ئەڤرۆ نیوز ، زنار تۆڤی :
سەرۆکێ یانا ریال مەدرید یا ئیسپانی فلۆرێنتینۆ پیرێزی گۆژمەکێ خەیالی بۆ کرینا یاریکەرێ وێ یانێ ئەسینسیۆی دایانە،پشتی کو شیای ئاستەکێ نموونەیی ل گەل یانا شاهانە نیشان بدەت،هەروەسا پیرێزی دیارکریە،کو هه‌ر یانه‌کا داخوازا کرینا ئەسێنسیۆی بکەت پێدڤیه ٧٠٠ ملیۆن یۆرۆ یان بدەتە یانا ریال مەدرید.
ئەڤرۆ نیوز ، زنار تۆڤی :
راوێژکارەکێ سەرۆک کۆمارێ عێراقێ دیارکر،د کۆمبوونا دوهی یا جڤاتا وەزیرێن عێراقێ بەحس ل هنارتنا مووچەی هاتیە کرن و سەرۆک وەزیران گوتیە :بەری ب دوماهی هاتنا هووربینیێ د لیستا مووچەیێ هەردو وەزارەتێن ساخلەمیێ و پەروەردێ دێ مووچێ هەیڤەکێ خەرج کەم.
عەبدوللا عەلیاوەیی، راوێژکارێ سەرۆکاتیا کۆمارا عیراقێ ئەڤرۆ 16 شواتێ دیارکریە :کو دوهی کۆمبوونا جڤاتا وەزیرێن عێراقێ بوو،ئەز ژی وەک راوێژکارێ سەرۆکاتیا کۆماری بەشدارى وێ کۆمبوونێ ب بووم،د وێ کۆمبوونێدا بەحسێ هنارتنا مووچێ فەرمانبه‌رێن هەرێمێ هاتیە کرن.
گوتیە ژی،د وێ کۆمبوونێدا سەرۆک وەزیران گوتیه،هەتا نوکە پرۆسا هووربینیێ د مووچێ فەرمانبەرێن پەروەردێ و ساخلەمیێ دا ب دوماهی نەهاتیە،دەم ژی دڤێت،لێ بەری تەمامبوونا هووربینیێ،دێ مووچێ هەیڤەکێ یێ هەردوو وەزارەتان خەرجکەم.
راوێژكارێ سه‌رۆكاتیا كۆمارێ عێراقێ گوت ژی، سەرۆک وەزیران دیارکریە، هەر دەمێ هووربینى تەمامبوو،دێ ئاخفتنا دوماهیێ کەین ل سەر هنارتنا مووچەی،هەروەسا گوتیە،ژ ئاخفتنێن سەرۆک وەزیران دیاربوو،کو ل ڤان نێزیکان دێ مووچێ هەیڤەکێ یێ هەردو وەزارەتان هێتە خەرجکرن.
ئەڤرۆ نیوز ، زنار تۆڤی :
پشتی کو سەرۆک کۆمارێ تورکیا و وەزیرێ دەرڤە یێ ئەمریکا کۆمبووین،میدیایێن توركی ناڤەرۆکا كۆمبوونا وان ئاشكرا كریە.
د كۆمبوونا وه‌زیرێ ده‌رڤە یێ ئه‌مریكا و سه‌رۆك كۆمارێ توركیا بەحسێ بارودۆخێ نافخۆ یێ سوریا و چه‌ند پرسێن گرنگ یێن ڤێ دەڤەرێ ب رژدى كرینه.
د وێ كۆمبوونێدا ئەردۆغانێ سەرۆک کۆمارێ تورکیا، ئەو تشتێ تورک چاڤەرێ گەهاندینە تیلەرسنێ وەزیرێ دەرڤە یێ ئەمریکا، ئه‌و ژی ئاشكرا کریه کو د وێ كۆمبوونێدا ب هیچ شێوه‌کێ بەحسێ رەوشا عه‌فرینێ و رۆژئاڤایێ كوردستانى نەهاتیە كرن.
تیلەرسنی و ئه‌ردۆغانی زێدەتر مه‌به‌ستا وان ئەو بوو،کو بەحسێ روودانێن سوریا و عێراقێ و پرسا بەرهنگاربوونا تیرۆرێ و پەیوەندیێن دوو قۆلی بكه‌ن.
د دەمەکێ دا پێشتر جیم ماتیس، وەزیرێ بەرەڤانیا ئەمریكا راگەهاندبوو،کو دێ گفتوگۆیێن وان ل گەل توركیا راشكاوانە بن و دێ هانا وی وەلاتی دەن،کو سەرنجا وان ل سەر شەرێ داعشێ بیت.
ئه‌ڤرۆ نیوز:
بینالی یلدرم، سه‌رۆكوه‌زیرێن توركیا ئه‌ڤرۆ د گه‌ل ئه‌نگێلا مێركل، شیره‌تكارا ئه‌لمانیا دا ل به‌رلین پرێسكۆنفرانسه‌ك ساز كر، لێ یلدرم پێشبینی نه‌دكر كو رۆژنامه‌ڤانه‌ك وی بئێخته ره‌وشه‌كا نه‌خۆش دا.
رۆژنامه‌ڤانه‌كێ كورد ل پرێسكۆنفرانسی ئاماده‌بوو و وێنه‌یێن سڤیلێن ژبه‌ر هێرشا توركیا ل عه‌فرینێ گیانێ خوه ژده‌ست دای ئینانه ده‌ر و نیشانى یلدرم و مێركل و ئاماده‌بوویان دا، وه‌ك د ده‌ربرینێن وى دا دیاربووی یلدرم ژ وێ ره‌وشێ تۆره بوو و گۆت: ئه‌و وێنه یێن هنده‌ك جهێن دی نه، پرۆپاگنده‌یان ل ڤێره نه‌كه.”
رۆژنامه‌ڤان ئارمانج عه‌گید نێروه‌ى، كورێ باژێرێ دهۆكێ يه و نوكه په‌يامنێرێ باس نيوسه ل ئوروپا، ژ شیره‌تكارا ئه‌لمانیا پرسی بۆچى ئه‌و چه‌كى ب توركیا دفرۆشن د ده‌مه‌كی دا توركیا سڤیلان ل عه‌فرینێ دكوژیت.
ئه‌ڤرۆ نيوز:
ئه‌ڤرۆ رێكس تیله‌رسن وه‌زيرێ ده‌رڤه‌يێ ئه‌مريكا ل گه‌ل ره‌جه‌ب ته‌يب ئه‌ردوگان سه‌رۆك كومارێ توركيا كوم بوو و پتر ژ 3 ده‌مژمێران كومبوونا وان ڤه‌كێشايه، ل دووڤ راگه‌هاندنا توركى هه‌ردوئاليان به‌حسێ عه‌فرين و منبجێ كرينه ،هه‌روه‌سا به‌حسێ په‌يوه‌نديێن ئه‌نقه‌ره و واشنتون كرينه،
برياره سوبه رێكس تیله‌رسن ل گه‌ل وه‌زيرێ ده‌رڤه‌يێ توركيا كوم ببيت.
ئەڤرۆ نیوز ، زنار تۆڤی :
دەرهێنەرێ کورد و کورێ باژێرێ دهۆکێ سەروەر عەبدولا د دیدارەکێ دا بۆ ئەڤرۆ نیوز دیارکر:کو فلمێ وی یێ دکیومێنتاری(Facing death with wirecutter) ئانکو روو ب رووبونا مرنێ ب کەتەری ل سالا 2017 هاتیە چێکرن و فلم ل سەر ئەندازەیا سەربازی یا پێشمەرگەیە،هەروەسا تەڤایا قارەمان و پشکدارێن ڤی فلمی ئەفسەر و پێشمەرگێن سەر ب کەتیبەیا ناڤبری ڤەنە،دیسا ماوێ فلمی 45 خولەکن،ل زۆربەیا میحوەرێن شەری د ماوەیێ دو سال و نیڤا دا هاتیە وێنەکرن.ناڤهاتی گوت ژی:د دەمێ وێنەکرنێ دا ب مخابنیڤە سێ ژ قارەمانێن فلمی شەهید دبن و ئێك ژی بریندار دبیت و دبیتە پەککەفتی،فلم ب گشتی کورتیەکە ل سەر قارەمانی و لێهاتی و گیان فیدایا پێشمەرگێن کوردستانێ ل شەرێ دژی تیرورستێن داعش، کارێ ڤێ تیمێ راکرن و ژناڤبرنا بومب و مینێن داعشێ یە، ئەڤ فلم وان ئاستەنگ و زەحمەت و مەترسیێن دکەڤنە درێکا ڤێ تیمێ دا ددەتە دیار کرن.
دەرهێنەرێ ڤی فلمی دبێژیت ژی: هەرچەندە کارەکێ گەلەک مەترسیدار بوو مە ئەنجامدای و گەلەک ئاستەنگ هەبوون بۆ چێکرنا ڤی فلمی دناڤا بومب و مینا دا و دناڤ تەکتیکێن داعشێ یێن سەردەم دا،بەلێ ئەز یێ رژد بووم ڤی فلمی بەرهەم بینم و تەمام بکەم و هەموو وان روو ب روو بوونێن ل گەل مرنێ ب چەند کەل و پەلێن سادە مینا کەتەر و شەفرە و چەقویا دڤی فلمی دا دکیومێنت بکەم و نیشا جیهانێ بدەم،هەروەسا هەتا نوکە ئەڤ فلمە ل چەندین وەلاتێن جیهانی هاتیە نیشاندان و ل چەندین فلمە فیستەڤالێن نێڤدەولەتی پشکدار بوویە و سێ خەلاتێن نێڤدەولەتی وەرگرتینە، ل وەلاتێن (رۆمانیا، ئورۆگوای، سودان)،دیسان ل (23-2-218) دێ پشکدار بیت ل فلمە فیستەڤالا نێڤدەولەتیا زووم ل پولەندا دگەرا خوە یا(21) دا و د بەریکانێ دا یە بۆ وەرگرتنا خەلاتێ باشترین فلم، هەروەسا دێ پشکداریێ د فلمەفیستەڤالا نێڤدەولەتیا (Quebec) بیت ل وەلاتێ کەنەدا دگەرا خوە یا (16) دا ل 31-3-2018، هەروەسا ل 6-9-2018 دێ ل فیستەڤالا نێڤدەولەتی ل کالیفورنیا پشکداریێ کەت د بۆ وەرگرتنا خەلاتل وێ فیستەڤالێ.
ناڤهاتی دیارکر ژی:من دوو کورتە فلمێن سری دی (3D) ئەنیمەیشن ژی دروستکرینە ب ناڤێ (زەلال) و (هیڤی) ل سالێن 2012 و 2013 بابەتێن هەردویان ژی ل سەر کێشەیێن جڤاکی بووینە،هەروەسا من چەندین فلمێن دکیومێنتاری بو تێلەفزیونان ژی دروست کرینە.
ئەڤرۆ نیوز ، زنار تۆڤی :
ئەڤرۆ پێنجشەمبی سەرۆک وەزیرێ عێراقێ حه‌يده‌ر عه‌بادى د كۆنگرێ رۆژنامه‌ڤانى یێ خوە یێ حه‌فتیانە دا،کو پشتی كۆمبوونا جڤاتا وه‌زيران ئه‌نجام دایە و دیارکریە،ک ل ڤان نێزیکان دێ رێکارێن تایبەت بۆ مامەلەکرنێ ل گەل شایستێن دارایی یێن فەرمانبەرێن هەرێما کوردستانێ دەستپێکەین.
حه‌يده‌ر عه‌بادى د وی كۆنگره‌يدا کو بەری دەمەکێ پێشکێشکریە و گوتیە جڤاتا وه‌زيران، ده‌نگ دایه ل سه‌ر پێدانا ده‌رمالێن فه‌رمانبه‌رێن ده‌رگەهێن سنۆری.
هەروەسا گوتیە ئاڤه‌دانكرنا عێراقێ،دێ هه‌موو پارێزگەهان ڤەگریت و لێ گیروبوونا بوودجەی، به‌ربه‌ست بۆ گەلەک پرۆژێن حوكمه‌تێ دروستكرینه.
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دیارکر:ئەڤرۆ د روودانەکا ترافیکێ دا کەسەک برینداربوویە.
ناڤهاتی ئەو یەک ژی دا دیارکرن:ئەڤرۆ پێنجشەمبی 2018/2/15 ل دەمژمێر (10:00) سپێدی ل سەر جادا سەرەکی یا گەلیێ زاخۆ،ل نێزیک مفرەقا ئاسهێ روودانەکا لێکدانێ دناڤبەرا ترومبێلەکا تایبەت هوندا رەنگێ سپی ل گەل بیکاب دێر بارهەلگر رەنگێ سور روودایە،د وێ روودانێدا ترۆمبێلا بیکاب وەرگەریایە،د ئەنجامێ ڤێ روودانێ دا کەسەک بریندار بوویە و هەروەسا زیانێن مادی ب هەردو ترۆمبێلان كه‌فتینە.
ئه‌ڤرۆنيوز:
پارتى ديموكراتى كوردستان 22 كه‌س ژ پارێزگه‌ها دهۆكێ بۆ هه‌لبژارتنێن جڤاتا نوونه‌رێن عيراقێ يێن به‌ربژاركرين كو برياره ل 12/5/2018 بهێنه ئه‌نجامدان.
1- ڤيان سه‌برى عه‌بدولخالق
2- ئه‌حمه‌د سلێمان ياسين
3- ديار ته‌يب محه‌مه‌د
4- به‌يار تاهر سه‌عيد
5- شه‌پال حسێن ره‌مه‌زان
6- عه‌بدولره‌حمان سلێمان عه‌لى
7- عه‌بدولره‌حمان عومه‌ر محه‌مه‌د
8- فاخر حه‌سه‌ن يوسف
9- شيلان تامر عه‌بدوللا
10- غازى ره‌مه‌زان حسێن
11- جه‌هوه‌ر عه‌لى عه‌زيز
12- عومه‌ر عه‌لى محه‌مه‌د ئه‌مين
13- رۆناك عه‌لى يه‌زدين
14- نورى ره‌مه‌زان ئيبراهيم
15- هندرين له‌زگين فه‌ريق
16- شه‌وكه‌ت زه‌ينولعابدين
17- هه‌يفا سه‌ديق ميكائيل
18- ته‌حسين حه‌سه‌ن عه‌لى
19- ئارام ناجى محه‌مه‌د سه‌ديق
20- ئه‌مينه محه‌مه‌د سه‌ديق
21- داليا فه‌رهاد حاجى
22- وه‌سفيه محه‌مه‌د شێخۆ
ئه‌ڤرۆنيوز:
پارێزگه‌رێ هه‌ولێرێ نه‌وزاد هادى، ئه‌ڤرۆ پێنجشه‌مبى 15/2/ 2018دكۆننگره‌كێ رۆژنامه‌ڤانيدا ل هه‌ولێرێ راگه‌هاند، ل سه‌ر روودانا شه‌رێ دووهى ل هه‌ولێرێ 12 كه‌س يێن هاتينه ده‌سته‌سه‌ركرن.
دوهى چارشه‌مبى 14/2/2018، دناڤ بازارێ هه‌ولێرێ دا شه‌ره‌ك روودا دناڤبه‌را هژماره‌كا وه‌لاتيێن وى باژێرى وسێ وه‌لاتيێن عه‌ره‌ب يێن عيراقى وپارچه ڤيديۆيا وى شه‌رى دتۆرێن جڤاكى هاتبوو به‌لاڤكرن.
نه‌وزاد هادى گۆت ژى” ڤه‌كۆلين ل گه‌ل كه‌سێن ده‌سته‌سه‌ركرى يا ده‌ستپێكرى وپێرابوونێن قانوونى دژى وان دێ هێنه ئه‌نجامدان”.
رۆهنكر ژى” ئه‌وا دوهى رووداى نه سياسه‌تا مه‌يه ونه جهێ قه‌بوولكرنێ يه”.
پارێزگه‌رێ هه‌ولێرێ ئاماژه دا” ئه‌و وه‌لاتيێن عه‌ره‌ب يێن هێرش ل سه‌ر هاتيه كرن، ل گه لگرۆپه‌كێ گه‌شتياريدا هاتبوو هه‌ولێرێ وگه‌شتا وان يا ب دووماهى هاتى وئه‌ڤرۆ يێن زڤرين”.
نيشاندان