NO IORG
نووترين نووچه
Facebook

80

ئه‌ڤرۆ نیوز:

په‌یڤدارێ وه‌زاره‌تا ساخله‌میا هه‌رێما كوردستانێ راگه‌هاند: هه‌ر كه‌سه‌ك پلازما خوینێ ب توشبوویێن كورونایێ ب فروشیت وه‌ك تاوانبار سه‌ره‌ده‌ری ل گه‌ل هێته‌كرن ب تاوانا بازرگانیكرن ب جه‌سته‌یی و ب توندترین شێوه‌ هێته‌ سزا دان.

د.محه‌مه‌د خوشناو په‌یڤدارێ فه‌رمی یێ وه‌زاره‌تا ساخله‌میا حكومه‌تا هه‌رێما كوردستانێ راگه‌هاند هه‌ر كه‌سه‌ك پلازما خوینێ ب توشبوویێن كورونایێ بفروشیت وه‌ك تاوانبار سه‌ره‌ده‌ری ل گه‌ل دا دهێته‌كرن ب تاوانا بازرگانیكرن ب جه‌سته‌ی و ب توندترین شێوه‌ هێته‌ سزا دان، هه‌تا ئه‌ڤی ده‌می ئه‌ڤ چه‌نده‌ ل هه‌رێما كوردستانێ روونه‌دایه‌، به‌س ئه‌ڤ چه‌نده‌ ل باشوورێ عیراقێ هه‌یه‌.

په‌یڤدارێ فه‌رمی یێ وه‌زاره‌تا ساخله‌میا حكومه‌تا هه‌رێما كوردستانێ ئه‌و چه‌نده‌ ژی راگه‌هاند ب ڤان نێزیكان ده‌رمانی روسی بۆ چاره‌سه‌ركرنا كورونایێ گه‌هته‌ هه‌رێما كوردستانێ،به‌س بكار ئینانا ماسكێ كارتێكرنا خو هه‌یه‌ به‌لێ مانا د مالڤه‌ ژ هه‌مویان باشتره‌.

130

ئه‌ڤرۆ نیوز:

ئه‌ڤرۆ د رێ و رسمێن گوهورینا پارێزگارێ دهۆكێ ل جڤاتا پارێزگه‌ها دهۆكێ د كۆمبوونا خوه‌ یا ئه‌ڤرۆ دا، د.عەلی تەتەر ب تێکرایا دەنگێن جڤاتا پارێزگەها دهۆکێ بۆ پارێزگارێ دهۆکێ.

26

 

ئه‌ڤرۆ نیوز:

ئه‌ڤرۆ چار توشبوویێن دی یێن كورونایێ ل پارێزگه‌ها سلیمانیێ گیانێ خوه‌ ژ ده‌ست دان، دو ل قه‌زا سه‌یدسادق و توشبوویه‌ك ژی ل قه‌زا خورماتو بوون، توشبوویه‌ك ژی ل قه‌زا پینجوین.

قائیمقامیا قه‌زا سه‌یدسادق د راگه‌هاندنه‌كی دا به‌لاڤكر دو توشبوویین دی یێن كورونایێ ل قه‌زا سه‌یدسادق گیانی خوه‌ ژ ده‌ست داینه‌، كۆ ژنه‌كا ژیێ وێ 52 سالی ئاكنجیا سه‌یدسادق بوو، زه‌لامه‌ك ژیێ وی 55 سالی بوو ئامنجیێ ناجیا سرۆچك سه‌ر ب قه‌زا سه‌یدسادق ئاكنجیبوو، پشتی نڤاندنا وان ل نه‌خوشخانه‌یێ بۆ ده‌مێ چه‌ند رۆژه‌كان هه‌ردوكان گیانی خوه‌ ژ ده‌ست دان.

د.ئه‌حمه‌د عه‌لی رێڤه‌به‌رێ ساخله‌میا باژێرێ خورماتو راگه‌هاند توشبوویه‌كێ ڤایرۆسێ كورونایێ كو ژیێ وی 60 سالی بوو ل نه‌خوشخانه‌یا باژێری خورماتو گیانێ خوه‌ ژ ده‌ست دا.

ئه‌ڤرۆ ل قه‌زا پێنجوین پێشنڤێژ و گوتاربێژێ مزگه‌فتا قازی محه‌مه‌د پشتی هه‌فتیه‌كی ل نه‌خوشخانه‌یێ گیانێ خوه‌ ژ ده‌ست دا،  مامۆستا عه‌بدله‌تیف ب ئه‌گه‌ری خراپیا ره‌وشا وی یا ساخله‌میێ و ئامیرێ هه‌ناسه‌دانێ بۆ هات بوو دانان پاشی ب كایگه‌ریا نه‌خوشیێ گیانێ خوه‌ ژ ده‌ست دا.

31

 

ئەڤرۆ نیوز:

رێڤەبەریا گشتی یا ساخلەمیا پارێزگەها دهۆکێ راگه‌هاند: سێ نەخۆشێن دی یێن کۆرۆنایێ covid-19 ل دهۆکێ ب تەمامی چارەسەربوون، ب سلامەتی ژ نەخۆشخانێ هاتنە دەرخستن.

ئەڤرۆ 24/6/2020، سێ نەخۆشێن دی یێن ڤایرۆسێ کۆرۆنایێ covid-19 ل دهۆکێ کو د نەخۆشخانێ دا بوون، پشتی هەموو پشکنین هاتینە کرن، دیاربوو کو ب تەمامی چارەسەربووینە و ب سلامەتی ژ نەخۆشخانێ هاتنە دەرخستن و چوونە دناڤ کەسوکارێن خوە دا.

هژمارا گشتی یا نەخۆشێن ڤایرۆسێ covid-19 ل دهۆکێ 156 نەخۆش بوون، کو 133 کەس ژ وان ب تەمامی چارەسەربووینە و 23 نەخۆش ژی ماینە د نەخۆشخانێ دا.

77

 

ئەڤرۆ نیوز:

 

ژوورا ئۆپەراسیۆنا پارێزگەها هەولێرێ راگەهاند: ب مەرەما رێگریکرنێ ل بەلاڤبوونا زێدەتر یا ڤایرۆسێ کۆرۆنایێ ل سنۆرێ پارێزگەها هەولێرێ، بڕیار هاتە دان ل رۆژا ئێکشەمبی 28-06-2020 دەواما فەرمانگەهێن حکومی ل سنۆرێ پارێزگەها هەولێرێ بۆ دەمێ حەفتیەکێ بهێتە راگرتن، دیسان جهێن گشتی ژی ژ دەمژمێر 10 شەڤ هەتا 5 سپێدێ دێ هێنە گرتن.

21

 
ئەڤرۆ نیوز:
وەزارەتا ساخلەمیا هەرێما کوردستانێ ئامارا 24 دەمژمێرێن بوری یێن تووشبوویان و گیان ژ دەستدانێ ب کۆرۆنایێ بەلاڤکرن و راگەهاند: کو 216 کەسێن دی تووشی کۆرۆنایێ بووینە، کو دو کەس ژ وان ل دهۆکێ نە، دیسان 4 کەسان ژی گیانێ خوە ژ دەستدایە.

28

 

 

ئەڤرۆ نیوز:
د. سیروان محەمەد، رێڤەبەرێ ساخلەمیا گەرمیان راگه‌هاند: هەتا نوکە 55 نۆشدار و كارمه‌ند و فه‌رمانبه‌رێن كه‌رتێ ساخلەمیێ ل سنۆری ئیدارا گەرمیان تووشی کۆرۆنایێ بووینه‌، ژ ئەگەرێ بلندبوونا رێژا تووشبوویان مریان ل سنۆرێ وێ دەڤەرێ، بۆ دەمێ 72 دەمژمێران قەدەغەیا هاتنوچوونێ هاتیە راگەهاندن.

33

 
ئەڤرۆ نیوز:
وەزارەتا ساخلەمی و ژینگەها عیراقێ راگەهاند: د دەمێ 24 دەمژمێرێن بوری دا دو هەزار و 200 تووشبوویێن دی یێن کۆرۆنا یێ هاتینە تۆمار کرن و 79 کەسان ژی گیانێ خوە ژ دەستداینە، ئەڤە ژی بلندترین هژمارا تووشبوویانە ل عیراقێ هاتیە تۆمار کرن.

هەروەسا گۆتیە: ژ سەرجەمێ 11 هزار و 445 پشکنینێن کۆرۆنا یێ دو هزار و 200 کەس تووشی کۆرۆنایێ بووینە، هەروەسا هزار و 61 کەس ژی باش بووینە.
هەتانوکە 447 هزار و 433 پشکنینێن کۆرۆنا یێ ل عیراقێ هاتینە ئەنجامدان، ژ وان دو هزار و 200 تووشبوویێن کۆرۆنا یێ 558 تووشبوویی ل بە‌غدانە.

43

ئەڤرۆ نیوز:

جێگرێ رێڤەبەرێ گشتی یێ ساخلەمیا سلێمانیێ راگەهاند کو ئەڤرۆ ل سلێمانیێ سێ تووشبوویێن دی یێن کۆرۆنایێ جانێ خوە ژ دەست داینە.

عەبدوللا ئەحمەد ئەو یەک ژی دیار کر کو کەسێن ئەڤرۆ جانێ خوە ژ دەست داینە ئێک ژ وان زەلام بوو د ژیێ ٣٩ سالیێ دا و هەر دو کەسێن دی ژی ئافرەت بوون د ژیێ ٤٣ و ٥٨ سالیێ دا بوون.

122

ئه‌ڤرۆ نیوز، بارزان مزوورى:

د. مەیاده‌ نه‌جار ئه‌نداما لیژنا ئابوورى و وەبه‌رهێنانێ ل په‌رله‌مانێ عێراقێ بۆ ئه‌ڤرۆ نیوز گۆت: (ل رۆژا دوشه‌مبیا بورى 22/6/2020 مه‌ كومبوونه‌ك هه‌بوو ل گه‌ل سه‌رۆك وه‌زیرێن عێراقێ “مسته‌فا كازمى” د وێ كومبوونێ دا نڤیساره‌كا فه‌رمى پێشكێشى مسته‌فا كازمى كر د وێ نڤیسارێ دا داخواز لێ كر كو پارێ جوتیارێن هه‌رێما كوردستانێ یێن سالێن 2014_2015_2016 مه‌زێخیتن من گوته‌ سه‌رۆك وه‌زیرێن عێراقێ ل هولا كومبوونێ ده‌رناكه‌ڤم هه‌تا سوزه‌كێ بده‌یه ‌مه‌ كو پارێ وان بهێت مه‌زاختن ژ به‌ر كو جوتیار نه‌ سیاسى و نه‌ حزبینه‌ به‌لكو كه‌سێن ئاساى یێن هه‌رێما كوردستانێ نه‌ پارێ وان جوتیاران ل وه‌زاره‌تا داراى یا عێراقێ مه‌زاختیه‌ بۆ وه‌زاره‌تا بازرگانى به‌لێ ب بریاره‌كا سیاسى یێن هاتین راگرتن، ژلایێ خوە ڤه‌ سه‌روك وه‌زیرێن عێراقێ ئه‌و نڤیسار وه‌رگرت سۆز دا كو ب زوترین وه‌خت پارێ وان بهێت مه‌زاختن).

ناڤهاتیێ خوەیا ژی كر حكومه‌تا به‌غدا ب كۆژمێ 557 ملیار دینارا قه‌ردارێ جوتیاراکه‌ یێن وان هه‌ر سێ سالێن 2014_2015_2016،‌ ئه‌و كوژمێ پاره‌ى مه‌زاختیه‌ به‌لێ ل وه‌زاره‌تا بازرگانى ب بریاره‌كا سیاسى هاتیه‌ راوه‌ستاندن.

نيشاندان1...1,0002052062071,2002,2003,200...4,617زێده‌تر لاپه‌ر 206 ژ 4,617
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : rojnameyaevro@gmail.com
website security
© Copyright 2021 - Rojnameya Evro - Powered by Kurdo Plus
80 queries in 0.556 seconds.
WP Facebook Auto Publish Powered By : XYZScripts.com