ئەڤرۆ نيوز،باسم قاسم شنگالی :

شەڤا دەرباز بووی د کەمپا کەبەرتوو ئاگر بەربوو دوو خیڤەتان،  شێروان شنگالی ژ ناڤە کەمپێ بۆ ئەڤرۆ نیوز گۆت : شەڤا دەرباز بووی ل دەمژمێر دوو و نیڤ ژ ئەنجامێ سۆپا گازێ ئاگر بەربوو دوو خیڤەتێن ئاوارەیێن شنگالێ  و زارۆیەك د تەمەنێ سێ هەیڤان دا دناڤ وێ خیڤەتێ دا هاته‌ سۆتن و گیانێ خوە ژ دەست دا و هەر وه‌سان زیانێن مادی ژی ل دویڤ خوە هێلان.

و گۆت: حالەتێن ئاگر بەربوونێ دناڤ کەمپان دا بەره‌ڤ زێدەبوونێ نە ژ ئەگەرێ بسەرڤەچوونا کێبەلێ کارەبێ و نە چاڤەدێریکرنا خێزانێ و ئەگەرێ سۆپێن کارەبێ و گازێ .

ل دووڤ راگه‌هاندنا به‌ره‌ڤانيا باژێرى زارۆيا گيانێ خوه‌ ژ ده‌ست داى، ته‌مه‌نێ وێ 4 هه‌يڤ بوون و ژئەگەرێ خەندقینێ ب دیکێلا ئاگری بوويه‌.

ئەڤرۆ نیوز، تۆڤی:

رێڤەبەرێ راگەهاندن و هشیاریێ ل وەزارەتا پێشمەرگەی راگەهاندیە،کو (ناتۆ) سەرپەرشتیا رێکخستنا هەیکەلێ وەزارەتا پێشمەرگەی دکەت،ب رێیا پاکێجەکا پێنج خالی،کو تایبەتە ب چاکسازیێ ڤە.

هەلگورد حکمەت رێڤەبەرێ راگەهاندنێ و هشیاریێ ل وەزارەتا پێشمەرگەی بۆ ئەڤرۆ نیوز دیارکریە،ژ بلی چاکسازیێن وەزارەتا پێشمەرگەی،دێ رێکخستن و په‌یكه‌رێ وەزارەتا پێشمەرگەیێ هەرێما کوردستانێ ل ژێر سەرپەرشتیا ناتۆی دابیت،ب رێیا پێنج پاکێجێن چاكسازیێ کو دێ ھەیكەلێ نوو بۆ وەزارەتا پێشمەرگەیێ حوکمەتا هەرێما کوردستانێ ب ستانداردێ جیهانی هێتە دیارکرن.

گوت ژی د ماوەیەکێ نێزیکدا ل ژێر سەرپەرشتیا ناتۆ دا، ئەو پێنج پاكێج دێ کەڤنە وارێ جێبەجێكرنێ،ئەو ب خوە دێ سەرپەرشتیا گۆهۆرینێن وەزارەتێ كەن،ب وی رەنگێ وان ئامادە کری.

هەلگوردی دیارکر ژی، چاکسازی دی ب وی بەجۆری بن،هەر وەک د داھاتیدا وەزارەتەکا دیتر دروست ببیت، چونکی ھەیكەلێ نوو و کارێ نوو و شێواز و میکانیزمەکێ نوو و جیهانی بۆ وەزارەتا پێشمەرگەی ب سەرپەرشتیا ناتۆ دێ هێتە راگەهاندن و دێ هێتە پێکئینان،د چارچۆڤێ پڕۆژێ چاکسازیێ ل وەزارەتا پێشمەرگەی کو پێشتر راگەهاندبوو.
رۆژا ٤ کانوونا ئێکێ ل ٢٠١٧ پرۆژێ چاكسازیێ رێكخستنا وه‌زاره‌تا پێشمه‌رگەی هاتیە‌ راگەهاندن،کو پرۆژه‌کێ گشتی و درێژخایه‌نه‌، بۆ دووباره‌ رێكخستن و ئێکگرتنا هێزێن پێشمه‌رگێ كوردستانێ و ژ‌ 35 خالان پێكهاتیه‌.