ئه‌ڤرۆ نيوز:
وه‌زيرێ دارايى ئه‌ڤرۆ ل گه‌ل هه‌موو رێڤه‌به‌رێن گه‌نجينان كوم بوو و راگه‌هاند، د دو هه‌تا سێ رۆژێن بهێت دا دێ ليستا مووچان ب سيسته‌مێ نوو هێته به‌رهه‌ڤكرن و ئه‌گه‌ر وه‌زاره‌تا ساخله‌ميێ و په‌روه‌ردێ گه‌هشت ليستين خوه پێشكێش بكه‌ن، چارشه‌مب و پێنج شه‌مبيێ دێ ده‌ست ب به‌لاڤكرنا مووچێن وان كه‌ين.
ئەڤرۆ:
مالپەرەکێ عیراقی ئاماژە دایە وێ یەکێ کو تورکیا دێ عەفرینێ ئێخیتە ب سەر پارێزگەھا ھاتای یا تورکی ڤە و دێ والیەکی بۆ عەفرینێ دامەزرینیت.
مالپەرێ (بغداد الیوم) بەلاڤکریە کو حەسەن شندی پەیڤدارێ کۆنگرێ ئازادکرنا عەفرینێ ب ھندەک دەزگەھێن راگەھاندنێ یێن کوردی راگەھاندیە کو عەفرین دێ چیتە ب سەر پارێزگەھا ھاتای یا تورکی ڤە و ئەنقەرە دێ والیەکی ل سەر عەفرینێ دامەزرینیت بۆ ب رێڤەبەرنا وی باژێری، بەلێ ئەم نوزانین ئەو والی دێ کی بیت، بەلێ دێ ژئالیێ تورکیا ڤە ھێتە دامەزراندن کو دێ قایمقامەکی ژی ھنێریتە عەفرینێ.
ئەڤرۆ:
عەدنان کەرکووکی پەیڤدارێ جڤاتا سەرکردایەتیا کەرکووک – گەرمیان یا پارتی دیموکراتی کوردستان بۆ دەنگێ ئەمریکا راگەھاند، بەغدا رۆژ بۆ رۆژێ پتر ھێزی دھنێریتە کەرکووک و سنورێن وێ داکو ل دەمێ ھەلبژارتنێن عیراقێ بشێن یاریان ب ئەنجامێن ھەلبژارتنان بکەت، ھەروەسا فشارێ پتر بئێختە سەر کوردان داکو بەرەڤ سندوقێن دەنگدانێ نەچن.
عەدنان کەرکووکی بەحسێ ڤەلڤینێن داعش ژی کر و دیارکر کو ھێشتا مەترسیا وێ ل سەر رێیا کەرکووک – بەغدا ھەیە، ئەگەر جاران ب پیادە ھاتن و چوون کربا، نوکە ب کۆمەل ھاتن و چوونێ ب ترۆمبێلان دکەن.
ئەڤرۆ نيوز:
سەرۆکێ دیوانا سەرۆکاتیا ھەرێما کوردستانێ راگەھاند، ھەرچەندە کورد دھەلبژارتنێن ڤێجارێ یێن پەرلەمانێ عیراقێ ل سنورێ مادێ 140 دێ نێزیکی 14 کورسیێن پەرلەمانی ژدەست دەت، بەلێ پۆستێ سەرۆک کۆماری دێ ب کوردان ھێتە دان.
فوئاد حسێن گۆت ژی” کێمبوونا کورسیێن کوردان ل پەرلەمانێ عیراقێ زیان بۆ کوردان یا ھەی، بەلێ ژبەر بەلاڤبوونا ئالیێن شیعی ب سەر چەند لیستان دا، کورد وەکو بلۆکەک دێ مینیت، ھەکە کورد 50 کورسیێن پەرلەمانی ب دەستڤەبینن، دوور نینە ھێزا دویێ یان یا سیێ بیت د پەرلەمانێ عیراقێ دا، بەلێ حوکمەتا داھاتی یا عیراقێ پەیوەندی ب ھژمارا کورسیان ڤە نینە، بەلکو پەیوەندی ب دروستبوونا ھەڤپەیمانیان ڤە یا ھەی”.
سەرۆکێ دیوانا سەرۆکاتیا ھەرێما کوردستانێ زێدەتر گۆت” ب زەحمەتە د عیراقێ دا حوکمەت بێ کوردان دروست ببیت، بەلێ گرنگ ئەوە کورد ل سەر چ بنەمایەکی دێ پشکداریێ دحوکمەتێ دا کەن، ھەکە کورد دئێک دەنگ بن، وی دەمی بلۆکێ کوردی دشێت رۆلەکێ کاریگەر ببینیت، دشیاندایە ل سەر بنەمایێ پرۆگرامەکی کورد پشکدار ببن، ئەوژی دێ جە و پێگەھێ کوردان دیارکەت”.
ئەڤرۆ نیوز ، زنار تۆڤی:
فلمێ دکیۆمێنتاری روو ب رووبوونا مرنێ ب کەتەری خه‌لاتێ خەنجەرا زێری ل فیسته‌ڤالا مه‌سقه‌ت یا نێڤده‌وله‌تی بۆ سالا 2018 وه‌رگرت.
سەروەر عەبدوللا دەرهێنەرێ فلمێ دکیۆمێنتاری یێ روو ب رووبوونا مرنێ ب کەتەری بۆ ئەڤرۆ نیوز دیارکر،کو ئەڤ فلمێ دکیۆمێنتاری ل سالا 2017 هاتیە چێکرن دیاریه بو روح و قوربانيين پێشمه‌رگێ کوردستانێ و هەروەسا ئەڤ فلمە یێ تایبەتە ل سەر پێشمەرگێن کەتیبا هەندەسێ یا فەرماندا هێزێن پشتەڤانیا ئێک و مە گەلەک ئاستەنگ و زەحمەت دیتینە هەتاکو مە ئەڤ فلمێ دکیۆمێنتاری چێکری و ماوێ وی 45 خولەکن و چەندین خەلاتێن نێڤدەولەتی وەرگرتینە و هەروەسا هەتاکو نوکە پشکداری د چەندین فیستەڤالێن نێڤدەولەتی دا کریە.
ئەڤرۆ نیوز ، زنار تۆڤی :
ئەڤ شەڤە و ل دەمژمێر 8 گەریلایێن پەکەکێ ب دوشکان تەقە ل ل رەبیێن سۆپایێ تورکیا کریە ل سەرێ کورێ زێری و ئەڤە ماوێ چار دەمژمێرانە شەر یێ بەردەوام.
جۆتیار دێریشکی ئێکە ژ خۆجهێن ناحیا کانی ماسێ بۆ ئەڤرۆ نیوز گوت،ئەڤ شەڤە هێزێن پەکەکێ ب دوشکان ل رۆژئاڤایێ کانی ماسێ تەقە ل رەبیێن سۆپایێ تورکیا کرینە ل کورێ زێری و د هەمان دەمدا تۆپ خانا سۆپایێ تورکیا بەرسڤا هێرشا پەکەکێ دایە و چەندین گۆلە تۆپ ل دەردورێن کانی ماسێ و گوندێ دێریشکێ داینە و ئەو گولە تۆپ نێزیکی 500 مەترا ل دەردورا کانی ماسێ و دێریشکێ کەفتینە و هەروەسا چەندین فیشەکێن دوشکان ژی ب خانیێن خەلکی کەفتینە و ڤێ چەندێ ترسەکا مەزن ل دەف خەلکێ پەیداکریە.
هەروەسا گوت ژی،ئەڤە ماوێ چار دەمژمێرانە شەر دناڤبەرا وان دا یێ بەردەوام و نوکە ژی سۆپایێ تورکی یێ دەردورێن کانی ماسێ تۆپ باران دکەت.
ئه‌ڤرۆ نیوز:
سه‌رۆك بارزانی د په‌یامه‌كێ دا جه‌ژنا قیامه و سه‌ر سالا بابلی و ئاشووریان پیرۆز كر و داخواز كر ب هاتنا ڤێ هه‌لكه‌فتنێ، تیرۆر و توندره‌وی تێكبشكێت.
سه‌رۆك مه‌سعود بارزانی د په‌یاما خوه دا جه‌ژنا قیامه و سه‌ر سالا بابلی و ئاشووریان ل كریستیانێن كوردستانێ و ئیراقێ و هه‌موو جیهانێ پیرۆز كر و گۆت: دخوازم ئه‌ڤ هه‌لكه‌فته ببیته ئه‌گه‌رێ ب ده‌ستڤه‌ئینانا برایه‌تی و ته‌بایی و سه‌قامگیریێ و تێكشكاندنا تیرۆر و توندره‌ویێ.
سه‌رۆك بارزانی گۆت ژی: ب هاتنا ڤێ هه‌لكه‌فتێ دخوازم داوی ب نه‌هامه‌تیێن كریستیانان و پێكهاتێن دی یێن ئیراقێ و ده‌ڤه‌رێ بهێت و هه‌موو ئالی پێكڤه ب ئاشتی و ئازادی بژین.
ژ ئالیێ خوه‌ڤه، حوكمه‌تا هه‌رێما كوردستانێ راگه‌هاندیه : ب سه‌ده‌ما هێرشێن تیرۆرستی یێن داعشێ و توندوتیژیا دژی كریستیانان ل ده‌شتا نه‌ینه‌وا، مووسل و گه‌له‌ك ده‌ڤه‌رێن دی یێن ئیراقێ ب هه‌زاران وه‌لاتیێن كریستیان نه‌چار بووینه مال و ملكێ خوه بهێلن و ئاواره ببن و هیڤى خواستیه، وه‌لاتیێن كریستیان ل ده‌مه‌كێ نێزیك ڤه‌گه‌رن جهێن خوه و ژیانه‌كا ئارام و جێگیر ببورینن.
ئه‌ڤرۆنيوز:
پرله‌مانتاره‌كێ كورد ل به‌غدا راگه‌هاند، برياره ل ڤان نێزيكان شانده‌كێ ته‌كنيكى يێ هه‌رێما كوردستانێ سه‌ره‌دانا به‌غدا بكه‌ت ب مه‌ره‌ما دانوستاندنێ ل سه‌ر پرسا مووچێ فه‌رمانبه‌رێن هه‌رێما كوردستانێ وئاماژه كر كو به‌غدا نوكه مووچێ 682 هزار فه‌رمانبه‌رێن هه‌رێمێ دده‌ت.
ماجد شنگالى، ئه‌ندامێ جڤاتا نوونه‌رێن عيراقێ ژفراكسيۆنا پارتى ديموكراتى كوردستان گۆت”حوكمه‌تا عيراقێ 317 مليار و540 مليۆن ديناران بۆ هه‌رێما كوردستانێ هنارتينه وئه‌وژى تێرا مووچێ فه‌رمانبه‌رێن هه‌رێمێ وخانه‌نشينان وتۆرا جڤاكى وزيندانيێن سياسى ب تمامى ناكه‌ت”.
ماجد شنگالى بۆ مالپه‌رێ(سومه‌ريه نيوز) زێده‌تر گۆت” له‌وما ل ده‌مه‌كێ نێزيك شانده‌كێ ته‌كنيكى، نه‌كو يێ سياسى، ل هه‌رێما كوردستانێ دێ سه‌ره‌دانا به‌غدا كه‌ت بۆ دانوستاندنێ ل دۆر چاوانيا به‌رده‌واميا راده‌ستكرنا وى كوژمێ پاره‌ى بۆ هه‌رێما كوردستانێ”.
دياركر ژى” به‌غدا دبێژيت كو هه‌رێما كوردستانێ بانگه‌شا وێ چه‌ندێ دكه‌ت كو مليۆنه‌ك و249 هزار فه‌رمانبه‌رێن هه‌ين وراستى ئه‌وه كو هه‌رێمێ يا گۆتى كو 760 هزار فه‌رمانبه‌ر يێن هه‌ين وبه‌غدا دبودجه‌ى دا 682 هزار فه‌مانبه‌ر هژمارتينه، كو ئه‌وژى هژماره‌كا كێمتره ژراستيێ”.
ل 19 ڤێ هه‌يڤێ، وه‌زاره‌تا دارايى وئابوورى ل هه‌رێما كوردستانێ راگه‌هاندبوو كو كوژمه‌كێ پاره‌ى ژ عيراقێ بۆ مووچێ فه‌رمانبه‌رێن هه‌رێما كوردستانێ يێ گه‌هشتى وپاشى ئه‌و پاره وه‌كو مووچه هاته به‌لاڤكرن.
ئه‌ڤرۆنيوز:
مالپه‌ره‌كێ عيراقى ئاماژه دا كو توركيا دێ عه‌فرينێ ئێخيته ب سه‌ر پارێزگه‌ها هاتاى يا توركى ڤه ودێ واليه‌كى بۆ عه‌فرينێ دامه‌زرينيت.
مالپه‌رێ(بغداد اليوم) به‌لاڤكر كو حه‌سه‌ن شندى په‌يڤدارێ كۆنگرێ ئازادكرنا عه‌فرينێ ب هنده‌ك ده‌زگه‌هێن راگه‌هاندنێ يێن كوردى راگه‌هانديه كو عه‌فرين دێ چيته ب سه‌ر پارێزگه‌ها هاتاى يا توركى ڤه وئه‌نقه‌ره دێ واليه‌كى ل سه‌ر عه‌فرينێ دامه‌زرينيت بۆ ب رێڤه‌به‌رنا وى باژێرى، به‌لێ ئه‌م نوزانين ئم والى دێ كى بيت، به‌لێ دێ ژئاليێ توركيا ڤه هێته دامه‌زراندن كو دێ قايمقامه‌كى ژى هنێريته عه‌فرينێ.
ئه‌ڤرۆنيوز:
سه‌رۆكێ ديوانا سه‌رۆكاتيا هه‌رێما كوردستانێ راگه‌هاند، هه‌رچه‌نده كورد دهه‌لبژارتنێن ڤێجارێ يێن په‌رله‌مانێ عيراقێ ل سنورێ مادێ 140 دێ نێزيكى 14 كورسيێن په‌رله‌مانى ژده‌ست ده‌ت، به‌لێ پۆستێ سه‌رۆك كۆمارى دێ ب كوردان هێته دان.
فوئاد حسێن، سه‌رۆكێ ديوانا سه‌رۆكاتيا هه‌رێما كوردستانێ گۆت ژى” كێمبوونا كورسيێن كوردان ل په‌رله‌مانێ عيراقێ زيان بۆ كوردان يا هه‌ى، به‌لێ ژبه‌ر به‌لاڤبوونا ئاليێن شيعى ب سه‌ر چه‌ند ليستان دا، كورد وه‌كو بلۆكه‌ك دێ مينيت، هه‌كه كورد 50 كورسيێن په‌رله‌مانى ب ده‌ستڤه‌بينن، دوور نينه هێزا دويێ يان يا سيێ بيت دپه‌رله‌مانێ عيراقێ دا، به‌لێ حوكمه‌تا داهاتى يا عيراقێ په‌يوه‌ندى ب هژمارا كورسيان ڤه نينه، به‌لكو په‌يوه‌ندى ب دروستيوونا هه‌ڤپه‌يمانيان ڤه يا هه‌ى”.
سه‌رۆكێ ديوانا سه‌رۆكاتيا هه‌رێما كوردستانێ زێده‌تر بۆ رووداو گۆت”ئه‌سته‌مه دعيراقێ دا حوكمه‌ت بێ كوردان دروست ببيت، به‌لێ گرنگ ئه‌وه كورد ل سه‌ر چ بنه‌مايه‌كى دێ پشكداريێ دحوكمه‌تێ دا كه‌ن، هه‌كه كورد دئێك ده‌نگ بن، وى ده‌مى بلۆكێ كوردى دشێت رۆله‌كێ كاريگه‌ر ببينيت، دشياندايه ل سه‌ر بنه‌مايێ پرۆگرامه‌كى كورد پشكدار ببن، ئه‌وژى دێ جه وپێگه‌هێ كوردان دياركه‌ت”.
ل دۆر پۆستێن سيادى يێ عيراقێ، فوئاد حسێن گۆت” نوكه يا بوويه عورفه‌ك كو سه‌رۆكێ په‌رله‌مانێ عيراقێ بۆ سونه‌يان بيت وسه‌رۆك وه‌زيران ژى بۆ شيعان بيت وسه‌رۆك كۆمار ژى بۆ كوردان بيت، ب ديتنا ئه‌ڤ سيسته‌مه ڤێجارێ ژى دێ به‌رده‌وامبيت”.
نيشاندان