ئەڤرۆ نيوز، سالار دۆسکی: ‏

عەقید فەرەج کۆچەر، رێڤەبەرێ نەھێلانا مادێن بێ ‏ھوشکەر ل پارێزگەھا دھۆکێ بۆ رۆژناما ئەڤرۆ گۆت: رەوشا ‏بکائینان و بازرگانیکرن ب مادێن بێ ھوشکەر ل پارێزگەھا ‏دھۆکێ، ل دووڤ داتایێن ل بەر دەستێ مە چ بازرگانیکرن ‏یان کێشان و بکارئینان بیت دزێدەبوونێ دا.‏

عەقید فەرج کۆچەر ھۆکارێن زێدەبوونێ ژی ئاشکراکرن ‏کو ڤەدگەریت بۆ زێدەبوونا رێژا بێکاریێ ل ناڤ تەخا ‏گەنجان، ھەبوونا قەیرانا دارایی و ئابووری و کاودانێن نوکە ‏ھەرێما کوردستانێ تێدا دبۆریت و فشارەکا درەوونی ل سەر ‏گەنجان دروستکریە، دیسا پارێزگەھا دھۆکێ سنورەکێ ‏بەرفرەە ل گەل ھەر دو وەلاتێن تورکیا و سوریا ھەیە و ‏ئەف سنورە ب شێوەکێ رێک و پێک نەھاتیە کونترۆلکرن، ‏کو دبیتەر ئەگەرێ ئینانا مادێن بێ ھوشکەر بۆ ناڤ ‏ھەرێمێ، ھەژمارەکا مەزن یا پەنابەر و ئاوارا ل دھۆکێ خوە ‏جھبووینە ل گەل زێدەبوونا ئاکنجیێن دھۆکێ کو پترن ژ ملیۆنەک ‏‏800 کەسان، دیسا چەندین ھوکارێن لاوکی ژی بۆ زێدەبوونا ڤێ دیاردێ ‏ھەنە.‏

عەقید فەرەچ کۆچەر ئاشکرا کر ژی کو ل دووڤ ئامارێن رێڤەبەریا ‏نەھێلانا مادێن بێ ھۆشکەر ل پارێزگەھا دھۆکێ بەرەورد ل گەل سالا ‏بوری ب رێژا 3% ئەڤ سالە ئە دیاردە زێدەبوویە، عەقید فەرج گۆت: ل ‏سالا 2017 ل سنورێ پارێزگەھا دھۆکێ (94) کەس ب بازرگانیکرن و ‏بکارئینانا مادێن بێ ھوشکەر ھاتبوونە گرتن، ھەموو ژ رەگەزێ نێرن، ‏پتریا ئەڤێن ھاتینە گرتن خەلکێ دھۆک و زاخۆ نە. قەزا زاخۆ ل سەر ‏ئاستێ پارێزگەھێ ل پلا ئێکێ دھێت، دیسا (5) خەلکێ رۆژئاڤانە، (2) ‏خەلکێ باکورێ کوردستانێ بووینە، ھەموویان سەردەریا قانوونی ل گەل ‏ھاتیەکرن و ل دووڤ مادێ(14) ژ ڤێ ھەژمارێ (18) کەس ھاتینە ‏دادگەھکرن و سزایێ خوە وەرگرتینە، دیسا ل سالا 2016 ل سنۆرێ ‏پارێزگەھا دھۆکێ(88) کەس ھاتبوونە دەستەسەرکرن، ئەگەر بەروەرد ل ‏گەل سالا 2017 بھێتەکرن ب رێژە 3% ئەف دیاردە زێدەبوویە، بەلێ ‏بەرەورد ل گەل ھەر دو پارێزگەھێن دی دھۆکێ کێمتر بووینە ژ ھەولێر ‏و سلێمانیێ، ئەڤە ژی ڤەدگەریت بۆ ھەول و بزاڤێن بنگەھێ مە کو ب ‏شەڤ و رۆژ د کاری دانە.‏

ناڤبری گۆت ژی: ئەو مادە و کەرستێن ل ئەڤ سالە ھاتینە دەستەسەرکرن، ‏پێک ھاتینە ژ (711) گرامێن مادێ(ھێروین) ل گەل (11)، (تیخە) ‏‏(77) گرامێن مادێ (ترایک)،(16) کیلۆ و (31) گرامێن(مەری جوانە) ‏ل گەل (4) جگارێن(مەری جوانە) (266) حبکێن جۆرە و جۆر.‏

عەقید فەرچ زێدەتر گۆت: کونترولکرنا ڤێ دیاردێ ب شێوەکێ ریشەیی ‏پێدڤی یە بزاڤ و چالاکیێن بنگەھێ مە بھێنە خورتکرن، دیسا رێکخراوێن ‏جڤاکێ سڤیل و کەسانێن شارەزا کۆڕو سمیناران بەردەاوم بۆ تەخا ‏گەنجان پێشکێش بکەن، سازیێن راگەھاندنێ رۆلێ خوە بگێرن بۆ ‏بەلاڤەکرن و ھشیارکرنا تەخا گەنجان.‏

ئه‌ڤرۆ نیوز:
فه‌رمانده‌یه‌كێ یه‌كینه‌یێن پاراستنا گه‌ل یه‌په‌گێ ئاشكرا كر كو رۆسیا سۆز دایه‌ وان كوردێن رۆژئاڤایێ كوردستانێ نوونه‌رێن خوه‌ د كۆنگره‌ییا سووچی ل دۆر پاشه‌رۆژا سووریێ دا هه‌بن.
سیپان حه‌مۆ، فه‌رمانده‌یێ یه‌په‌گێ راگه‌هاند: رۆسیا سۆز دایه‌ مه‌ 155 نوونه‌رێن رۆژئاڤایێ كوردستانێ پشكداری كۆنگره‌یا نیشتمانی یا سووری ل سووچی بكه‌ن.
هه‌تا نها نوونه‌رێن رۆژئاڤا پشكداری چ دانوستانێن ل دۆر ئاشتییا سووریێ نه‌بووینه‌ د ده‌مه‌كی دا چارێكه‌كا سووریێ د بن كۆنترۆلا وێ دایه‌، توركیا ب توندی دژایه‌تییا پشكدارییا ئالیێن ده‌ستهه‌لاتدار یێن رۆژئاڤایێ كوردستانێ دكه‌ت.