ئهڤرۆ نيوز:
پتریا خەلکی پرسیار دکەن، ئەرێ راستە ھندەک جارا ئەنجامدانا کریارێن سێکسی دبنە ئەگەر کو کارتێکرن ل ساخلەمیا مرۆڤی ببیت؟ ھەکە وەسا نەبیت، باشە پا بۆچی گەلەک جارا وەستیان بۆ مرۆڤی پەیدادبیت پشتی ب دووماھی ھاتنا کریارا سێکسی؟ و کێمبوون و زێدەبوونا ھورمونان چو پەیوەندی ب سێکسی ڤە ھەیە؟
پتریا ڤەکولین دیاردکەن کو گەلەک ئەنجامدانا سێکسی چ ب رێیا کریارا سێکسی یان بەرێخودانا فلمێن سێکسی بیت یا ب مەترسیە بۆ دەروون و لەشێ مرۆڤی و ماندیبوونێ پەیدادکەن.
گەلەک ئەنجامدانا سێکسی دبیتە ئەگەرێ ژدەستدانا ھۆرمونان ب شێوەکێ سروشتی و ئەڤەژی دبیتە ئەگەر ئەندامێن لەشی یێن وان ھورمونان بەرھەم دئینن ب وەستیێن وەکو ھورمونێن ئەدرینالین، کورتیزون و ھورمونێن سێکسی وەکو ئەستروجین و تستیرون، ھەروەسا ھورمونێ دوبامین زێدەدبیت و جھێ ئەدرینالینی دگریت و دبیتە ئەگەر مرۆڤ ھەست ب نەئارامیێ و وەستیانا دەروونی و لەشی بکەت و فشارا خوینێ بلند دبیت و لێدانێن دلی و شەکر زێدە دبن.
ڤەکولینەکێ ژی دیارکریە کو ھورمونێ بروستاجلاندین ئەوێ رۆلەکێ گرنگ د پەیداکرنا حەزا سێکسی دا پەیدادکەت رێژا ویژی بلند دبیت و دبیتە مەترسی ل سەر لەشی و دبیتە ئەگەرێ ھەودانا بۆ ھەمی ئەندامێن لەشی و بەرگریا لەشی کێم دکەت و دەمار و گەھان پویچ دکەت و ئێشانان زێدەدکەت و رێکێ ل بەر ڤایرۆس و میکروبا ڤەدکەت کو بھێنە دناڤ لەشیدا و ھندەک جارا مەترسیا وێ دگەھیتە تووشبوونێ ب نەخوشیێن پەنجەشێرێ.
ڤەکولینەکا نوو یا زانستی ژی دبێژیت، بلندبوونا کورتیزونی و نورادالین و بروجستاجلاندین ل رێژا سروشتی و بۆ دەمەکێ درێژ دێ بیتە ئەگەرێ کوشتنا شانەیێن مێشکی و دەمارێن گرێدای جگەرێ و سھێ و دلی و مودەمارێن خوینێ، کوئەندامێ ھەرسلێ ، بنکریاس و ھێکێن ژنان و مالبچووکی و پرۆستات ل دەڤ زەلامان، ھەروەسا خەموکیێ و نەئارامیێ زێدەدکەن و چاڤا شێلی دکەن و بێھێزیا سێکسی پەیدادکەن و ل دەڤ ژنانژی ساریا سێکسی پەیدادبیت.
ھەروەسا ھندەک ڤەکولینان دیت کو زێدە چوونا ھۆرمون و فشارێن دەروونی یێن ژ ئەنجامێ زێدەسێکسکرنێ پەیدادبن دبنە ئەگەر زیان ل ھێک و عەوێجێن زەلامان بھێتە کرن و رەنگە دەمەکی ژکاربکەڤن و زەلام نەشێن بۆ دەمەکێ دەستنیشانکری ئەڤجا چ حەفتی یان ھەیڤ بن سێکسی ئەنجام بدەن و ئەڤە ھەمی وەستیان و رێگریێ ل کریارا سێکسی دکەن و گەە و ماسولکەیێن لەشی ب ھەودان دکەڤن و ئاستێ کورتیزونی کێم دبیت و پاشی مرۆڤ ھەست دامابوون و ماندیبوونێ دکەت.
ھەروەسا ڤەکولینەکا دی ھاتبووکرن و د ئەنجامدا دیاربوو کو خوڤەبرین ژ سێکسی و رێکخستنا وی و نە ئەنجامدانا سێکسی بۆ دەمێ چەند حەفتیان دبیتە ئەگەرێ باشکرنا ھورمونێن سێکسی و ئەندامێن ھەڤبەندی پێڤە ھەی، ئەو ھورمون زێدەدبن و ئەندامێن دەوروبەر ژ ھەودانان دپارێزن، بۆ چارەکرنا ڤان ئاریشا پێدڤیە مرۆڤ گەلەک سێکسی ئەنجام نەدەت ئەڤجا چ ئەو سێکسی یا راست بیت یانژی بەرێخودانا فلمان و دەستپەری بیت یانژی ب رێیا ئەنتەرنێتێ بیت، چونکو ئەو حەزا سێکسی پووچ دکەن و ھەتا کارتێکرنێ ل دلی و جگەرێ و سیھێن لەشێ مرۆڤی ژی دکەن.
ئەڤرۆ نیوز:
شارەدارییا باژارێ لۆس ئەنجلس ل ئەمریکا ب مەرەما کێمکرنا پلەیێن بلند یێن گەرمێ، ھەژمارەکا جادەیێن وی باژاری ب رەنگێ سپی بۆیاغ کرن.
شارەدارییا لۆس ئەنجۆس دەست ب بۆیاغکرنا ٣٥% یا جادەیێن وی باژاری ب رەنگێ سپی کر ژبەرکو پلەیێن گەرمێ بلند بووینە و چاڤێ رۆژێ ل دەمێ ب ئەردێ چیمەنتۆ کری و قێرکری دکەڤیت تێھنا گەرمێ دژوارتر دکەت، ل گۆری گۆتنا بەرپرسێن وان بویاغکرنا ب وی رەنگی دێ رێژەیا گەرمێ ئینتە خوار.
فوتو ، نەوزاد ھلۆری:
ئێڤاریا ئەڤرۆ دەمژمێر 7:00 ھونەرمەند عەبدولقەھار زاخویی کونسێرتەکا ھونەری ل پارکا دریم روز ل شێلادزێ ئەنجام دا و تێدا کومەما سترانان ھاتنە گوتن و وەسا بریارە کو ھەتا دەمژمێر 11:00 ب شەڤ بەردەوام بیت.
کونسێرک بو خەلکێ ناحیا شێلادزێ و دێرەلوک و دەڤەرا بارزان ھاتبوویە ئەنجامدان و زێدەتری دوو ھزار کەسان بەرھەڤ ببوون.
ئهڤرۆ نيوز، نيوار محهمهد سهليم:
بهرپرسێ دهستهيا كارگێرى يا مهكتهبا سياسى يا ئێكهتى نشتيمانى كوردستان دهربارهى سهرهدانا شاندێ ئێكهتيێ بۆ تههرانا پايتهختێ ئيرانێ گۆت: “ئيران ريفراندۆمێ رهت دكهت و مه ژى تێبينى يێن خوه دانه بهرپرسێن ئيرانێ”.
مهلا بهختيار بهرپرسێ دهستهيا كارگێرى يا مهكتهبا سياسى يا ئێكهتى نشتيمانى كوردستان د كۆنگرهكێ رۆژنامهڤانى دا بهحس ل سهرهدانا شاندێ خوه بۆ ئيرانێ كر و گۆت: “بهرى نوكه ئيرانێ ل سهر ئاستێ رێبهرێ خوه ههتا كو وهزارهتا دهرڤه ههلويست دژى ريفراندۆم و سهربهخۆيا كوردستانێ ههبوو، د ڤێ كۆمبوونێ ژى دا ب رهنگهكێ هوورتر دژايهتيا خوه دياركر، ئهوان ئاخفتنا خوه كر و مه ژى يا خوه كر، ئهوان رهتكر و مه رژدى ل سهر ريفراندۆمێ كر”.
بهرپرسێ دهستهيا كارگێرى يا مهكتهيا سياسيا ئێكهتيێ گۆت: “د ئێك ژ كۆمبوونێن خوه دا ب ئاشكهرايى مه گۆته بهرپرسێن ئيرانێ ههر چ روو بدهت بلا روو بدهت، جارهكا دى قهبوول ناكهين حوكمهتا عيراقێ كهركووكێ ب پشكهك ژ عيراقێ بزانيت بێ بجهئينانا ماددێ 140، د ئامادهينه باجا ههر تشتهكى بدهين، بهلێ ئهوێ قهبوول ناكهين”.
دهربارهى وێ چهندێ كا ئايا قوباد تهلهبانى و نهجمهدين كهريم نوونهرێن ئێكهتيێ نه، مهلا بهختيار گۆت: “دكتور نهجمهدين كهريم وهكو نوونهرێن ئێكهتيێ و پارێزگارێ كهركووكێ پشكدار بووينه و كاك قوباد ژى ل سهر داخوازا جهنابێ كاك مهسعود بارزانى پشكدارى كريه، بهلێ كاك قوباد ژى ئێكهتى يه و كورێ مام جهلاله”.
ئەڤرۆ نیوز ، نەوزاد ھلۆری:
ئێڤاریا ئەڤرۆ ل سنوورێ قەزا بەردەرەش یا سەر ب پارێزگەھا دھۆک دوو کەس خەندقین کو ھەردوو ژی خوشک و برایێ نئێک بوون.
دڤی واریدا بێوار عەبدولعەزیز بەرپرسێ راگەیاندنا رێڤەبەریا بەرەڤانیا باژێری ل دھوکێ بۆ ئەڤرۆ نیوز گۆت: (ئەڤرۆ ئێڤاری ل گوندێ بەردەسوور یا سەر ب ناحیا روڤیا ل سنوورێ قەزا بەردەرەش دوو کەس خەندقین کو ھەردوو ژی خوشک و برابوون)
زێدەتر گۆت: ( تەرمێن ھەردوو خوشک و برا ژلایێ وەلاتیان ژ ئاڤێ ھاتینە دەرئینان و رەوانەیێ نەخوشخانا داد ھاتینەکرن بو زانینا ئەگەرا خەندقینێ)
ئەڤرۆ نیوز ، نەوزاد ھلۆری:
وەسا بریارە لژێر چەند درۆشمەکێن ریفراندۆم و سەربخوی یا کوردستانێ ، رێڤەبەریا شەھید و ئەنفالکریێن بارزان ٣٤ سالیا جینوسایدا بارزانیان ل گوندێ بارزان ساخ بکەت.
دڤی واریدا رێبوار رەمەزان رێڤەبەرێ رێڤەبەرا کاروبارێن شەھید و ئەنفالکریێن بارزان بۆ ئەڤرۆ نیوز گوت: (لژێر چەند درۆشمەکێن ریفراندۆم و سەربخوی یا کوردستانێ ، رێڤەبەریا شەھید و ئەنفالکریێن بارزان دێ ٣٤ سالیا جینوسایدا بارزانیان ل گوندێ بارزان لرۆژا ٣١/٧/٢٠١٧ ساخ کەت و تێدا کومەکا چالاکی و گوتارێن جوداجودا ھێنە پێشکێشکرن و خواندن)
زێدەتر گۆت: ( د رێورسمێن ساخکرنێ دا دێ ھژمارەکا زور یا بەرپرسێن حکومی و حزبی و نونەر و کونسولگەریێن ھەرێمێ و کەسایەتی و کەس و کارێن شەھید و ئەنفالکریان و جەماوەرەکێ زور بەرھەڤبن ، و بو ئێکەم جار ژی دێ کەس و کارێن شەھیدێن شەرێ داعش ل گەل کەس و کارێن جینوسایدا بارزانیان پێکڤە چالاکیان ئەنجام دەن ، و دیسا ندێ کومەکا گوتاران ژی ھێنە خواندن)
دھێتە زانین کو لرۆژا ٣١/٧/١٩٨٣ د رۆژەکا رەش دا و د پلانەکا دارشتی دا ب بریارا سەرۆکێ رژێما بەعسا روخاندی سەدام حسێن ، ھەشت ھزار کەس ژ نێرینەیێن بارزانی دناڤبەرا ژیێ ١٠ بو ٧٠ سالی دا ھاتنەگرتن و بو بیابانێن باشوورێ عیراقێ ھاتنە ڤەگوھاتن و ل دەڤەرا بناڤ “نوگرە سەلمان ” ب ساخی بن ئاخکرن ، پشتی کو ھژمارەکا روفاتێن جینوسایدکریێن بارزانی بو گوندێ بارزان ھاتینە ڤەگوھاستن و ل گورستانەکا تایبەت ھاتینە ڤەشارتن ، وەکو نەریتەکێ جڤاکی سالانە کەس و کارێن جینوسایدکریان ئەڤێ رۆژێ ب چەند سالاکیان ساخ دکەن.
ئەڤرۆ نیوز ، نەوزاد ھلۆری:
رێڤەبەریا ئەوقافا زاخۆ ب رێیا نڤیسارەکا فەرمی داخوازێ ل ھەموو گوتاربێژێن مزگەفتان دکەت کو دگوتارا خوە یا سوبەھی رۆژا ھەینی تەرخان بکەن بو ھوشیارکرنا وەلاتیان ل بارا کێم مەزاختنا ئاڤ و کارەبێ.
ل گورەی نڤیسارا رێڤەبەریا ئەوقافا زاخۆ کو ئیمزا مەلا سەعید عەبدولرەحمان حەمید رێڤەبەرێ ئەوقاف و کاروبارێن ئاینی ل زاخۆ ل سەرە داخواز ل ھەموو ماموستایێن ئاینیێن قەزا زاخۆ دھێتەکرن کو پێخەمەت ھوشیاکرنا وەلاتیان ل بارا کێم مەزاختنا کارەب و ئاڤێ سوبەھی رۆژا ھەینی گوتارێن خوە بو تەوەری دیارکری تەرخان بکەن.
ئەڤرۆ نیوز ، ھلۆری:
سرۆشتی مرۆڤی ھوسایە کو دەما ب رێڤەدچیت دڤێت بو پێشڤە بچیت ، بەلێ ڤەکولینەک ددەتن دیارکرن کومفایێن رێڤەچوونا پشت و پشت پترە ژ یا ب رێڤەچوونا پێش.
ل گورەی ڤەکولینەکا زانستی کو پێگەھێ buzzkito ئەنجامدایە دەما کو ب پیا ب رێڤەدچی داکو ماددەیێ کالوریێ ب سووژی و سەنگا خوەیا لەشی کێم بکەی ئەگەر بو پشت و پشت ب رێڤەبچی مفایێ وێ پترە کو بو پێش و پێش بچی ، و ل گورەی ئەوێ ڤەکولینێ ١٠٠ پێنگاڤ بەر ب پشت ڤە بەرامبەر ١٠٠٠ پێنگاڤێن ب پێشڤەیە.
بەلگەیا ڤەکولینێ ژی ئەوە کو دەما مرۆڤ بو پشت و پشت ب پیان دچیت ماسولکێن مروڤی پتر د لڤلڤن ، و دبیتە سەدەما کێمبوونا گڤاشتنان لسەر ئەژنویێن مرۆڤی.
ل گورەی رێنمایێن کو ژ ڤەکولینێ دەرکەفتی پێدڤی یە ئەو کەسانێن کو بو مەرەما ساخلەمیێ پشت و پشت دچن ھوشیاری خوە بن و پێدڤی یە لسەر رێیەکا راست و راست بچن داکو توشی کەفتنێ نەبن.
ئەڤرۆ نیوز :
ئەڤرۆ سپێدێ رێکخراوا زنجیرا ھیڤیا ھولەکا نەشتەرگەریان ل قەزا بەردرەش ڤەکر کو تێدا کومەکا خزمەتگوازرێن ساخلەمیێ دێ ھێنە پێشکێشکرن بو خەلکێ دەڤەرێ.
د رێورسمێن ڤەکرنا ھولێ دا کونسولێ فەرەنسا و رێڤەبەریا گشتی یا ساخلەمیا پارێزگەھا دھۆک و قایمقامێ قەزا بەردەرەش و کومەکا دام و دەزگەھێن حکومی و حزبی و جەماوەرەکێ زور بەرھەڤببوون.
نيشاندان