NO IORG
Facebook

655

ئەڤرۆ نیوز ، زنار تۆڤی :

رێكخراوەکا نێڤده‌‌وله‌‌تی ناڤێ وان وەلاتان بەلاڤە کریە ‌‌،یێن کو ل سالا 2017 به‌‌خته‌‌وه‌‌رترین ژیان هه‌‌بوویه‌‌ و كێمترین كێشه‌‌ هاتینه‌‌ دناڤ ژیانا وەلاتیێن وان دا.

ل دووڤ وێ بیۆگرافییا د گالۆب ئینته‌‌رنەشنال دا هاتیە بەلاڤکرن،رێژه‌‌یا خۆشبه‌‌ختیێ ب‌‌ گشتی ب سه‌‌ر 55 وەلاتاندا دابه‌‌ش بوویه‌‌ ل سالا بوری ، ل هەیڤا كانوونا ئێکێ یا سالا 2017 ب‌‌ ته‌مامی ئامار هاتینە كۆمکرن،کو راپرسی ژ زێدەتر‌‌ی‌‌ 54 هزار كه‌‌سان هاتیە وه‌‌رگرتن، هه‌‌ر كه‌‌سەکێ‌ ب شێوه‌‌کێ پێناسا خۆشبه‌‌ختیێ د سالا بوریدا كریە.

هەروەسا % 59 ژ وان كه‌‌سێن ده‌‌نگێ خوە داین، خوە ب خۆشبه‌‌خت دزانن،کو ئەڤەژی 10 پله‌یان ژ رێژا خۆشبه‌‌ختیا سالا بوری كێمتره‌‌،دیسا %28 ژ وان ژی ئاماژه‌‌ ب هندێ دایە،کو وان‌‌ هیچ هه‌‌ست ب دلخۆشیێ یان خه‌‌مباریێ نه‌‌كریه‌‌، هه‌‌روه‌‌سا جۆداهی دناڤبەرا كارڤەدانا خه‌‌لکێ به‌‌رامبه‌‌ر دلخۆشی و خه‌‌مباریێ ب گشتی ب‌‌ 48 پلەیان یا‌‌ جۆدا بوو.

ئه‌‌نجامێن وێ راپرسیا هاتینە وەرگرتن ب ڤی رەنگی‌‌ بوو:
ئێکەم: وەلاتێ فیجی 92 پله‌‌ ب ‌‌ده‌‌ستڤە ئینا.
دویە‌‌م: وەلاتێ كۆلۆمبیا 87 پله‌ ب ‌‌ده‌‌ستڤە ئینا.
سێیه‌‌م: وەلاتێ فلیپینێ 84 پله‌‌ ب ‌‌ده‌‌ستڤە ئینا.

ب رەنگەکێ گشتی، ئەڤ وەلاتە ب‌‌ به‌‌خته‌‌وه‌‌رترین وەلاتێن جیهانێ هاتنە دانان:

ڤیەتنام، پاپوا گینیا، ئه‌‌نده‌‌نوسیا، هندستان، مه‌‌كسیك، ئه‌‌رجه‌‌نتین، ئه‌‌كوادۆر و پێرۆ.

خه‌‌مبارترین وەڵاتێن جیهانێ کو کێمترین پله‌‌ ب ده‌‌ستڤه ئینایە، ئه‌‌ڤە بوون:
ئیران،ب تنێ پێنج پله‌‌یێن خۆشبه‌‌ختیێ تێدا ب ده‌‌ستڤە هاتینە،پشتی وێ عێراقێ حه‌‌فت پله‌‌ وه‌‌رگرتینە،ل دووڤ دا ئۆكرانیا هه‌‌شت پله‌‌ ب ده‌‌ست خستینە.

پێشبینیێن خه‌‌لکێ بۆ سالا 2018 ب ڤی رەنگی‌‌ بوون:
40% وەسا دیارکریە کو دێ بیتە سالەکا خۆشبه‌‌ختیێ و 23% ژی گوتیە دێ خرابتر بیت ژ سالا بوری،هەروەسا 32% گوتیە كو دێ‌‌ وه‌‌ك سالا 2017 بیت و 6% ژی گوتیە ئەم نزانین دێ یا چاوا بیت.

Screenshot_٢٠١٨-٠٢-١٦-١٩-٥٥-١٦-1-1-1

ئه‌ڤرۆنيوز:

جڤاتا وه‌زيرێن هه‌رێما كوردستانێ هه‌موو وان مووچه‌خۆرێن ژ ئه‌گه‌رێ تۆمارنه‌كرنا وان دسيسته‌مێ بايۆمه‌ترى دا ول هه‌يڤێن (8 و9و10) مووچه‌ وه‌رنه‌گرتى، پشت راست دكه‌ت، سكرتێرێ رۆژنامه‌ڤانيێ جێگرێ سه‌رۆكێ حوكمه‌تێ ژى رادگه‌هينيت كو جڤاتا وه‌زيران رازيبوون ل سه‌ر تۆماركرنا ليستا وان فه‌رمانبه‌ران كريه‌ كو پێشتر نه‌هاتينه‌ تۆماركرن.

سه‌مير هه‌ورامى سكرتێرێ رۆژنامه‌ڤانيێ جێگرێ سه‌رۆك وه‌زيرێن هه‌رێما كوردستانێ گۆت”پشكه‌كا مووچه‌خۆران ل گه‌له‌ك وه‌زاره‌تان، خوه‌ دسيسته‌مێ بايۆمه‌ترى دا تۆمار نه‌كريه‌، هه‌كه‌ ناڤێن وان ژئاليێ وه‌زاره‌تێن وان ڤه‌ بۆ جڤاتا وه‌زيران هاتبيته‌ بلندكرن، ب پشت راستى ڤه‌ ژئاليێ لژنا بلندا بايۆمه‌ترى ل جڤاتا وه‌زيران رازيبوون ل سه‌ر ناڤێن وان يا هاتيه‌ كرن”.

ناڤبرى دداخۆيانيه‌كا رۆژنامه‌ڤانى دا بۆ SNN  گۆت ژى” ئه‌و كه‌سێن مووچێن وان هاتينه‌ راگرتن ژبه‌ر تۆمارنه‌كرنا وان دسيسته‌مێ بايۆمه‌ترى دا، مافێ وان نا فه‌وتيت وهه‌موو ئه‌و مووچێن بۆ نه‌هاتينه‌ دان، دێ بۆ هێنه‌ مه‌زاختن”.

دياركر”بۆ مه‌زاختنا مووچێ وان فه‌رمانبه‌رێن كو ژبه‌ر تۆمارنه‌كرنا وان دسيسته‌مێ بايۆمه‌ترى دا، مووچێن وان يێن چه‌ند هه‌يڤان هاتيه‌ راوه‌ستاندن، پێدڤيه‌ وه‌زاره‌تا دارايى ل هه‌رێمێ ميكانيزمه‌كێ دانيت وبشێت مووچێن وان بده‌ت ووان پشت راست دكه‌ين كو مافێ وان نا فه‌وتيت”.

ئه‌ڤرۆنيوز:

نوونه‌رێ سه‌رۆكێ ئه‌مريكا بۆ هه‌ڤپه‌يمانيا نێڤده‌وله‌تى يا دژى داعشێ ل گه‌ل شاندێ هه‌رێما كوردستانێ ل كۆنگرێ نێڤده‌وله‌تى يێ ئاڤه‌دانكرنا عيراقێ ل كوێتێ كۆمبوو وراگه‌هاند، ئه‌مريكا پشته‌ڤانيێ ل كوردستانه‌كا ب هێز وئێكگرتى دچارچۆڤێ عيراقێ دا دكه‌ت.

برێت ماكگۆرك، نوونه‌رێ سه‌رۆكێ ئه‌مريكا بۆ هه‌ڤپه‌يمانيا نێڤده‌وله‌تى يا دژى داعشێ، دبه‌رپه‌رێ خوه‌ ل سه‌ر تۆرا جڤاكى يا تويته‌رى گۆت” خوه‌شحالم ب كۆمبوونێ ل گه‌ل پارێزگه‌رێن هه‌ولێرێ وسلێمانيێ، هه‌روه‌سا وه‌زيرێ پلاندانانێ ل حوكمه‌تا هه‌رێما كوردستانێ، كو هه‌موو وه‌كو پشكه‌ك ژ شاندێ عيراقێ ب سه‌رۆكاتيا سه‌رۆك وه‌زيران حه‌يده‌ر عه‌بادى ل كوێتێ بوون”.

گۆت ژى” ئه‌مريكا پشته‌ڤانيێ ل هه‌رێما كوردستانه‌كا ب هێز، سه‌ركه‌فتى وئێكگرتى دچارچۆڤێ عيراقه‌كا ئێكگرتى وفيدرال دا دكه‌ت”.

99999

ئه‌ڤرۆنيوز:

سه‌رۆكاتيا ئه‌ركانێن له‌شكرێ توركى كه‌فتنا فرۆكه‌كا مه‌شقكرنێ يا له‌شكرى ل ويلايه‌تا ئه‌زمير ل رۆژئاڤايێ توركيا راگه‌هاند.

 پشكا عه‌ره‌بى يێ مالپه‌رێ يه‌نى شه‌فه‌ق يێ توركى به‌لاڤكر” سه‌رۆكاتيا ئه‌ركانێن له‌شكرێ توركى دبه‌ياننامه‌كێ دا دياركر كو ئه‌و فرۆكه‌ ل بنگه‌هه‌كێ هێزێن ئه‌سمانى يێن توركى ل ئه‌زميرێ كه‌فت و دئه‌نجامدا هه‌ردو فرۆكه‌ڤانێن وێ هاتن كوشتن”.

ئه‌ڤرۆنيوز:

رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ به‌لاڤكر كو ئه‌ڤرۆ ل دهۆكێ بارانه‌ ب تايبه‌تى ل ده‌مێ ئێڤارى.

رێڤه‌به‌ريا ناڤبرى پێشبينيێ دكه‌ت سوباهى شه‌مبيێ 17/2/2018  بارانه‌كا ب هێز ل دهۆكێ بباريت.

27867807_1004059883077369_8142535115528581848_n

253

ئەڤرۆ نیوز ، زنار تۆڤی :

سەرۆکێ یانا ریال مەدرید یا ئیسپانی فلۆرێنتینۆ پیرێزی گۆژمەکێ خەیالی بۆ کرینا یاریکەرێ وێ یانێ ئەسینسیۆی دایانە،پشتی کو شیای ئاستەکێ نموونەیی ل گەل یانا شاهانە نیشان بدەت،هەروەسا پیرێزی دیارکریە،کو هه‌ر یانه‌کا داخوازا کرینا ئەسێنسیۆی بکەت پێدڤیه‌ ٧٠٠ ملیۆن یۆرۆ یان بدەتە یانا ریال مەدرید.

ئەڤرۆ نیوز ، زنار تۆڤی :

راوێژکارەکێ سەرۆک کۆمارێ عێراقێ دیارکر،د کۆمبوونا دوهی یا جڤاتا وەزیرێن عێراقێ بەحس ل هنارتنا مووچەی هاتیە کرن و سەرۆک وەزیران گوتیە :بەری ب دوماهی هاتنا هووربینیێ د لیستا مووچەیێ هەردو وەزارەتێن ساخلەمیێ و پەروەردێ دێ مووچێ هەیڤەکێ خەرج کەم.
عەبدوللا عەلیاوەیی، راوێژکارێ سەرۆکاتیا کۆمارا عیراقێ ئەڤرۆ 16 شواتێ دیارکریە :کو دوهی کۆمبوونا جڤاتا وەزیرێن عێراقێ بوو،ئەز ژی وەک راوێژکارێ سەرۆکاتیا کۆماری بەشدارى وێ کۆمبوونێ ب بووم،د وێ کۆمبوونێدا بەحسێ هنارتنا مووچێ فەرمانبه‌رێن هەرێمێ هاتیە کرن.
گوتیە ژی،د وێ کۆمبوونێدا سەرۆک وەزیران گوتیه،هەتا نوکە پرۆسا هووربینیێ د مووچێ فەرمانبەرێن پەروەردێ و ساخلەمیێ دا ب دوماهی نەهاتیە،دەم ژی دڤێت،لێ بەری تەمامبوونا هووربینیێ،دێ مووچێ هەیڤەکێ یێ هەردوو وەزارەتان خەرجکەم.
راوێژكارێ سه‌رۆكاتیا كۆمارێ عێراقێ گوت ژی، سەرۆک وەزیران دیارکریە، هەر دەمێ هووربینى تەمامبوو،دێ ئاخفتنا دوماهیێ کەین ل سەر هنارتنا مووچەی،هەروەسا گوتیە،ژ ئاخفتنێن سەرۆک وەزیران دیاربوو،کو ل ڤان نێزیکان دێ مووچێ هەیڤەکێ یێ هەردو وەزارەتان هێتە خەرجکرن.

ئەڤرۆ نیوز ، زنار تۆڤی :

پشتی کو سەرۆک کۆمارێ تورکیا و وەزیرێ دەرڤە یێ ئەمریکا کۆمبووین،‌میدیایێن توركی ناڤەرۆکا كۆمبوونا وان ئاشكرا كریە.
د‌ كۆمبوونا وه‌زیرێ ده‌رڤە یێ ئه‌مریكا و سه‌رۆك كۆمارێ توركیا بەحسێ‌ بارودۆخێ نافخۆ یێ سوریا و چه‌ند پرسێن گرنگ یێن ڤێ دەڤەرێ ب رژدى كرینه‌.
د وێ كۆمبوونێدا ئەردۆغانێ سەرۆک کۆمارێ تورکیا، ئەو تشتێ تورک چاڤەرێ گەهاندینە تیلەرسنێ وەزیرێ دەرڤە یێ ئەمریکا، ئه‌و ژی ئاشكرا کریه‌ کو د وێ كۆمبوونێدا ب‌ هیچ شێوه‌کێ بەحسێ رەوشا عه‌فرینێ و رۆژئاڤایێ كوردستانى نەهاتیە كرن‌.
تیلەرسنی و ئه‌ردۆغانی زێدەتر مه‌به‌ستا وان ئەو بوو،کو بەحسێ‌ روودانێن سوریا و عێراقێ و پرسا بەرهنگاربوونا تیرۆرێ و پەیوەندیێن دوو قۆلی بكه‌ن.
د دەمەکێ‌ دا پێشتر جیم ماتیس، وەزیرێ بەرەڤانیا ئەمریكا راگەهاندبوو،کو دێ گفتوگۆیێن وان ل گەل توركیا راشكاوانە بن و دێ هانا وی وەلاتی دەن،کو سەرنجا وان ل سەر شەرێ داعشێ بیت.

ئه‌ڤرۆ نیوز:
بینالی یلدرم، سه‌رۆكوه‌زیرێن توركیا ئه‌ڤرۆ د گه‌ل ئه‌نگێلا مێركل، شیره‌تكارا ئه‌لمانیا دا ل به‌رلین پرێسكۆنفرانسه‌ك ساز كر، لێ یلدرم پێشبینی نه‌دكر كو رۆژنامه‌ڤانه‌ك وی بئێخته‌ ره‌وشه‌كا نه‌خۆش دا.
رۆژنامه‌ڤانه‌كێ كورد ل پرێسكۆنفرانسی ئاماده‌بوو و وێنه‌یێن سڤیلێن ژبه‌ر هێرشا توركیا ل عه‌فرینێ گیانێ خوه‌ ژده‌ست دای ئینانه‌ ده‌ر و نیشانى یلدرم و مێركل و ئاماده‌بوویان دا، وه‌ك د ده‌ربرینێن وى دا دیاربووی یلدرم ژ وێ ره‌وشێ تۆره‌ بوو و گۆت: ئه‌و وێنه‌ یێن هنده‌ك جهێن دی نه‌، پرۆپاگنده‌یان ل ڤێره‌ نه‌كه‌.”
رۆژنامه‌ڤان ئارمانج عه‌گید نێروه‌ى، كورێ باژێرێ دهۆكێ يه‌ و نوكه‌ په‌يامنێرێ باس نيوسه‌ ل ئوروپا، ژ شیره‌تكارا ئه‌لمانیا پرسی بۆچى ئه‌و چه‌كى ب توركیا دفرۆشن د ده‌مه‌كی دا توركیا سڤیلان ل عه‌فرینێ دكوژیت.

 

ئه‌ڤرۆ نيوز:

ئه‌ڤرۆ رێكس تیله‌رسن  وه‌زيرێ ده‌رڤه‌يێ ئه‌مريكا ل گه‌ل ره‌جه‌ب ته‌يب ئه‌ردوگان سه‌رۆك كومارێ توركيا كوم بوو و پتر ژ 3 ده‌مژمێران كومبوونا وان ڤه‌كێشايه‌، ل دووڤ راگه‌هاندنا توركى هه‌ردوئاليان به‌حسێ عه‌فرين و منبجێ كرينه‌ ،هه‌روه‌سا به‌حسێ په‌يوه‌نديێن ئه‌نقه‌ره‌ و واشنتون كرينه‌،

برياره‌ سوبه‌ رێكس تیله‌رسن  ل گه‌ل وه‌زيرێ ده‌رڤه‌يێ توركيا كوم ببيت.

 

website security
WP Facebook Auto Publish Powered By : XYZScripts.com