ئه‌ڤرۆ نيوز:
ئه‌ڤرۆ رۆژا سێشه‌مبى رێكه‌فتى 22ى گۆلانا 2018ێ رێڤه‌به‌ريا پۆليسێن دهۆكێ د كۆنگره‌كێ رۆژنامه‌ڤانى دا پێزانينێن زێده‌تر ل سه‌ر كوشتنا دوكه‌سان و برينداركرنا دويێن دى كۆنگره‌كێ رۆژنامه‌ڤانى گرێدا.
نووترين نووچه
- سەرۆك بارزانی دوپاتیێ ل ئێكڕێزییا كوردان ل سووریێ دكەت
- قونسلێ ئیتالیا بۆ نێچیرڤان بارزانی: گرنگییێ ب پەیوەندیێن خوە ل گەل هەرێما كوردستانێ د دەین
- ئارمانجا مە پێشئێخستنا ژێرخانەیا ئابوورییا هەرێما كوردستانێ یە
- دیدار و كۆمبوونێن سەرۆكێ حوكمەتا هەرێما كوردستانێ ل داڤۆس
- چاڤدێرێن سیاسی ژ چاوانیا برێڤەچوونا قۆناغا ئاشتیێ دلگرانن
- سەرۆك بارزانی و مەزلۆم عەبدی دوپاتیێ ل ئێكڕێزی و ئێكگرتنا كوردان دكەن
- نوونەرا حوكمەتا هەرێمێ ل واشنتۆن دێ پشكداریێ د رێوڕەسمێ دەستبكاربوونا ترەمپی دا كەت
- ئاسۆ كەریم: سەرۆك بارزانی فاكتەرێ سەرەكیێ ئێكبوونا گەلێ كوردە
- سەرۆكێ هەرێمێ و شاندەكێ ئەمریكا دوپاتیێ ل چارەسەركرنا كێشەیێن هەولێرێ و بەغدایێ ب گۆرەی دستووری دكەن
- سەرۆكاتییا هەرێما كوردستانێ پێشوازی ل ئاگربەستا غەزە كر
سهرهكى Facebook
ب وێنە: زێرەڤانی دو پێنگاڤ ماینە بوو برنا ناسناڤێ چارێ
ئەڤرۆ،ھەژار مەعروف:
تیما تەپا پێ یا زێرەڤانی پشتی ل وەرزێ ئەڤ سالە جارەکا دی راھێنەرێ خوە یێ خودان شیان سلێمان رەمەزان ڤەگەراندی ئەوێ ل ماوێ بوری شیای سێ ناسناڤێن خولێ بوو دەستخوڤە بینت و ھەردیسان ل وەرزێ ئەڤ سالە یانە چیاواز ھاتیە دناڤ ھەڤرکیێن خولێ دا ب مەزاختیێن کێمتر ژ سالێن بوری ھەردیسان پشت بەستن ب رێژەیەکا مەزنتر راھێنەرێ تیمێ پشت بەستن ل سەر یاریزانێن پارێزگەھێ کری کو زوربەیا یاریان دا وەسا دھێتە دیتن حەفت ھەتا ھەشت یاریزانێن پارێزگەھێ یاریێ کەن کو بەروڤاژی سالێن بوری رێژەیا ھەرە مەزن یا پێکھاتیێ سەرەکی یێ زێرەڤانی ژ دەرڤەی پارێزگەھێ بوون لێ ل وەرزآ ئەڤ سالە راھێنەر دەست ب دروستکرنا تیمەکا باش کریە و بوو پاشەرۆژا ڤێ یانێ .
تیما زێرەڤانی ل وەرزێ ئەڤ سالە دەستپێکەکا لاواز تومارکر کربوو تایبەت ل پێنج یاریێن دەستپێکێ و ل قوناغا ئێکێ سەرجەمێ ھەشت یاریان سێ سەرکەفتن و دو وەکھەڤی تومارکرن لێ ل گەل بوراندنا دەمی و سەرەدەریا راھێنەرێ تیمێ یا دروست ل گەل یاریان و یاری بوو یاریێ ئاستێ تیمێ بەر ب بلندبوونێ ڤە چووی و ل یاریێن قوناغا دوێ ل شەش یاریان ھەتا نوکە شیا ١٤ خالان ب دەستخوڤە بینت و بتنێ دو یاری ماینە پێدڤی ب دو سەرکەفتنانە دێ ناسناڤێ خولێ مسوگەر کەت.
زێرەڤانی دی چەوا بیتە قارەمان
تیما تەپا پێ یا زێرەڤانی نوکە ل رێزا دوێ دھێت ب ٢٥ خالان و دو یاری ماینە و سەرکێشا خولێ تیما برایەتی ل رێزا ئێکێ دھێت ب ٢٨ خالان و ئێک یاری مایە و زێرەڤانی ب جوداھیا گولان ژ برایەتی باشترە، ھەکە زێرەڤانی ب خوازیت بیتە قارەمانا وەرزێ ٢٠١٧-٢٠١٨ پێدڤی یە ل سەر وێ ل ھەردو یاریێن بھێت سەرکەفتی توماربکەت بەرامبەر ھەولێر و پێشمەرگا ھەولێر ژبەرکو خالێن وێ دێ گەھنە ٣١ خالان و ھەکە برایەتی سەرکەفتنێ ژی توماربکەت زێرەڤانی ب جوداھیا گولان دێ بیتە قارەمان .
پازدە خال ژ دەرڤە تومارکرینە
زێرەڤانی ل وەرزێ ئەڤ سالە ١٤ یاری ئەنجام داینە کو شیای حەفت سەرکەفتنا توماربکەت کو ژ ئەوانا چار ژ دەرڤەی یاریگەھا وێ بوون ئەوژی ل گەل زاخۆ ئارارات و ھندرین و پێشمەرگە و سێ ل یاریگەھا خوە ئەوژی ل گەل شێروانە و نەوروز و زاخۆ بەرامبەر چار وەکھەڤیا کو سێ ژ دەرڤەی یاریگەھا وێ بوون ئەوژی ل گەل نەوروز شێروانە و برایەتی و ئێک ل یاریگەھا وێ ل گەل برایەتی و سێ خوسارەتی داینە ل وەرزێ ئەڤ سالە ئەوژی ھەرسێ خوسارەتی ل قوناغا ئێکێ بوون ل یاریگەھا خوە خوسارەت بوویە ئەوژی ل گەل ھندرین ل حەفتیا ئێکێ و ئارارات ل حەفتیا شەشێ و ھەولێر ل حەفتیا ھەشتێ کو سەرجەمێ ٢٥ خالان زێرەڤانی ١٥ خال ژ دەرڤەی یاریگەھا خوە ب دەستخوڤە تومارکرینە.
باشتره كورده‌ك ره‌مزێ عيراقێ بيت
ئه‌ڤرۆنيوز:
سكرتێرێ مه‌كته‌با سياسى يا پارتى ديموكراتى كوردستان راگه‌هاند، كه‌س ل دووڤ داخوازيا پارتى نه‌هات بۆ پێكئينانا شانده‌كێ هه‌ڤپه‌يمان بۆ به‌غدا، له‌وما مه بريار دا شاندێ پارتى سه‌ره‌دانا به‌غدا بكه‌ت ونوكه ژى ل به‌غدا دێ پشته‌ڤانيێ وى لايه‌نى كه‌ين كو داخوازيێن گه‌لێ كورد بجهبينيت.
فازل ميرانى ل فرۆكخانا هه‌ولێرێ بۆ كه‌نالێن راگه‌هاندنێ گۆت” وه‌كو لايه‌نه‌كێ دياركرى، ئه‌م پشته‌ڤانيا چو لايه‌نه‌كى ناكه‌ين حوكمه‌تێ پێك بينيت، به‌لكو پشته‌ڤانيا وى لايه‌نى دكه‌ين كو داخوازيێن كوردان بجهبينيت، بۆ ڤێ چه‌ندێ داخوازا ميكانيزمێ دكه‌ين”.
سكرتێرێ مەكتەبا سیاسی يا پارتى دياركر” بێ پارتى، حوكمه‌تا نوو يا عيراقي ناهێته پێكئينان وكوردان پێگه‌هه‌كێ ب هێز ل عيراقێ يێ هه‌ى، ئه‌م وه‌كو كورد نه‌ته‌وێ دوێ نه ل عيراقێ وهه‌ڤپشكين دڤى وه‌لاتى دا، وه‌كو پارتى ژى حزبا ئێكێ نه ل كوردستانێ ويا چارێ نه ل سه‌ر ئاستێ عيراقێ وبێ پارتى ژى حوكمه‌ت ناهێته پێكئينان، ئه‌م دێ چين دا وێ حوكمه‌تێ پێكبينين”.
گۆت ژى” به‌رى هه‌لبژارتنان، پارتى ئێكه‌م لايه‌ن بوو دخوازت هه‌موو لايه‌نێن كوردى ب ئێك ليست پشكداريێ دهه‌لبژارتنان دا بكه‌ن وبه‌رى هه‌فتيه‌كێ ژى ژ هه‌لبژارتنان، سه‌رۆك بارزانى به‌ياننامه‌ك به‌لاڤكر، به‌لێ لايه‌نێن دى ب ليستێن سه‌ربخوه پشكداربوون”.
فازل ميرانى خوياكر ژى” پێدڤيه پۆستێ سه‌رۆك كۆمارا عيراقێ بۆ كوردان بيت، راسته ئه‌و پۆسته يێ پرۆتوكۆلى يه، به‌لێ سه‌رۆك كۆمار ره‌مزێ عيراقێ يه وبۆ كوردان باشه ئه‌و پۆست دده‌ستێ وان دابيت، هه‌روه‌سا سه‌رۆك وه‌زيران ناده‌نه مه، سه‌رۆكێ جڤاتا نوونه‌ران ژى هه‌كه فراكسيۆنه‌كا مه‌زن ل پشت نه‌بيت، وه‌كو سه‌رۆك كۆمار دێ يێ لاواز بيت، له‌وما باشتره كورده‌ك ره‌مزێ عيراقێ بيت”.
دروودانه‌كێ دا كه‌سه‌كى گيانێ خوه ژده‌ست دا
ئه‌ڤرۆنيوز، عه‌زيز هه‌ورامى
ل شه‌ڤا بۆرى ژئه‌گه‌رێ روودانه‌كا هاتنوچوونێ ل باژێركێ ته‌وێله سه‌ر ب پارێزگه‌ها هه‌له‌بجه كه‌سه‌كێ 22 سالى گيانێ خوه ژده‌ست دا.
به‌رزان عوسمان، په‌يڤدارێ رێڤه‌به‌ريا پۆلیسێن پارێزگه‌ها هه‌ڵه‌بجه بۆ ئه‌ڤرۆ نیۆز گۆت”
ل شه‌ڤا بۆرى ژئه‌گه‌رێ لێدنا ترومبێله‌كێ وه‌لاتيه‌كێ 22 سالى ل باژێركێ ته‌وێله گيانێ خوه ژ ده‌ستدا”.
دياركر ژى” كه‌سێ بوويه قوربانيێ ڤێ روودانێ قوتابى بوو، شۆفێرێ ترۆمبێلێ ژى كو كه‌سه‌كێ 24 سالى يه ژلايێ پۆليسان ڤه هاتيه ده‌سته‌سه‌ركرن وده‌ست ب ڤه‌كۆلينێ ل دۆر روودانێ هاتيه كرن”.
شاندێ پارتى دێ ل گه‌ل ڤان سه‌ركردێن عيراقێ كۆمبيت
ئه‌ڤرۆنيوز:
شاندێ بلندێ پارتى ديموكراتى كوردستان كو ئه‌ڤرۆ سێشه‌مبى 22/5/2018 گه‌هشتيه به‌غدا، دێ ل گه‌ل موقته‌دا سه‌در رێبه‌رێ ره‌وتێ سه‌درى وهژماره‌كا سه‌ركردێن عيراقێ كۆمبيت.
شاندێ پارتى ب سه‌رۆكاتيا فازل ميرانى سكرتێرێ مه‌كته‌با سياسى وئه‌ندامه‌تيا خسرۆ گۆران، ئومێد سه‌باح، شوان محه‌مه‌د تاها وبه‌نگين رێكانى پێك دهێت.
برياره شاندێ ناڤبرى كۆمبوونان بكه‌ت ل گه‌ل موقته‌دا سه‌در رێبه‌رێ ره‌وتێ سه‌در كو پشته‌ڤانيا ليستا سائيرون دكه‌ت ئه‌وا رێزا ئێكێ ل هه‌لبژارتنان بده‌ستڤه‌ئيناى ب 54 كورسيان وحه‌يده‌ر عه‌بادى سه‌رۆك وه‌زيرێن عيراقێ وسه‌رۆكێ ليستا نه‌سر كو 42 كورسى بده‌ستڤه‌ئيناين و نورى مالكى جێگرێ سه‌رۆك كۆمارى وسه‌رۆكێ ليستا ده‌وله‌تا قانوونێ كو 26 كورسى بده‌ستڤه‌ئيناين ئه‌ياد عه‌لاوى سه‌رۆكێ هه‌ڤپه‌يمانيا نيشتمانى (21) كورسى ئوسامه نوجێفى سه‌رۆكێ ليستا قه‌رار (11) كورسى وعه‌مار حه‌كيم سه‌رۆكێ ليستا حيكمه (19) كورسى.
دوان كۆمبوونان دا، شاندێ پارتى دێ دانوستاندنان ل دۆر پێكئينانا حوكمه‌تا نوو يا عيراقێ وگره‌نتيكرنا مافێن دستوورى يێن گه‌لێ كوردستانێ كه‌ت.
به‌ربژاره‌كا په‌كه‌كێ ب رێيا نه‌وه‌ى نوێ دبيته په‌رله‌مانتارا عيراقێ
ئه‌ڤرۆنيوز:
ل سه‌ر ليستا نه‌وه‌ى نوێ ل سلێمانيێ وبۆ جارا ئێكێ ل هه‌رێما كوردستانێ به‌ربژاره‌كا په‌كه‌كێ دبيته ئه‌نداما جڤاتا نوونه‌رێن عيراقێ.
دهه‌لبژارتنێن ڤێ دووماهيێ يێن جڤاتا نوونه‌رێن عيراقێ، يوسرا ره‌جه‌ب كه‌مه‌ر به‌ربژارا ته‌ڤگه‌را ئازاديێ يا ب سه‌ر په‌كه‌كێ ڤه كو مفا ژ نه‌رازيبوون وخوه‌نيشاندانێن سلێمانيێ ديتيه بۆ كۆمكرنا ده‌نگان، شيا ب رێيا كۆتا وب ده‌ستڤه‌ئينانا 2643 ده‌نگان ب رێيا ليستا نه‌وه‌ى نوێ بگه‌هيته جڤاتا نوونه‌رێن عيراقێ.
شاندێ پارتى گه‌هشته به‌غدا
ئه‌ڤرۆ نيوز:
ئەڤرۆ سێشەمبی 22 گولانا 2018 شاندەکێ بلند یێ پارتی دیموکراتی کوردستان گه‌هشته بەغدا و ل گەل لایەنێن سەرکەفتی یێن عێراقی کۆم بیت.
فازل ميرانى، به‌رپرسێ مه‌كته‌با سياسى يا پارتى ديموكراتى كوردستان د داخۆيانيه‌كێ دا راگه‌هاند كو بۆ دروستكرنا هه‌ڤپه‌يمانيه‌كێ ل گه‌ل لايه‌نێن سياسى چووينه به‌غدا و دێ ل گه‌ل هه‌موو لايه‌نێن سياسى دانوستاندنێ كه‌ن.
ئاشكه‌را ژى كر كو چوونا وان بۆ به‌غدا ده‌ستبه‌رداربوون نينه ژ ريفراندۆمێ، به‌لكو بۆ دروستكرنا ته‌وافقه‌كێ يه و پاراستن و ڤه‌گه‌راندنا مافێن كوردايه.
نه‌ڤه‌شارت ژى كو ئه‌و دخوازن كه‌سانێن بۆ پۆستێن سه‌رۆك كۆمار و سه‌رۆك وه‌زير و وه‌زيران دهێنه هه‌لبژارتن كه‌سانێن خودان شيان بن و ل دووڤ تايبه‌تمه‌نديێ بن.
گۆمان دهێته كرن سیناریویا سالا 2014 دوبارە بیت
ئەڤرۆ نيوز:
ئەندامەکێ پەرلەمانێ کوردستانێ ئاشکرا کر کو دانانا سەرۆک وەزیرێن عیراقێ دڤێت ب خوستا ئەمریکا و ئیرانێ بیت و پێشتر ژی ھەمان سیناریو ھەبوو بۆ دانا عەبادی و لادانا مالکی و ھەمان سیناریو دێ ھێتە بجھئینان ڤە.
ئاری ھه‌رسين، ئەندامێ پەرلەمانێ کوردستانێ بۆ رۆژناما ئەڤرۆ گۆت: سەرکەفتنا پارتی دیموکراتی کوردستان ل ئەڤان ھەلبژارتنان، ڤەدگەریت بۆ سەرکەفتنا بیست و پێنچی ھەیڤا ئیلونێ یا ریفراندومێ و خەلک گەھشتە وێ باوەریێ کو پارتی ھەلگرا ھزرا نەتەوەیی و نشتیمانی یە ل کوردستانێ و ئەڤە سەرکەفتنەکا مەزن بوو بۆ مللەتێ کورد، دیسا ئەو قارەمانیا پێشمەرگەی ل شەرێ داعش و تایبەت پشتی روودانێن 16ی ئکتوبەرێ، رۆلێ سەرۆکێ حوکمەتێ ل گەل سەرۆک بارزانی بۆ دیتنا کەنالێ دبلوماسی ل گەل دەرڤە و حوکمەتا عیراقێ خوشکرنا ژین و ژیارا خەلکێ کوردستانێ و ئەڤە پشتی ریفراندومێ.
ھێشتا گۆت: بەری چوونا شاندێ کوردستانێ بۆ بەغدا دڤێت ئێک گرتنەکا نشتیمانی ل کوردستانێ بھێتە پێکئینان و ل گەل ئەوان ئالیێن سیاسی ھەڤپەیمانی بھێتە دروستکرن ئەوێن باوەری ب مافێن دەستوریێن مللەتێ کورد ھەبیت کورد ب شریکێ سەرەکیێ حوکمرانیا عیراقێ بھێتە دیتن وەک مادێ 140 ، قەربووکرنا ئەنفالکریان و خەلکێ ھەلەبچە و مافێن پێشمەرگێ کوردستانێ.
ئاری ھه‌رسين ھێشتا گۆت: عیراق جھێ ھەڤرکیا ھەر دو وەلاتێن ئەمریکا و ئیرانێ یە و ئەڤە یا روون و ئاشکرایە ب دیتنا من کا چەوا ل سەر دانانا حەیدەر عەبادی و لادانا نوری مالکی رێکەفتنەکا نە راستەوخۆ دناڤبەرا ئەمریکا و ئیرانێ دا ھەبوو، ئەڤجارە ژی ب ھەمان شێ,ە دیچ رێکەفتنەکا نە راستەوخۆ ھەبیت چونکە ئەڤە باشترین رێکە بۆ ھەر دو وەلاتان و دڤێت چارەسەریەکا ناوەندی بۆ ھەر وکان بھێتە دیتن و ھەر دو ئالی رازیبن.
ئاری ھەرسين، ھەمبەر دەنگۆیێ ڤەکێشانا ھندەک لیستێن کوردی ژ کریارا سیاسی و نەچوون بۆ پەرلەمانێ عیراقێ گۆت: ئەڤە تشتەکێ گەلەک خرابە و دوورکەفتن ژ کریارا سیاسی کارەکێ خرابە و نەباشە.
ھێشتا گۆت: ھەر لیستەکا سەرەکەفتی یا عیراقێ کو ب دروشمان دەنگ ئیناین و سەرکەفتین دڤێـ ب کریار بکەڤیتە دبیاڤێ بجھئینانێ دا و ئەگرە نە ل ھەلبژارتنێن داھاتی دا خەلکێ عیراقێ ئێدی دەنگی بۆ نادەت.
ھەمان ئەندامێ پەرلەمانێ کوردستانێ ھێشتا ژی گۆت: دڤێت حوکمەتا داھاتی یا عیراقێ بگەھیتە وێ باوەریێ کور ریفراندوم د دەستێ مە دا یە و ھەر گاڤا مە دڤێت دشێت بکاربینین و ئەگەر خواستێن مە نەھێنە بجھئینان دێ پەنایێ بۆ بەین، دڤێت نەھێنە پشت گوە ھاڤێتن و ھەکە میزانیا مە ھاتە برین و ھەکە ھاتینە تەرکرن دێ پەنایێ بۆ ریفراندومێ بەین.
ل دووماھیێ ھەمان ئەندامێ پەرلەمانێ کوردستانێ ئاشکرا کر کو گرنگە ل ھەموو دانوستاندنێن ل گەل بەغدا دا ل سەر کاغەر رێکەفتن بھێنەکرن و نەبتنێ ھەما ب دەڤی بھێنەکرن و کەرکوک و جھێن ناکوکی بەرنامێ رێکەفتنێ دا بیت.
هاريكارى ل سه‌ر زيانڤێكه‌فتيێن له‌هيان هاتنه به‌لاڤكرن
ئه‌ڤرۆ نيوز:
ئه‌ڤرۆ ل رێڤه‌به‌ريا گشتى يا باژێرڤانيا ل پارێزگه‌ها دهۆكێ هاريكارى ل سه‌ر 60 خێزانێن زيانڤێكه‌فتيێن له‌هيان هاتنه به‌لاڤكرن.
قائمقاميا قه‌زا دهۆكێ راگه‌هاند كو ئه‌ڤرۆ ل ل رێڤه‌به‌ريا گشتى يا باژێرڤانيا ل پارێزگه‌ها دهۆكێ هاريكارى ل سه‌ر 60 خێزانێن زيانڤێكه‌فتيێن له‌هيان ژ لايێ بۆردێ كاروبارێن مرۆڤايه‌تى ل پارێزگه‌ها دهۆكێ ب هه‌ڤكاريا هه‌يڤا سۆرا عيراقى و خاجا سۆر يا ئه‌لمانى هاتبوونه ئاماده‌كرن و هه‌ر خێزانه‌كێ 200 دۆلار پێ هاتنه دان.
ل 5ى گۆلانا ئه‌ڤ ساله ژ ئه‌نجامێ له‌هيان ل پارێزگه‌ها دهۆكێ زيانێن گيانى و ماددى گه‌هشتنه چه‌ندين خێزانان، سه‌رۆكێ حوكمه‌تا هه‌رێما كوردستانێ ژى 350 مليۆن دينار وه‌كو قه‌ره‌بوو هاريكاريا وان خێزانان كربوو.
تۆز دێ ده‌ست پێ کەت و ئه‌گه‌رێ باران بارینێ ژی هه‌یه
ئەڤرۆ نیوز ، زنار تۆڤی :
رێڤەبەریا گشتی یا سەقاناسی و بیڤه‌له‌رزان ل هه‌رێما كوردستانێ پێشبینیێن خوە بۆ دۆخێ سەقایێ ئه‌ڤرۆ و سوبەهی یێن شارێن كوردستانێ راگه‌هاندیە.
ئه‌ڤرۆ سێشه‌مبی ل هه‌ولێرێ و سلێمانیێ و دهۆكێ ئەسمان دێ نیڤ عه‌ور بیت، ل هندەک دەمان دێ ئەسمان تەمام بیته عە‌ور ، ئه‌گه‌رێ باران بارینێ ل هندەک دەڤەرێن چیایی هه‌یه، ل كه‌ركووكێ ژی ئەسمان دێ نیڤ عە‌ور بیت، بلندترین پلا گه‌رمێ 38 پله یە و نزمترین پله ژی دێ 19 پلا سیلیزی بیت.
سوبەهی چارشه‌مبی ب هه‌مانشێوه ل هه‌ولێرێ و سلێمانیێ و كه‌ركووكێ و دهۆكێ دێ ئەسمان نیڤ عه‌ور بین، ل گه‌ل زێدەبوونا لەزاتیا هەوایی و هەبوونا تۆزەکا کێم، بلندترین پلا گه‌رمێ دێ 38 پله بیت و نزمترین پله ژی دی 20 پلا سیلیزی بیت.
نيشاندان
WP Facebook Auto Publish Powered By : XYZScripts.com