ئەڤرۆ نیۆز، ئەمیر ئەترووشی

رێكخراوا ریچ ل پارێزگەها دهۆكێ‌ مەزنترین ماراسۆنا غاردانێ‌ یا پێكڤە ژیانێ‌ ل سەنتەرێ‌ قەزا دهۆكێ‌ ب پشكداریا 250 ئاوارە و خەلكێ‌ دهۆكێ‌ ئەنجام ددەت.

زیرەك بامەرنی، رێڤەبەرێ‌ لقێ‌ دهۆكێ یێ‌ رێكخراوا ریچ ل هەرێما كوردستانێ‌ بۆ ئەڤرۆ نیۆز دیاركر، ئەڤرۆ رۆژا دوشەمبی ل دەمژمێر 10ی سپێدێ‌ وان دەست ب ماراسۆنەكا مەزن یا غاردانێ‌ ل جادا خزمەتگۆزاری یا ئێتیتێ‌ ل دەستپێكا سەنتەرێ‌ قەزا دهۆكێ‌ كر و د ڤێ‌ ماراسۆنێ‌ دا پتر ژ 250 گەنجێن ئاوارە و پەنابەر و خۆجهێن دهۆكێ‌ بەشداربووینە و ماراسۆن دێ‌ 5 كیلۆمەتران ڤەكێشیت.

دياركر كو ئەڤ ماراسۆنە ب هەماهەنگی ل گەل زانكۆیا دهۆك و بۆردێ‌ كارۆبارێن مرۆڤایەتی ل پارێزگەها دهۆكێ‌ هاتیە سازكرن و مەرەم ژێ‌ ئەوە پەیوەندیێن پێكڤەژیانێ‌ دناڤبەرا تەخێن جڤاكی دا خۆرتتر لێ‌ بهێن.

ئەڤرۆ نیۆز، ئەمیر ئەترووشی

له‌شكرێ‌ تۆركیا دەست ب زێدەكرنا هێز و بنگەهێن خوە ل سنورێ‌ ناحیا شێلادزێ‌ زێدە دكەت و ل سەر چیایێ‌ نێروەورێكان هژمارەكا بنگەهێن نوو ددانیت.

برقی ئیسلام، ئاكنجیەكێ‌ ناحیا شێلادزێ‌ یە، بۆ ئەڤرۆ نیۆز دیاركر، ئەڤە ده‌مێ‌ دو رۆژانە دهێتە دیتن بنگەهێن له‌شكرێ‌ تۆركیا ل ناحیا شێلادزێ‌ بەرەڤ زێدەبوونێ‌ دچن، ب تایبەت ل سەر چیایێن‌ دەڤەرا نێروەورێكان سەرب ناحیا شێلادزێ‌ ڤە نێزیكی 25 بنگەهێن نوو دهێنە دانان و وێنە و گلۆپێن بنگەهێن وان ب ئاشكرایی ژ ئالیێ‌ وه‌لاتیان ڤە دهێنە دیتن.

ئاشكرا ژی كر، میدیایێن تۆركیا ب خوە ژی ئاماژە ب زێدەكرنا هێزێن خوە ل دەڤەرا شێلادزێ‌ كرینە و وێنە ژی بلاڤكرینە و ئاشكرا كرینە كو هەركەسێ‌ ل سەر سنوران بهێتە دیتن ئەو تیرۆرستە و گۆت: ڤێ‌ پێنگاڤا له‌شكرێ توركيا تۆریا مەترسی ل دەڤ خەلكێ‌ دەڤەرێ‌ پەیداكریە.

دهێته‌ زانین ژی هەتا نها له‌شكرێ تۆركیا سێ‌ بنگەهێن مەزن ل قەزا ئامێدیێ‌ ل دەڤەرێن (بامەرنێ‌، كانی ماسێ‌ و سیریێ‌ هەنە) و ل هەر بنگەهەكی نێزیكى 100 هەتا 200 سەربازان هەنە.

ئيسماعیل مستەفا، قائیمقامێ‌ قەزا ئامێدیێ‌دیاركر كو وان چو زانیاری ل سەر زێدەكرنا بنگەهـ و هێزێن له‌شكرێ تۆركیا ل قەزا ئامێدیێ‌ نینن.

ئه‌ڤرۆ نيوز:

وه‌زاره‌تا دارايى سه‌باره‌ت پارێ به‌غدا بۆ مووچان هنارتى دياركريه‌ كو حوكمه‌تا عيراقێ 317 مليار دينار بۆ هه‌رێمێ هنارتينه‌ و پاره‌ بۆ هه‌موو وه‌زاره‌تانه‌ ب وه‌زاره‌تا پێشمه‌رگه‌ى و هێزێن ئه‌منى ڤه‌ ژى.

وه‌زاره‌تا دارايى دياركريه‌ كو ئه‌ڤ 317 ملياره‌ بۆ هه‌موو وه‌زاره‌تانه‌، نه‌ ب تنێ بۆ ساخله‌ميێ و په‌روه‌ردێ و دياركريه‌ ، حوكمه‌تا هه‌رێمێ ب به‌لاڤكرنا مووچێ هه‌موو وه‌زاره‌تان بێى پاشكه‌فت پێدڤى ب 900 مليار دينارايه‌، بۆ دابه‌شكرنا مووچه‌ى ژى ب پاشكه‌فت پێدڤى ب 590 مليار دينارايه‌، ئانكو ئه‌گه‌ر هه‌رێم 237 مليار دينارێن دى ژى بێخته‌ سه‌ر يێ به‌غدا، ژ نوى دێ شێت مووچێ هه‌موو وه‌زاره‌تان ب پاشكه‌فت ڤه‌ ده‌ت.

ئه‌ڤرۆ نيوز، نيوار محه‌مه‌د سه‌ليم:

پشكا په‌يوه‌ندى و راگه‌هاندنێ ل رێڤه‌به‌ريا باژێرڤانيا پارێزگه‌ها دهۆكێ راگه‌هاند كو سوبه‌هى رۆژا دوشه‌مبى دێ مه‌يدانكا ئه‌ينيا ل پێش رۆژا ئه‌ينى ڤه‌ هه‌بيت.

ئيسماعيل مسته‌فا، پشكا په‌يوه‌ندى و راگه‌هاندنێ ل رێڤه‌به‌ريا باژێرڤانيا پارێزگه‌ها دهۆكێ راگه‌هاند كو سوبه‌هى رۆژا دوشه‌مبى 19ى ئادارا 2018ێ دێ مه‌يدانكا ئه‌ينيا ل پێش رۆژا ئه‌ينى ڤه‌ هه‌بيت.

پشكا په‌يوه‌ندى و راگه‌هاندنێ ل رێڤه‌به‌ريا باژێرڤانيا پارێزگه‌ها دهۆكێ خۆيا كر كو ل سه‌ر داخوازا ئه‌و كه‌سانێن كه‌رستێن خوه‌ ل بازارێ رۆژا ئه‌ينى د فرۆشن، “خودانێ ئه‌ردى سه‌ره‌دانا سه‌رۆكێ باژێرڤانيێ كريه‌ و داخواز ژێ كريه‌ كو ل رۆژا دوشه‌مبى ل جهێ رۆژا ئه‌ينى مه‌يدانك بهێته‌ ڤه‌كرن ژ به‌ر كو د كه‌ڤيته‌ د رۆژانێن نه‌ورۆزێ دا، رێڤه‌به‌رێ باژێرڤانيێ ژى ره‌زامه‌ندى ل سه‌ر وه‌رگرتيه‌”.

ل هه‌موو شه‌ڤێن پێنجشه‌مبى و رۆژێن ئه‌ينى بازارێ رۆژا ئه‌ينى كو ب مه‌يدانك يا به‌رنياسه‌ دهێته‌ ڤه‌كرن و وه‌لاتى كرين و فرۆتنێ تشتێن خوه‌ يێن كه‌ڤن و نوو ل وێرێ دكه‌ن و وه‌كو ئه‌و دده‌نه‌ دياركرن بهايێ وێ ژى ژ يێ بازارى يێ جودايه‌.