ئەڤرو نیوز ، نەوزاد هلوری:
سەیراتیا وان دهندێ دایە کو نها دەمێ وان نینە
دەڤەرا بارزان ب دەڤەرەکا خوش دهێتە نیاسین و چەندین جهێن سەرنجراکێش و زوزان و کەڤیێن بەفرێ هەنە، سالانە مێشەڤان مێشێن خوە دبەن وێرێ داکو بەرهەمەکێ باش دەستخوڤە بینن ، مێشەڤانەکێ دەڤەرا بارزان هندەک وێنێن حێبەتی و سەرنجراکێشێن شلخێن مێشان بو ئەڤرو نیوز فرێکرینە کو دوهی ل زوزانێن دەڤەرێ هاتینە گرتن و ددەتن دیارکرن کو سەیراتیا وێ دهندێ دایە کو ئەڤە دوو هەیڤە وەختێ شلخان دوماهی هاتی.
دڤی واریدا محەمەد سەعید سالح مێشەڤان و ئاکنجیێ دەڤەرا بارزان بو ئەڤرو نیوز گۆت: (من مێشێن خوە برینە زوزانێن دەڤەرا بارزان و دەڤەرا هورێ کو دەڤەرەک هوین و خوشە و گول و کەسکاتیەکێ زور هەیە ، خارنەکا باش بو مێشێکێ و چێکرنا هنگڤینی هەیە ، دڤان چەند روژێن بوری مێشێن من چەند شلخەکێن جوان داینە کو ب راستی تشتەک حێبەتی و سەرنجراکێە دڤی دەمێ سالێ دا مێش شلخان بدەن ئەڤە د دەمەکێ دایە دوو هەیڤە وەختێ شلخان چوی و دوماهی هاتی)
زێدەتر گۆت: (باشترین هنگڤین ئەو هنگڤینە کو دڤی دەمێ سالێ دا ل دەڤەرێن بەفرین و زوزان دهێنە بەرهەمئینان)
نيشاندان