ئه‌ڤرۆ نیۆز، عه‌زیز هه‌ورامی

ئه‌ڤرۆ ئه‌ينيێ 27/4/2018 ل ده‌مژمێر چارێ ئێڤارى ل سه‌ر رێيا ناحيا زه‌راين ل قه‌زا ده‌ربه‌نديخان دروودانه‌كا هاتنوچونێ دا پێنج كه‌سان ژ ئێك خێزان گيانێ خوه‌ ژ ده‌ست دا وكه‌سه‌ك ژى ژ هه‌مان خێزان برينداربوو، به‌لێ وى ژى ل نه‌خوه‌شخانێ گيانێ خوه‌ ژده‌ست دا.

كه‌مال كاكه‌ ئه‌حمه‌د، به‌رپرسێ راگه‌هاندنا نه‌خوه‌شخانا شه‌هيد ره‌ئووف به‌گ ل قه‌زا شاره‌زوور بۆ ئه‌ڤرۆ نيوز گۆت” دروودانه‌كا لێكدانا دو ترومبێلان دا ژ جۆرێ نيسان ده‌بل وبارهه‌لگره‌كێ، پێنج كه‌سان ژ ئێك خێزان گيانێ خوه‌ ژ ده‌ست دا وكه‌سه‌كى دى ژ هه‌مان خێزان ب گرانى برينداربوو ول نه‌خوه‌شخانێ گيانێ خوه‌ ژ ده‌ست دا”.

گۆت ژى” هه‌موو قوربانى ژ ئێك خێزانن وخه‌لكێ قه‌زا شاره‌زورێ نه‌”.

سپێده‌يا ئه‌ڤرۆ ئه‌ينيێ ژى روودانه‌كا دى يا لێكدانێ دناڤبه‌را دو ترومبێلان روودابوو ودئه‌نجامدا دو كه‌سان گيانێ خوه‌ ژده‌ست دابوو وچار كه‌سێن دى ژى برينداربوون.

ئه‌ڤرۆنيوز:

ژئه‌گه‌رێ هاتنا پێله‌كا سه‌رمايێ ونزمبوونا پلێن گه‌رمێ، سپێده‌يا ئه‌ڤرۆ ئه‌ينيێ 27/4/2018 ل به‌فر ل چيايێن سنورێ قه‌زا پنجوين ل پارێزگه‌ها سلێمانيێ بارى.

به‌رپرسێ پشكا كه‌شناسيێ ل قه‌زا پنجوين، به‌هادين حه‌سه‌ن دداخۆيانيه‌كا رۆژنامه‌ڤانى دا گۆت” ئه‌ڤرۆ سپێدێ به‌فر ل ده‌ڤه‌را چه‌مێ شرين ل پنجوينێ بارى، به‌لێ چونكى ل وێ ده‌ڤه‌را چيايى يا بلند مه‌ چو ئاميرێن كه‌شناسيێ نينن، ئه‌م نزانين رێژا وێ به‌فرا بارى چه‌نده‌”.

ئه‌ڤرۆنيوز:

وه‌زاره‌تا دارايى وئابوورى ل هه‌رێما كوردستانێ رێنمايه‌كا نوو ل دۆر وه‌رگرتنا مۆله‌تا بێ مووچه‌ ژئاليێ فه‌رمانبه‌ران ڤه‌ ده‌ركر.

دوێ رێنمايا وه‌زاره‌تا دارايى وئابوورى يا هژمار (8) يا سالا 2018 كو يا تايبه‌ته‌ ب مۆله‌تا بێ مووچه‌ وئيمزا رێباز حه‌ملان وه‌زيرێ دارايى وئابوورى ل سه‌ره‌ وئاراسته‌ى هه‌موو وه‌زاره‌ت وفه‌رمانگه‌هێن نه‌ گرێداى ب وه‌زاره‌تان ڤه‌ كريه، هاتيه‌‌ ” ل ده‌مێ وه‌رگرتنا مۆله‌تا بێ مووچه‌، پێدڤيه‌ رازيبوونا سه‌رۆكاتيا جڤاتا وه‌زيران بهێته‌ وه‌رگرتن”.

ئه‌ڤرۆنيوز:

نيڤرۆيا ئه‌ڤرۆ ئه‌ينيێ 27/4/2018 شه‌ره‌كێ گران دناڤبه‌را په‌كه‌كێ وله‌شكرێ توركى ل سنورێ ناحيا سيده‌كان روودا وهژماره‌كا گوندان هاتنه‌ چۆلكرن.

ئيحسان چه‌له‌بى، رێڤه‌به‌رێ ناحيا سيده‌كان گۆت”ل ده‌مژمێر 12 نيڤرۆيا ئه‌ڤرۆ شه‌ر وپێكدادا ل سنورێ ناحيا سيده‌كان دناڤبه‌را په‌كه‌كێ وله‌شكرێ توركى روودا”.

چه‌له‌بى زێده‌تر بۆ دوارۆژ گۆت” شه‌ر يێ گران بوو، به‌لێ هه‌تا نوكه‌ چو ئامارێن زيانێن مادى وگيانى نينن، به‌لێ ئاكنجيێن پێنج گوندان مالێن خوه‌ چۆلكرن بۆ پاراستنا گيانێ خوه‌”.

دياركر ژى” هه‌ر ئێك ژ گوندێن خه‌ليفان، لێلكان، ناومێركان، تاره‌كان و گۆره‌شان يێن هاتينه‌ چۆلكرن”.