ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دیارکر:ئەڤرۆ د روودانەکا ترافیکێ دا تانکەرەک وەرگەریایە و زیانێن ماددی گەهشتینه وێ ترۆمبێلێ.
ناڤهاتی ئەو یەک ژی دا دیارکرن:ئەڤرۆ دوشەمبی 12.2.2018 لە سەر رێیا سەرەکی یا دناڤبەرا قەزا بەردەرەش و ناحیا کەلەک و ل نێزیک گوندێ گردەپانێ روودانەک ژ جۆری وەرگەریان دروست بوویه و شوفێرێ وێ ترۆمبیلی بریندار بوویە هاتیە رەوانەکرن بو نەخۆشخانێ.
ئەڤرۆ نیوز ، زنار :
پەیوەندیا هەڤژینیێ جوانترین په‌یوه‌ندیه د جیهانێدا، ب مه‌رجه‌کێ ل سه‌ر بنه‌مایێن قانوونی و مرۆڤایەتیێ بچن و حەز ژێکرن و رێزگرتن دناڤبەرا وان دا هەبیت.
زەلام هه‌موو دەما حه‌ز دكهن ل گه‌ل ژنێن خوە ب هێز ده‌ركه‌ڤن و خوە ب سه‌پینن ب سه‌ر هه‌موو ژیانا وان دا، ل گه‌ل هندێ ئه‌ڤ تایبه‌تمه‌ندیه ل دەف هندەک زەلامان جۆداترە ژ ئێکێ دیتر، به‌لێ ب شێوه‌کێ گشتی ل دەف هه‌موو زەلامان و ل دووڤ رەفتارێن وی ئه‌ڤ تایبه‌تمه‌ندیه دهێته دیتن.
مالپه‌رێ سه‌یده‌تی کرێتترین و نەشرینترین ئەو رەفتار بەلاڤە كرینه،یێن کو زەلام هەمبەری ژنێن خوە ئه‌نجام دده‌ن:
. وه‌ك كه‌ره‌سته‌کێ مامه‌لێ ل گه‌ل دکەت نه‌وه‌ك مرۆڤ،ل دەف وی ئەوا گرنگە کو گورە و جلکێن وی بۆ بشوت،هەروەسا جلێن وی بۆ ئوتی بكەت و نانی بۆ ئاماده بكەت،ل دەف وی یا گرنگ نینە،کو وەک ژنەک ئەو گرنگیێ پێ بدەت.
. چو دەمان بۆ ته‌رخان ناكەت،د دابه‌شكرنا دەمێن رۆژانه‌دا، هه‌موو خه‌یالێن وی ل دەف وی نە و ئەو به‌رنامێ ژیانێ دا درێژیت،یاکو وی دڤێت،نە یا هەڤژینا وی.
. ده‌ست ب سه‌ردا دگریت، ده‌ست ب سه‌ردا گرتن ژی ژ روویێ فسیۆلۆجی و ده‌روونی ڤە كارتێکرنێ ل مرۆڤی دکەت،ئەڤە وە دکەت کو هەڤژینا وی هه‌ست پێ بكەت کو كۆیله‌یه،هەمبەری زەلامی و نە وەکو هەڤژینە ل گەل.
. ب بێ رێزی ل گەل د ئاخڤیت،گەلەک ژ زەلامان گەلەک ب بێ رێزی مامه‌لێ ل گەل ژنێن خوە دكهن و ب زمانەکێ زڤر و نەشرین،ب تنێ ژی دناڤا خەلکێ ژیدا ئاخفتنان دبێژنێ.
. چو جارا هاریکاریا هەڤژینا خوە ناکەت د کارێن مالێدا، وەسا هزر دکەت،کو کارێ مالێ ب تنێ ل سەر ملێن ژنانە و ئەرکێ وێ یە هەموو کاران بکەت،وەساهزر دکەت ژی کو کارێ ناڤمالێ وی کێم دکەت.
. خیانه‌تێ دکەت و ل دووڤ دا درەوان ژی، ئه‌ڤە ژی کرێتترین رەفتارێن زەلامانە،لێ هه‌ر دەمێ گه‌هشته ڤی بارودۆخی،پێدڤیە ژنێ كارڤەدانەکا تۆند هەمبەری وی هەبیت و سۆزا چاكبوونا بلەز ژێ وه‌رگریت،یان ژی وان مافان ژێ وه‌رگریت،یێن کو وێ دڤێن.
ئەڤرۆ نیوز ، تۆڤی:
ل یاریگەها ئه‌نقه‌ره كۆنگرێ سیێ یێ ئاسایی یێ هه‌ده‌پێ تێدا برێڤه‌چوو، ھەڤسەرۆکێن نوو یێن ھەدەپێ هاتنە ھەلبژارتن.
ھەر ئێک ژ پەرلەمانتارێن ھەدەپێ ل کۆنگرێ وێ حزبێ پەروین بوڵدان و سەزای تەمەلی،ب ھەڤسەرۆکێن نوو یێن وێ پارتیێ هاتنە ھەلبژارتن.
کۆنگرێ ھەدەپێ ب بەشداریا زێدەتر ژ 30 ھزار ئەندامێن وێ برێڤەچوو ،د سێیەم کۆنگرێ خوە یێ ئاسایدا، دو کەس ب ھەڤسەرۆکێن نوو یێن وێ پارتیێ هاتنە دانان، ئەو ژی پشتی کو سەلاحەدین دەمیرتاشی د زیندانێدا راگەهاندی،هەکە بهێتە ئازادکرن ژی خوە بۆ پۆستێ هەڤسەرۆکی کاندید ناکەت.
هەدەپە پارتەکا سیاسیە تورکیا،ئەڤ پارتیە ل 15 چریا ئێکێ ل 2012 ل ئەنقەرە هاتیە دامەزراندن.
ئەڤرۆ نیوز ، زنار تۆڤی :
هەکە ل جهێ کارێ خوە تۆ تووشی چه‌ندین كێشێن جۆدا بووی،وێ چەندێ بزانه کو هۆكار بۆ هندەک خەلەتیێن رۆژانه یێن تە ڤەد‌گه‌رن،کو تۆ نەشیایە وان خەلەتیان بهێلی،لەورا دێ ئەو خەلەتی وەکەن کو تۆ هه‌ست ب شكەستنێ بكه‌ی.
بۆ هندێ کو تۆ ل جهێ کارێ خوە ب سەربلندی بمینی،خوە ب تشتێن بێ رامانڤە مژۆل نەکە،خوە ژ وان کاران دوور بکە.
. دەمێ تۆ دچیە کاری،بلا تە پلانەکا پێشوه‌خت هه‌بیت،داکو تۆ ل وێرێ تووشی بێزاربوونێ نەبی،چونکی كاركرنا بێ پلان دێ تە تووشی شكەستنێ کەت.
.ل گەل هەڤالێن خوە ب رێز ڤە ره‌فتارێ بكه،بزاڤێ بکە وان بێزار نه‌كه‌ی،بۆ هندێ هەتاکو تۆ ل سه‌ر كارێ خوە دمینی،چو کەس چاڤەرێی چوونا تە نەکەت و تە بێ تاقەت نه‌كه‌ن.
. براده‌ر و هەڤالێن خو ژ ئێک جۆدا بکە، ئه‌وێن ل وێرێ ل گەل تە كار دكهن،ب تنێ بۆ کاری وان دنیاسی،پێدڤی ناکەت كێشێن خێزانی یان یێن خوە و هەڤژینا خوە بۆ بەحس بكه‌ی، چونكی پشتی هنگێ دێ ئاریشە بۆ تە دروست بن و دێ ژێ په‌شیمان بی.
. ئاریشێن مال ل گه‌ل خوە نەبە جهێ کارێ خوە، چونكی ئه‌ڤ تێكه‌لكرنه دێ مێشكێ تە ئالۆز کەت،دیسا دێ ئاریشێن مال ل سه‌ر تە گرانتر لێ کەت، هه‌م ژی دێ ل سەر کارێ خوە شکەستنێ ئینی،لەورا باشتره هه‌ر تشته‌کێ ل دەم و جهێ وی گرنگیێ پێ بدەی.
. تشتەکێ نەکە کو د شیانێن تەدا نەبیت، هه‌موو كه‌س حه‌ز دکەن ل جهێ کارێ خوە یێ لێهاتی بیت و رۆژانه فێری تشتێ نوو ببیت،به‌لێ ل دەمێ بۆ خوە ده‌رخستنێ كارەکێ دکەی و ب تە ناهێتە کرن، یان ژی دشیانێن سروشتێ تەدا نینه،ئەڤە دێ تە بێ هیڤی کەت و كارێن تە یێن باش ژی یێن بەری هنگێ تە کرین،ل بەر چاڤان نامینن.
. خوە شارەزا نەکە و خوە ب هەڤالێن خوە هەڤبەر نەكه، هه‌موو گاڤا وەسا ره‌فتارێ بكه،کو ئه‌و جهێ تۆ كار لێ دكه‌ی، مولکێ تەیە و پێدڤی ب هندێ نینه،خۆ ب سه‌ر هیچ كه‌سەكێدا مەزن بكه‌ی،یان هزر ل هندێ بكه‌ی،کا كی گەلەک کار دکەت و كی کار ناکەت، ئه‌ڤە ژ بلی هندێ مێشكێ تە ئالۆز دكهن، چونكی رێڤەبەرێ تە وان تشتان دبینیت و پێدڤی ب ئینان و برنا گوتنێن تە نینە.
ئه‌ڤرۆ نیوز،بارزان مزوورى:
به‌درخان حه‌جى، برایێ وى كه‌سێ ئه‌ڤ پارچا به‌رى دیتى بۆ ئه‌ڤرۆ نیوز ئاشكرا كر، كو ئه‌ڤرۆ ئیڤارى 11/2/2018 برایێ من دگه‌ل هه‌ڤالێن خوە بۆ مه‌ره‌ما گه‌شتكرنێ سه‌ره‌دانا سه‌رێ چیایێ سالا كربوو ل ده‌ڤه‌را ئاكرێ،لێ پارچه‌كا به‌ری دبینن وه‌كو شینوارێ سامەرا حه‌فت قاتا پێك دهێت درێژاهیا وى 10 سه‌نتیمه و پانیا وى 8 سه‌نتیمه ب شێوازه‌كێ شینوارى دهێتە دیتن.
ناڤبرى دیار كر ژی، كو ئه‌و پارچه‌یا به‌رى وه‌كو شینوارێ سامەرایه ئه‌وێ ب حه‌فت قاتا پێك دهێت ده‌مێ مروڤ سه‌حدكه‌تێ سه‌رنجا مرۆڤى رادكێشیت و نها ئه‌و پارچا به‌رى ل دەف من یا پاراستیە.
ئه‌ڤرۆنيوز:
برياره ل حه‌فتيا بهێت، نێچيرڤان بارزانى سه‌رۆك وه‌زيرێن هه‌رێما كوردستانێ سه‌ره‌دانا وه‌لاتێ ئه‌لمانيا بكه‌ت.
كونسۆلخانا ئه‌لمانيا ل سه‌ر به‌رپه‌رێ خوه ل تويته‌رى به‌لاڤكر” ئۆرزولا فۆن دێرلاين وه‌زيرا به‌رگريا ئه‌لمانيا سه‌ره‌دانا شيرةتكارێن ئه‌لمانيا وبنگه‌هه‌كێ مه‌شق ونه‌خوه‌شخانه‌كا تايبه‌ت ب پێشمه‌رگه‌ى ل هه‌ولێرێ كر كر ويا خوه‌شحاله ل هه‌فتيا داهاتى ل ميۆنشن ل گه‌ل نێچيرڤان بارزانى سه‌رۆك وه‌زيرێن هه‌رێما كوردستانێ كۆمببيت”.
ئه‌ڤرۆ نیوز ، نه‌وزاد هلۆرى:
به‌رى ده‌مه‌كى گه‌نجه‌كێ ل گونده‌كێ سه‌ر ب قه‌زا به‌رده‌ره‌ش ڤه ل سنوورێ پارێزگه‌ها دهۆكێ ژ به‌ر ئه‌گه‌ره‌كێ نه‌دیار، ب پارچه‌كا په‌رۆكى خوه خه‌ندقاند.
عه‌قید (زه‌كى كوچه‌ر) رێڤه‌به‌رێ پۆلیسێن به‌رده‌ره‌ش بۆ ئه‌ڤرۆ نیوز گۆت” ئێڤاره دره‌نگى یا ئه‌ڤرۆ، گه‌نجه‌كێ گوندێ (قادسیه) یيێ سه‌ر ب قه‌زا به‌رده‌ره‌شێ ڤه، ب پارچه‌كا په‌رۆكى خوه خه‌ندقاند “
زێده‌تر گۆت” ژیێ وى گه‌نجى 25 سال بوون و هه‌تا نها ئه‌گه‌رێ خوه خه‌ندقاندنا وى يێ دیار نینه ، به‌لێ پۆلیسێن به‌رده‌ره‌ش يێ دووڤچوونێ ل سه‌ر روودانێ دكهن بۆ زانینا ئه‌گه‌ران”.
جهێ ئاماژه‌پێكرنێ یه كو دوهى ژى گه‌نجه‌كێ ل سه‌نته‌رێ قه‌زا به‌رده‌ره‌ش ب گوله‌يه‌كێ خوه كوشت و پێر ژى چه‌ند كه‌سه‌كان ته‌قه ل ماموستایه‌كێ كربوو و ب دژوارى برینداركربوو.
ئه‌ڤرۆنيوز:
ده‌زگه‌هێن راگه‌هاندنێ ل ئيسرائيلێ به‌لاڤكرن كو بنيامين ناتانياهۆ سه‌رۆك وه‌زيرێن ئيسرائيلێ ژده‌ستپێكا روودانێن ئه‌ڤرۆ يێ مژوولێ دانوستاندن وكۆمبوونێن ئه‌منى يه، هه‌روه‌سا ئيمزار ل سه‌ر به‌رده‌وامبوونا ئۆپه‌راسيۆنێن له‌شكرى كر كو له‌شكرێ ئيسرائيلێ ل سووريێ ئه‌نجام دده‌ت.
راگه‌هاندنا ئيسرائيلێ ئاماژه ب وێ چه‌ندێ دده‌ت كو فه‌رماندێن له‌شكرێ ئيسرائيلى ب به‌رده‌وامى هوورده‌كاريێن ئۆپه‌راسيۆنان ب سه‌رۆك وه‌زيرێن ئيسرائيلێ رادگه‌هينن وناتانياهۆ ب هوورى چاڤدێريا ره‌وشێ دكه‌ت.
ژلايێ خوه‌ڤه ئه‌ندامێن جڤاتا بچووككرى يا وه‌زيران بۆ كاروبارێن سياسى وئه‌منى كۆمبووينه بۆ به‌حسكرنا روودانێن ئه‌ڤرۆ.
په‌يامنێرێ كه‌نالێ روسيا تو ده‌ى يێ رووسى ل ته‌ل ئه‌بيب پايته‌ختا ئيسرائيلێ راگه‌هاند كو ئيسرائيلێ بياڤێ ئه‌سمانى ل باكوورێ ئيسرائيلێ يێ داخستى، هه‌ڤده‌م له‌شكرێ ئيسرائيلێ راگه‌هاند كو هێرش يا كريه سه‌ر 3 بنگه‌هێن به‌رگريا ئه‌سمانى يا سوورى وچار ئارمانجێن سه‌ر ب ئيرانێ ڤه ل ئاخا سووريێ وله‌شكرێ ئيسرائيلێ يێ دحاله‌تا ئاماده‌باشيا تمام دا بۆ هه‌ر سيناريۆيه‌كێ ودێ دلڤينێن به‌رده‌وام دابيت.
ئه‌ڤرۆنيوز:
وه‌زاره‌تا به‌رگريا ئه‌مريكى دانپێدان كر كو گرۆپێن حه‌شدا شه‌عبى چه‌كێن ئه‌مريكى ژوان ژى تانكێن ئه‌برامز يێن تايبه‌ت ب له‌شكرێ عيراقێ ڤه، دژى كوردان بكارئيناينه.
ئه‌ريك باهۆن، په‌يڤدارێ وه‌زاره‌تا به‌رگريا ئه‌مريكى راگه‌هاند” تانكێن ژجۆرێ (ئه‌برامز ئێم 1) بۆ حوكمه‌تا عيراقێ يێن هاتينه فرۆتن د10 سالێن بۆرى دا دچارچۆڤێ به‌رنامه‌كێ فرۆتنا چه‌كى كو ب سه‌رپه‌رشتيا وه‌زاره‌تا ده‌رڤه يا ئه‌مريكى بوو، به‌لێ ئه‌و چه‌ك هاتنه بكارئينان ژلايێ گرۆپێن حه‌شدا شه‌عبى ڤه كو لايه‌نگرين ئيرانێ نه، دشه‌رێ دژى داعشێ دا”.
ل دووڤرێككه‌فتنا ل گه‌ل ئه‌مريكا، پێدڤيه ئه‌و تانك ژلايێ له‌شكرێ عيراقێ ب خوه‌ڤه بهێنه بكارئينان، به‌لێ وى په‌يڤدارى گۆت” مه ئاشكراكر كو چه‌كێ ئه‌مريكى ئه‌وێ هاتيه فرۆتن ژوان ژى تانكێن ئه‌برامز گه‌له‌ك جاران دده‌ستێ هنده‌ك كرۆپێن حه‌شدا شه‌عبى دا هاتينه ديتن”.
گۆت ژى” دێ به‌رده‌وامبين دچاڤدێريا هه‌موو وان چه‌ك وكه‌لوپه‌لێن له‌شكرى يێن ئه‌مريكى تاكو پشت رات بين كو يێن دده‌ستێ له‌شكرێ عيراقى ب تنێ دا”.
ئاماژه دا ژى كو هه‌موو تانكێن ئه‌برامز ل ڤێ دووماهيێ يێن هاتينه ڤه‌گه‌راندن بۆ له‌شكرێ عيراقێ.
حه‌شدا شه‌عبى چه‌كێن ئه‌مريكى دشه‌رێ دژى داعشێ دا بكارئينابوون وديسا ل هێرشێن ل سه‌ر كه‌ركووكێ وده‌ڤه‌رێن ناكۆكى ل سه‌ر ژى بكارئينابوون.
به‌رى نوكه به‌رپرسێن كورد راگه‌هاندبوو كو حه‌شدا شه‌عبى ب چه‌كێن ئه‌مريكى ژوان تانكێم ئه‌برامز هێرش كربوو سه‌ر جهێن پێشمه‌رگه‌ى ودو تانكێن ئه‌برامز ژلايێ پێشمه‌رگه‌ى ڤه هاتبوونه ژناڤبرن.
ئه‌ڤرۆنيوز:
جه‌نه‌راله‌كێ به‌رێ يێ له‌شكرێ سعوديێ، ل دۆر ئێخستنا فرۆكه‌كا ئيسرائيلى ژ جۆرێ F16 ژلايێ له‌شكرێ سوورى ڤه، راگه‌هاند ڤێ روودانێ دێ كاريگه‌ريه‌كا مه‌زن ل سه‌ر رۆژهه‌لاتا ناڤين هه‌بيت.
ئه‌نوه‌ر عه‌شقى، جه‌نه‌رالێ به‌رێ يێ له‌شكرێ سعوديێ د به‌رپه‌رێ خوه ل سه‌ر تۆرا تويته‌رى به‌لاڤكر” ئێخستنا فرۆكا ئيسرائيلى ل سووريێ، بنه‌مايێ ياريێن رۆژهه‌لاتا ناڤين دێ گوهۆريت”.
دوهى شه‌مبيێ 10/2/2018، له‌شكرێ ئيسرائيلێ كه‌فتنا خوارا فرۆكه‌كا خوه راگه‌هاندبوو، پشتى چىد ئارمانجه‌ك ل سووريێ توپبارانكرين وهه‌ردوو فرۆكه‌ڤانێن وێ ژى رزگاربوون.
نيشاندان