ئەڤرۆ نیوز، زنار تۆڤی:
دەرهێنەرێ کورتە فلمێ بارێ گران یلماز ئۆزدل، بۆ ئەڤرۆ نیوز دیار کر: هەتا نوکە کورتە فلمێ بارێ گران پشکداری د چەندین فلمە فیستەڤالێن جیهانی دا کریە و چەندین خەلات ژی وەرگرتینە.
ناڤهاتی گۆت ژی: ئەکتەرێ سەرەکی یێ کورتە فلمێ بارێ گران عادل عەبدولرەحمانی ل دویەمین فیستەڤالا کورتە فلمان یا ئۆیفێ ل تۆرین ل ئیتالیا خەلاتێ باشترین ئەکتەر وەرگرت.
ئەڤرۆ نیوز:
ئەو کچا کوردا خەلکێ عەفرینێ ل رۆژئاڤایێ کوردستانێ، کو ژ ئالیێ گرۆپەکێ چەکدار ڤە هاتبوو رەڤاندن ، ئەڤرۆ تەرمێ وێ هاتە دیتن.
مەلەک جومعە، کو ل 23 گولانا 2020 ل گوندێ دەروێش ل عەفرینێ هاتبوو رەڤاندا ئەڤرۆ تەرمێ وێ ل ل کێلگەهەکێ هاتت دیتن و جهێ سێ گولان پێڤە دیاربوو.
ئەڤرۆ ئێکشەمبێ، ئەو کچا کو ل٢٣ گۆلانێ ژ ئالیێ چەند کەسێن نەناسیارڤە هاتیە رەڤاندن، تەرمێ وێ ب کوشتی هاتیە دیتن.
سازیێن مافێن مرۆڤی ل عەفرینێ راگەهاندینە: کو تەرمێ وێ کچەکا کوشتی د ناڤ زەڤیێن چاندنێ یێن گوندێ ئەلفەیرەزیە ل رۆژهەلاتێ باژێرێ ئەعزاز هاتیە دیتن.
ئه‌ڤرۆ نیوز:
یانا نه‌سر یا سعودى دخوازیت ل ڤه‌گوهاستنێن هاڤینا بهێت هه‌ڤبه‌ستێ ل گه‌ل ستێرا جه‌زائیرى و یانا ڤالنسیا یا به‌رى نوكه و یاریزانێ نوكه یێ یانا گه‌لاته سه‌راى یا توركى سفیان فیگولى ئیمزا بكه‌ت.
راپورتێن رۆژنامه‌ڤانى ل سعودى دیاركرینه یانا گه‌لاته سه‌راى به‌رامبه‌ر ده‌ست به‌ردانا فیگولى داخوازیا 10 ملیۆن یورۆیان ژ یانا نه‌سر یا سعودى كریه.
هه‌ژى گوتنێ یه سفیان فیگولى یێ 30 سالى ل هێلا ناڤین یاریێ دكه‌ت دناڤبه‌را سالێن 2012 هه‌تا 2016 دهاته هژمارتن ئێك ستێرێن یانا ڤالنسیا دخۆلا لالیگا ئیسپانى دا و ل گه‌ل وێ یانێ شیابوو 202 یاریان ئه‌نجام بده‌ت و پاش ب وه‌رزێ 2016-2017 یارى ل یانا وێست هام یونایتد یا ئنگلیزى كر و ل وه‌رزێ دووڤدا په‌یوه‌ندى ب یانا گا‌لاتا‌سه‌راى كر و هه‌تا نوكه یێ به‌رده‌وامه ل گه‌ل وێ یانێ هه‌تا نوكه 101 یارى ل گه‌ل وێ یانێ كرینه و شیایه 26 گولان توماربكه‌ت و 22 گول به‌رهه‌ڤكرینه.
ئەڤرۆ نیوز، عەلی حاجی :
ب ئامادەبوونا ئەندازیار دیار بەحری، رێڤەبەرێ گشتی یێ باژێرڤانیان و قائیمقامێ قەزا زاخۆ و سەرۆکێ باژێرڤانیا زاخۆ و نوونەرێ کۆمپانیا ھیزل یا کۆمکرنا گلێشی، کۆمبوونەکا گرنگ ل دۆر ئاریشا پاقژکرنا زاخۆ ھاتە کرن
و تێدا بڕیار ل سەر ھندێ ھاتە دان ب زووترین دەم ئەڤ ئاریشێن پاقژکرنا گلێشێ زاخۆ بھێتە چارەسەرکرن.
ئەندازیار دیار بەحری، رێڤەبەرێ گشتیێ باژێرڤانیان ل پارێزگەھا دھۆکێ بۆ ئەڤرۆ نیوز دیار کر کو پێدڤیە ھەر ئەڤرۆ ھەوەکا بەرفرەھ ل زاخۆ ب ھەماھەنگی ل گەل باژێرڤانیا زاخۆ بھێتە ئەنجامدان و بۆ رۆژێن بھێت پلانەکا حەفتیانە بھێتە پێشکێشکرن بۆ باژێرڤانیا زاخۆ و پشتی دھێتە پەسەندکرن بکەڤیتە د بوارێ جێبەجێکرنێ دا.
ناڤهاتی ئاشکرا ژی کر کو داخواز ژ کۆمپانیێ ھاتە کرن ژمارا ترۆمبێلێن راکرنا گلێشی بھێنە زێدەکرن و کۆمپانیا ھیزل ئامادەیا خۆ دەربری کو ئەڤ ترۆمبێلە د ماوێ حەفتیەکێ دا بگەھنە زاخۆ و بکەڤنە د کاری دا و دێ باژێرڤانیا گشتی یا پارێزگەها و باژێرڤانیا زاخۆ بەردەوام چاڤدێریا خالێن دناڤ رێکەڤتنێ دا کەن دا کو ب دروستی بهێنە جێبەجێ کرن.
ئەڤرۆ نیوز:
رێڤەبەرێ گشتی یێ ساخلەمیا هەولێرێ راگەهاند: 10 تووشبوویێن دی یێن کۆرۆنا یێ باش بوون و سەرجەمێ گشتی یێن ئەوێن چێبووین گەهشتیە 243 کەسان.
د. دلۆڤان محەمەد فاتح جەلال، رێڤەبەرێ گشتی یێ ساخلەمیا هەولێرێ گۆت: 10 تووشبوویێن ڤایرۆسێ کۆرۆنا یێ پشتی وەرگرتنا چارەسەریێن نۆشداری ب تەمامی چێبووینە و بارێ ساخلەمیا وان تەمام جێگیر بوویە، پشکنین بۆ هاتینە کرن و نێگەتیڤ بووینە، بریار هاتیە دان بۆ مال بهێنە رەوانە کرن.
ئەڤرۆ نیوز:
مالپەرێ (وورلد ئومیتەر) یێ جیهانی بۆ داتایان بەلاڤكریه: کو هژمارا سەرجەم تووشبوویێن ڤایرۆسێ كۆرۆنا ل سەرانسەری جیهانێ گەهشتیە حەفت ملیون و 21 هزار و 282 كەسان.
هەروەسا گۆتیە: هەر ژ دەستپێكا سەرهەلدانا ڤایرۆسێ كۆرۆنا یێ ل باژێرێ ووهان یێ چینێ، 402 هزار و 837 کەسان ب ڤایرۆسێ كۆرۆنا یێ گیانێ خوە ژ دەستدایە، دیسان سێ ملیۆن و 433 هزار و 67 کەسێن تووشبوویی ب تەمامی چارەسەر بووینە.
ئەڤرۆ نیوز:
وەزارەتا ساخلەمی و ژینگەها عیراقێ دیار کر: د 24 دەمژمێرێن بوری دا هزار و 268 کەسێن دی تووشی کۆرۆنا یێ بوون و 28 کەسێن دی ژی گیانێ خوە ژ دەستدایە.
ئەڤرۆ ئێکشەمبی 07-06-2020 ، وەزارەتا ساخلەمی و ژینگەها عیراقێ گۆتیە: هەشت هزار و 609 پشکنین هاتینە کرن و نوکە سەرجەمێ گشتی یێ وان پشکنینێن ل عیراقێ هاتینە کرن گەهشتینە 303 هزار و 53 پشکنینان.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: دو کەسێن دی ل سنۆرێ پارێزگەها دهۆکێ تووشی ڤایرۆسێ کۆرۆنا یێ بوون، کو دو ژن و بەرکەفتیێن تووشبوویێن بەرێنە و د کەرەنتینێ دابوون.
وەزارەتا ساخلەمیێ گۆتیە ژی: د بەردەوامیا پشکنین و لێگەریانێ لدووڤ تووشبوویان، دو تووشبوویێن دیتر یێن ڤایرۆسێ کۆرۆنا یێ ل پارێزگەها دھۆكێ هاتنە دەست نیشانکرن، کو دو ژنن د ژیێن 48 و 44 سالیێ دانە، هەردو تووشبوویی خۆجهێن ناڤا شارێ دھۆکێ نە.
ئەڤرۆ نیوز، مەحمود نهێلی:
ناڤەدندا چالاکیان و پێگەهادنا لاوان ل ئامێدیێ و هەڤکاری ل گەل ساخلەمیا قەزا ئامێدیێ دەست ب هەوەکا تافیلکرن و رەشاندنا جهێن گەشتیاری یێن سنورێ قەزا ئامێدیێ کر.
مراد موحەمەد کاگێرێ ناڤەندا بالا یا ئێکەتیا لاوێن کوردستانێ بو ئەڤرۆ نیوز دیار کر، کو ئەو لاو وەک هەموو دەمان پێشەنگ ژ بو پاراستنا گەل و نیشتیمانی ئەڤ دەسپێشخەریە بناڤێ ( دێ خوە پارێزم) ئەنجامدایە و ئەڤرۆ ٧/٦/٢٠٢٠ ب هەڤکاریا رێڤەبەریا ساخلەمیا قەزا ئامێدیێ دەست ب تافیلکرن و رەشاندنا جهێن گشتی و گەشتیاری و شوونەواری کریە .
ناڤهاتی دیار ژی کر ئەڤە ژی دەمەکی دایە کو فایروسێ کرونا ھەرێمێ زێدە بوویە ژ بۆ رێگرتنێ ژ بەلاڤ بوونا ڤایروسی و پاراستنا ساخلەمیا وەلاتیێن ئامێدیێ و گەشتیاران ئەڤ ھەوە دێ بەردەوام بن و بەلاڤ تڕ و باشتر ژی لێ هێن.
ئەڤرۆ نیوز:
سەرۆک مەسعود بارزانی ب هەلکەفتا بریارا دیرۆکی یا دیارکرنا رۆژا ریفراندۆمێ ژ ئالیێ هێزێن سیاسی یێن کوردستانێ، پەیامەک بەلاڤکر، ئەڤە ژی دەقێ پەیاما سەرۆک بارزانی یە:
بەناوی خودای بەخشندە و میهرەبان
ئەمڕۆ یادی ڕۆژێكی مێژووییە لە ژیانی سیاسیی گەلی كوردستان.
لە 7ـی حوزەیرانی 2017ـدا لایەنە سیاسییەكانی هەرێمی كوردستان بە كۆدەنگی بڕیاریان لەسەر ڕیفراندۆم دا بۆ ئەوەی گەلی كوردستان بتوانێ لە ڕێگەیەكی ئاشتییانە دەنگ و ویستی خۆی بە جیهانیان بگەیێنێت.
ئەم بڕیارە دەستكەوتێكی گرانبەها بوو بۆ هەموو هاووڵاتیانی كوردستان و شانازییش بۆ هەموو ئەو لایەنانەی كە بەشدار بوون لە دەركردنی ئەو بڕیارە و لێشی پەشێمان نەبوونەوە.
لەم یادەدا پێزانینم بۆ ڕۆڵ و ماندووبوونی سەرجەم تێكۆشەر و ئازادیخواز و نیشتیمانپەروەرانی كوردستان هەیە و، هەزاران سڵاو لە ڕۆحی پاكی شەهیدانی كوردستان و هەموو شەهیدانی ڕێگەی ئازادی.
مسعود بارزانی
۷ـی٦ـی۲٠۲٠
نيشاندان