ئه‌ڤرۆ نيوز، نيوار محه‌مه‌د سه‌ليم:
ب گۆره‌ى ژێده‌رێن ناڤا پارتيا جڤاتا مللى يا كلد و ئاشوور و سريانى ل پارێزگه‌ها دهۆكێ ره‌وشا وان ل گه‌ل هه‌ڤركێن وان يێن كۆتا يا باشه و نوكه ليستا ئێكێ دهێن بێ ده‌نگدانا تايه‌بت.
ب گۆره‌ى ئه‌و ژێده‌رێن ب ده‌ست ئه‌ڤرۆ نيوز ژى كه‌فتين ل سنورێ لقا ئێك ده‌نگێن وان ب جوداهيه‌كا كێم ل رێزا دويێ دهێن و ل سنورێ لقا هه‌شت ل زاخۆ ژى بێ هه‌ڤرك يێ ل رێزا ئێكێ دهێن كو ل سنورێ ڤان هه‌ردو لقان زێده‌ترى 2500 ده‌نگێن كوتا ب ده‌ست ڤه ئيناينه كو به‌هرا هندێ هه‌نه به‌بژارێ كوتا بۆ وان بيت.
ژێده‌ره‌كى ژ ناڤا پارتيا جڤاتا مللى يا كلد و ئاشوور و سريانى ل پارێزگه‌ها دهۆكێ ئاشكرا كر كو دياركرنا وێ كورسيێ گه‌له‌ك يا ب زه‌حمه‌ته ژ به‌ر كو ل سه‌رانسه‌رى كوردستانێ و عيراقێ و ژ ده‌رڤه‌ى وه‌لاتى ژى يه و گۆت: “گه‌له‌ك د گه‌شبينين كو دێ ئه‌و كورسيا كوتايێ بۆ مه بيت”.
زێده‌تر گۆت: “ل زاخۆ نێزيكى 1500 ده‌نگان مه ب ده‌ست ڤه ئيناينه و ريحان خانێ ژى پتريا ده‌نگێن ليستا مه ب ده‌ست ڤه ئيناينه و بێ هه‌ڤرك ل سه‌رێ ليستا به‌ربژارێن مه دهێت”.
هه‌ر ب گۆره‌ى پێزانينێن ئه‌ڤرۆ نيوز ل سنورێن لقێ ئامێدى 217 ده‌نگ ب ده‌ست ڤه ئيناينه و ئاكرێ ژى هژماره‌كا ده‌نگان ب ده‌ست ڤه ئينانه ب گۆره‌ى بنگه‌هێن ده‌نگدانێ، به‌لێ ژمارا گشتى يا ده‌نگێن وێ ل به‌ر ده‌ستێ مه نينه.
ل هه‌لبژارتنێن سالا 2014ێ يێن جڤاتا نوونه‌رێن عيراقێ كوتا مه‌سيحيان ل پارێزگه‌ها دهۆكێ 12 هزار و 626 ده‌نگان ب به‌ربژارێ خوه ئازاد هورمز نيسان هورمز ب 412 ده‌نگان گه‌هشتبوو جڤاتا نوونه‌رێن عيراقێ.
نيشاندان