ئه‌ڤرۆ نيوز: عه‌زیز هه‌ورامى:
ژنه‌كا 30 سالى ب رێيا چه‌كى دووماهى ب ژيانا خوه ئينا، په‌يڤدارێ پوليسێن قه‌زا و ناحيێن سلێمانيێ رائيد ئيقبال بۆ ئه‌ڤرۆ نيوز دياركر كو ئه‌و هاتينه ئاگاداركرن ب هه‌بوونا ته‌رمه‌كى ل ناحيا عه‌ربه‌ت سه‌ر ب پارێزگه‌ها سلێمانيێ و پشتى برينه پزيشكيا داد ديار بوو كو ژنه‌كا 30 سالى يه و چار زارۆ هه‌نه و ب رێيا كلاشينكوفێ ل مالا خوه دووماهى ب ژيانا خوه ئينايه و ڤه‌كولين ژ ئه‌گه‌رێ روودانێ ده‌ست پێ كريه.
ئەڤرۆ نيوز، سالار دۆسکی:
راھێنەرێ یانا زاخۆ یا وەرزشی محەمەد یوسف یێ بەرنیاس ب “قاقێ” دەست ژ کارکێشانا خوە پێشکێشکی کارگێریا یانا زاخۆ کر.
کاپتن، محەمەد یوسف راھێنەرێ یانا زاخۆ یا وەرزشی نووچێ دەست ژ کارکێشانێ بۆ مالپەرێ ئەڤرۆ نیوز پشست راستکر و گۆت: “ژ بەر ئەنجامێن نەباشێن یانێ من ئەڤرۆ دەست ژ کارکێشانا خوە پێشکێشی کارگێریا یانا زاخۆ کر، دبێژم شیانێن مە ئەڤەنە وەک راھێنەر و یاریکەرێن یانا زاخۆ”.
محەمەد یوسف ئەو ژی ئاشکرا کر کو ل دەستپێکا خولا عیراقێ وەکو راھێنەرێ یانا زاخۆ ل گەل بوویە و بەردەوام بوویە، ناڤبری لاوازیا یانێ بۆ نەبوونا پشتەڤانیا دارایی ڤەگەراند و دیسا نەبوونا كه‌مپێن راهێنانێ و دیسا نەبوونا حەزا ل گەل تیما یانا زاخۆ.
محەمەد یوسف دا زانين ژى کو نوکە دێ بھێنا خوە ڤە دەت، لێ دێ یێ بەرھەڤ بیت راھێنەریا یانەکا دی وەربگریت خوە ھەتا یانەکا باشورێ عیراقێ ژی بیت، “ب مەرەجەکی تیما وەرگرم دڤبَت کاودانێن وێ يێن دارایی دباش بن”.
راھێنەرێ بەرێ یێ یانا زاخۆ ئەو ژی گۆت: “دبیت ھاریکارێ من (حەیدەر عوبێد) بەرپرساتیا تیمێ وەربگریت و کەسەکێ خودان شیانە و دیسا پێشتر یاریکەرێ عیراقێ بوویە”.
دەست ژ کارکێشانا کاپتن محەمەد یوسف ھات پشتی ئەڤرۆ یانا زاخۆ ل یاریگەھا خوە بەرامبەر یانا زەورا ھاتیە دوراندن ب سێ گولا بەرامبەر گولەکێ.
ئەڤرۆ، سالار دۆسكی:
بەهزاد زێباری سەرۆكێ فراكسیونا ئێكگرتوو ئیسلامی كوردستان راگه‌هاند، خواندنا ئێكێ بۆ پرۆژێ قانوونا پاشكه‌فتكرنا مووچه‌ى ودروستكرنا كارتا ئه‌لكترۆنى يا هاتيەكرن وپاشى هاتيه هنارتن بۆ لژنێن قانوونی و دارایی يێن په‌رله‌مانى.
بەهزاد زێباری بۆ ئه‌ڤرۆنيوز گۆت” ئارمانج ژ دانانا ئەڤێ كارتێ ئەوە ئەو مووچێ پاشككەفتی يێ فه‌رمانبه‌ران بهێتەدان و بشێن قه‌ران ژى پێ بدەن و ئەڤە دێ مینيت ل سەر بەرسڤا حوكمەتێ و نوكە كارێ ل سەر دهێتەكرن”.
زێباری زێدەتر گۆت” پێشبینيێ دكەم پشتی پەسەندكرنا وى پرۆژێ حوكمەتێ پێشكێشی پەرلەمانی كری كارتا ئەلكترونی د چەند هەیڤێن داهاتى دا بهێتە دروستكرن”.
ئەڤرۆنیۆز، سالار دۆسكی:
رێڤەبەرێ ڤێتەرنەریا پارێزگەها دهۆكێ دیاركركو حوكمەتا عیراقێ رێ ناده‌ت كۆمپانیێن كوردستانێ كەره‌ستێن ڤیتەرنەری بینە كوردستانێ و دخوازيت كۆمپانیێن عیراقی وى كارى بكه‌ن و هەموویان مۆله‌ت هه‌بيت.
دیار تەیب رێڤەبەرێ ڤێتەرنەریا پارێزگەها دهۆكێ بۆ ئەڤرۆنيوز گۆت” دەرمانێن ئاژەلی وڤاكسیندان و دیسا پێدڤیێن ئاژەلی هەموو ب رێيا فرۆكخانا هەولێرێ دهاتنە كوردستانێ، به‌لێ ئەڤە هەموو نوكە ناهێن و كارتێكرن يا ل سەر ئاژەلی كرى”.
دیارى ئەو ژی گۆت”نەبوونا ڤان پێدڤیان بزحمەت كەفتیە و تونەچاری بۆ خوە بدەستڤە بینی و هەتا دگەهیت ڤێرێ، گەلەك مەزاختیێ وی زێدەتر لێ دهێت، ب تایبەت جۆرێن فاكسینا دڤێت ب فرۆكخانان بهێن و پتریا جاران داخواز دكەین ب رێيا بەغدا بهێن”.
ئه‌ڤرۆنيوز:
ئه‌ندامه‌كێ په‌رله‌مانێ كوردستانێ راگه‌هاند، پشتى بريارا خه‌رجكرنا چه‌كێ پارێ گه‌نمێ جوتيارێن هه‌رێما كوردستانێ بۆ سالا 2017 هاتيه دان، ئه‌ڤرۆ به‌هرا دهۆكێ گه‌هشت.
زياد حسێن ئه‌ندامێ په‌رله‌مانێ كوردستانێ ژ فراكسيۆنا پارتى وئه‌ندامێ لژنا چاندنێ يا په‌رله‌مانى گۆت” پشتى حوكمه‌تا عيراقێ بريارا خه‌رجكرنا هه‌موو پارێ جوتيارێن هه‌رێما كوردستانێ بۆ هه‌يڤا 8 سالا 2017 ده‌ركرى، ئه‌ڤرۆ ئێكشه‌مبى چه‌كێ پارێ دهۆكێ گه‌هشت كو دبيته 18 مليار و400 مليۆن دينار”.
زيادى بۆ مالپه‌رێ فه‌رميێ پارتى زێده‌تر گۆت ” ئه‌و پارێ ئه‌ڤرۆ گه‌هشتى، تمامكه‌رێ پارێ نه‌هاتيه دان يێ سالا 2017 كو نێزيكى 60 مليار دينارێن هه‌موو جوتيارێن هه‌رێما كوردستانێ يه كو نه‌هاتيه دان”.
خوياكر” چه‌كێ پارێ جوتيارێن هه‌ولێرێ وسلێمانيێ ژى دێ هێته هنارتن، چونكى بريارا خه‌رجكرنا هه‌موو پاره‌ى يا هاتيه دان ودچه‌ند رۆژێن داهاتى دا دێ گه‌هيت”.
خه‌رجكرنا پارێ گه‌نمێ جوتيارێن هه‌رێما كوردستانێ بۆ سالا 2017 ژلايێ حوكمه‌تا عيراقێ ڤه دده‌مه‌كى دايه كو هه‌تا نوكه جوتيارێن هه‌ريمێ پارێ سێ سالێن بۆرى (2014 و2015) وپشكه‌كێ سالا 2016 ب تمامى پێ نه‌هاتيه دان ول ده‌ف حوكمه‌تا عيراقێ مايه.
ئه‌ڤرۆنيوز:
ليستا ده‌وله‌تا قانوونێ ئاشكراكر كو رێككه‌فتنه‌ك دناڤبه‌را ليستێن سياسى وسه‌رۆكاتيا جڤاتا نوونه‌ران هاتيه كرن كو بودجا گشتى وقانوونا هه‌لبژارتنان نه‌چيته دناڤ خشتێ كارێ روونشتنێن جڤاتا نوونه‌ران تاكو ته‌وافوقه‌كا سياسى ل سه‌ر نه‌هێته كرن.
كامل زه‌يدى ئه‌ندامێ ده‌وله‌تا قانوونێ دداخۆيانه‌كا رۆژنامه‌ڤانيدا ئه‌ڤرۆ ل به‌غدا گۆت” ئێكبوونا هيزين نيشتمانى يا سونى وليستێن كوردى گه‌ف كرينه نه‌هێنه دناڤ روونشتنا سوباهى يا جڤاتا نوونه‌ران دا، هه‌كه بودجا گشتى يا عيراقێ چوو دناڤ خشتێ كارێ جڤاتێ دا”.
گۆت ژى” ليستێن سياسى وسه‌رۆكاتيا جڤاتا نوونه‌ران رێككه‌فتن كو بودجا گشتى وقانوونا هه‌لبژارتنان نه‌چيته دناڤ خشتى كارێ جڤاتا نوونه‌ران دا دروونشتنا سوباهى دا ودروونشتنێن ددوڤدا ژى”.
دياركر” روونشتنێن جڤاتێ دێ دڤه‌كرى بن بێ دانوستاندنێ ل سه‌ر بودجێ تاكو ته‌وافوقه‌كا سياسى ل سه‌ر دهێته كرن”.
ئه‌ڤرۆنيوز:
وه‌زيرێ په‌ترۆلا عيراقێ ئه‌ڤرۆ ئێكشه‌مبى 7/1/2018 ئاشكراكر كو عيراق دێ ده‌ست ب هنارتنا بيرێن په‌ترۆلێ يێن باكوورێ كه‌ركووكێ بۆ ئيرانێ به‌رى دووماهيا ڤي هه‌يڤێ كه‌ت.
جه‌بار لعێبى وه‌زيرێ په‌ترۆلا عيراقێ بۆ ئاژانسا رويته‌رز گۆت” 30 هزار به‌رميلێن په‌ترۆلا خام رۆژانه ب رێيا بارهه‌لگران دێ هێنه هنارتن بۆ پالاوگه‌ها كه‌رماشان يا ئيرانى”.
به‌رى نوكه وه‌زيرێ په‌ترۆلا عيراقى راگه‌هاندبوو، عيراقێ رێككه‌فتنه‌ك ل گه‌ل ئيرانێ ئيمزاكريه بۆ هنارتنا په‌ترۆلا خام ژ بيرێن په‌ترۆلێ ل كه‌ركووكێ ب رێژا 30 هه‌تا 60 هزار به‌رميلان درۆژێ دا.
ئه‌ڤرۆنيوز:
ژێده‌ره‌كێ بلند ئاشكرا دكه‌ت كو دكۆمبوونا ئه‌ڤرۆ يا هه‌ردو مه‌كته‌بێن سياسى يێن پارتى وئێكه‌تيێ دا، ئێكه‌تى داخوازا پاشخستنا هه‌لبژارتنان دكه‌ت وپارتى بزاڤێ دكه‌ت ئێكه‌تى ب ئه‌نجامدانا هه‌لبژارتنان رازى ببيت.
ژێده‌ره‌كێ بلند بۆ باسنيوز راگه‌هاند”ئه‌ڤ كۆمبوونه ل سه‌ر پێشنيازا ئێكه‌تيێ بوو وئێك ژ داخوازيێن ئێكه‌تيێ ژپارتى ئه‌وه كو هه‌لبژارتن بهێنه پاشخستن”.
ل دۆر وێ چه‌ندێ، ئاراس حه‌سۆ ميرخان، ئه‌ندامێ سه‌ركردايه‌تيا پارتى گۆت” ئێكه‌تى ل گه‌ل هه‌لبژارتنان نينه دڤێ قۆناغێ دا، له‌وما هه‌تا نوكه رۆژا هه‌لبژارتنان نه‌هاتيه دياركرن، چونكى ئێكه‌تى دگه‌لدا نه‌بوو”.
دياركر ژى” پارتى يا رژده ل سه‌ر وێ چه‌ندێ كو پێدڤيه رۆژا هه‌لبژارتنان بهێته دياركرن، هيڤيدارين قه‌ناعه‌تێ بۆ دروست بكه‌ن، هه‌كه نه‌هاته كرن، دكۆمبوونه‌كا په‌رله‌مانى دا، يان ل جهه‌كێ دى بريار دێ هێته دان”.
ئاماژه دا” ئێك ژ سه‌ره‌كى ترين بژارده بۆ دانوستاندنێن ئه‌ڤرۆ يێن پارتى وئێكه‌تيێ ئه‌وه كو پارتى بزاڤێ دكه‌ت باوه‌ريێ بۆ ئێكه‌تيێ په‌يدابكه‌ت بۆ وێ چه‌ندێ هه‌لبژارتن بهێنه ئه‌نجامدان ورۆژه‌ك بهێته دياركرن بۆ هه‌لبژارتنان”.
ئه‌ڤرۆنيوز:
يانا زاخۆ ئه‌ڤرۆ ئێكشه‌مبى 7/1/2018 نه‌شيا مافى ژ ياريگه‌ها خوه ببينيت ده‌مێ دگه‌را هه‌فتێ ژخۆلا عيراقى يا ياناب يانا زه‌ورا مێهڤانكرى وب گۆله‌كێ به‌رامبه‌ر سێ گۆلان هاته دوراندن.
گۆلێن يانا زه‌ورا ژلايێ ياريكه‌ران ئه‌مير سه‌باح وحسێن جوه‌يد ومسته‌فا جوده ڤه ل خۆله‌كێن (5، 33، 76) هاتن تۆماركرن وگۆلانا ئێكان يا زاخۆ ژلايێ ياريكه‌رێ وێ يێ پێشه‌كارێ كاميرۆنى ئيمبۆ جوديل ڤه هاته تۆماركرن.
ب ڤى ئه‌نجامى زه‌ورا گه‌هشته خالا 21 وسه‌ركێشيا خۆلێ پاراست وزاخۆ هه‌ر ب 3 خالان ل رێزا 19 وبه‌رێ دووماهيێ دهێت
نيشاندان