ئەڤرۆنيوز:
یانا یوڤانتوس بوو وەرزێ بھێت ب ھێزتر بھێتە دناڤا خولێن ئورۆپی و نافخوی دا رۆژنامەیێن نێزیکی یانا یوڤانتوس دیارکریە یانا ئیتالی دەست ب لڤینا کریە بوو ئیمزاکرنا یاریزانان بوو مێرکاتویا ھاڤینا ئەڤ سالە و تایبەت ل ھێلا بەرەڤانیێ پشتی یاریزانێ وێ یێ مەغربی مەھدی بنعتیە چوونا خوە بوو یانا مارسیلیا راگەھاندی ئەوان ھەر زیکا دەست ب لڤینا کر یاریزانەکی ل جھێ ئەوی پەیدا بکەن .
ل دویڤ گوتنا رۆژناما توتو سپورت یا ئیتالی کارگێریا یوڤانتوس دو یاریزان دەست نیشانکرینە ل جھێ یاریزانێ خوە یێ مەغربی ئەوژی ژ یانا ئەتلەتیکو مەدرید یا ئیسپانی نە ئەوژی یاریزانێ گەنج خیمێنیز و ھەردیسان یاریزانێ خودان شارەزا دیگو گودین .
ژلایەکێ دویڤە مالپەرێ کاتشیو مێرکاتو یێ ئیتالی ئاشکراکریە یانا یوڤانتوس دەست ب لیڤینا کریە بوو دەست ڤە ئینانا ھێرشبەرەکێ خودان شیان و کارگێریا یانا ئیتالی دو یاریزان دەست نیشانکرینە و دبیت ل مێرکاتویا بھێت دا ھەڤبەستێ ل گەل ھەردو یاریزانان ئیمزا بکەن ھەکە ڤەگوھاستنا ھەردو یاریزانان ل سەر ئەوان گران نە راوستا.
ئەوی مالپەری دیارکریە ژی ئەو ھەردو یاریزان ژی ھەر ئێک ژی ئەنتونی مارسیال یاریزانێ مانچێستەر یوناید و یاریزانێ گەنج یێ یانا ئەنتلانتا موسی بارو لێ وێ رۆژنامێ دیارکریە ژی یانا یوڤانتوس گرنگیەکا مەزن دایە مارسیال و یا ھەمی بزاڤان تەرخان دکەت بوو دەستڤە ئینانا ئەڤی یاریزانی

دیگو گودین

خیمێنیز

مارسیال

موسی بارو

ئەڤرۆ،ھەژار مەعروف:
چاڤەرێ دھێتەکرن ل حەفتیا بھێت راھێنەرێ ھەلبژارتیێ سوید پێکھاتیێ دەستپێکێ یێ ھەلبژارتیێ سوید بوو موندیالا جیھانێ یا روسیا ئاشکرا بکەت و رۆژنامەیێن سویدی وەسا ئاشکراکرینە د لیستا راھێنەرێ ھەلبژارتیێ سوید ئەندرسون دبیت چەند گوھورین ھەبن و ھژمارەکا یاریزانێن نوو داخواز بکەت ئەوێن یاری دناڤا خولا سوید دا یاری دکەن و ئێک ژ ئەوان یاریزانا ستێرا کورد و کابتنێ یانا ھاماربی کو نوکە ئێک ژ ستێرێن وێ یانێ یە ھەردیسان ب باشترین یاریزانێ مەھا بوری دخولا سوید دا ھاتە خەلاتکرن کو پشتی ل حەفت یاریێن بوری دا شیای پێنج گولان توماربکەت ھەردیسان پێنج گولان بوو ھەڤالێن خوە دروست بکەت .
رۆژنامە و مالپەرێن وەرزشی ل ناڤا وەلاتێ سوید پێشبینا وێ چەندێ دکەن کو ناڤێ یاریزانێ کورد و کابتنێ یانا ھاماربی ژیلوان حەمەد دناڤا لیستا راھێنەرێ سوید بیت بوو موندیالا روسیا و ئەو رۆژنامەیێن سوید وەسا دیارکریە ژیلوان حەمەد ھەژی کرنا درێسێ ھەلبژارتیێ سوید ل موندیالا جیھانی ژبەرکو ئاستەکێ بلند پێشکێشکریە ل وەرزێ ئەڤ سالە و ئێک ژ ستێرێن خولا سوید نوکە.
ھەژی گوتنێ یە ژیلوان حەمەد خەلکێ باشورێ کوردستانێ یە ژ باژێرێ رانیە سەر ب پارێزگەھا سلێمانیێ ڤە یاری ل یانێن مالمو یا سویدی و ھوڤنھایم یا ئەلمانی و ستاندلیج یا بەلجیکی کریە ھەردیسان یاری بوو ھەمی ھەلبژارتیێن سوید تازە پێگەھشتیان و لاوان و ٢١ سالی و ٢٣ سالی کریە و ھەردیسان بوو ھەلبژارتیێ ئێکێ ژی یاریێن نیڤدەولی کریە

ئەڤرۆ:
راپورتێن رۆژنامەڤانی ل ئنگلتەرا وەسا دیارکرینە راھێنەرێ ئیتالی و یانا یوڤانتوس یا ئیتالی ماسملیانو ئەلگیری حەزا وەرگرتنا پوستێ راھێنەریا یانا ئەرسینال ھەیە ل جھێ راھێنەرێ فرەنسی ئەرسن ڤینگر و ل دویڤ پێزانین ئەوان رۆژنامە کو ئەلگیری نوکە گرنگیەکا مەزن ب پوستێ راھێنەریا یانا لەندەنی دەت.
رۆژناما میرو یا برێتانی ئاشکراکریە دەنگوباسێن نێزیکی یانا یوڤانتوس وەسا خویا دکەن پێشبینیێن راھێنەرێ ئەوان رێژا ٥٠% یە بوو مانا وی و ئەو دێ ل سەر حەزا خوە پوستآ راھێنەریا یانێ بجە ھێلت.
ئەوێ رۆژنامێ دیارکریە ژی ئەلگیری حەزا وەرگرتنا پوستێ راھێنەریا یانا ئەرسینال ھەیە ھەر چەندە ناڤێ ئەوی ھەتا نوکە نە ژ بەربژارێن ب ھێزە لێ وەسا پێشبینی دھێتەکرن ل ماوێ بھێت بیتە ئێک ژ بەربژارێن ب ھێز ل گەل راھێنەرێ بەری نوکە یێ بەرشەلۆنا لویس ئەنریکی .

ئەڤرۆ:
ئێکەتیا تەپا پێ یا ئورۆپی راگەھاندی یە ھەر چار یانێن رێزبەندیا ئێکێ ھەتا چارێ دخولا پلا نایاب یا ئینگلتەرا دا ئێکسەر پشکداری د قارەمانیا چامپیونیز لیگ دا بکەن و یانا لیڤەرپول یا ئینگلیزی ھەتا نوکە پلێتا دەربازبوونا خوە بۆ قارەمانیا چامپیونیز لیگ ل وەرزآ بھێت مسوگەر نە کریە رەوشا وێ یا دیار نینە کو نوکە ل رێزا سێ دھێت ب ٧٢ خالان و توتنھام ل رێزا چاری ب ٧١ خالان کێمتر یاریەکێ و چێلسی ژی ل رێزا پێنجێ دھێت ب ٦٩ خالان کێمتر یاریەکێ ژ لیڤەرپول و ھەکە ھەردو یانێن توتنھام و چێلسی یاریا خوە دا ب سەرکەفن دێ لیڤەرپول پاشڤەزفریتە رێزا پێنجێ .
ھەکە یانا لیڤەرپول نەشیا پلێتا دەربازبوونێ بوو قارەمانیا چامپیونیز لیگ د رێیا خولا ئینگلتەرا دا مسوگەر بکەت ئەوێ دێ دەلیڤەکا دی ھەبیت بشێت دەربازبوونا خوە بوو وەرزێ بھێت مسوگەر بکەت ئەوژی ل یاریا دووماھیا قارەمانیا چامپیونیز لیگ ل گەل یانا ریال مەدرید سەرکەفتنێ توماربکەت و ناسناڤێ قارەمانیێ ب دەستخوڤە بینت داکو بشێت پلێتا خوە بوو وەرزێ بھێت مسوگەر بکەت ھەکە خوە ل رێزا پێنجێ ژی بھێت د لیستا خولێ دا .

ئەڤرۆ نیوز،ھەژار مەعروف:
سەرۆکێ ئێکەتیا تەپا پێ یا عیراقێ دیارکر پشتی یاریا ئەڤرۆ یا یا ھەلبژارتیێ عیراقێ بەرامبەر ھەلبژارتیێ فەلەستین ھەکە بەردەوام وەزارەتا وەرزش و لاوان ل عیراقێ مایتێکرنا خوە د وەرزشا عیراقێ بکەت و ئەو دێ ھەمی چالاکیێن سەر ب وەرزشا ئەوان ڤە راوستینن و ئەڤ چەندە ژی دێ بیتە مەترسیەکا مەزن ل سەر پاشەرۆژا وەرزشا عیراقێ تایبەت تەپا پێ .
ھەردیسان عەبدولخالق مەسعود ئاماژە ب وێ چەندێ ژی کر ئەو ئەو سکالایا ل سەر ئەوان ھاتیە تومارکرن ژلایێ وەزارەتا وەرزش لاوان ڤە نابیتە رێگر د رێیا ئەوان دا ئەو خوە ژ ئێکەتیا تەپا پێ ڤەکێشن یان بیتە گڤاشتن بوو وێ چەندێ ھەلبژارتن بھێنە پاشئێخستن و دێ ھەلبژارتنێن ئێکەتیا تەپا پێ ل دەمێ خوە ل ٣١-٥-٢٠١٨ ھێنەکرن .
ناڤبری ئاماژە ب وێ چەندێ کر ژی وەزیرێ وەرزش و لاوان ل عیراقێ دخوازیت ب رێیا وێ سکالایێ گڤاشتنێ ل سەر ئەوان بکەت بوو پائێخستنا ھەلبژارتنا و پاش بوو ژناڤبرنا ئێکەتیا تەپا پێ یا نوکە لێ ئەوان ھەمی بەلگە ل بەر دەست ھەنە کو ئەوان چو شاشی نەکرینە و ئەو د بەرھەڤن ئامادەبن ل ھەر دادگەھەکێ و ئەڤ چەندە دھێتەکرن نە د بەرژوەندیا تەپا پێ یا عیراقێ دا یە ژبەرکو ھەر دەمێ ئەوان چالاکیێن خوە راوستاندن دێ ئێکەتیا فیفا ھەمی چالاکیێن عیراقێ یێن نیڤدەولی ژی راوستینت و گەلەک یانە و ھەلبژارتیێن عیراقێ دێ ژ پشکداریێن نیڤدەولی بێ باربن .