یێن ھەین پشتی دەرمانان کاریگەری لێ دھێتەکرن تووشی نەخوه‌شیا شەکرێ دبن، ھەروەسا ترس و خەمباری، یان ژی روودانەکا نەچاڤەرێکری دبیت ب ڤان ئەگەران تووشی نەخوه‌شیا شەکرێ دبن.
حەردان ئەحمەد، نوشدار ل پشكا نەخوه‌شیا شەکرێ ل ئاکرێ بۆ نوش نيوز دياركر كو چه‌ندين جۆرێن نه‌خوه‌شيا شه‌كرێ يێن هه‌ين ئه‌وژى:
ئاماژه دا كو جۆرێ ئێکێ ژ ھەموویان مەترسيدارتر و خرابترە كو ئەڤ جۆرێ نه‌خوه‌شيا شه‌كرێ زارۆيان ڤەدگریت، چونکى ھەتا رۆژەك ژ ژیێ وی مایە، دێ ئەنسولینێ ب کارئینیت، کو ل ژیێ ئێك رۆژیێ ڤەدگریت ھەتا 25 ساليێ، پشتی ژیێ 20 سالیێ هه‌كه تووشی نەخوه‌شیا شەکرێ بوو، ئەو دبیتە جورەکێ دی. ھەروەسا جۆرێ دويێ چارەسەری حەبن و هه‌كه پێدڤی ئەنسولینێ بوو، وی دەمی دێ بو هێته دانان.
ل دۆر نيشانێن نه‌خوه‌شيا شه‌كرێ، نوشدار حه‌ردانى گۆت” گه‌له‌ك هاتنا ده‌ستئاڤێ د هه‌موو ژيانا وى كه‌سێ تووشى نه‌خوه‌شيێ بووى، زێده‌بارى هشكبوونا ده‌ڤى”.
سه‌باره‌ت كارتێكرنا خوارنێن شرین ل سەر ڤێ نەخوه‌شیێ، گۆت” ئەو کەسێ نەخوه‌شیا شەکرێ ھەبیت، نابیت شریناھیا بخوه‌ت، چونکى دێ کاریگەری ل سەر ھەبیت، لێ ئەو کەسێ نەخوه‌شیا شەکرێ نەبیت و یێ ئاسايی بیت، ھندی خوارنێن شریناھیان بخوه‌ت نابیتە ئەگەر کو نەخوه‌شیا شەکرێ بۆ پەیدا بیت، ئەوێ شەکر نەبیت ب پله‌يا 86 ھەتا 110ێ ئەڤە یێ ئاسايی یە، د هنده‌ك ره‌وشان دا دبیت بلندتر ببیت، لێ يا ده‌مكي يه، ناھێلیت بلند بیت، به‌لێ ئەو کەسێ شەکر ھەبیت، نابیت ب چ شێوەکێ وان تشتان بخوه‌ت کو شەکر تێدا بیت”.
دياركر ژى كو چارەسەریا ڤێ نەخوه‌شیێ ئەنسولین و حەبن، لێ چارەسەریا سەرەکى پارێزه ولڤينێن زێده ووه‌رزشكرن وخوه دووركرن ژ خورانێن بلندكرنا شه‌كرێ.
ل دۆر جۆرێن دى يێن چاره‌سه‌ريا نه‌خوه‌شيا شه‌كرى، ئاماژه ب ڤان جۆران كرن:
ئه‌ڤرۆنيوز:
ب هه‌لكه‌فتا 65 ساليا دامه‌زراندنا ئێكه‌تيا لاوێن ديموكراتا كوردستانێ، مه‌كته‌با سياسى يا پارتى ديموكراتى كوردستان برۆسكه‌كا پيرۆزباهيێ ئاراسته‌ى ئێكه‌تيا لاوان كر.
مه‌كته‌با سياسى يا پارتى د برۆسكا خوه دا دبێژيت” ئومێده‌وارين هه‌رده‌م دبه‌رده‌وام بن دكار وچالاكى وبزاڤێن خوه دا وسه‌ركه‌فتنا زێده‌تر بۆ ته‌خا لاوان بده‌ستڤه بينن”.
دياركر ژى” خه‌باتا به‌رده‌وام يا كاروانێ ئيكه‌تيا لاوان جهێ شانازيێ يه كو شياى رێكخراوه‌كا كاريگه‌ر وگرنگ وكۆمكه‌را هێز وشيانێن هه‌موو لاوێن كوردستانێ بيت وكار وچالاكيێن خوه زێده‌تر پێشڤه ببه‌ت وب ده‌هان كه‌سايه‌تى وسه‌ركرده وسياسه‌تمه‌دارێن ژێهاتى پێشكێشێ مه‌يدانا خه‌باتێ بكه‌ت”.
دبرۆسكا مه‌كته‌با سياسى يا پارتى دا هاتيه ژى”پێدڤيه ته‌خا لاوان مل ب ملێ ته‌خێن دى، هێز وشيان وهه‌موو بزاڤێن خوه بكاربينن بۆ خزمه‌تكرنا دۆزا ره‌وا يا گه‌لێ مه وپاراستنا ده‌ستكه‌فتان”.
خوياكر ژى” بێگومان ره‌وشائه‌ڤرۆ يا هه‌رێما كوردستانێ گه‌له‌ك يا هه‌ستيار وچاره‌نڤيسسازه، ئه‌ڤ چه‌نده ژى ژ هه‌موو لايه‌كى دخوازيت ب به‌رپرسيارانه ئه‌ركێن خوه يێن نه‌ته‌وى ونيشتمانى ئه‌نجام بده‌ين وژ پێخه‌مه‌ت به‌رژه‌وه‌نديێن بلند يێ گه‌ل ووه‌لاتێ مه خه‌مسارى دگيانفيدايێ وخه‌باتێ دا نه‌كه‌ن”.
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ راگه‌هاند، ره‌وشا ئه‌منى يا ده‌ڤه‌رێن داگيركرى گه‌له‌ك يا خرابه وحوكمه‌تا عيراقێ يا به‌رپرسياره ژ سه‌قامگيريا وان ده‌ڤه‌ران.
مه‌سرور بارزانى، شيره‌تكارێ جڤاتا ئاسايشا هه‌رێما كوردستانێ گۆت” پشكداريا مه د كۆربه‌ندێ نێڤده‌وله‌تى وێ رامانێ دده‌ت كو هه‌رێما كوردستانێ گرنگيا خوه دپرسا ئاسايشا نێڤده‌وله‌تى دا يا هه‌ى ب تايبه‌تى ئاسايشا ده‌ڤه‌را مه، نوكه جهێ روودانێن گه‌رمه”.
مه‌سرور بارزانى زێده‌تر بۆ باسنيوز گۆت” پشكداريا مه وده‌ربرينا بۆچوون وگوهدانا مه بۆ بۆچوونان ونێزيكبوون ورێكخستنا كارێ هه‌ڤپشكێ ئاسايشێ، هه‌موو دگرنگن، ئه‌وا پێدڤى بهێته كرن وهه‌ماهه‌نگيا ده‌زگه‌هێن ئه‌منى ل ئاستێ ده‌ڤه‌رێ ونێڤده‌وله‌تى بهێنه گرێدان”.
سه‌باره‌ت ره‌وشا ده‌ڤه‌رێن كوردستان يێن دبن ده‌ستهه‌لاتا هێزێن عيراقى ڤه، مه‌سرور بارزانى ئاشكراكر” ئه‌و ده‌ڤه‌رێن داگيركرى پشتى 16ئوكتۆبه‌رێ، ره‌وشا ئاسايشا وان گه‌له‌ك يا خراب بووى، ئاسايشا هه‌رێما كوردستانێ پێشتر ئه‌و ده‌ڤه‌ر دپاراستن، نوكه دده‌ستێ هه‌رێما كوردستانێ دا نه‌ماينه وحوكمه‌تێ عيراقێ يا به‌رپرسياره ژ هه‌ر تشته‌كێل وان ده‌ڤه‌ران روو بده‌ت”.
ل دۆر كۆمبوونا دناڤبه‌را شاندێ هه‌رێما كوردستانێ وحه‌يده‌ر عه‌بادى سه‌رۆك وه‌زيرێن عيراقێ ل ميونشين ل ئه‌لمانيا كو ئه‌ڤرۆ هاتيه ئه‌نجامدان، مه‌سرور بارزانى گۆت” بۆ چاره‌سه‌ركرنا كێشێن وه‌كو فرۆكخانه وبابه‌تێن مووچێ چه‌ند وه‌زاره‌تان كو حوكمه‌تێ دانوستاندن ل سه‌ر كرينه، پێشكه‌فتن يا هه‌ى وهنده‌ك سۆز يێن هه‌ين، به‌لێ هه‌تا نه‌هێنه بجهئينان، مرۆڤ نه‌شێت چو تشته‌كى ل دۆر وان سۆزان بێژيت”.
ئه‌ڤرۆنيوز:
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ ئاگه‌هداريه‌كێ بۆ هه‌موو شوفێران به‌لاڤ دكه‌ت وتێدا دبێژيت كو ئه‌ڤ شه‌ڤه دێ بارانه‌كا ب هێز ل چه‌ندين ده‌ڤه‌رێن هه‌ريما كوردستانێ باريت.
ريڤه‌به‌ريا ناڤبرى ئه‌ڤرۆ شه‌مبيێ 17/2/2018، ئاگه‌هداريه‌ك ل به‌رپه‌رێ خوه يێ فه‌رمى ل سه‌ر تۆرا جڤاكى يا فه‌يسبووكێ به‌لاڤكريه وتێدا به‌حسێ وێ چه‌ندێ دكه‌ت كو ژبه‌ر كێمبوونا ئاستێ بينينێ ژبه‌ر باران بارينا ب هێز كو چاڤه‌رێ يه ئه‌ڤ شه‌ڤه روو بده‌ت، داخواز ژ شوفێران دكه‌ين خوه ژ لێخۆرينا ترومبێلێ ئاگه‌هدار دكه‌ين ب تايبه‌تى ل رێيێن ده‌ره‌كى بۆ سلامه‌تيا گيانێ وان.
نيشاندان