ئەڤرۆ نیوز:
گەلەک ژ خەلکی وەسا هزر دکەن، کو زیرەکی تشتەکێ وەک شانسی یە، چ بۆ مابیت یان ژی پێ ژ دایک ببیت، لێ د راستی دا وەسا نینە و کەسێ زیرەک هەموو دەما رەفتارێن وەسا دکەت. کو زیرەکیا وی بۆ بمینیت.
لدووڤ بسپوران، ئەو ژینگەها کەسەک تێدا مەزن دبیت، باندۆرێن مەزن ل سەر شێوازێ هزر کرن و شیانێن وی کەسی هەیە، هەر چاوا بیت هندەک کریار یێن هەین کو د پتریا کەسێن زیرەک دا یێن هەین و دووبارە دبن.
مالپەرێ Brightside ئاماژە ب هژمارەکا وان کریاران دایە، ئەو ژی ئەڤەنە:
. بەردەوام کارێن خوە دکەن، خوە ناکەنە دناڤا کار و ژیانا خەلکی دا.
. گەلەک سوحبەتان دکەن و خودان کەسایەتیەکا ئاخفتن خۆش و روویەکێ خۆش یێ هەی.
. ل گەل خوە دئاخڤن.
. پتریا دەمان گوهداریا موزیکێ دکەن.
. ب زیرەکی کار دکەن، نە ب رەنگەکێ زێدە و گران.
. بەردەوام لدووڤ بەرسڤان دگەرن.
. دانپێدانێ ژی ب شاشیێن خوە دکەن.
ئەڤرۆ نیوز:
وەزارەتا ساخلەمیا هەرێما کوردستانێ تووشبوونا 299 کەسێن دی ب ڤایرۆسێ کۆرۆنایێ راگەهاند، کو ٣٤ ل هەولێرێ، (١٦٩ ل سلێمانیێ، ٦١ ل گەرمیان، ٢٠ ل راپەڕین)، (٣ ل دهۆكێ و ١٢ ژی ل هەلەبجە) و گۆتیە ژی: د دەمێ 24 دەمژمێرێن بوری دا هەشت کەسێن دی گیانێ خوە ژ دەستداینە، کو سێ کەس ژ وان ل هەولێرێ نە، سێ ل سلێمانیێ و دو کەس ژی ل دەڤەرا گەرمیان.
هەروەسا دیار کریە: هژمارا تووشبوویێن کۆرۆنایێ ل هەرێما کوردستانێ گەهشتە چار هزار و 164 کەسان. هەروەسا د دەمێ 24 دەمژمێرێن بوری دا 16 کەس باشبووینە، کو 12 ژ وان ل هەولێرێ و چار کەسێن دی ل گەرمیان.
هژمارا گیان ژ دەستدانێ ب کۆرۆنا یێ ل هەرێما کوردستانێ گەهشتە 118 کەسان، 98 کەس ل سلێمانیێ، 18 کەس ل هەولێرێ و دو کەسێن دی ل هەلەبجە.
ئەڤرۆ نیوز:
رێکخراوا ساخلەمیا جیهانی ل دۆر کۆرۆنایێ هۆشداریێ ددەت و دیار دکەت کو کارتێکرنا ڤایرۆسێ کۆرۆنایێ ل سەر بارێ ئابووری و جڤاکی ل جیهانێ ب گشتی دێ بۆ دەمەکێ درێژ بەردەوام بیت و دڤێت وەلاتی پتر پێگیریێ ب رێنمایان بکەن و خوە بپارێزن.
رێکخراوا ساخلەمیا جیهانی دیار دکەت کو هێشتا ژی کۆرۆنا وەکو خوە ل جیهانێ بەلاڤ دبیت و مەترسیێن وێ ژی وەکو خوە ماینە و کێمتر نەبووینە.
ئەڤرۆ نیوز:
ل گۆر چەندین راپرسیێن کو ڤێ دووماهیێ ل تورکیا هاتینە کرن رێژا دەنگێ ئاکپارتیێ ل باکورێ کوردستانێ ب رێژا ٣٠% کێم بوویە، هەروەسا ل باژارێن دی یێن تورکیا ژی ١٤% دەنگێ وێ پارتیێ کێم دبیت و هەر دو پارتێن نوو یێن تورکیا ب سەرۆکاتیا ئەحمەد داوود ئوگلۆ و عەلی باباجان ١٤% دەنگان بدەستڤە دئینن و ژ بەر هندێ ژی دهێتە چاڤەرێکرن کو د هەلبژارتنێن داهاتی ل تورکیا دا هەڤسەنگیێن سیاسی بهێنە گوهۆرین.
ئەڤرۆ نیوز:
شێخ حەسەن رەزا کارگێرێ لقێ ١١ یێ پارتی راگەهاند کو پشتی چەندین پشکنین بۆ بەرپرسێ لقێ ١١ یێ پارتی هاتیە کرن دەرکەفت کو تووشی ڤایرۆسێ کۆرۆنایێ بوویە.
ناڤهاتی راگەهاند کو هیوا گەیلانی ئەندامێ جڤاتا سەرکردایەتیێ یا پارتی و بەرپرسێ لقێ ١١ یێ پارتی ل گەل هەڤژینا خوە تووشی ڤایرۆسێ کۆرۆنایێ بووینە و نها هەر دویان ل مالێ خوە کەرەنتین کرینە.
کارگێرێ لقێ ١١ یێ پارتی راگەهاند کو هەتا نها دیار نینە کا بەرپرسێ لقێ ل گەل هەڤژینا خوە چاوا تووسی کۆرۆنایێ بووینە.
ئەڤرۆ نیوز:
وەزارەتا ساخلەمیێ یا ئیرانێ راگەهاند کو د ماوەیێ ٢٤ دەمژمێرێن بۆری دا ١١٩ کەسێن دی ل وی وەلاتی ژ بەر ڤایرۆسێ کۆرۆنایێ جانێ خوە ژ دەست داینە و ب گشتی هەتا نها ٩ هزار و ٧٤٢ کەسان ب ڤایرۆسێ کۆرۆنایێ ل ئیرانێ جانێ خوە ژ دەست داینە.
ل گۆر وەزارەتا ساخلەمیێ هەتا نها ل ئیرانێ ٢٠٧ هزار و ٥٢٥ کەس ژی تووشی ڤایرۆسێ کۆرۆنایێ بووینە.
ئەڤرۆ نیوز، عەلی حاجی :
سەروکێ لیستا پارتی دیموکراتی کوردستان ل ئەنجوومەنێ پارێزگەها دهوکێ بۆ ئەڤرۆ نیوز دیار کر پارێزگارێ دهوکێ وەکو قوناغا ئێکێ هاتە گوهورین و بۆ قوناغا دویێ ژی دێ شەش رێڤەبەرێن گشتی هێنە گوهورین و قوناغا سیێ ژی دێ قایمقام ژی هێنە گهورین.
زێدەتر هشیار گولی گۆت: (د پوستێ پارێزگارێ دهوکێ دا گوهورین هاتە ئەنجام دان ل جهێ بەرێز فەرهاد ئەتروشی دکتور عەلی تەتەر هاتیە بەربژێر کرن و دانان، هەر دیسان بۆ قوناغا دویێ شەش رێڤەبەرێن گشتیێن پارێزگەها دهوکێ دێ هێنە گوهورین کو ئەو رێڤەبەرێن دەمێ وان یێ یاسایی ب سەرڤە چوویی، ژ وان رێڤەبەریا گشتی یا کارەبێ و رەوشەنبیری و هونەری و ساخلەمی و کشتوکال و گەشت و گوزارە و رێڤەبەریەکا دیترە و ئەڤ گوهورینە ژی د دەمێ بهێت دا دێ ژلایێ ئەنجومەنێ پارێزگەها دهوکێ هێنە پەسەند کرن و گوهورینا پارێزگاری ژی دێ د ڤێ حەفتیێ دا بیت) .
ناڤبری خویاکر ژی بۆ قوناغا سیێ دێ قوناغا گوهورینا قایمقام و رێڤەبەرێن دیتر بیت و بەری نوکە ژی پێنچ رێڤەبەرێن گشتی ژی هاتبوونە گوهورین ل پارێزگەها دهوکێ و ئەڤ بەرنامێ گوهورینان ژی ل پارێزگەها دهوکێ ژلایێ پارتی دیموکراتی کورستان ڤە هاتبوو دانان.
نيشاندان