ئەڤرۆ نیوز ، زنار تۆڤی:
ب وێنە……ئەڤرۆ رێورەسمێن گێرانا خۆلا 23 یا سەربازی ل زاخۆ هاتە گێران،کو تێدا 418 پشکدارێن وێ خۆلێ ب پلەیا ئەفسەر دەرچووینە
نووترين نووچه
- سەرۆك بارزانی: عەبدولرەحیم عسمەت وانلی ژیێ خوە بۆ خەباتێ ژ پێخەمەت دۆزا رەوا یا گەلێ كوردستانێ تەرخانكربوو
- مەسرور بارزانی سەرەخوەشیێ ل كەسوكارێن قوربانیێن ئاگرێ دارستانێن كۆریایا باشوور دكەت
- ب سەرپەرشتییا سەرۆك بارزانی كوردێن سووریێ گەهشتنە رێككەفتنەكا دیرۆكی
- پەیاما سەرۆك بارزانی پشتەڤانییەكا ب هێز بوو بۆ گەلێ كورد
- سیپان شێروانی: 100 پەرلەمانتارێن ئیراقی بندیوارن
- هەرێما كوردستانێ و دەولەتا قەتەرێ دوپاتیێ ل سەر ب هێزكرنا پەیوەندییان د وارێ وزێ دا دكەن
- ل هاڤینا ئەڤسالە قونسلخانەیا مەزن یا ئەمریكا ل هەولێرێ دێ هێتە ڤەكرن
- رێكا گەشەپێدانێ د دهۆكێ را دەرباز دبیت
- مەحما خەلیل: مەترسییا دوبارە پێكدادانێ د ناڤبەرا یەپەشێ و لەشكرێ ئیراقێ دا ل شنگالێ یا هەی
- کوردێن رۆژئاڤایێ کوردستانێ بەرهەڤیان بۆ قۆناغەکا دیرۆکی دکەن
سه‌ره‌كى Facebook
ئه‌ڤ ياريكه‌رێ به‌رشه‌لونا دێ چيته خۆلا ئينگليزى
ئه‌ڤرۆنيوز:
ده‌زگه‌هێن راگه‌هاندنێ ل ئيسپانيا به‌لاڤكر كو هێرشبه‌ره‌كێ يانا به‌رشه‌لونا يێ نێزيك بووى ژ ڤه‌گۆهاستنێ بۆ يانه‌كا ئينگليزى.
راديوا (راك 1) ل به‌رشه‌لونا دياركر كو جيرارد دولۆڤيو هێرشبه‌رێ به‌رشه‌لونا يێ 23 سالى ئارمانجا چه‌ندين يانێن ئيتالى بوو ب تايبه‌ت سه‌ركێشا خۆلێ ناپۆلى، به‌لێ چوونا وى بۆ يانا واتفۆرد يا ئينگليزى بۆ ده‌مێ شه‌ش هه‌يڤان يا مسوگه‌ر بووى.
دولۆڤيۆ ببو ئارمانجا خافى گارسيا راهێنه‌رێ ئيسپانى يێ نوو يێ يانا واتفۆرد كو دخوازيت هێلا هێرشبرنێ ب هيزتر لێبكه‌ت كو يانا واتفۆرد نوكه ل رێزا 10 دليستا خۆلا ئينگليزى دا دهێت.
وى ياريكه‌رێ ئيسپانى بۆ ده‌مێ دو سالان يارى بۆ يانا ئيڤه‌رتۆن يا ئينگليزى كريه ودخوازيت پتر ياريان بكه‌ت پشتى پشكداريا وى گه‌له‌ك كێم بووى دياريێن به‌رشه‌لونا دا ژبه‌ر هاتنا چه‌ند ياريكه‌رێن هێلا هێرشبرنێ وه‌كو عوسمان ديمبلى وهه‌تا كوتينيۆ يێ به‌رازيلى ژى كو ب ڤێ چه‌ندێ دا كارتێكرن ل سه‌ر دولۆڤيۆ هه‌بيت كو جهى وى دناڤ رێزێن هه‌لبژارتيێ ئيسپانيا دا ل مونديالا 2018 ل رووسيا نه‌بيت، له‌وما دخواست ژ به‌رشه‌لونا بچيت دا ده‌ليڤا ياريكرنێ هه‌بيت.
ده‌زگه‌هێ كاروبارێن مينان 27 هزار مين و ته‌قه‌مه‌نى ل 2017 ژناڤبرينه
ئه‌ڤرۆنيوز:
ده‌زگه‌هێ گشتى يێ كاروبارێن مينان ل هه‌رێما كوردستانێ دكۆنگره‌كێ رۆژنامه‌ڤانى دا ئه‌ڤرۆ سێشه‌مبى 30/1/2018، پۆختا كار وچالاكيێن سه‌ره‌كى يێن خوه ل سالا 2017 راگه‌هاند.
عه‌لى حه‌مه‌د به‌گ، جێگرێ سه‌رۆكێ ده‌زگه‌هێ گشتى يێ كاروبارێن مينان ل هه‌رێمێ دوى گۆنگره‌ى دا، گۆت” دده‌مێ ساله‌كێ دا ده‌زگه‌هێ مه شيايه 13 مليۆن و682 هزار و19 مه‌ترێن دوجاركى پاقژ بكه‌ت ب ده‌ڤه‌رێن ئازادكرى ژده‌ستێ داعشێ ڤه”.
گۆت ژى” زێده‌تر ژ 27 هزار و108 مين وته‌قه‌مه‌نى وبۆمبێن چاندى يێن پاشمايێ شه‌ران هاتينه ژكارخستنو ژناڤبرن كو ژناڤبرنا هه‌ر ئێك ژوان گيانێ ب ده‌هان كه‌سان ژمرنێ رزگاركريه”.
پاشى نيازى خالد رێڤه‌به‌رێ گشتيێ ديوانا ده‌زگه‌هێ گشتيێ يێ كاروبارێن مينان ل هه‌رێمێ به‌حسێ داهات ومه‌زاختيێن ده‌زگه‌هێ ناڤبرى كر وراگه‌هاند” د سالا 2017 دا، زێده‌تر ژ 40 مليۆن ديناران ل گه‌ل نێزيكى 60 هزار دۆلاران مه داهات بۆ حوكمه‌تا هه‌رێمێ هه‌بوو، دبه‌رامبه‌ر دا زێده‌تر ژ 14 مليار مه‌زاختى بوون دوێ سالێ دا”.
هه‌ر دوى كۆنگرێ رۆژنامه‌ڤانيدا، عوبه‌يد ئه‌حمه‌د رێڤه‌به‌رێ گشتيێ كاروبارێن ته‌كنيكى ئامارا شه‌هيد وقوربانيێن مين وته‌قه‌مه‌نيان دده‌مێ ساله‌كێ دا راگه‌هاند وگۆت” ل سالا 2017 دا مه 23 قوربانى هه‌بوون كو11 ژوان گيانێ خوه ژده‌ستدايه و12 كه‌سێن دى بريندار وكێم ئه‌ندام بووينه، به‌راوردكرن ل گه‌ل سالا 2016، رێژه يا به‌ر ب كێمبوونێ چووى كو ل سالا 2016 هژمارا قوربانيان 41 كه‌س بوون كو 16 كه‌س ژوان گيانێ خوه ژده‌ستدابوو”.
ناڤبرى ئه‌گه‌رێ كێمبوونا رێژا قوربانيێن مين وته‌قه‌مه‌نيان ل سالا 2017 به‌راوردكرن ل گه‌ل سالا 2016 زڤراند بۆ له‌زاتيا پرۆسا پاكسازيێ وتيمێن هشياريێ يێن ب سه‌ر ده‌زگه‌هێ مينان كو ب رێيا تيمێن هشياركرنێ زێده‌تر ژ 142 هزار و69 كه‌س ژ به‌رنامێ هشياركرنێ ژمه‌ترسيێن مين وته‌قه‌مه‌نيان، مفادار بوون.
نيازى خالد گۆت ژى” 57 زه‌ڤيێن مينان پشتى هاتينه پاقژكرن، هاتن راده‌ستكرن بۆ خودانێن وان ونوكه دوباره وه‌لاتى بۆ كارێ چاندنێ وئاژه‌لداريێ بكاردئينن”.
ده‌زگه‌هێ گشتى يێ كاروبارێن مينان، هه‌موو كاروبارێن مين وته‌قه‌مه‌نيان ل هه‌رێما كوردستانێ وده‌ڤه‌رێن ده‌رڤه‌ى ئيدارا هه‌رێمێ ئه‌نجام دده‌ت وراسته‌وخوه ب سه‌ر جڤاتا وه‌زيرێن هه‌رێما كوردستانێ ڤه‌يه، هه‌تا نوكه ب هاريكاريا كۆمپانى ورێكخراوێن ناڤخوه‌يى ونێڤده‌وله‌تى شيايه زێده‌تر ژ رێژا 65% ژ وى ئه‌ردى ل هه‌رێمێ ب مين وته‌قه‌مه‌نيان پێسبووى، پاقژ بكه‌ت ودبه‌رنامێ وێ دايه ژى دده‌مێ پێنج سالێن دى مين وته‌قه‌مه‌نى ل كوردستانێ نه‌مينن.
مه‌سرور بارزانى:سه‌پاندنا گوهۆرينێن ديموگرافى ل چ ده‌ڤه‌ره‌كێ ناهێته قه‌بوولكرن
ئه‌ڤرۆنيوز:
دديداره‌كێ دا ل گه‌ل مه‌تران نيكۆديمۆس داود، شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى، ل دۆر ره‌وشا ده‌شتا نه‌ينه‌وا ئاماژه دا كو هنده‌ك بزاڤێن ئاشكرا يێن هه‌ين بۆ گوهۆرينا ديموگرافيا وان ده‌ڤه‌ران وشه‌قايه‌ك يێ هاتيه دروستكرن كو برايێن كريستيان مال وحالێ خوه ل ده‌شتا نه‌ينه‌وا دهێلن. راگه‌هاند ژى كو ئه‌ڤ بزاڤه كو دچارچۆڤێ هه‌وا ته‌عريبكرنا ده‌ڤه‌رێن كوردستانى يێن دى يه، ب چو شێوه‌كى ناهێنه قه‌بوولكرن.
ئه‌ڤرۆ سێشه‌مبى 30/1/2018، مه‌سرور بارزانى شيره‌تكارێ جڤاتا ئاسايشا هه‌رێما كوردستانێ پێشوازى ل مه‌تران (نيكۆديمۆس داود) مه‌ترانێ كه‌نيسا ئه‌رتۆدۆكسى سريانى ل هه‌رێما كوردستانێ ومووسلێ وكه‌ركووكێ كر. د وێ ديدارێ دا ره‌وشا ده‌ڤه‌رێ و بتايبه‌ت ده‌شتا نه‌ينه‌وا وره‌وشا ئاوارێن كريستيانێن ده‌شتا نه‌ينه‌وا ل هه‌رێما كوردستانێ هاته به‌حسكرن.
مه‌تران نيكۆديمۆس سوپاسيا هه‌رێما كوردستانێ كر كو به‌رده‌وام پشته‌ڤان وپه‌ناگه‌ها كريستيانان بوو ل عيراقێ وهيڤى خواست هه‌ر چ زوويه ئه‌و فشارێن ل سه‌ر هه‌رێمێ هه‌ين ب دووماهى بهێن وئاشتى وئارامى بۆ هه‌موو ده‌ڤه‌رێ بهێته ڤه‌گه‌راندن.
شيره‌تكارێ جڤاتا ئاسايشا هه‌رێما كوردستانێ دياركر كو دچ ره‌وش دا، كه‌لتوورێ لێبۆرينێ وپێكڤه‌ژيانێ ل كوردستانێ گوهۆرين ب سه‌ردا ناهيت وهه‌رێما كوردستانێ به‌رده‌وام وه‌كو ناڤه‌ندا پێكڤه‌ژيانا هه‌موو نه‌ته‌وه وئايين ومه‌زهه‌بان مينيت.
ل دۆر ره‌وشا ده‌شتا نه‌ينه‌وا، مه‌سرور بارزانى ئاماژه ب وێ چه‌ندێ كر كو هنده‌ك بزاڤێن ئاشكرا يێن هه‌ين بۆ گوهۆرينا ديموگرافيا وان ده‌ڤه‌ران وسه‌قايه‌ك يێ هاتيه دروستكرن كو برايێن كريستيان مال وحالێ خوه ل ده‌شتا نه‌ينه‌وا بهێلن.
شيره‌تكارێ جڤاتا ئاسايشا هه‌رێما كوردستانێگۆت ژى” ئه‌ڤ بزاڤه كو دچارچۆڤێ هه‌وا ته‌عريبكرنا ده‌ڤه‌رێن كوردستانى يێن دى يه ،ب چو شێوه‌كى ناهێنه قه‌بوولكرن وپشته‌ڤانيا مه بۆ برايێن كريستيان دێ يا به‌رده‌وامبيت بۆ پاراستنا تايبه‌تمه‌نديا ده‌ڤه‌رێن وان وپێكڤه‌ژيانه‌كا ئاشتيانه ل گه‌ل هه‌موو پێكهاتێن دى يێن ده‌شتا نه‌ينه‌وا”.
يانا زاخۆ سه‌ركه‌فتنا خوه يا دويێ د خۆلا عيراقێ دا تۆماركر
ئه‌ڤرۆنيوز:
به‌رى ده‌مه‌كێ كێم، ياريا دناڤبه‌را يانا زاخۆ ومێهڤانا وێ يانا نه‌فت ميسان دچارچۆڤێ گه‌را 12 ژ خۆلا عيراقێ يا پلا ناياب، ئه‌وا ل سه‌ر ياريگه‌ها زاخۆ يا نێڤده‌وله‌تى هاتيه ئه‌نجامدان ب سه‌ركه‌فتنا يانا زاخۆ ب دووماهى هات ب ئه‌نجامێ 1-0.
ب ڤى ئه‌نجامى يانا زاخۆ خالێن خوه گه‌هاندنه 10 خالان وژ رێزا 19 وبه‌رى دووماهيێ، پێشڤه هاته رێزا 15 د رێزبه‌ندا خۆلا عيراقێ دا ويانا نه‌فت ميسان ب 19 خالان ل رێزا شه‌شێ دهێت.
د 12 ياريێن هه‌تا نوكه يانا زاخۆ دخۆلا عيراقێ دا ئه‌نجام داين، 2 سه‌ركه‌فتن تۆمار كرينه كو ئێك ژوان ئه‌وا ئه‌ڤرۆ بوو، چار وه‌كهه‌ڤى وشه‌ش دوراندن ژى يێن هه‌ين.
وه‌زاره‌تا دارايى ل دۆر مووچێن سێ هه‌يڤێن دووماهيا 2017 بريار دا
ئه‌ڤرۆنيوز:
وه‌زاره‌تا دارايى وئابوورى ل هه‌رێما كوردستانێ پێشتر ب نڤيساره‌كا فه‌رمى داخواز ژ وه‌زاره‌تان كربوو مووچێ هه‌يڤێن 10 و11 و12 يێن سالا 2017 پاشكه‌فت بكه‌ن، به‌لێ وه‌زيرێ دارايى گوهۆرين دوێ بريارێ دا كر.
ژێده‌ره‌كى ژ وه‌زاره‌تا دارايى وئابوورى دياركر كو وه‌زيرێ دارايى، رێباز حه‌ملان، داخواز كريه مووچێن وان سێ هه‌يڤان نه‌هێنه پاشكه‌فتكرن، به‌لكو هه‌يڤانه ل سالا 2018 بهێنه مه‌زاختن.
وى ژێده‌رى زێده‌تر بۆ باسنيوز رۆهنكر” ل ده‌ستپێكا سالا 2018، وه‌زاره‌تا دارايى داخواز ژ وه‌زاره‌تان كربوو مووچێ هه‌يڤا كانوونا دويێ 2018 به‌رهه‌ڤ بكه‌ن، به‌لێ پاشى گوهۆرين تێدا هاته كرن ويێ كريه مووچێ هه‌يڤا 10 يێ سالا 2017″.
ل جڤاتا وه‌زيرێن هه‌رێما كوردستانێ، ب تايبه‌ت لژنا بايۆمه‌ترى وگه‌نجينان داخواز ژ فه‌رمانگه‌هان هاتيه كرن كو ليستێن مووچێ هه‌يڤێن 10 و11 و12 نه‌كه‌نه دناڤ تۆمارێن پاشكه‌فتى دا، به‌لكو ل سالا 2018 بهێنه مه‌زاختن.
به‌رى نوكه وه‌زاره‌تا دارايى وئابوورى، ب رێيا گه‌نجينان، داخواز ژ هه‌موو يه‌كه‌يێن ژمێريارى يێن فه‌رمانگه‌هان كربوو كو ليستێن مووچێن هه‌يڤێن 10 و11 و12 بۆ بهنێرن ودليستا پاشكه‌فتى تۆمار بكه‌ن.
وى ژێده‌رێ وه‌زاره‌تا دارايى ئاشكراكر”ئه‌و پێنگاڤا پاشكه‌فت نه‌كرنا سێ مووچێن هه‌يڤێن دووماهيا سالا 2017، په‌يوه‌ندى ب پێشڤه‌چوونا دانوستاندنێن دناڤبه‌را هه‌رێما كوردستانێ وبه‌غدا ڤه هه‌يه”.
فراكسيۆنا پارتى:پێدڤيه وه‌لاتێن ده‌ڤه‌رێ هێجه‌تان بۆ سه‌ركوتكرنا گه‌لێ كورد نه‌ئينن
ئه‌ڤرۆنيوز:
فراكسيۆنا پارتى ديموكراتى كوردستان، دكۆمبوونا ئه‌ڤرۆ يا په‌رله‌مانێ كوردستانێ دا، په‌ياما خوه ل دۆر شه‌رێ عه‌فرينێ راگه‌هاند كو ب رێيا ئۆمێد خوشناو سه‌رۆكێ فراكسيۆنێ هاتيه خواندن.
ئۆمێد خوشناوى گۆت” عه‌فرين خه‌مه‌كا كويره، به‌لێ ئه‌م به‌رى عه‌فرينێ يێن تووشى كاره‌سات وخه‌مه‌كا كويرتر بووين ل كه‌ركووكێ وده‌ڤه‌رێن كوردستانى يێن دى”.
گۆت ژى” پێدڤيه وه‌لاتێن ده‌ڤه‌رێ رێزێ ل قانوونێن نێڤده‌وله‌تى بگرن وهێجه‌تان بۆ سه‌ركوتكرنا گه‌لێ كورد نه‌ئينن، ده‌ڤه‌ر ته‌حه‌مولا شه‌ره‌كێ نوو ناكه‌ت، شه‌ر قه‌يرانان كويرتر لێ دكه‌ت”.
ئومێد خوشناو ل دۆر شرۆڤه‌كرنا قانوونى بۆ شه‌رێ توركيا دژى رۆژئاڤايێ كوردستانێ دبێژيت” ئه‌م هه‌موو دزانين كو قانوونا رێكخستنا په‌يوه‌نديان دناڤبه‌را گه‌لان وده‌وله‌تان دا، دووپاتيێ ل بده‌ستڤه‌ئينانا خواستا گه‌لان دكه‌ن تاكو دئاشتيێ هه‌ڤسوييا پێكڤه بژين”.
فراكسيۆنا پارتى ل دۆر هێجه‌تين توركيا، راگه‌هاند”توركيا چه‌مكێن وه‌كو به‌رگرى ژخوه ونه‌هێلانا تيرۆرێ وديرۆكا مانه‌وه‌يا نه‌ته‌وێ تورك وژناڤبرنا گرۆپێن بێ ناسنامه، وه‌كو هێجه‌ت بۆ هه‌لكرنا شه‌رێ ل دژى رۆژئاڤايێ كوردستانێ بكاردئينيت” .
لژنێن هووربينيێ د ليستێن پێنج وه‌زاره‌تێن دى گه‌هشتنه هه‌رێمێ
ئه‌ڤرۆنيوز:
هژماره‌كا لژنێن هووربينيێ دليستێن مووچه‌خۆرێن پێنج وه‌زاره‌تێن دى يێن هه‌رێما كوردستانێ، يێن كو ژلايێ حوكمه‌تا عيراقێ ڤه هاتينه پێكئينان، ئه‌ڤرۆ سێشه‌مبى 30/1/2018 گه‌هشتنه هه‌ولێرێ.
ژێده‌ره‌كى ژ وه‌زاره‌تا دارايى وئابوورى ل هه‌رێما كوردستانێ بۆ ئه‌ڤرۆنيوز ئه‌ڤ چه‌نده پشت راستكر وگۆت” ئه‌و لژنێن هووربينيێ ئه‌ڤرۆ يێن گه‌هشتين ودێ كارێ هووربينيێ دليستێن مووچه‌خۆرێن هه‌ر ئێك ژ وه‌زاره‌تێن خواندنا بلند، پلاندانانێ، چاندنێ وژێده‌رێن ئاڤێ، باژێرڤانيان وگه‌شتوگوزاروپيشه‌سازى وبازرگانى دا كه‌ن”.
پارێ ژمارەکا مامۆستایێن وانەبێژ هاتە دزین
ئەڤرو نیوز ، نەوزاد هلۆری:
پشتی کو چەند روژێن بووری پارێ ماموستاییێن وانەبێژ ل سنوورێ قەزا هاتیە دابەشکرن ، بەشەک ژ وی پارەی ژلایێ رێڤەبەرێن چەند قوتابخانەیەکا هاتیە برن.
ماموستایەکێ ئێک ژ قوتابخانێن ناحیا شێلادزێ کو نەڤیا ناڤێ خوە بێژیت بو ئەڤرۆ نیوزگوت: (چەند روژێن بوری پارێ ماموستایێن وانەبێژ لسەر قوتابخانێن سنورێ قەزا ئامێدیێ هاتە دابەشکرن ، بەلێ رێژەیەک ژ وی پارەی ژلایێ رێڤەبەرێن قوتابخانان هاتیە برن و نەهاتیەدان ، هەر بوو نموونە ماموستا هەبویە شونا 300 هزار دیناران ، تنێ 250 هزار دینار وەرگرەینە ، و دیسان ماموستا هەبویە شونا پارێ وانەیێن 27 روژان تنێ پارێ وانەیێن 11 روژان یێن وەرکرتین).
زێدەتر گوت: ( ئەڤ یەک زەنگەکا مەترسیە لسەر کەساتیا ماموستا و پروسەیا خواندنێ ل سنوورێ قەزا ئامێدیێ ، ب تایبەتی د قەیرانا دارایی دا)
ژلایێ خوڤە وارشین بەرواری رێڤەبەرێ ناحیا شێلادزێ بو ئەڤرۆ نیوز گۆت: (نوچەیێ برنا پارێ وانەبێژێن ماموستا ل چەند قوتابخانەیەکێن ناحیا شێلادزێ و دەڤەرێ گەهشتیەمە ، و مەژی دەست ب ڤەکولینێ کریە لسەر راستیا بابەتی و ب رێیێن قانونی دێ چارەسەری بو بابەتی هێتەکرن هەردەما ڤەکولینێ ئەنجام دەستخوڤە ئینان)
كۆمبوونا په‌رله‌مانێ كوردستانێ ده‌سپێكر
ئه‌ڤرۆ نيوز:
به‌رى ده‌مه‌كێ كێم كۆمبوونا په‌رله‌مانێ كوردستانێ ده‌سپێكر و بڕياره ته‌وه‌ره‌ك يێ تايبه‌ت بيت ب ره‌وشا عه‌فرينێ ڤه.
ئەندامەکێ پەرلەمانێ کوردستانێ بۆ ئەڤرۆ نيوز دياركر کو دێ گەنگەشە ل سەر پرۆژێ راستڤەکرنا برگە و مادێن قانوونیێن پەیرەوێ نافخو ھێتەکرن.
حاجی کاروانی ئەندامێ پەرلەمانێ کوردستانێ ئاشکراکر کو ھەر ژ دەسپێکا خولا ئەڤ جارە یا پەرلەمانێ کوردستانێ کار ل سەر راستڤەکرنا بەرگە و مادێن قانونیێن پەیرۆێ نافخو ھاتنەکرن و 80% کار ل سەر ب دووماھی ھاتیە و ئەڤە ب رازیبوونا ھەموو فراکسیونێن پەرلەمانێ کوردستانی بوویە و دبینم ئەڤە دێ گەلەک مفایی گەھینتە خەلکێ کوردستانێ.
ھەمان ئەندامێ پەرلەمانێ کوردستانێ ئەو ژی ئاشکراکر پەیرەوێ نافخوە یێ پەرلەمانێ کوردسنانێ یێ نوکە وەکی مەتاتی یە و ھەر مادەکێ چەندین چارەسەری و بەرسڤ بۆ دھێنە دیتن و د راستڤەکرنێ دا ئەڤ ھەموو برگە ل بەرچاڤ ھاتینە وەرگرتن.
حاجی کاروان نەڤەشارت کو پێشبینی دھێـتەکرن دخولا چارێ یا پەرلەمانێ کوردستانێ دا ئەف پرۆژە قانوونە بھێتە پەسەندکرن و بکەڤیتە خزمەتا وەلاتیان دا.
نيشاندان
WP Facebook Auto Publish Powered By : XYZScripts.com