ئەڤرۆ نیوز، نەوزاد ھلۆری:
پشتی کو چەکدارێن داعش شنگال و دەڤەرێن سەر ب وێڤە داگیرکری و خەلەکێ زور ب تایبەتی کچ و ژنێن ئێزدی کەفتینە دەست وان و رەڤاندین و کرین و فرۆشتن ب وان ھاتیەکرن ، بویە سەدەم کو ھونەرمەندا کچ نادیا بەشار ب شێوەیێن جیاواز زارڤەکرنێ بکەت و ل دوماھی جار ژی وەکو پشتەڤانی بو بارین کوبانی کچە شەرڤانا روژئاڤایێ کوردستانێ خوە رووت کر.
دڤی واریدا “نادیا بەشار ” بو ئەڤرۆ نیوز گۆت: (لەشێ من ژ یێ بارین کوبانی و کچ و ژنێن ئێزدی کێمتر نینە ئەڤێن کو ژلایێ سوپایێ سوریا و سوپایێ تورکیا و چەکدارێ، داعش ھاتیە ھەتکاندن و یاری ب وان ھاتینەکرن، ژ بەر ڤێ ئەز دژی وان ھێزا ب شێوەیێ لەشێ بارینێ دراوەستم).
زێدەتر گۆت: ( چو کەس و لایەن نکارن گەلێ کوردستانێ ژناڤ ببەن و شەر و کوشتن و کارەسات و جینوساید و ئەنفال ژی نکارن مە لسەر بیروباوەرێن نەتەوەیی ئاینی دویر بکەن و ئەم ب کچ و ژن و زاروک و پیرو کال ڤە دێ بەرامبەر ھەر دەستدرێژیەکا لسەر دوز و تەڤگەر و بزاڤێن کوردان راوەستین و بەرخودانێ کەین).
زارڤەکەرا ناڤبری کو سالا 1991 ژ دایکبویە و خێزاندارە و دوو زاروک ھەنە و نھا ل یونانێ دژیت زێدەتر گۆت: ( ئەز نکارم ب رێیا ھونەرێ خوە ، کو خوە روسکرنە و دەربرینا ئێش و ژانێن کچ و ژنێن کوردە ل ھەر جھی بیت ل کوردستانێ بکەم ژ بەرڤێ یەکێ ھەر دێ ل یونان ژیم و کارێ خوە بەردەوام بم و من چەند پروژە و کارێن دن یێن زارڤەکرنێ ھەنە و پێشتر ژی پشکدارێ فلمەکێ سینەمایی بومە).
نيشاندان
