ئەڤرۆ نيوز:
پارێزگەرێ کەرکووکێ نەجمەدین کەرێم دبێژیت، کەرکووک باژێرەکێ داگیرکریە و ھێزێن بیانی ھاتینە د ناڤدا، ئەو رەوشا ئاسایی و ئێمناھیێ یا بەری نوکە ل وێرێ ھەی ب تەمامی ھاتیە گوھۆڕین، ھەروەسا گۆت ئەز گەشبینم رەوشا کەرکووکێ بڤی رەنگی نامینیت.

نەجمەدین کەریم ھەروەسا خوەیاکر، ئەو کەسێن دناڤا ئێکەتیێ دا بووینە ئەگەرێ کارەساتا ب سەرێ کەرکووکێ ھاتی، نوکە مژوولن دێ شەپۆلا خوە گوھۆڕن، رۆندکێن تیمساحان بۆ کەرکووکێ درێژن.

سەبارەت ھەلبژاتنێن ل کەرکووکێ گۆت: نوکە کورد و ئێکەتی دھەلبژاتنێن کەرکووکێ دا دزەرەمەندن، ھەلبژارتن ل ژێر سیبەار داگیرکرنێ گەلەکا ب زحمەتە، ھەکە بھێنە ئەنجامدان ژی دبیت 40% دەنگدەرێن کوردان نەشێن دەنگێن خوە بدەن.

ئه‌ڤرۆنيوز:

دكۆمبوونا  دناڤبه‌را په‌رله‌مانێ كوردستانێ وكۆمسيۆنا بلند يا هه‌لبژارتن وراپرسيان ل هه‌رێمێ، دانوستاندن ل سه‌ر چاوانيا هه‌لبژارتنان ورێكارێن قانوونى هاته‌ كرن بۆ ئه‌نجامدانا هه‌لبژارتنان وئه‌ندامه‌كا په‌رله‌مانێ كوردستانێ دبێژيت، كۆمسيۆنێ داخوازا 105 رۆژێن پێشه‌كى كريه‌ بۆ ئه‌نجامدانا هه‌لبژارتنان.

ئه‌ڤرۆ سێشه‌مبى 23/1/2018، شوكريه‌ شێخانى ئه‌نداما په‌رله‌مانێ كوردستانێ پشتى ب دووماهى هاتنا كۆمبوونا په‌رله‌مانێ كوردستانێ وكۆمسيۆنا هه‌لبژارتن وراپرسيان ل كوردستانێ، دكۆنگره‌كێ رۆژنامه‌ڤانيدا راگه‌هاند”ددانوستاندنێن دناڤبه‌را مه‌ وبه‌رپرسێن كۆمسيۆنێ، وان بۆمه‌ دياركر كو بۆ ئه‌نجامدانا هه‌لبژارتنان، حوكمه‌تا هه‌رێمێ بريارا مه‌زاختنا 29 مليار ديناران دايه‌ ب سێ قستان”.

گۆت ژى” به‌رپرسێن كۆمسيۆنێ دياركرژى كو بۆ ئه‌نجامدانا هه‌لبژارتنان ئه‌و پێدڤى ب 105 رۆژانه‌، ئه‌ڤجا په‌رله‌مانێ كوردستانێ هه‌ر ژڤانه‌كى ديار بكه‌ت، كۆمسيۆن يا به‌رهه‌ڤه‌ به‌لێ به‌رى 105 رۆژان نه‌بيت”.

ئه‌ڤرۆنيوز:

سه‌ركرده‌كێ ده‌وله‌تا قانوونێ ونێزيك ژ حه‌يده‌ر عه‌بادى راگه‌هاند، ل نيزيك گه‌ره‌كا نوو وبه‌رفره‌هتر يا دانوستاندنان دناڤبه‌را حوكمه‌تا عيراقێ وحوكمه‌تا هه‌رێما كوردستانێ ب شێوه‌كێ فه‌رمى تر دێ ده‌ستپێكه‌ن.

په‌رله‌مانتار عه‌لى عه‌لاق كو ئێكه‌ ژ سه‌ركردێن ده‌وله‌تا قانوونێ ونێزيكى سه‌رۆك وه‌زيرێن عيراقێ يه‌ گۆت” عه‌بادى بزاڤێ دكه‌ت دچارچۆڤێ دستوورێ عيراقى دا كێشان ل گه‌ل هه‌رێما كوردستانێ چاره‌ بكه‌ت”.

گۆت ژى” هه‌موو شايستێن دارايى يێن هه‌رێما كوردستانێ، ب مووچه‌ى ژى ڤه‌، وه‌كو پارێزگه‌هين دى يێن عيراقێ دێ هێنه‌ مه‌زاختن، ته‌نها مه‌رج ژى ئه‌وه‌ كو هه‌رێما كوردستانێ پێگيريێ ب وان ئه‌ركان بكه‌ت كو دچارچۆڤێ عيراقێ دا ل سه‌ر ملێن وێ نه‌”.

عه‌لى عه‌لاق دداخۆيانيا خوه‌ا بۆ ده‌زگه‌هێن راگه‌هاندنێ ل عيراقێ دياركر” دانوستاندنێن لژنێن ته‌كنيكى وديدارا عه‌بادى ونێچيرڤان بارزانى دانوستاندن يێن گه‌هاندينه‌ قۆناغه‌كا باش وگه‌شه‌كا ڤه‌كرى دناڤبه‌را وان دا يا دروست كرى”.

ئەڤرۆنيوز:

دلاوەرئاژگەیی نوونەرێ حوكمەتا هەرێما كوردستانێ ل ئێكەتیا ئورۆپی راگەهاند، ئێكەتیا ئورۆپی ستراتیژیەتا نوو ل دۆر عیراقێ دارێشت وپەسەندكر.

دلاوەر ئاژگەیی دبەرپەرێ خوە ل سەر تۆرا جڤاكی یا فەیسبووكی بەلاڤكر” دخالا پێنجێ دا دستراتیژیەتا نوو یا ئێكەتیا ئورۆپی ل دۆر عیراقێ، داخواز ا دەستپێكرنا دانوستاندنان دناڤبەرا حوكمەتا عیراقێ وحوكمەتا هەرێما كوردستانێ دكەت ل دووڤ دستوورێ بەردەوامێ عیراقی”.

دیاركر یە” ئێكەتیا ئورۆپا دووپاتیێ ل سەر مانا قەوارێ هەرێما كوردستانێ دكەت وداخوازا بجهئینانا هەموو برگە ومادێن دستووری دكەت، ژبلی داخوازیا رێككەفتنا بەغدا وهەولێرێ ب جۆرەكی عیراق وهەرێما كوردستانێ ژێ مفادار بن”.

ئه‌ڤرۆنيوز:

فراكسيۆنا پارتى ل په‌رله‌مانێ كوردستانێ ئه‌ڤرۆ سێشه‌مبى 23/1/2018، داخواز ژ سه‌رۆكاتيا په‌رله‌مانى كر كۆمبوونه‌كا نه‌ ئاسايى يا په‌رله‌مانى هيرشێن ل سه‌ر عفرينێ دهێنه‌ كرن،  بهێته‌ گريدان.

فراكسيۆنا پارتى ديموكراتى كوردستان ل په‌رله‌مانێ كوردستانێ داخوازه‌كا فه‌رمى ب ئيمزايێن سرۆكێ فراكسيۆنێ وجێگرا وى و9 ئه‌ندامێن فراكسيۆنێ، ئاراسته‌ى سه‌رۆكاتيا په‌رله‌مانێ كوردستانێ كريه‌ وتێدا هاتيه‌” داخوازێ ژ هه‌وه‌ دكه‌ين ب گۆره‌ى برگا ئێك ژ مادێ 6 يێ په‌يره‌وێ ناڤخوه‌يێ په‌رله‌مانێ كوردستانێ، روونشتنه‌كا نه‌ئاسايى بهێته‌ ئه‌نجامدان  ل سه‌ر وان هێرشێن دهێنه‌ كرن ل سه‌ر خه‌لكێ سڤيلێ عفرينێ ل رۆژئاڤايێ كوردستانێ”.