ئەڤرۆ نیوز:
جارەکا دیتر فڕۆکێن شەرکەر یێن سوپایێ تورکیا زۆزانێن ده‌ڤه‌را سیده‌كان بۆردومان كرن.
ل دەمژمێر 9:00 ئەڤ شەڤە فرۆکێن سوپایێ تورکیا دناڤبەرا ھەردو گوندێن بێرکم و دەراو و ھەرئێک ژ زۆزانێن سنین و رۆبی و روال ل دەڤەرا سیدەکان ب دژواری بۆردومان کرن.
ئیحسان چەلەبی رێڤه‌بەرێ ناحیا سیدەکان دیار کریە: فرۆکێن سۆپایێ تورکی ل زۆزانێن سنین ل نێزیک رەشمالێن رەوەند و کۆچەران بۆردومان کرینە، هەتا نوکە زیانێن وێ بوردۆمانکرنێ نەهاتینە زانین.
ئەڤرۆ نیوز:
بەری دەمەکێ دو تەقینێن ب هێز ل باکوورێ تەهرانێ روودان، پەیڤدارێ ئاگرڤەمراندنا تەهرانێ گۆت: ئەو تەقینە ل کلینیکەکا دەرمانان بوویە، هەتانوکە هۆکارێن وان تەقینان نەهاتیە زانین.
لدووڤ چەند گرتەیێن ڤیدیۆیی، کو ل تۆرێن جڤاکی بەلاڤبووینە، دو تەقینێن ب هێز دناڤبەرا جادێن شەریعەتی و تەجریش رووداینە و قەرەبالغەکا زۆر ل وان جهان دروستبوویە.
ئەڤرۆ نیوز:
رێڤەبەرێ گشتی یێ ساخلەمیا چەمچەمال گیان ژ دەستدانا تووشبوویەکێ 17 سالی ب ڤایرۆسێ کۆرۆنایێ راگەهاند و گۆت: شەش تووشبوویێن نوو ژی هاتینە تۆمار کرن.
د. فەرهاد محەممەد، رێڤەبەرێ گشتی یێ ساخلەمیا چەمچەمال راگەهاند ژی: وی تووشبوویی نەخۆشیا شەکرێ ژ جۆرێ ئێکێ هەبوویە و پشتی مانا وی بۆ دەمێ 12 دەمژمێران ل نەخۆشخانێ گیانێ خوە ژ دەستدا، ئەو کورێ 17 سالی خەلکێ باژارۆکێ شۆرشە یێ سەر ب قەزا چەمچەمال ڤە.
ئەڤرۆ نیوز:
وه‌زاره‌تا ساخلەمیا هه‌رێما كوردستانێ ئامارێن 24 دەمژمێرێن بوری یێن كۆرۆنایێ راگه‌هاندن و دیار کریە: 240 كه‌سێن دی ل هەرێمێ تووشی ڤایرۆسێ كۆرۆنایێ بووینه و 7 كه‌سێن دی ژی ب کۆرۆنایێ گیانێ خوە ژ ده‌ستداینه، ژ وان تووشبوویان ژی ب تنێ ئێک کەس ل پارێزگەها دهۆکێ یە، 110 ل سلێمانیێ، 58 ل هەولێرێ و 71 کەس ژی ل گەرمیان.
هەروەسا 88 کەس ژێ چێبووینە.
ئەڤرۆ نیوز:
سوبەهی چارشەمبی، ئێکەتی و گۆڕان دێ ل سلێمانیێ کۆم بن، رێکخەرێ ژوورا رۆژنامەڤانی یا بزاڤا گۆڕانێ گۆتیە: د وێ کۆمبوونێ دا دێ گۆتۆبێژ دەربارەی باشترکرنا پەیوەندیێن سیاسی دناڤبەرا لایەنان، چاکسازی و ئاستەنگێن بەردەم هەرێما کوردستانێ و رێککەفتنا حوکمەتا خۆجهیا سلێمانیێ کەن.
دلێر عەبدولخالق، رێکخەرێ ژوورا رۆژنامەڤانی یا بزاڤا گۆڕان راگەهاند ژی: بڕیارە کۆمبوون دەمژمێر 11:00 بەری نیڤرۆیا سوبەهی چارشەمبی 1-7-2020 بهێتە کرن، وەفدێ ئێکەتیێ دێ ب سەرۆکاتیا لاهۆر شێخ جەنگی و هژمارەکا ئەندامێن مەکتەبا سیاسی سەرەدانا مەکۆیێ سەرەکی یێ بزاڤا گۆڕان ل سلێمانیێ کەن.
ئەڤرۆ نیوز:
پارێزگارێ سلێمانیێ راگەهاند کو ئەو ٢٠ خالێن بەری نها وان وەکو رێنمایی بۆ پاراستنا وەلاتیان داینە دێ ل سەر وان خالان بەردەوام بن چونکو ئەنجامێن خوە یێن باش هەبووینە و گۆت: (قەدەغا هاتنوچوونێ ب تەمامی ل سلێمانیێ ناهێتە راگەهاندن، چونکو دێ کارتێکرنەکا گەلەک خراب ل ژیانا وەلاتیان کەت).
هەڤال ئەبوبەکر ئەو یەک ژی دیار کر کو نابیت رۆژانە ئامارێن تووشبووێن کۆرۆنایێ و مریان بهێنە بەلاڤکرن چونکو ئەو یەک کارتێکرنەکا خراب ل بارێ دەروونی یێ وەلاتیان دکەت، چونکو رۆژانە چەندین کەس ل سلێمانیێ باش دبن لێ مخابن بەحسێ وان ناهێتە کرن.
ئەڤرۆ نیوز:
روحوللا زەم رۆژنامەڤانێ ناڤدارێ ئیرانێ کو سالا بۆری دەمێ ژ پاریس بەر بەغدا ڤە دچوو ژ ئالیێ هێزێن ئیرانێ ڤە هاتە رەڤاندن ئەڤرۆ دادگەها بلند یا ئیرانێ سزایێ سێدارەدانێ ل سەر وی سەپاند.
روحوللا زەم خودانێ مالپەر و کەنالێ تیلگرامێ یێ ئامەد نیوز د دەمێ خوەنیشادانێن سالا ٢٠٠٩ یێ ئیرانێ دا رۆلەک بەرچاڤ هەبوو و ژ بەر هندێ ژی بریارا گرتنا وی ژ ئالیێ دادگەها بلند یا ئیرانێ ڤە هاتبوو دان.
نيشاندان