ئهڤرۆنيوز:
سهرۆك وهزيرين عيراقێ حهيدهر عهبادى سوباهى پێنجشهمبى 1/2/2018، دێ ل گهل سهرۆكێن فراكسيۆنێن كوردستانى ل دۆر بودجێ گشتيێ عيراقێ كۆمبيت.
عهبادى دێ ل گهل سهرۆكێن فراكسيۆنێن كوردستانى كۆمبيت
نووترين نووچه
- نێچیرڤان بارزانی دوپاتیێ ل گرنگییا چارەسەركرنا ئاشتییانە یا كێشەیان و پاراستنا ئارامییا دەڤەرێ دكەت
- مەسرور بارزانی و شاندەكێ ئەلمانی پێكئینانا حوكمەتێن فیدرال و هەرێمێ گەنگەشەكر
- پۆستێ سەرۆككۆماری بەهرا كوردانە و پێدڤی ب لهەڤهاتنێ یە
- محەمەد زراری: ئەگەرێ سەرەكیێ كێشەیێن هەولێرێ و بەغدایێ نەبوونا قانوونا بودجەیا گشتی یە
- رێککـەفـتنا ل گــەل شـامـێ باشـە و مـە ئۆتۆنۆمـی دڤێت
- نێچیرڤان بارزانی بۆ تۆم باراكی: هەرێما كوردستانێ دێ فاكتەرێ ئارامیێ بیت
- مەسرور بارزانی پێشوازی ل سەرۆكێ حزبا ئەمارجی یا لیبرالی یا ئیراقی كر
- دروستكرنا دوسایدێ هەولێر – گۆمەسپان هاتنوچوونا وەلاتییان ب ساناهی ئێخست
- سەرۆك بارزانی ڕەتكریە دەستێوەردانێ د پرسا بەربژارێ شیعەیان بۆ پۆستێ سەرۆك وەزیران دا بكەت
- ب قەزاكرنا قەرەتەپە و گولالە بنپێكرنەكا دیار یا دەستوورییە
سهرهكى Facebook
42 وهلات دێ پشكداريێ دكۆنگرێ ئاڤهدانكرنا عيراقێ دا كهن
ئهڤرۆنيوز:
دهستهيا نيشتمانى بۆ وهبهرهێنانێ ل عيراقێ، راگههاند كو 950 كۆمپانى ژ 42 وهلاتان دێ پشكداريێ دكۆنگرێ نێڤدهولهتى يێ ئاڤهدانكرنا عيراقێ دا كهن كو برياره ل 12/2/2018 ل وهلاتێ كوێتێ بهێته ئهنجامدان.
سامى ئههعرهجى، سهرۆكێ دهستهيا نێشتمانى بۆ وهبهرهێنانێ ل عيراقێ گۆت” چهندين بهرپرسێن وهلاتان ونوونهرێن بهنكا نيڤدهولهتى وئێكهتيا ئورۆپى دێ پشكداريێ د كۆنگرێ نێڤدهولهتى يێ ئاڤهدانكرنا عيراقێ دا كهن”.
سامى زێدهتر بۆ راديوا سهوا يا ئهمريكى گۆت” رۆژا ئێكێ ژكۆنگرهى دێ يا تايبهت بيت بۆ رێكخراوێن نێڤدهولهتى ورۆژا دويێ دێ ل دۆر وهبهرهێنانێ وئاڤهدانكرنێ ل عيراقێ بيت ول رۆژا سيێ دێ داخواز ژ وهلاتان وسهرۆكێن وهلاتان وحوكمهتان هێته كرن كو پشكداريێ دوێ روودانێ دا بكهن”.
دياركر ژى”ئهو پرۆژێن دێ د كۆنگرهى دا هێنه بهرچاڤكرن دێ مفاى گههينه مرۆڤ وئابوورى ل عيراقێ و12 كهرتان ب خوهڤه دگرن وهكو پرۆژێن دبياڤێ پهترۆكيمياوياتان وپيشهسازيێن ئهندازيارى وكهرهستێن ئاڤهدانكرنێ وچاندنێ، زێدهبارى پرۆژێن مهزن يێن چاندنێ وپرۆژێن دبياڤێ ئاڤا گران وئاكنجيبوونێ ونهخوهشخانان دا، ل گهل چهندين بياڤێن دى”.
سهرۆكێ دهستهيا نيشتمانى بۆ وهبهرهێنانێ ئاماژه دا كو ئهو پرۆژه دێ ههموو پارێزگههان ڤهگريت ب تايبهتى ئهو دهڤهرێن ژ داعشێ هاتينه ئازادكرن.
ژبەر هەلویستێ وی ل دژی ھێرشا تورکیا بۆ سەر عەفرینێ یاریکەرەک هەتا هەتایێ ھاتە دوورخستن
ئەڤرۆ نیوز ، زنار تۆڤی:
ژ ئەگەرێ هەلویستێ وی ل دژی ھێرشا سۆپایێ تورکی بۆ سەر باژێرێ عەفرینێ ل رۆژئاڤایێ کوردستانێ یاریکەرەکێ تەپاپێ یێ تیما ئامەد سپۆر بۆ ھەتا ھەتایێ ژ یاریکرنێ ھاتە دوورخستن.
یاریکەرێ یانا ئامەد سپۆر ل باکۆرێ کوردستانێ دەنیز ناکی ژ بەر دژایەتیکرنا وی بۆ ھێرشا سوپایێ تورکیا ل سەر عەفرینێ،کو د مالپەرێ خوە یێ جڤاکی دا ئەو ھێرشە شەرمزارکربوو،ئێکەتیا تەپاپێ یا تورکی سزایێ ھەتا ھەتایێ دانایە سەر،کو ئێدی ئەو یاریکەر نەشێت چو یاریان ل وەلاتێ تورکیا بکەت.
دەنیز ناکی یاریکەرێ یانا ئامەد سپۆر بەری نوکە ژی هەمان هەلویست دەربریبوو،ل دەمێ سۆپایێ تورکیا ئۆپەراسیۆن بۆ سەر باژێرێن کوردان ل باکۆر پێک ئیناین،وی ئەو هێرش شەرمزار کربوون،ب وێ ئەگەرێ ژی نێزیکی سالەکێ ئەو ھاتبوو سزادان.
هەروەسا دەنیز ناکی د مالپەرێ خوە یێ تۆرا جڤاکی دا دوپاتکریە،کو ئەو ئێدی ڤەناگەریتە وەلاتێ تورکی.
ڤێ پێزانينا سهرنج راكێش ل سهر يانا بهرشهلونا بزانه
ئهڤرۆنيوز:
راپۆرتێن رۆژنامێن ئيسپانى ئامارهكا سهرنج راكێش ل دۆر بهرشهلونا پشتى سهركهفتنا وێ يا دووماهىێ ل سهر يانا ئالافيس ب ئهنجامێ 2-1 ل ياريگهها كام ب نوو دچارچۆڤێ گهرا 21 ژ خۆلا ئيسپانى يا تهپا پێى.
رۆژناما (ماركا) يا ئيسپانى كو ل مهدريد دهردكهڤيت بهلاڤكريه كو ددوماهى 73 ياريێن يانا بهرشهلونا دخۆلا ئيسپانى دا، چو لێدانێن سزايێ ژلايێ دادڤانان دژى وێ يانێ نههاتينه هژمارتن.
دياركر ژى”دووماهى لێدا سزايێ ل دژى بهرشهلونا هاتيه تۆماركرن ل ههيڤا سوباتا 2016 بوو، ئانكو بهرى دو سالان وتێدا ياريكهرێ سويدى (جون جيديتى) كو ل وى دهمى يارى بۆ يانا سيلتا فيگۆ دكر گۆل ب لێدانا سزايێ ل سهر بهرشهلونا تۆماركر كو ههر وى ياريكهرى گۆلا دوهى گۆل ل سهر بهرشلهونا تۆماركربوو، بهلێ ڤێجارێ بۆ يانا ئالافيس”.
وێ رۆژنامێ دياركر” ژ وى دهمى وههتا نوكه 219 لێدانێن سزايێ دخۆلا ئيسپانى دا يێن هاتينه هژمارتن كو 32 ژوان بۆ بهرشهلونا بوون”.
حوكمهتا ههرێمێ:بهغدا نهگوتيه مه ئهو پاره بۆ چ ڤرێكريه
ئهڤرۆنيوز:
پهيڤدارێ حوكمهتا ههرێما كوردستانێ، راگههاند، ههتا نوكه ئهم ب فهرمى ژلايێ حوكمهتێ عيراقێ ڤه نههاتينه ئاگههداركرن ل سهر وى پارێ بۆ ههرێمێ ڤرێكرى، كا بۆ چ ڤرێكره.
سهفين دزهيى، بۆ خهندان گۆت، گۆت”بهنكا ناڤهندى ل بهغدا ئهو پاره بۆ لقێ خوه ل ههولێرێ يێ هنارتى، وهكو كارهكێ بهنكى يێ خوه”.
گۆت ژى” ب فهرمى حوكمهت نههاتيه ئاگههداركرن، كا پاره بۆ ههرێمێ يه، يان نه”.
چهندين ژێدهران ب تايبهتى يێن وهزارهتا دارايى بۆ دهزگههێن راگههاندنێ ل ههرێمێ راگههاندبوو كو حوكمهتا عيراقێ كوژمێ 250 مليار ديناران بۆ ههرێما كوردستانێ يێن هنارتين ب مهرهما مهزاختنا فهرمانبهرێن مووچێن ههردو وهزارهتێن پهروهردێ وساخلهميێ.
ژێدهرهكى ژ ههولێرێ بۆ ئهڤرۆ نيوز دياركر كو بهربرسهكێ بلند ل حوكمهتا ههرێما كوردستانێ بۆ وى پشت راستكريه كو ل رۆژا ئێكشهمبى 28/1/2018 كوژمێ 250 مليار ديناران ب فرۆكهكا تايبهت گههشتيه ههرێما كوردستانێ وپتريا وى پارێ 25 هزارى يه.
هندهك ژێدهرێن وهزارهتا دارايى يا ههريمێ بۆ دهزگههين راگههاندنێ گۆتبوو كو بهغدا ديارنهكريه ئهو مووچه ل سهر فهرمانبهرێن پهروهردێ وساخلهميێ دێ چاوان هێته بهلاڤكرن ووهزارهتا دارايى نڤيسار ئاراستهى بهغدا كريه ل سهر چاوانيا مهزاختنا وى پارهى.
عهبادى بزاڤا كونترۆلكرنا فرۆكخانا نهجهف يا نێڤدهولهتى دكهت
ئهڤرۆنيوز:
ژێدهرهكى ژفرۆكخانا نهجهف يا نێڤدهولهتى بۆ ئهڤرۆنيوز راگههاند، حهيدهر عهبادى ووزارهتا ڤهگۆهاستنێ ل عيراقێ چو دهستههلات ل سهر فرۆكخانا نهجهف نينه وعهبادى بزاڤێن مهزن دكهت كو وێ فرۆكخانێ بكهته دبن دهستههلاتا دهستهيا فرۆكهڤانيا مهدهنى ل عيراقێ.
وى ژێدهرى بۆ ئهڤرۆنيۆز ئاشكراكر، فرۆكخانا نهجهف ب پارێ دهولهتا عيراقى نههاتيه دروستكرن، بهلكو ب پارێ چهندين وهبهرهێنهران يا هاتيه دروستكرن، ژوان ژى هژمارهكا وهبهرهێنهرێن كوێتى ، لهوما عهبادى دهستههلات ل سهر نينه وپتر ب رێيا جڤاتا پارێزگهها نهجهف ڤه دهێته سهرپهرشتيكرن وههتا داهاتێ وێ ژى ناچيته بهغدا.
ئاماژه دا ژى، عهبادى رێڤهبهرهكێ نوو بۆ فرۆكخانا نهجهف يا نێڤدهولهتى دامهزراندبوو، بهلێ دهمێ گههشتيه نهجهف، رێ پێ نههاته دان بهێته فرۆكخانێ.
دياركر ژى، حهيدهر عهبادى ئهڤرۆ چارشهمبى هێزهكا تايبهت هنارتيه بۆ كونترۆلكرنا فرۆكخانا نهجهف يا نێڤدهولهتى ئهوا ل سالا 2008 هاتيه ڤهكرن وگۆت” مهرهما عهبادى ب هنارتنا وێ هێزا تايبهت ئهوه كو فرۆكخانێ بكهته دبن دهستههلاتا حوكمهتا ناڤهندى ودهستهيا فرۆكهڤانيا مهدهنى ل عيراقێ”.
نوشدارەك: ئەم ژیێ ھندەک نەخوهشان زێدە دکەین
ئهڤرۆنيوز:
تایبەتمەندهكێ نەخوهشیێن دلی ل دهۆكێ راگههاند، ههكه زهبلهكا دلى يا مرى بيت ، ب زهحمهته ئهو ڤهگهريته هێزا جاران، بهلێ ههكه يا لاواز بيت، ئهو بزاڤێ دكهن چاره بكهن و دا زانين ژى كو د هندهك حالهتان دا ئهو ژيێ نهخوهشى زێده دكهن.
موسا حاجی ئەحمەد، نوشدارێ تايبهتمهندێ نهخۆشيێن دلى بۆ نوش نیوز گۆت “ ههكه زەبلەکا دلی يا مری بیت گەلەک یا ب زەحمەتە ئەو ھێزا جاران و بەری نھا ب ڤەگەریتە دلی، بهلێ ههكه ب تنێ يا لاواز، دەرفەتا ھەى ھێزا جاران ب زڤریت ئەو ژی پشتی چەندین چارەسەریان”.
گۆت ژى: “ھەتا کو بزانین زەبلەکا دلی یا ساخە یان یا مری یە، مە پێدڤی ب پشکنینەکێ ھەیە، بهلێ مخابن ئەو ئامیرێ وێ پشکنینێ ئەنجام ددەت مە ل کوردستانێ نینە و ل ھەموو عیراقێ ب تنێ ل بەغدا يێ ههى و ژ بەر هندێ ئەم گهلهك نەخوهشان بۆ ڤێ پشكنينێ رەوانەيی وەلاتێ تورکیا دکەین”
ئاماژه دا كو ئهو ئامير ديار دكهت كا رهوشا زهبلهكا دلى ب چو رهنگه، ئهم بزاڤێ دكهين خوينێ دووباره ڤهگهرينينه وێ زهبلهكێ و گۆت “ ئهو كهسێن زهبلهكا دلێ وان يا مرى، پێدڤيه بهردهوام دهرمانان بخون دا كو ژ مهترسيا مرنێ دوور بكهڤن”.
موساى دا زانين ژى ههكه دلێ كهسهكى گهلهك يێ لاواز بيت ،ئهو ل بن چهرمێ پاتريهكێ بۆ نهخوهشى ددانن ههتا كو ل دهمێ ههر نهخوهشيهكێ ئهو پاترى وى كهسى ژ مهترسيێن مرنێ ب پارێزيت و گۆت: “ئهم دشێين بێژين ب ڤێ رێ ئهم ژيێ نهخوهشى زێده دكهين”.
ب وێنه.. كچێن ئيرانێ دهرسۆكێن خوه سێداره ددهن
ئهڤرۆنيوز:
ل جادێن ئيرانێ ول دژى دهرسۆك ل بهركرنا ب زۆرى، كچان دهست ب چالاكيهكێ كريه كو ب بهزاندنا هێلێن سورين كۆمارا ئيسلامى يا ئيرانى دهێته هژمارتن، كو ل ناڤهندا ب ناڤدارترين جادێن باژێرى دراوهستن وپرچێن خوه بهرددهن ودهرسۆكێن خوه ب داران ڤه دكهن.
ئهڤ چهنده بۆ جارا ئێكێ ژلايێ خوهپيشاندهرهكا تههرانێ هاتبوو ئهنجامدان كو ل جادا “ئينقلاب” ل تههرانێ ل دهمێ دهرسۆكا خوه ب دارهكێ ڤه كرى ل ناڤهدا جادێ ودرووشمێن دژى رژێما ئيرانێ گۆتين.
ئهو ژنا بۆ جارا ئێكێ دهرسۆك ژسهرێ خوه راكرى ب ناڤێ (ويدا موهحيد) كو زارۆيهكێ 19 ههيڤى ههيه وههتا رۆژا 28 ڤێ ههيڤێ دزيندانێ ڤهبوو، بهلێ ژبهر فشارێن چالاكڤانان هاته ئازادكرن. كچێن ئيرانێ ژى بۆ بهرگريكرنێ ژ وێ ژنێ وپهياما وێ، پێنگاڤا وێ دووباره دكهن.
دتۆرێن جڤاكى دا، چهندين وێنێن ههڤشێوێ وان كچان ل جادێن ئيرانێ هاتينه بهلاڤكرن، ل رۆژا دوشهمبى 29/1/2018، ل جهێ ويدايێ كچهكا دى وهكو نهرازيبوونهك ل سهر ل درسۆك بهركرنا ب زۆرى، دهرسۆكا خوه راكر وب سهرێ دارهكێ ڤه ههلاويست.
ل دووڤ مادێ 638 ژقانوونا سزادانێ ل ئيرانێ، ئهو ژنێن بێ دهرسۆك ل جهێن گشتى هاتنوچوونێ دكهن ب 10 رۆژان ههتا دو ههيڤان دێ هێنه زيندانيكرن، يان ب 50 ههتا 500 هزار ريالان دێ هێنه سزادان.
نيمارى هژمارا فانێلێ خوه ل ريال مهدريد ههلبژارت
ئهڤرۆنيوز:
راپۆرتێن رۆژنامهڤانى ل ئورۆپا بهردهوام بهحسێ هاتنا نيمارى بۆ ناڤ رێزێن ريال مهدريد دا ل هاڤينا بهێت دكهن، پشتى تنێ سالهكێ دناڤ رێزێن پاريس سان جيرمان يا فهرهنسى دا ماى.
رۆژناما (ميترۆ) يا ئينگليزى ژ بهرنامێ (ئيل شيرينجيتۆ) يێ ئيسپانى بهلاڤكر” نيمار دخوازيت بهێته ريال مهدريد وههتا هژمارا فانێلێ خوه ژى يێ دياركرى”.
ل دووڤ وى بهرنامێ ئيسپانى” نيمار دخوازيت فانێلێ هژمار 10 ل بهرخوه بكهت ل گهل ريال مهدريد كو ههر هژمارا فانێلێ وى يه ل رێزێن ههلبژارتيێ بهرازيلێ ويانا پاريس سان جيرمان”.
ياريكهرێ كرواتى لوكا مودريتش نوكه ههلگرێ فانێلێ هژمار 10 دريال مهدريد دا وههكه نيمار بهێته دناڤ رێزێن ريال، مودريتش دێ زڤريت بۆ هژمارا بهرێ يا فانێلێ خوه ئهوژى 19 يه”.
ئاماژه دهێته كر كو نيمار يێ بهرههڤه مووچێ وى بهێته كێمكرن دناڤ رايل مهدريد دا، ژبهركو يێ پهشێمانه چوويه خۆلا فهرهنسى كو پتر وهستيان دوێ خۆلێ دا يا ههى وههموو تيمێن وێ خۆلێ ياريا بهرهڤانيێ دكهن كو ئهڤ چهنده رێ نادهته نيمارى كو ئهو چهندا وى دڤێت پێشكێش بكهت دناڤ ياريگههێ دا وهكو چاوان ل خۆلا ئيسپانى پێشكێش دكر.
موزیكژهنەکێ كورد ئێكه ژ وان دانهران یێن کو موزیک بۆ ب ناڤودەنگترین گێمێن جیهانی داناین
ئەڤرۆ نیوز ، زنار :
ل سهرانسهرى جیهانێ گەلەک ژ خەلکێ مژۆلی گێمێن كۆمپیوتهری و یاریێن دناڤ مۆبایلێ دانە،هەروەسا پرانیا خەلکی ناڤێ گێمێ باتلفیلد (Battle Field) گوهلێبوویە،هەروەسا ئەڤ گێمه ژ لایێ ههردو مەزنە كۆمپانیێن جیهانى (EA) و (DICE) ڤە هاتینە بەرهەم ئینان بۆ ههر سێ سیستهمێن ( Microsoft Windows,Play Station,Xbox One)،دیسا باتلفیلد ب ئێك ژ بناڤودەنگترین و پر فرۆشترین گێمێن جیهانی دهێته دانان.
موزیك دانهرێ كورد و هونهرمهندێ خودان شیان كارزان مهحمود ئێكه ژ وان پێنج دانهرێن كو موزیك بۆ ڤی بهرههمی دانای و ههروهسا ئەڤ موزیك دانهرێ كورد شیایە جهێ دەستی خوە ب شێوهکێ گەلەک پرۆفشیۆنال بكەت و مل ب ملێ ههر ئێک ژ یوهان سودیرگفیست، پاتریك ئهندرین، فریدریك مۆلهر و جویل ئیركسون،کو وان هەموویان پێکڤە كارێ بهرههمئینانا موزیكێ بۆ ڤی گێمێ جیهانی كریه.
كارزان مهحمود ل سالا 1981 ل باژێرێ سلێمانیێ ژ دایک بوویە و ل سالا 2005 چوویە دەرڤەی وەلاتی و نوکە ل وەلاتێ سوید دژیت.
موزیکژەنێ كورد كارزان مەحمودی ل سالا 2007 دهست ب خواندنا موزیكێ كریە ل وەلاتێ سوید ل پهیمانگەها (KMH) ل پایتەختێ وی وەلاتی ل ستۆكهۆلم،هەروەسا ناڤهاتی چهندین بهرههمێن نایاب ههنه و دیسا وی بزاڤکرینە کو بهرههمێن خوە زێدەتر بهرهف جیهانى بوونێ ڤە ببەت.
نيشاندان
WP Facebook Auto Publish Powered By : XYZScripts.com