ئەڤرۆنیۆز، ھەرھین محەمەد:
دەرھێنەرێ گەنج شورەشڤان سديق شەرۆ دیدارەکێ دا بۆ ئەڤرۆنیۆز دیارکرکو نوکە ئەو مژوولی چێکرنا کلیپەکێ یە بۆ ھونەرمەند کاروان کامل ب ناڤێ(من تو دڤێى گەلەک) كو ژپەیڤ و ئاوازێن عیماد عەلی نە و دەرھێنانا شورەشڤان سديق شەرۆ.
گۆت ژى” ئه‌ڤ کلیپە ل چه‌ندين باژێرێن ئەلمانیا ھاتیە وێنەکرن و ل نێزیک دێ ھێتە بەلاڤکرن”.
ئەڤرۆ نیۆز،زنار تۆڤی:
ل سپێده‌یا ئه‌ڤرۆ چارشه‌مبى 27/12/2017 ئاگر بەر دبیتە ماله‌كێ ل ده‌ڤه‌را به‌روارى بالا و د ئه‌نجامدا مال ب تەمامی دهێتە سوتن و هەروەسا دایكه‌ك و كچه‌كا خوه ژی د وێ روودانێدا هاتینە سوتن.
عەگید دێریشکی ئێک ژ کەسێن نێزیکی وی مالا ئاگربەربوویێ بۆ ئەڤرۆ نیۆز دبێژیت:ئەڤرۆ سپێدێ ل گوندێ دێریشکێ ل دەڤەرا بەرواری بالا ژنەکێ سۆپا دارا هەلکریه و ل جهێ گازێ بانزین ب داران وەرکریە و دەملدەست ئاگر بەربوویە مالێ و گوت ژی:ئاگر بەربوویه ژنکا وێ مالێ و هەر زوو هاتیە ڤەگوهاستن بۆ نەخۆشخانا سۆتنێ ل دهۆکێ و نۆشدارێن نوحۆشخانا سۆتنێ دیارکریە ئەو ژنک ب رێژەیا 65% هاتیە سوتن و نوکە ل ژێر چاڤدێریا نۆشداران دایە و دیسا کچەکا وێ یا دژیەکێ ب چووک دایە لێ ب رێژەیەکا زۆرا کێم و دیارکر ژی: ئەو مالا ئاگر بەربوویێ ب تەمامی هاتیە سۆتن و لێ زارۆیێن وێ یێن دی هاتینە قورتالکرن و ئاگری زیان نەگەهاندیێ.
ئه‌ڤرۆ نيوز:
رێڤه‌به‌ريا هاتنوچوونا پارێزگه‌ها دهۆكێ راگه‌هاند كو ئه‌و ل رۆژا پێنجشه‌مبى 28ى كانوونا ئێكێ 2018 مامه‌له‌يێن وه‌لاتيان ب رێڤه نابه‌ن.
موقدم مافپه‌روه‌ر، ئازاد تاها، به‌رپرسێ په‌يوه‌ندى و راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ بۆ ئه‌ڤرۆ نيوز راگه‌هاند كو ئه‌و ل رۆژا پێنجشه‌مبى مامه‌له‌يێن وه‌لاتيان ب رێڤه نابه‌ن.
موقدم مافپه‌روه‌ر گۆت: “ل رۆژا پێنجشه‌مبى دێ رێڤه‌به‌ريا هاتنوچوونێ جه‌ردا خوه يا سالانه كه‌ت و ژ به‌ر هندێ ژى نه‌شێت مامه‌له‌يێن وه‌لاتيان ب رێڤه ببه‌ت”.
ئاشكه‌را ژى كر كو ئه‌ڤ راوه‌ستاندنا كارێ وه‌لاتيان ب تنێ دێ بۆ رۆژه‌كێ بيت و د دووڤدا ل ده‌سپێكا سالا نوو دێ ب ره‌نگه‌كێ ئاسايى مامه‌له هێنه ب رێڤه برن.
ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا پێنجشه‌مبى رێكه‌فتى 28ى كانوونا ئێكێ 2017 دهێته پێشبينيكرن ئه‌سمان ساهى بيت ل گه‌ل هنده‌ك ئه‌ورێن كێم ل ده‌ڤه‌رێن جودا.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا راگه‌هانديه كو ژ ئه گه‌رێ هاتنا فشارێن نزمێن ده‌ريا سپى ناڤه‌راست و هاتنا فشارێن بلندێن وه‌لاتێ ده‌ريا ناڤه‌راست دهێته پێشبينيكرن ئه‌سمان ساهى بيت ل گه‌ل هنده‌ك ئه‌ورێن كێم ل ده‌ڤه‌رێن جودا.
پشكا پێشبينيان خۆيا ژى كريه كو نزمترين پلا گه‌رما پێشبينيكرى دێ 5 پله بيت و بلندترين پله ژى دێ 16 پله بيت.
هه‌ر ب گۆره‌ى ڤێ راپۆرتا رێڤه‌به‌ريا ناڤبرى له‌زاتيا باى دێ گه‌له‌ك زێده‌كه‌ت و ل هنده‌ك جاران دێ گه‌هيته 5 بۆ 10 كم بيت د ده‌مژمێره‌كێ دا و ماوێ ديتنێ ژى دێ 10كم بيت.
ئه‌ڤرۆ:
سوبه‌هى:
ئه‌ڤرۆ نيوز:
لژنا مواليدان ل پارێزگه‌ها دهۆكێ راگه‌هاند كو ژ به‌ر ره‌وشا كاره‌با گشتى و زێده‌بوونا ده‌مژمێرێن كاركرنا مواليدا كو دێ بيته ئه‌گه‌رێ ژ كار كه‌فتنا وان و ب مه‌ره‌ما سڤككرنا بهايێ ئه‌مپێرى بۆ وه‌رزێ زڤستانێ، به‌رنامێ كاركرنا مواليدا ل سه‌نته‌رێ قه‌زايێن دهۆك و زاخۆ و سێمێل بۆ هه‌يڤا كانوونا دويێ دێ ب ڤى ره‌نگێ ل خوارێ بيت:
- دەمژمێر 7:00 سپێدێ هه‌تا 11:00 به‌رى نيڤرۆ
– دەمژمێر 2:00 پشتی نیڤرۆ هه‌تا 2:00 شەڤ
– ل کۆمەلگەھێن شوقا ژ دەمژمێر 7:00 هه‌تا 2:00 شەڤ
– بەرنامێ کارکرنا موەلیدان ل قەزایێن دی و دەڤەرێن سەر ب وان ڤە، دێ ل دووڤ رەوش و داخوازیا کارگێریێن وان و خەلکێ وان بیت.
لژنا سه‌رپه‌رشتيا مواليدان هيڤى ژى ژ خودانێن مواليدان كريه كو پێگريێ ب به‌رنامێ لژنا مواليدان بكه‌ن ئه‌وێ ل سه‌رى دياركرى و داخواز ژ هه‌لبژێران ژى كريه كو هه‌ر جهه‌كێ موليدێ وان پێگريێ ب رێنمايان نه‌كه‌ت، لژنێ ب سكالايه‌كا نڤيسى ئاگه‌هدار بكه‌ن دا كو پێرابوون د ده‌رهه‌قێ وان دا بهێنه وه‌رگرتن.
ئه‌ڤرۆ نيوز:
لژنا مواليدان ل پارێزگه‌ها دهۆكێ بهايێ ئه‌مپێرێ كاره‌با مواليدان راگه‌هاند كو ب ڤى ره‌نگێ ل خوارێ يه:
1- قەزایینَ دھۆک، سێمێل و زاخۆ و دەڤەرێن سەر ب وان ڤە 
13000) دینارن. ل گوندێن (تەلوە و بێتاسێ و ئەڤریکێ ) (13000) دینارن.
2- ل قەزا ئامێدیێ /(سەنتە ر(12750) دینارن، ل(سەرسنك) ( 13000 ) دینارن، ل (دێرالوکێ) (13000) دینارن و ل ( شێلادزێ)( 13000) دینارن . ل قه‌زا چەمانکێ (12000 ) دینارن.
3- ل قەزا ئاکرێ /سەنتەرێ قەزایێ و سەنتەرێن ده‌ڤه‌رێن وێ ( دینارتە، گردەسین و بجێل)، (12500) دینارن. ل گوندو دەوروبەران و ئەو جھێن بەلێندەر موەلیدێن وان برێڤەدبەن، ئه‌ڤرۆ دێ ژلایێ قایمقامیا ئاکرێ ڤە هێنه راگەھاندن.
4- ل قەزا بەردەرەش/ سەنتەرێ قەزایێ ( 9250) دینارن، ل گوندو دەورو بەران و ئەو جھێن بەلێندەر موەلیدێن وان برێڤەدبەن، ئه‌ڤرۆ دێ ژ لایێ قایمقامیا بەردەرەش ڤە هێنە راگەھاندن.
5- ل قەزا شێخان و ده‌ڤه‌ر و گوندو کۆمەلگەھێن سەر ب قەزایێ ڤە و ئەو جھێن بەلێندەر موەلیدێن وان برێڤەدبەن، ئه‌ڤرۆ دێ ژ لایێ قایمقامیا شێخان ڤە ئێنە راگەھاندن.
6- ل دەڤەرێن سنورێ قایمەقامیا قەزا سێمێلێ ئەو ژی (سمایل ئاڤا، بالقوس، خراب دیم و گرشین و موقبلێ و باتێلێ و باستکێ) (13000) دینارن.
9- ل دەڤەرێن (مانگێش، زاویتە و باگێرا) (13000) دینارن.
10- ل شوقێن پارێزگەھا دھۆک و ئەوێن موەلیدێن وان نە سەر ب پرۆژەی ڤە (16000) دینارن و ل شوقێن زاخۆ (15000) دینارن و ل شوقێن ئەڤرۆ ستی (14750) دینارن. ئەو شوقێن (24) دمژمێری (19000) دینارن
11- ل ده‌ڤه‌را (ئەلقوش /سەنتەرێ وێ) (11000) دینارن. ل (جراحی- بوزا- شێخکا- بێبان و نفێریێ) (8750) دینارن و ل ( خەتارێ – دوغاتا – منارە- تلسین و بابیرا) (7500) دینارن.
12- موەلیدێن بازرگانی یێن بازاری : بھایێ ئەمپیرى (17000) دینارن.
ئەڤرۆ نیۆز،زنار تۆڤی:
رێڤەبەرەکێ گشتی ل وەزارەتا بازرگانی یا حکومەتا هەرێما كوردستانێ دیارکر،کو پارێ جووتیارێن هەرێما كوردستانێ ل دەف حوکمەتا عێراقێ ٧٥٠ ملیار دینارن و ژ وی گۆژمی ژی ب تنێ ٧٠ ملیار دینار هاتینە خەرجكرن، ئەو ژی ب تنێ سەك گەهشتیە و پارە نەهاتیە رەوانە كرن،لەورا هەر دەمێ هاتە رەوانەکرن دێ دەست ب دابەشكرنێ کەین.
عەبدولرزاق ناوەندی رێڤەبەرێ گشتی ل وەزارەتا بازرگانیا حوکمەتا هەرێما كوردستانێ راگەهاندیە، تا نوکە حوکمەتا عێراقێ پارێ سالێن ٢٠١٤ و ٢٠١٥ و ٢٠١٦ و ٢٠١٧ قەردارا جووتیارێن هەرێما كوردستانێ یە و خەرج نەكرینە،کو کۆژمێ وی پارەی ٧٥٠ ملیار دینارن، نوکە حوکمەتا عێراقێ ژ پارێ سالا ٢٠١٦، كو گۆژمێ ٣٨٦ ملیار دینارانە،یێن جووتیارێن هەرێما كوردستانێ ب تنێ ٧٠ ملیار دینار بۆ خەرج كرینە.
بەڕێوبەری گشتی لە وەزارەتی بازرگانی حكوومەتی هەرێمی كوردستان روونی كردەوە، ئێستە چەكی پارەكە گەیشتووە، بەڵام تا ئێستە پارەكە نەگەیشتووە و رەنگە گەیشتنی پارەكە بكەوێتە سەرەتای ساڵی داهاتوو، بۆیە هەركاتێك بگات، بەسەر جووتیارانی پارێزگاكانی هەرێمی كوردستان دابەش دەكرێت.
هەروەسا گوت ژی،ئەوێ حوکمەتا عێراقێ خەرجکری ژ پارێ جووتیارێن هەرێما كوردستانێ، ب تنێ ٨% ژ وی پارەیە و رێژەکا گەلەک كێمە، ئەو ٧٠ ملیار دینار ژی ژ سەرجەمێ ترلیۆنەك و ٦٥٨ ملیارانە كو بۆ جووتیارێن هەموو عێراقێ هاتینە تەرخان كرن، بۆ هەرێما كوردستانێ نەهاتیە رەوانە كرن و بریارە ل وەجبێن داهاتیدا پارێ دیتر یێن جووتیارێن هەرێمێ خەرج بكەن،لێ هەتا نوکە ئەو ژی یێ دیار نینە.
حوکمەتا عێراقێ هەموو دەمان دووپاتیێ ل هندێ دکەت،کو هەرێما كوردستانێ بەشەکە ژ عێراقێ و ئاخا وێ ژی بەشەکە ژ ئاخا عێراقێ، بەلێ دەمێ بابەت دهێتە سەر پارەی و داهاتی،ئەو ب خۆ وان گوتنێن خۆ رەت دکەن،هروەسا نەدانا پارێن جووتیارێن هەرێما كوردستانێ ژی كو ل سالێن بوری گەنمێ خۆ داینە سایلۆیان،هەر ژ وی بابەتی دهێت، ل وی دەمێ عێراقێ ئار ژ دەرڤە دکریت.
ئه‌ڤرۆ نیۆز، ره‌مه‌زان هه‌رنى :
سه‌رۆكێ لیستا برایه‌تى و پێكڤه ژیانێ ل جڤاتا پارێزگه‌ها كه‌ركوكێ دیارکو:حه‌شدا شه‌عبى و شیعه ل سنورێ پارێزگه‌ها كه‌ركوكێ رێگرن ل ڤه‌گه‌ریانا ئاواره‌یین كورد بۆ سه‌ر مال و حالێن خوه و ئه‌گه‌ر بڤى ره‌نگى هه‌لبژاردنێن جڤاتا نوونه‌رێن عیراقێ بهێنه ئه‌نجامدان دێ مه‌ترسى لسه‌ر وان ده‌ڤه‌را هه‌بیت ئه‌گه‌ر كورد نه‌زڤرنه‌ڤه و هه‌لبژاردن بهێنه كرن.
محه‌مه‌د كه‌مال سه‌رۆكێ لیستا برایه‌تى و پێكڤه ژیانێ ل جڤاتا پارێزگه‌ها كه‌ركووكێ بۆ ئه‌ڤرۆ نیوز خویاكر , ره‌وشا كه‌ركووكێ و مادده‌یێ 140 چۆ ده‌لیڤه نه‌هێلانه كورد كورسیا ب ده‌ست ڤه‌بینن ره‌نگه كورد هه‌ر نه‌شێت پشكدارى هه‌لبژاردنا ژى بیت یان به‌ر بژێر هه‌بن ل هه‌لبژاردنێن بۆرى كوردا ل سنورێ كه‌ركوكێ هه‌شت كورسى هه‌بۆن به‌لێ ئه‌گه‌ر بڤى ره‌نگى بچیت دى َهه‌میا ژ ده‌ست ده‌ت.
سه‌رۆكێ لیستا برایه‌تى و پێكڤه ژیانێ گوتژى , سه‌رۆك وه‌زیرێن عیراقێ خوه نیشان دده‌ت كوسه‌ركه‌فتن ئینایه ب سه‌ر داعش به‌لێ ل هه‌لبژاردنێن داهاتى عه‌بادى نه‌شێت وه‌ك پێدڤى ده‌نگێن شیعه‌یان ب ده‌ست ڤه‌بینیت و هادى عامرى سه‌رۆكێ رێكراوا به‌در دێ شانسێ وی باشتر بیت کو ببیتە سه‌رۆك وه‌زیر .
محه‌مه‌د كه‌مال خویاكر ژى،پشتى روودانێن 16 ێ ئوكتوبه‌رێ هه‌موو كورد ل سنورێ كه‌ركوكێ ئاواره بووینه و ئه‌گه‌ر نه‌زڤرنه‌ڤه و هه‌لبژاردن بهێنه ئه‌نجام دان كورد ره‌نگه ل سنورێ كه‌ركوكێ نه‌شێت چۆ كورسیا ب ده‌ست ڤه‌بینیت بێ به‌هر بیت ل هه‌لبژاردنان.
ئەڤرۆ نیۆز ، زنار تۆڤی:
زانایان پێنج رێک و پێنگاڤ دیارکرینە،کو هەموو دشێن ئەنجام بدەن، بۆ هندێ کو رێکێ ل كێمبوونا شیانێن چاڤێن خۆ بگرن و شیانێن دیتنێ ب هێز و ساخلەم بهێلن،ب تایبەتی نوکە پتریا خەلکێ رۆژانە دەمەکێ زۆر بەرامبەر شاشێن كۆمپیوتەری و تەلەڤزیۆنێ روودنن و مەترسیا تووشبوونێ ب كێشەیا شیانێن دیتنێ گەلەک بلند دبن.
ئەو پێنج رێک ژی ئەڤەنە:
ئێک:دەمێ تۆ ل سەر كۆمپیوتەری کار دکەی، هەولبدە ب تەمامی زال ببی ل سەر شاشا كۆمپیوتەری و جەستەیێ خۆ رێکبێخە بەرامبەری وی و ژووردا تەماشای شاشی بكە، ئەڤە وە دکەت کو تیشکێن زۆر یێن راستەوخۆ ل بەرچاڤێ تە نەكەڤن،ب لایەنێ كێم ڤە پێدڤیە 18 تا 20 بۆسەیان چاڤێ تە ژ شاشەیا كۆمپیوتەری یێ دوور بیت.
دو:ژ دوورڤە بەرێ خۆ بدە شاشەی، هەولنەدەن کو شیانێن تەركیزا چاڤێن هەوە زۆر ب هشیاری بكەڤنە سەر شاشا كۆمپیوتەری و بۆ دەمەکێ زۆر بەرێ خۆ ژێ وەربگێرن تەماشە نەکەنێ،بەلکو چاڤێن خۆ ب جۆلینن و تەماما ئەو دەمێ تۆ ل سەر كۆمپیوتەری بی،ب تنێ بەرێ خۆ نەدەنە شاشەی،هەروەسا د ماوێ هەر دەمژمێرەکا بەرێخودانێدا، گەلەک پێدڤیە سێ تا چار جاران بەرێ خۆ بدەیە هندەک جهێن دیتر و زێدەتر ژ 20 چركان بۆ هەر جارەکێ،بەرێ خۆ بدە هندەک تشتێن دیتر.
سێ: رووناهیا شاشێ کۆمپیۆتەری كێم بکەن، ئەڤە یا هاتیە تاقیکرن و یا هاریکاربوویە، بۆ هندێ کو زیانێن كێمتر ب گەهنە چاڤێن تە،لەورا ب تشتەکێ ئاسایی نەبینن، بەلکی پێڤە پابەند بن و رووناهیا وی تەمام كێم بكەن، ئەڤە شیانێن تیشكێ كێمتر دکەت و گەلەک زیان ناگەهیتە چاڤان.
چار: ب ئەگەرێ هەبوونا هەوایێ سار و گەرم ل ژوورا كۆمپیوتەری، زۆربەیا دەمی دێ سەقایێ وێ ژوورێ هشك بیت و ئەڤەژی دێ وە کەت،کو ئازار بگەهیتە چاڤێن تە،لەورا هەولبدەن،گەلەک ئاڤێ ڤەخۆن،ل وی دەمێ تۆ تەماشەی كۆمپیوتەری و شاشەیان دکەی، ئەڤە دێ یا هاریکار بیت، بۆ رێگریکرنێ ژ هشكبوونا چاڤێن هەوە و دێ شەهدار کەت،کو یا هاریکارە بۆ پاراستنا چاڤی و مانەوەیا شیانێن دیتنێ ب رەنگەکێ ب هێز.
پێنج:هشیاری رووناهیا ژوورا خۆ بن،دەمێ گلۆپا ژوورا هەوە دکەڤیتە بەرامبەر شاشێ كۆمپیوتەری و تەلەڤزیۆنێ، ئەڤە تیشكدانێ گەلەک زێدەتر دکەت،لەورا هەولبدەن رێگریێ ل هندێ بكەن و رووناهیێ و گلۆپا ساخلەم دژوورا خۆ دا ب کار بینن،ب تایبەتی گلۆپا فلۆرێسنت ب كار بینن،ژبەرکو رووناهیا گلۆپا فلۆرێسنت تیشكدانێ كێمتر لێ دکەت،دیسا خۆ دوور بکەن ژ وان گلۆپا یێن وزەیا وان زێدەتر بیت ژ 100 واتان.
ئه‌ڤرۆنيوز:
سه‌رۆكێ فراكسيۆنا نه‌ته‌وه‌يى ل په‌رله‌مانێ كوردستانێ خوه به‌ربژاردكه‌ت بۆ پۆستێ سه‌رۆكێ په‌رله‌مانێ كوردستانێ.
ئه‌ڤرۆ سێشه‌مبى 26/12/2017 ئارى هه‌رسين سه‌رۆكێ فراكسيۆنا نه‌ته‌وه‌يى ل په‌رله‌مانێ كوردستانێ بۆ راديوا نه‌وا راگه‌هاند دێ خوه به‌ربژار كه‌ت بۆ وى پۆستى وئاماژه دا كو ئه‌و يێ هه‌ژى وى پۆستى يه.
ئه‌ڤرۆ يوسف محه‌مه‌د سه‌رۆكێ په‌رله‌مانێ كوردستانێ دكۆنگره‌كێ رۆژنامه‌ڤانيدا ده‌ست ژكاركێشانا خوه ژ وى پۆستى وئه‌ندامه‌تيا په‌رله‌مانى ژى راگه‌هاندبوو.
نيشاندان