ئه‌ڤرۆ نيوز:

يوسف محه‌مه‌د د رێ و ره‌سمه‌كى دا ل مه‌كۆيا سه‌ره‌كى يا بزاڤا گۆڕان ل باژێرێ سلێمانيێ ده‌ست ژ كاركێشانا خوه‌ ژ پۆستێ سه‌رۆكێ په‌رله‌مانێ كوردستانێ راگه‌هاند.

ئەڤرۆ نيوز:
شرۆڤەکارەکێ سیاسی ل پارێزگەھا سلێمانیێ دیار کر، دەمەک درێژە چەند گروپ و لایەن ل سلێمانیێ بەرھەڤیێن خوەنیشاندانان دکەن، و دورو نزیک ڤان خوەنیشاندانان پەویەندی ب خزمەتگوزاریان ڤە نیە، بەلکو مەبەستا وان زێدەتر ئالۆزکرنا رەوشێ یە، چونکی کوردستان ژلایێ ئاسایشا نافخوەی ڤە گەلەک یا ئارامە وان کەس و لایەنا دڤێت وێ ئارامیێ تێک بدەن، ژبەر کو خوەنیشاندان ب توندوتیژی ژبۆی کێماسیێن روژانە نیە، بەلکو مەرامەکا سیاسی ل پشت ڤێ خوە نیشاندانێ ھەیە، تایبەت دەستەکێ دەرەکێ ل پشت ڤێ خەلکی ھەیە کو رژیانە سەر جادەیان نوکە ژبەر دەست وەردانا دەستێن دەرەکێ گروپێن نافخوە شیانێن کنترول کرنا رەوشێ نەماینە ژبەرکو بارەگەھێن حکومی و پارتێن سیاسی کرینە ئارمانج .

شێخ ستار شرۆڤەکارەکێ سیاسی ل پارێزگەھا سلێمانیێ بۆ روژناما ئەڤرۆ خویاکر، خوە پیشاندەران ب ناڤێ نەبوونا خزمەتگوزاریان ئاراستە ل مەدەنیەتێ کریە سیاسی و چەند گرو پ لایەنێن نافخوەو دەستێن دەرەکێ خوەنیشاندەران گەھاندن ڤێ رەوشێ کو ژبلی بارەگایێن پارتێن سیاسی و مولکێ گشتی و خەلکێ سڤیل سوتیەو وێرانکریە.

شێخ ستار شروڤەکارێ سیاسی گوتژی: سروشتێ سلێمانیێ ب ڤی رەنگیە ئالوزیەکا مەزن ھەیە ل نافخوەیا سلێمانیێ و ھەرجار ب بھانەیەکێ خەلکێ سلێمانیێ دھێتە ب سەردابرن و دھێنە سەر جادەیان و داخوازا مافێن خوە دکەن ب خوەنیشاندانێن سیاسی و دور ل خوەەنیشاندانێن مەدەنی ھەرجار زیان ب ھەمو لایەکی َدکەڤیت ب تنێ ئەو لا مفادارن کو خەلکی پالددەن خوەی پیشاندانا بکەن.

ناڤبری ئاشکرا کر ، مەبەستا خوە نیشاندەران ب چۆ رەنگا بۆ باشتر کرنا ژیارا وان نیە بەلکو ب مەرامێن سیاسی ئەڤ خوە پیشاندانە دھێنە ئەنجام دان ژبەرکو چۆ خوەنیشاندانەکێ مولەت نیە لەورا ھەمو لایەکێ شک ل ڤان خوە یشاندانا ھەیە کو ب چۆ رەنگا بۆ خوە باشتر کرنا رەوشا ژیان و ژیارا خەلکی نیە بەلکو ب تێکدانا ئاسایشا نافخوەیە .

ئەڤرۆنیوز، ئيقبال عومه‌ر:

ل سەنتەرێ ناحیا شێلادزێ تنێ ئێک خێزانا کریستیان دناڤ دایە , ئەڤرۆ کو رۆژا جەژنا ژدايكبوونا عيسايێ مه‌سيح بوو , خەلکێ ڤێ دەڤەرێ یێ موسلمان ب گەرم و گۆری سەرەدانا ڤێ خێزانێ کر ژبو پیرۆزکرنا جەژنێ.

 خوشابە قەشۆ ھورمز بۆ ئەڤرۆ نیوز گۆت” خەلکێ گۆندێ ھیشێ مه‌ يا سەر ب ھۆزا رێکان ڤە ل سنورێ ناحیا شێلادزێ, و ل سالا ١٩٣٠ل گوندێ ھیشێ ژدایک بویە و نھا ئاکنجیێ ناحیا شێلادزێ یە، ل سالا ١٩٧٦ رژێما سه‌دامى ئەم بزوری ژ سەر گوندێن مە راکرین و برینە دەشتا موسل ل تلکێفێ ئاکنجی کرین کو پێکھاتا گوندیێن مە ب دەھان خێزان بوون , پاشى من و چەند گوندیێن مه‌ مالێن خوە ڤەگۆھاستنە شێلادزێ، ژبەرکو من نەشیا ل دەشتێ ژیانا خوە ببمە سەری”.

گۆت ژى” پشتێ جەند سالان ئەوان خێزانێن دی یێن کریستیان ھند ژوان چون بۆ ژدەرڤەی وەلاتی، ھنده‌ك ژی چون بۆ ناڤەراستا عیراقێ، بەلێ من نەشیا سروشتێ ڤێ دەڤەرێ و ڤان مروڤێن موسلمان بهێلم، لەوما ئەڤە سەرێ چەندین سالانە ئەم دناڤ موسلمانێن ڤێ دەڤەرێ دژین بێ کو تاکو نھا ژی  ئێك نەخوه‌شی ژى بۆمە دروست ببيت ژلایێ وەلاتیێن ڤێ دەڤەرێ ڤە”.

خوشابه‌ى دياركر” ھەمو جەژن و خوه‌شی و نەخوه‌شیان ئەم ل گەل موسلمانا بەشدار دبین و ھەروەسا موسلمانێن ڤێ دەڤەرێ ژی دگەل مە دبەژدان چو جێوازیەکێ ئەم نابینین دناڤبەرا مە و موسلمانان دا, دخوازم رۆژەک بھێت مللەتێ مەژی ببیتە خودان دەولەت و ھەر بڤی ئاوایی پێکڤە ژیان یا بەردەوام بیت و ئەز سوپاسیا ھەموو وان کەسان دکەم ئەوێن جەژنا مە پیرۆزکری”.

ژلایێ خوەڤە سەلیم مستەفا کو ب مەرەما جەژن پیرۆزکرنێ سەرەدانا ڤێ مالا کرستیان کربوو بۆ ئەڤرو نیوز گۆت” یا دیارە ل دەڤەرا مە ئەڤ پێکڤە ژیانە ھەر ژ کەڤندا ھەبوو و ئەو کریستیانێن دناڤ مەدا چو جاران ھەست ب ھندێ نەکریە کو جوداھیەکا دناڤ بەرا مەدا ھەی، بەلکو ھەموو ده‌مان مە پێکڤە رێورەسمێن خوە یێن گێراین چ یێن ئایینی بن، یان ھەر بیرەوەری و ھەلکەفتەک بیت  و خوشابە دگەل خێزانا خوە ئەڤە چەندين سالە د ناڤ مە موسلمانان دا دژیت و ئەم چو جێوازیێ دناڤبەرا وی و برایەکێ خوە نابینین”.