ئەڤرۆ نیوز ، زنار تۆڤی:

راپۆرت و زانیاریێن نوو ددەنە دیارکرن،کو د دەمەکێ نێزیكدا تۆرا كۆمەلایەتی یا ئینستیگرامی دێ تایبەتمەندیەکا بهێز،کو پێکهاتیە ژ پەیوەندیكرنێ ب شێوێ دەنگ و رەنگ دێ بۆ بكارهێنەرێن خۆ ئێخیتە کار.

زانیاری ئاماژێ ب هندێ دكەن، ئەو تایبەتمەندیا ئینستیگرامی دێ هەڤشێوێ سناپ چاتی بیت،دێ ل وی دەمی دەرکەڤیت،یاکو خزمەتگوزاریا نامەیا راستەوخۆ ل ئەپێ ئینستیگرامی كارا بكەن.

پێگەهێ WABetaInfo بەلاڤەکریە،کو چاتكرن ب شێوێ دەنگ و رەنگ ڤیدیۆ ب رێیا وێ خزمەتگوزاریا ئینستیگرامی،ب تنێ دێ ل گەل وان كەسان شێی ئەنجام دەی،یێن کو پێشتر ب تێكست تە گفتوگۆ ل گەل کری،هەروەسا دێ ل پشکا سەری یا نامێ و دایرێكتا ئینستیگرامی،دێ لۆگۆ و هێمایێ ڤیدیۆیێ دروست بیت،دەمێ ئەو خزمەتگوزاریە ئێخستە کار،ب کلیک کرنێ ل سەر دێ شێن راستەوخۆ دەست ب گفتوگۆیا ڤیدیۆیی كەن.
ئاخفتنکەرێ ب ناڤێ تۆرا كۆمەلایەتی یا ئینستیگرامی ل پێگەهێ TechCrunch راگەهاندیە،نوکە ب هیچ شێوەیەكێ ئەم ئاخفتنێ ل سەر ڤی دەنگۆی ناكەین، پێدڤیە هەموو چاڤەرێ بن،کو دێ ئینستیگرام بەردەوام بیت ل پێشخستنا خزمەتگوزاریان و بەرچاڤکرنا خزمەتگوزاریێن باشتر.

ئینستیگرام ئێكە ژ تۆرێن كۆمەلایەتی یێن بەربەلاڤ و پێشتر وەك تۆرەکا تایبەت و سەربەخۆ كار دكر،لێ پشتی هنگێ ژلایێ كۆمپانیا فەیسبووكی هاتیە کرین و نوکە فەیسووك خودانا ڤێ تۆرا کۆمەلایەتیە.