NO IORG
نووترين نووچه
Facebook

184

ئه‌ڤرۆنيوز:

ياريكه‌ره‌كێ كرواتى گه‌هشته‌ به‌غدا بۆ گرێدانا هه‌ڤبه‌سته‌كێ ل گه‌ل يانا جه‌ويه‌ يا عيراقى وده‌ست ب ئه‌نجامدانا راهێنانان ل گه‌ل يانا ناڤبرى.

رێكخه‌رێ راگه‌هاندنێ يێ يانا جه‌ويه‌ (حوسام ده‌راجى) بۆ سايتێ (كوره‌) يێ وه‌رزشى گۆت” ياريكه‌رێ پيشه‌كارێ كرواتى (سانين مومنفيتش) ل شه‌ڤا چارشه‌مبى گه‌هشته‌ به‌غدا ول رۆژا شه‌مبيا داهاتى دێ ده‌ست ب راهێنانان ل گه‌ل يانێ كه‌ت وه‌كو ده‌ستپێكه‌ك بۆ ئيمزاكرنا گرێبه‌ستێ ل گه‌ل ل ده‌مێ دياركرى يێ ڤه‌كۆهاستنا زڤستانى يا ياريكه‌ران”.

يانا جه‌ويه‌ يا عيراقى كو هه‌لگرا ناسناڤێ خۆلا عيراقێ يا 2017 يه‌ وقاره‌مانا جاما ئێكه‌تيا ئاسيايه‌ ل هه‌ردو سالێن بۆرى 2016 و2017 ل سه‌ر ئێك، به‌رى نوكه‌ ژى گرێبه‌سته‌ك ل گه‌ل ياريكه‌ره‌كێ دى يێ كرواتى ب ناڤێ (سبيستيان ئه‌نتيش) ئيمزاكريه‌

406

ئه‌ڤرۆنيوز:

سه‌رۆك بارزانى سه‌ره‌دانا سه‌نگه‌رێن پێشمه‌رگێ كوردستانێ ل ميحوه‌رێ باشيكێ دكه‌ت.

ليوا به‌هرام عه‌ريف ياسين، فه‌رماندێ پێشمه‌رگه‌ى ل ميحوه‌رێ باشيكێ ل به‌رپه‌رێ خوه‌ ل سه‌ر تۆرا جڤاكى يا فه‌يسبووكێ چه‌ند وێنه‌يێن خوه‌ وسه‌رۆك بارزانى ل سه‌نگه‌رێن پێشمه‌رگه‌ى به‌لاڤ كرينه‌ وئاماژه‌ ب وێ چه‌ندێ كريه‌ كو بارزانى سه‌ره‌دانا سه‌نگه‌رێن پێشمه‌رگه‌ى كريه‌.

ليوا به‌هرامى به‌لاڤكريه‌ ژى كو سه‌ره‌دانا سه‌رۆك بارزانى ب مه‌ره‌ما ئاگه‌هداربوونه‌ ل سه‌ر ره‌وشا هێزێن پێشمه‌رگه‌ى وپێدڤيێن گرنگ بۆ پاراستنا سنورێن هه‌رێما كوردستانێ بوو وگه‌شبينيا  سه‌رۆك بارزانى بۆ ده‌ربازبوونێ ژڤێ ره‌وشێ دبه‌رژه‌وه‌ندا كێشا ره‌وا يا گه‌لێ مه‌ دا وپێشڤه‌برنا ده‌ستكه‌فتان وپاراستنا وان وگره‌نتيا به‌رده‌واميا ڤێ ئه‌زموونا گه‌لێ مه‌، ل سه‌ر ئاستێ نێڤده‌وله‌تى سه‌ره‌ده‌ريكرن ل گه‌ل هێزا پێشمه‌رگێ كوردستانێ ئه‌و هێزه‌  زێده‌تر وره‌ بلندكريه‌ وخوراگرتر كريه‌ ب ئێكرێزى ورێكخستنا هه‌ر چ زووتر يا ناڤمالا خوه‌ ب سه‌ر هه‌موو رێگريان ودێ سه‌ركه‌ڤين وئه‌زموونا گه‌لێ كوردستانێ دێ يا پاراستى بيت ودێ پێنگاڤان به‌ر ب پێشڤه‌ هاڤێژين.

4 21425566 2 3

327

ئه‌ڤرۆنيوز:

رێڤه‌به‌ريا گشتى يا كه‌شناسى وبيڤه‌له‌رزان ل هه‌رێما كوردستانێ، راگه‌هاند، وه‌كو زنجيره‌كا كارڤه‌دانێن بيڤه‌له‌رزا 12/11/2017 كو نه‌ سه‌قامگيريه‌كا جيولۆجى ل ده‌ڤه‌رێ په‌يداكرى، ئه‌ڤرۆ سپێدێ سێ بيڤه‌له‌رزان ل باژێرێ مه‌ندلى ل پارێزگه‌ها ديالا دا.

رێڤه‌به‌ريا ناڤبرى دبه‌رپه‌رێ خوه‌ ل سه‌ر تۆرا فه‌يسبووكى ئه‌ڤرۆ پێنج شه‌مبى 11/1/2018 به‌لاڤكر” تنێ ل سپێده‌يا ئه‌ڤرۆ دناڤبه‌را ده‌مژمێر 10 هه‌تا 11 سپێدێ پێنج بيڤه‌له‌رزێن به‌رچاڤ وهه‌ستپێكرى كو هێزا وان دسه‌ر (5) دابوو ل دووڤ بيڤه‌رێ رێخته‌ر يێ جيهانى كو ژ 9 پلان پێك دهێت، ل ده‌ڤه‌را رۆژهه‌لاتا باژێرێ مه‌ندلى ودناڤ ئه‌ردێ ئيرانێ دا ژى روودان كو ب ڤى شێوه‌ى بوون:

  1. ل ده‌مژمێر 09:59 سپێدێ ب هێزا 5.6 پلا رێختەرى و دوورى 18 كم ژ رۆژهەلاتا مەندلی.
  2. ل ده‌مژمێر 10:00 سپێدێ ب هێزا 5.3 پلا رێختەرى ب دووريا 23 كم ژ رۆژهەڵات بۆ باكووری رۆژهەڵاتا مەندلی.
  3. ل ده‌مژمێر 10:14 سپێدێ ب هێزا 5.2 پلا رێختەرى ب دووریا 22 كم ژ رۆژهەڵات بۆ باكوورێ رۆژهەڵاتا مەندلی.
  4. ل ده‌مژمێر 10:21 سپێدێ ب هێزا 5.4 پلا رێختەرى و دووريا 27 كم ژ رۆژهەڵاتا باژێرێ مێهران ل ئێرانێ.
  5. ل ده‌مژمێر 11:00 سپێدێ ب هێزا 5.4 پلا رێختەرى و ب دووريا 14 كم ژ رۆژهەڵاتا مەندلی.

26733623_982156415267716_5240112063217722370_n

464

ئەڤرۆ نیۆز،زنار تۆڤی:

رۆژنامەکا ئیسپانی ئاشكرا كر،کو چەند یاریزانێن یانا ریال مەدرید ل خۆ هەلكێشانا زێدە یا كریستیانۆ رۆناڵدۆی توڕە بووینە و وان بریاردایە کو ئێدی ئەو ڤێ چەندێ قەبوول نڵكەن و دێ شۆرەشەکێ ل سەر وی بەرپا كەن.
رۆژناما (دیاریۆ گۆل) یا ئیسپانی بەلاڤ كریە:چەند یاریزانێن یانا ریال مەدرید بێزاربووینە ژ خۆ مەزنکرنا رۆناڵدۆی.
ئەو یاریزانێن کو پێشەنگیا وێ کۆدەتایێ دکەن ب سەر رۆناڵدۆی دا،پێکهاتینە ژ سێرجیۆ رامۆسێ بەرگریكار و كاپتنێ وێ یانێ،هەروەسا ب پالپشتیا چەند یاریزانێن دیتر کو ل دەستپێکا هەموویان ماركۆ ئەسینسیۆ، ئیسكۆ، لوكاس ڤاسكێز و دانی سیپایۆس.

رامۆس و یاریزانێن دیتر وەسا دیارکرینە کو ئێدی نابیت خۆ مەزنکرنا رۆناڵدۆی دناڤا یاریگەهێ دا قەبوول بكەین و دێ هەول دەین سەرۆكێ یانێ رازی بكەین،کو سنوورەکێ بۆ وی دانیت و یان ژی دێ کۆدەتایێ ل سەر كەن و دێ ب ئێكجاری ژ وێ یانێ دەرێخن.

هەروەسا چەند ژێدەرێن رۆژنامەڤانی ئاشكرا كرینە،کو رۆناڵدۆ ژ دۆخێ نوکە یێ یانا ریال مەدرید و كێشێن وی ل گەل دادگەها ئیسپانیا دا سەبارەت بە دۆسیا خۆ ڤەدزینێ ژ باجێ بێزار بوویە و دڤێت ل دوماهیا ڤی وەرزیدا ب ئێكجاری رێزێن ل یانا شاهانە بجهبهێلیت و ڤەگەریتە خولا نایابا ئینگلیزی و یانا مانچستەر یونایتد یا ئنگلیزی.

330

ئه‌ڤرۆ نيوز:

سازيا ستى گرۆپ يا بانكى بۆ وه‌به‌رهێنانێ، كو باره‌گايێ وێ يێ سه‌ره‌كى ل ئه‌مريكايه‌ به‌لاڤ كريه‌ كو ل سالا 2018 دێ به‌رميلا نه‌فتێ بلند بيت و گه‌هته‌ 80 دولاران.

بھایێ پەترۆلێ بنلدترین ئاست د دەما 3  سالێن بۆری دا تۆمار کر و بەرمیلەکا پەترۆلێ ئه‌ڤرۆ ب بھایێ 69 دۆلاران ھاتە فرۆشتن.
بھایێ پەترۆلێ بەردەوام د بلنبوونێ دایە و بھایێ ئێک بەرمیلا پەترۆلا برێنت د بازارێن جیھانێ دا ب بھایێ 69 دۆلار و 17 سەنتان ھاتە فرۆشتن و بلندترین ئاست د دەما 3 سالێن بۆری دا تۆمار کر.

124

ئه‌ڤرۆ نيوز:

ھەڤپەیمانییا دیموکراسی و دادپەورەییێ، ئەڤرۆ کۆنگرەیا دامەزراندنا خوە ل باژارێ سلێمانیێ گێرا، د. بەرھەم سالح ب سەرۆکێ وێ ھەڤپەیمانیێ ھات ھەلبژارتن.

ئەڤرۆ ل باژارێ سلێمانیێ کۆنگرەیێ دامەزراندنا ھەڤپەیمانییا دیموکراسی و دادپەورەییێ ھات گێران، تێدا د. بەرھەم سالح ب پرانییا دەنگێن ئەندامێن کۆنگرەیی ب ٦٢٧  دەنگان وەک سەرۆکێ وێ ھەڤپەیمانیێ ھاته ھەلژارتن.

 

122

ئەڤرۆ نیوز، باسم قاسم شنگالی:

ب چاڤدێریا وەزارەتا رەوشەنبیری ولاوان و بنگەهێ لالش، ل هەولێر ل ژیر دروشمێ( هەتا دنیا ئازارێن ئافرەتێن رەڤاندیێن ئێزیدی ژبیرناکەن ) رێورةسمێن پەرتۆکا (لیلی و لیالی الالم ) بۆ نڤیسەر خالید تەعلۆ هاتە سازکرن.

پەرتۆکا لیلی و لیالی الالم یا نڤیسەر خالید تەعلۆ قائیدی بەحسێ چیرۆکا خوشکا خوە دکەت کو چاوە ژ لایێ تیرۆرستێن داعش ڤە هاتە رەڤاندن و کرین و فرۆتنا وێ هەشت جاران دناڤ دەستێ تیرۆرستان دا .

خالید تەعلۆ بۆ ئەڤرۆ نیوز گۆت، ئەڤ پەرتۆکا من نڤیسی گەلەکێ یا ب زەحمەت بو بۆ من ژبەر ئێش و ئازارێن خوشکا من بوو و چیرۆکا وێ دناڤ دەستێن تیرۆرستان دا بەلێ ئارمانج ژ نڤیسینا ئەڤێ پەرتۆکێ ئەوە کە کۆمەلگەها نیڤ دەولەتی بزانێت کان] چ بسەرێ ئێزدیان هاتیە و یا فەرە ئەڤ کارەسات ب جینۆساید بهێتە ناساندن.

لەیلا تەعلۆ بۆ ئەڤرۆ گۆت : گومان تێدا نینە کە ئازادبوونا من ژ دەستێن تیرۆرستێن داعش هەستەکی خوشە ،بەلێ هیڤیا من ئەوە ئەو هەموو کچێن هةتا ئەڤرۆ کرین و فرۆتن د باژارێن سووریا پێ دهێتە کرن بهێنە رزگارکرن.

210

ئه‌ڤرۆ نیۆز ، ره‌مه‌زان هه‌رنى :

قوتابیێن په‌یمانگه‌ها وه‌رزشی ل ئاكرێ و ئه‌ندامێن گروپێ چیاڤانێن ئاكرێ هه‌وه‌كا خوین به‌خشینى ل نه‌خۆشخانا گولان یا گشتى ئه‌نجام دا و ب ده‌هان بوتلێن خوینێ ژ هه‌موو جوران به‌خشینە به‌نكا خوینێ ل نه‌خۆشخانا گولان ب مه‌به‌ستا هاریكاریكرنا نه‌خۆش و كه‌سێن پێدڤى و بریار هاته‌ دان ئه‌ڤ خوین به‌خشینه‌ وه‌ك هه‌یڤانه‌ و وه‌رزى ژی بهێته‌ ئه‌نجام دان،ژ پێخه‌مه‌ت ڤه‌گه‌راندنا ژیانێ بۆ نه‌خۆشان.

984

ئەڤرو نیوز ، نەوزاد هلوری:

ل دره‌نگيا ئێڤاريا  ئەڤرۆ چارشه‌مبى 10/1/2018،  ژئەگەرێ روودانەکا هاتنوچوونێ  زارۆيه‌كێ 11 سالى گيانێ خوه‌ ژ ده‌ست دده‌ت.

عەدنان عوبێد ژرێڤه‌به‌ريا هاتنوچونا سوران بۆ ئەڤرۆ نیوز گۆت” ئەڤرۆ ل سەنتەرێ ناحیا بلێ یا سەر قه‌زا مێرگه‌سوورێ ڤه‌ ژ ئەگەرێ روودانەکا هاتنوچوونێ زارۆيه‌كێ 11 سالى  گيانێ خوه‌ ژده‌ستدا”.

عه‌دنانى دياركر” ئه‌و زارۆيێ گيانێ خوه‌ ژده‌ستداى، قوتابی بۆ ل رێزا شەشێ بنەرەتی و ژتاقیکرنان دزڤری مال”.

زێدەتر گۆت ” ئەو شوفێرێ روودان كرى دبن 18 سالیێ دا بوو  و گەلەک بلەز ترومبێل دهاژوت ، پۆلیسێن هاتنوچوونا بلێ دەست ب ڤەکۆلینێ کری”.

906

ئه‌ڤرۆنيوز:

ل دۆر داخۆيانيێن دوهى يێن حه‌يده‌ر عه‌بادى سه‌رۆك وه‌زيرێن عيراقێ دكۆنگرێ خوه‌ يێ رۆژنامه‌ڤانيێ هه‌فتانه‌دا ل دۆر هه‌رێما كوردستانێ، ئه‌ڤرۆ چارشه‌مبى 10/1/2018 په‌يڤدارێ فه‌رميێ حوكمه‌تا هه‌رێما كوردستانێ به‌رسڤا عه‌بادى دا.

سه‌فين دزه‌يى په‌يڤدارێ فه‌رميێ حوكمه‌تا هه‌رێما كوردستانێ، بۆ مالپه‌رێ فه‌رميێ حوكمه‌تا هه‌رێمێ راگه‌هاند” داخۆيانيێن سه‌رۆك وه‌زيرێن عيراقێ يێن بووينه‌ موده‌يه‌كا هه‌فتانه‌ وبه‌رده‌وام هه‌مان تشتان دووباره‌ دكه‌ت ومه‌ ناگه‌هينيته‌ چو ئه‌نجامه‌كى، تنێ ب ئاخڤتن وداخۆيانيێن رۆژنامه‌ڤانى وسۆزێن بێ بجهئينان، چو تشته‌ك چاره‌سه‌ر نابيت، هه‌كه‌ حوكمه‌تا عيراقێ ب راستى نيازا چاره‌سه‌ركرنا كێشان هه‌يه‌، فه‌رمو بلا بهێت ل گه‌ل حوكمه‌تا هه‌رێما كوردستانێ دانوستاندنێن جدى بكه‌ت ول دووڤ دستوورى كێشان چاره‌سه‌ر بكه‌ين وبگه‌هينه‌ ئه‌نجامه‌كى دبه‌رژه‌وه‌نديا هه‌موو عيراقێ وهه‌رێما كوردستانێ دا بيت، هيڤيدارين ئێدى ژقۆناغا داخۆيانيێن رۆژنامه‌ڤانى وئاخڤتنێن دووباره‌ ده‌رباز ببين وپێنگاڤێن كريارى ب هاڤێژين”.

دزه‌يى هه‌روه‌سا گۆت ژى” ژ ده‌مێ عه‌بادى ل دۆر هنارتنا مووچێ مووچه‌خۆرێن هه‌رێما كوردستانێ دئاخڤيت، ب شێوه‌كێ كريارى هه‌تا نوكه‌ زێده‌تر ژ ئاخڤتنێ نه‌بوو زێده‌بارى وێ چه‌ندێ كو ليستێن هه‌ردو وه‌زاره‌تێن ساخله‌ميێ وپه‌روه‌ردێ ژى مه‌ يێن هنارتين، به‌لێ هه‌تا نوكه‌ چو تشته‌كێ كريارى نه‌كريه‌”

دياركر ژى” ئه‌وا نوكه‌ ژلايێ حوكمه‌تا عيراقێ به‌رامبه‌ر وه‌لاتيێن هه‌رێما كوردستانێ دهێته‌ كرن، ژبلى سزادانا ب كۆم يا گه‌لێ كوردستانێ، چو ناڤ وپێناسه‌كا دى بخوه‌ڤه‌ ناگريت، وه‌لاتيێن كوردستانێ باش ل ڤێ راستيێ يێن تێگه‌هشتين ويێن وه‌لێ هاتين به‌رى دكۆنگرێ خوه‌ يێ رۆژنامه‌ڤانيدا ب ئاخڤيت، دزانن دێ چ هێته‌ گۆتن، چونكى هه‌مان په‌يڤ وهه‌مان رسته‌يێن دووباره‌نه‌ وچو دى نه‌”.

په‌يڤدارێ حوكمه‌تا هه‌رێمێ گۆت ژى” ئه‌و هژمارێن عه‌بادى ل دۆر هنارتنا په‌ترۆلا هه‌رێما كوردستانێ وداهاتێن وێ كو رادگه‌هينيت، ب تمامى پێزانينێن شاشن ول چه‌ند رۆژێن داهاتى ژى دا ده‌مێ كۆمپانيا ديلۆيت يا جيهانى بۆ هووربينيێ، هژمارێن راست به‌لاڤ دكه‌ت، ئه‌و راستيه‌ دێ رۆهن بيت كو عه‌بادى دوان داخۆيانيان دا پشت ب پێزانينێن راست نه‌كريه‌، ژبلى وێ چه‌ندێ كو پێشتر ب هژمار مه‌ به‌رسڤا وان ئاخڤتنان يا داى وپێدڤى ناكه‌ت ئێدى ل سه‌ر باخڤين”.

 

 

نيشاندان1...1,0002,0002,0102,0112,0123,010...3,681زێده‌تر لاپه‌ر 2,011 ژ 3,681
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : [email protected]
website security
© Copyright 2021 - Rojnameya Evro - Powered by Kurdo Plus
825 queries in 0.263 seconds.
WP Facebook Auto Publish Powered By : XYZScripts.com