ئەڤرۆ نیوز ، زنار تۆڤی:
ئەڤرۆ چارشەمبی سەرۆکێ حوکمەتا هەرێما کوردستانێ نێچیرڤان بارزانی و شاندێ ل گەلدا ل داڤۆس ل وەلاتێ سویسرا ل گەل حەیدەر عەبادی سەرۆک وەزیرێن عێراقێ کۆمبوویە.
ئەڤرۆ سەرۆکێ حوکمەتا هەرێما کوردستانێ ل گەل عەبادی کۆمبوویە
نووترين نووچه
- سەرۆك بارزانی: عەبدولرەحیم عسمەت وانلی ژیێ خوە بۆ خەباتێ ژ پێخەمەت دۆزا رەوا یا گەلێ كوردستانێ تەرخانكربوو
- مەسرور بارزانی سەرەخوەشیێ ل كەسوكارێن قوربانیێن ئاگرێ دارستانێن كۆریایا باشوور دكەت
- ب سەرپەرشتییا سەرۆك بارزانی كوردێن سووریێ گەهشتنە رێككەفتنەكا دیرۆكی
- پەیاما سەرۆك بارزانی پشتەڤانییەكا ب هێز بوو بۆ گەلێ كورد
- سیپان شێروانی: 100 پەرلەمانتارێن ئیراقی بندیوارن
- هەرێما كوردستانێ و دەولەتا قەتەرێ دوپاتیێ ل سەر ب هێزكرنا پەیوەندییان د وارێ وزێ دا دكەن
- ل هاڤینا ئەڤسالە قونسلخانەیا مەزن یا ئەمریكا ل هەولێرێ دێ هێتە ڤەكرن
- رێكا گەشەپێدانێ د دهۆكێ را دەرباز دبیت
- مەحما خەلیل: مەترسییا دوبارە پێكدادانێ د ناڤبەرا یەپەشێ و لەشكرێ ئیراقێ دا ل شنگالێ یا هەی
- کوردێن رۆژئاڤایێ کوردستانێ بەرهەڤیان بۆ قۆناغەکا دیرۆکی دکەن
سهرهكى Facebook
نێچيرڤان بارزانى به‌حسێ ديدارا خوه و شاهێ ئوردنێ دكه‌ت
ئه‌ڤرۆنيوز:
سه‌رۆك وه‌زيرێن هه‌رێما كوردستانێ، نێچيرڤان بارزانى، ئه‌ڤرۆ چارشه‌مبى 24/1/2018، ل دافوس ل سويسرا ل گه‌ل عه‌بدولايێ كورێ حوسه‌ينى شاهێ ئوردنێ كۆمبوو.
نێچيرڤان بارزانى ل سه‌ر به‌رپه‌رێ خوه ل تۆرا جڤاكى يا تويته‌رى به‌لاڤكر” ئه‌ڤرۆ ل گه‌ل شاه عه‌بدوللا شاهێ ئوردنێ ل دافوس كۆمبووم ومن داخوازا ب هيزكرنا په‌يوه‌نديان وهه‌ڤالينيا درێژ خايه‌ن دناڤبه‌را حوكمه‌تا هه‌رێما كوردستانێ وئوردنێ كر”.
هه‌ر چار پارێزگه‌رێن هه‌رێما كوردستانێ يێن ل به‌غدا
ئه‌ڤرۆنيوز:
ل سه‌ر داخوازناما فه‌رمى يا په‌رله‌مانێ عيراقێ، ئه‌ڤرۆ چارشه‌مبى 24/1/2018، شانده‌كێ حوكمه‌تا هه‌رێما كوردستانێ ل به‌غدا پشكدارى دكۆنگره‌كێ تايبه‌ت ل دۆر پرسا لامه‌ركه‌زيه‌تێ وچه‌ند ته‌وه‌رێن دى كر.
شاندێ حوكمه‌تا هه‌رێما كوردستانێ، ل دووڤ باس، پێك دهێت ژ پارێزگه‌رێن (هه‌ولێر، سلێمانى، دهۆك وهه‌له‌بجه) ووه‌زيرێ ساخله‌ميێ ووه‌زيرا باژێرڤانيان وگه‌شتوگوزارێ.
نێچيرڤان بارزانى، سه‌رۆك وه‌زيرێن هه‌رێما كوردستانێ ب فه‌رمى هاتبوو داخوازكرن بۆ وى كۆنگره‌ى، ول كۆنگرێ خوه يێ رۆژنامه‌ڤانى ل هه‌ولێرێ ل 22 ڤێ هه‌يڤێ راگه‌هاندبوو كو داخوازناما سه‌ره‌دانا به‌غدا يا گه‌هشتيه وى، به‌لێ ژبه‌ر پشكداريا وى دكوربه‌ندێ دافوس دا ل سويسرا، نه‌شێت سه‌ره‌دانا به‌غدا بكه‌ت”.
هه‌ر ئه‌ڤرۆ دچارچۆڤێ وى كۆنگره‌ى دا ل به‌غدا، رێكه‌وت حه‌مه ره‌شيد وه‌زيرێ ساخله‌ميێ ل هه‌رێمێ، په‌يڤا نێچيرڤان بارزانى سه‌رۆك وه‌زيرێن هه‌رێما كوردستانێ خواند.
پشتى ده‌سته‌سه‌ركرنا سه‌رۆكێ باژێرڤانيا زاخۆ پۆليسێن دهۆكێ نهێنيه‌كا دژى ئاشكه‌را كر
ئەڤرۆ نیۆز، رێوار مزیری:
بەرپرسێ پشکا پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ بۆ ئەڤرۆ نیۆز دیار کر کو ل سەر داخوازا داخوازكه‌رێ گشتی سەرۆکێ باژێرڤانیا زاخۆ ئەڤرۆ رۆژا چارشه‌مبى رێكه‌فتى 24ى كانوونا دويێ 2018 ژ ئالیێ پۆلیسان ڤە ھاتە دەستسەرکرن.
رائیدێ مافپەروەر ھێمن سلێمان، بەرپرسێ پشکا پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ ئاشکرا کر کو پشی نڤیسینگەھا زاخۆ یا دەستەیا دەستپاکیێ پێزانین داینە سەرۆکاتیا داخوازکه‌رێ گشتی ئەوان ژی ب رێیا خوە ئاگەھداریا داخوازکه‌رێ گشتی یێ دھۆکێ کر کو چەند کەسەکان زێدەگاڤی یا کریە سەر مولکێ گشتی و خانی ل سەر ئاڤاکرینە و گۆت: “ئەڤ نڤیسارە ھاتە رەوانەکرن بۆ دادگەھا ڤەکۆلینێ و دادگەھا ناڤھاتی ژی بڕیار دا بژار مونیب سەرۆکێ باژێرڤانیا زاخۆ ل دادگەھێ ئامادە بیت و پشتی ئامادەبووی ل دووڤ بڕیارا دادوەرێ ڤەکۆلینێ ل دووڤ بەندێ 457 ژ قانوونێن سزای ھاتە دەستەسەرکرن”.
ناڤھاتی ئاماژە دا وێ چەندێ کو بەری نوکە سەرۆکێن بەرێ یێن باژێرڤانیێن قەزایێن دھۆک و ئاکرێ و شێخان ب هه‌مان مه‌ره‌م ھاتبوونە دەسته‌سەرکرن.
ھه‌یكه‌لێ نوو یێ وه‌زاره‌تا پێشمه‌رگەی دێ ھەڤشێوەیێ هەیکەلێ ناتۆ بیت
ئەڤرۆ نیوز ، زنار :
وه‌زاره‌تا پێشمه‌رگەی رادگەهینیت،کو ھه‌موو ئاماده‌كاری بۆ پرۆژێ چاكسازیا وه‌زاره‌تێ هاتیە كرن و پلان ژی بۆ هاتیە دانان و ل دەستپێکا هەیڤا ئادارێ دێ ده‌ست ب جێبه‌جێكرنێ هێتە کرن و ھه‌یكه‌لێ نوو دێ هەڤشێوەیێ ناتۆ بیت و ھه‌ر ئه‌وان ژی كار بۆ كریە.
عه‌مید ھه‌لگورد حكمه‌ت رێڤەبەرێ گشتی ل وه‌زاره‌تا پێشمهرگهی راگه‌هاندیە،کو پرۆژێ چاكسازیێ ل وه‌زاره‌تا پێشمهرگهی یێ ئاماده‌یه و پلان بۆ هاتیە دانان بۆ هندێ بهێتە جێبه‌جێ کرن و هاتیە دابه‌ش كرن بۆ سه‌ر پێنج سێكته‌ران،کو یا گرنگ ئەوە دوباره دانانا ھه‌یكه‌لێ وه‌زاره‌تا پێشمه‌رگه‌یە و دوباره رێكخستنا ھێزا پێشمه‌رگه‌یه،کو نوکە د قۆناغا دانوستاندنێ ده‌رچوویه و ده‌ست ب جێبه‌جێكرنێ دهێتە کرن.
هه‌روه‌ها خویاکریە ژی،پشکەک ژ فه‌رمانگه‌هێن وه‌زاره‌تا پێشمهرگهی دێ هێنە لادان و هندەک پشک ژی دێ هێنە زێدەکرن،هەروەسا ل دەستپێکا هەیڤا ئادارێ دێ ده‌ست ب جێبه‌جێكرنا وێ ئه‌و پلانێ هێتە کرن و ئەڤ پرۆژه دێ چیته وارێ جێبه‌جێكرنێ،چونكی ھه‌موو كارێن وی ته‌مام بووینه.
دیسا ناڤهاتی گوتیە، ھه‌یكه‌لێ نوو یێ وه‌زاره‌تا پێشمهرگهی و رێكخستنا ھێزێن پێشمه‌رگەی وه‌ك وه‌زاره‌تا پێشمهرگهی و وه‌زاره‌تا به‌رەڤانیا عێراقێ نابیت، به‌لكو دێ ھەڤشێوه‌یێ ناتۆی بیت و ھه‌ر ئه‌وان ژی كاریان بۆ كریه و وان دڤێت ھێزا پێشمهرگهی ژی ھه‌مان شێوه‌یێ ھێزا ناتۆی بیت، ھه‌یكه‌لێ وه‌زاره‌تێ ژی وه‌ك ھه‌یكه‌لێ ئه‌وان بیت، ئه‌ڤە ژی دێ وە کەت،کو ھێزا پێشمه‌رگەی ببیته ھێزەک ھەڤشێوێ ھێزێن جیهانێ.
پرۆژه‌کێ 35 خالی ل وه‌زاره‌تا پێشمه‌رگەی ھه‌یه بۆ هندێ کوو دوباره ھه‌یكه‌لێ وه‌زاره‌تێ بهێتە دانان و ھێزا پێشمه‌رگەی ژی بهێتە رێكخستن،نوکە هەموو کار بۆ وی پرۆژه‌ی هاتینە كرن بۆ هندێ ده‌ست ب جێبه‌جێكرنا وی بهێتە کرن،ب ھاریكاریا راوێژكارێن وەلاتێن ھەڤپه‌یمانان هاتیە ئاماده كرن.
سه‌رۆك بارزانى: نانبرين و پێشێلكرنا دستوورى گه‌لێ كوردستانێ هاندا ريفراندۆمێ ئه‌نجام بده‌ت
ئه‌ڤرۆنيوز:
سه‌رۆك مه‌سعود بارزانى، ئه‌ڤرۆ چار شه‌مبى 24/1/2018، ل گه‌ل فراكسيۆنا پارتى ديموكراتى كوردستان ل جڤاتا نوونه‌رێن عيراقێ كۆمبوو.
دوێ كۆمبوونێ دا، سه‌رۆك وئه‌ندامێن فراكسيۆنا پارتى ل جڤاتا نوونه‌رێن عيراقێ كورتيه‌ك ل دۆر ره‌وشا سياسى يا عيراقێ وبابه‌تێ هه‌لبژارتنان وهه‌ڤكێشێن سياسى دناڤ جڤاتا نوونه‌ران به‌رچاڤكر.
ئه‌ندامێن فراكسيۆنا پارتى ل جڤاتا نوونه‌ران، بۆچوون وپێشنيارێن خوه ل دۆر چاوانيا كاركرنێ ودانانا چارچۆڤێ پێدڤى بۆ ره‌فتاركرنێ ل گه‌ل پێشهاتان وپه‌يوه‌نديێ ل گه‌ل لايه‌نێن سياسى بۆ سه‌رۆك بارزانى به‌حسكر.
سه‌رۆك بارزانى دكۆمبوونێ دا به‌حسێ دووماهى پێشهاتێن سياسى يێن ناڤخوه‌يى وهه‌ريمايه‌تى وده‌ولى وهه‌لويستێ وه‌لاتێن ده‌ڤه‌رێ وجيهانێ ل سه‌ر هه‌رێما كوردستانێ وهوورده‌كاريێن روودانێن 16 ئوكتۆبه‌رێ شرۆڤه‌كرن.
ل دۆر بابه‌تێ ريفراندۆمێ، سه‌رۆك بارزانى دووپاتى ل ره‌وايه‌تى وئاشتيابوونا ريفراندۆمێ كر كو مافه‌كێ ئاسايى وياسايى ودستووريێ گه‌لێ كوردستانێ بوو، ئاماژه ب وێ چه‌ندێ ژى كر كو پێشێلكرنا دستوورى وته‌وافوقێ وهه‌ڤپشكيێ ونانبرينا خه‌لكێ كوردستانێ بوو كو گه‌لێ كوردستانێ هانداى ريفراندۆمێ ئه‌نجام بده‌ت وهه‌كه دستوور هاتبا بجهئينان، چو جاران عيراق نه‌دگه‌هشته ڤێ ره‌وشا نوكه تێدا.
ب تۆمه‌تا داگيركرنا مۆلكێ حوكمه‌تێ سه‌رۆكێ باژێرڤانيا زاخۆ هاته ده‌سته‌سه‌ركرن
ئه‌ڤرۆنيوز:
سه‌رۆكێ باژێرڤانيا زاخۆ، بژار مونيب، ئه‌ڤرۆ چارشه‌مبى 24/1/2018 ب تۆمه‌تا داگيركرنا مۆلكێ حوكمه‌تێ هاته ده‌سته‌سه‌ركرن.
هيمن سلێمان، په‌يڤدارێ رێڤه‌به‌ريا پۆليسێن پارێزگه‌ها دهۆكێ راگه‌هاند”ل سه‌ر داخوازا داواكارێ گشتى وب هاريكاريا نڤيسينگه‌ها ده‌ستپاكيێ ل زاخۆ، ئه‌ڤرۆ بژار مونيب سه‌رۆكێ باژێرڤانيا زاخۆ هاته ده‌سته‌سه‌ركرن”.
په‌يڤدارێ پۆليسێن پارێزگه‌ها دهۆكێ، ل دووڤ روداو، گۆت ژى” سه‌رۆكێ باژێرڤانيا زاخۆ ب تۆمه‌تا داگيركرنا مۆلكێ وه‌زاره‌تا دارايى يا حوكمه‌تا هه‌رێمێ ومۆلكێ وه‌زاره‌تا چاندنێ يێ هاتيه ده‌سته‌سه‌ركرن وچاڤه‌رێ بريارا دادگه‌هێ دكه‌ين بۆ دياربوونا ئه‌نجامێن ڤه‌كۆلينێ”.
هێمنى گۆت ژى” نه ب تنێ ئه‌و به‌رپرسێ باژێرڤانيێ هاتيه ده‌سته‌سه‌ركرن، به‌لكو پێشتر سه‌رۆكێ باژێرڤانيێن دهۆك وئاكرێ وشێخان ژى هاتبوونه ده‌سته‌سه‌ركرن”.
خوارن بۆ بالنده‌یان ل چيايێن ده‌ڤه‌را ئامێدیێ دهێته‌دان
ئه‌ڤرۆ نیوز، نه‌وزاد هلۆرى:
چار رێكخراوێن ژینگه‌پارێز وپاراستنا ئاژه‌لان ل پارێزگه‌ها دهۆكێ سه‌ره‌دانا ده‌ڤه‌را ئامێدیێ و چیایێ گاره‌ى كر و ده‌خلودان و خوارن بۆ بالنده‌یان ل وان جهێن كو به‌فربارى دانا داكو ژ برسان نه‌مرن.
سلێمان ته‌مه‌ر، به‌رپرسێ رێكخراوا كوردستان بۆ پاراستنا مافێن ئاژه‌لان بۆ ئه‌ڤرۆ نیوز گۆت” ب مه‌ره‌ما پاراستنا بالنده‌یان ژ مرنێ ب تایبه‌تى ژ برسان دا، مه چار رێكخراوێن پاراستنا ئاژه‌لان ل پارێزگه‌ها دهۆكێ سه‌را چیایێ گاره‌ى ل ده‌ڤه‌را ئامێدیێ كر و زێده‌ترى 400 كیلۆیێن ده‌خلودانى ل جهێن به‌فر لێ بارى به‌لاڤكرن داكو ئه‌و بالنده بهێن بخون و ژ برسان نه‌مرن”.
زێده‌تر گۆت” ل ده‌ڤه‌را ئامێديێ ب سه‌دان جۆرێن بالنده‌یان يێن هه‌ين و د وه‌رزێ زڤستانێ دا بۆ ده‌ڤه‌رێن نزم دهێنه‌خوار وئه‌و هاتنه خوارا وان مه‌ترسى بۆ سه‌ر ژیانا وان هه‌یه و دبنه نێچیرا مرۆڤان، به‌لێ هه‌كه ده‌خلودان ل ده‌ڤه‌رێن چیایى بهێته به‌لاڤكرن ل وى ده‌مى ئه‌و بالنده ناهێنه‌خوارێ و دێ هێنه پاراستن ژ مرنێ”.
مه‌سرور بارزانى: خواستا مه بجهئينانا هه‌موو دستوورى يه ب تايبه‌ت مادێ 140
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى، راگه‌هاند، خواستا هه‌رێما كوردستانێ بجهئينانا هه‌موو برگێن دستوورێ عيراقێ يه.
ئه‌ڤرۆ چارشه‌مبى 24/1/2018، مه‌سرور بارزانى شيره‌تكارێ جڤاتا ئاسايشا هه‌رێما كوردستانێ ل گه‌ل كريستۆڤه‌ر لاگمان، باليۆزێ ئوستراليا ل عيراقێ كۆمبوو.
باليۆزێ ئوسترالى دووپاتى ل پشته‌ڤانيا وه‌لاتێ خوه بۆ هه‌رێما كوردستانه‌كا پێشكه‌فتى وئێكگرتى كر وراگه‌هاند” پشته‌ڤانيێ ل مافێن دستوورى يێن هه‌رێما كوردستانێ دكه‌ين”.
ناڤبرى هيڤى خواست هه‌لبژارتنێن په‌رله‌مانى ل عيراقێ وهه‌رێما كوردستانێ ب سه‌ركه‌فتى بهێنه ئه‌نجامدان وببنه ئه‌گه‌رێ ده‌ستپێكا چاره‌سه‌ريا كێشێن دناڤبه‌را به‌غدا وهه‌ولێرێ دا.
مه‌سرور بارزانى دياركر كو خواستا هه‌رێما كوردستانێ بجهئينانا هه‌موو برگه ومادێن دستوورێ عيراقێ يه ب تايبه‌ت مادێ 140 كو چاره‌نڤيسێ كه‌ركووكێ وده‌ڤه‌رێن داگيركرى يێن دى، دێ ئێكلاكه‌ت.
شيره‌تكارێ جڤاتا ئاسايشا هه‌رێما كوردستانێ، ب پێدڤى زانى كێشێن دناڤبه‌را هه‌ولێرێ وبه‌غدا ب جۆره‌كى بهێنه ئاساييكرن كو هه‌موو پێكهات هه‌ست ب دلنيايێ بكه‌ن وسه‌قايه‌كێ ئاسايى دا پشكداريێ دهه‌لبژارتنان دا بكه‌ن.
مه‌سرور بارزانى ئاماژه دا كو هه‌رێما كوردستانێ پشكه‌كا كاريگه‌ره دهه‌ڤپه‌يمانيا نێڤده‌وله‌تيا دژى داعشێ ودێ يا به‌رده‌وام بيت دبه‌رهنگاريا گه‌فێن تيرۆرستان.
ئه‌ڤێ ئاخفتنێ بێژە ئێكسه‌ر دێ هەڤژینا تە ئاشت بیت
ئەڤرۆ نیوز ، تۆڤی :
ب شێوه‌کێ به‌رده‌وام،هه‌کە رۆژانه ژی نه‌بیت،ژن و مێر بیر و بووچوونێن جۆدا ل سه‌ر تشتان دبێژن،گەلەک جاران،ژبەرکو کەس ژ وان دانپێدانێ ب یێدی ناکەت،لەورا ئەڤە دبیتە ئەگەرێ كێشەیان و هێدی هێدی دێ مەزن بیت،به‌لێ تۆ دزانی کو رستەکا چەند پەیڤی هه‌یه،هه‌ر دەمێ تۆ بێژی،دێ ئاڤێ ب ئاگری دا کەی و كێشێن هەوە دێ وەک بەستیێ حەل بن.
چه‌ند جاران رۆژانه تە گازندە ژ هەڤژینێ خوە کرینە،ژبەر هندێ هوون نەشیاینە ئێکودۆ تێ بگەهینن و کێشێن مەزن ژێ پەیدابووینە،چه‌ند جارا تە گوتیێ: ئەز تێ ناگەهم تۆ چاوا هزر دکەی؟، پێشتر من تۆ ئاگه‌هدارکریە،بەلێ تە گوهداریا من نه‌كریە، دلنیابه ب ڤی رەنگی دێ تۆ هه‌ر شكەستنێ بینی؟، نه‌خێر تۆ ژ دەف خوە وان ئاخفتنان دکەی،یا راست نینه هه‌ر دەمێ ئێک ژ ڤان رستان یان جۆرەکێ دیتر گوهلێ دبین، هه‌ر کیژکێ بێژین،دێ یێدی ئێکسه‌ر توورە بیت و ئێدی نەشێت ب ئاسانی هێور ببیت.
هەکە هەڤژینان بڤێت ب كه‌له‌رە‌قیێ و پابه‌ندبوونا ب تنێ ب بیرۆكه‌یا خوە و بێ رایا به‌رامبه‌ر رەفتارێ بكه‌ن، ناگه‌هنە هیچ ئه‌نجامەکێ گونجای،دێ هه‌موو گاڤا د تووره‌یێدا مینن،به‌لێ هەکە ب هێوری و ب لێبۆرینێ مامه‌لێ بكه‌ن،دێ ب ساناهی شێن كێشێن خوە چاره‌سه‌ر كه‌ن.
خۆشتڤیا من ره‌نگه یا تە یا راست بیت.
ئه‌ڤ رسته،چەند پەیڤەکن،بەلێ كاریگه‌ریا وێ گەلەک ژ هندێ مەزنترە یا تۆ چاڤەرێ دکەی،ئەرێ تۆ دزانی؟،هەکە رسته‌کا هوسا بێژیە هەڤژینا خوە،پشتی هنگێ هەکە گوتنەکا خەلەت ژی گوت بیتێ،دێ هێتە سه‌ر بۆچوونا تە،ئەڤە د دەمەکێ دایە،کو پێشتر ب دنیایه‌كا هیڤیان نە شیای وێ رازی بکەی!.
پەیوه‌ندیا هەڤژینان خۆشتڤیاتیە،لەوما هەموو گاڤان دڤێت ب لێبۆرینڤە تەماشەی ئێکودۆ بکەن.
نيشاندان
WP Facebook Auto Publish Powered By : XYZScripts.com