ئەڤرۆ نیوز ، نەوزاد ھلۆری:

گەنجەکێ پیرمام یا سەر ب پارێزگەھا ھەولێر ب رێیا کارێن دەستی دڤێت سروشت و دول و چیا و رووبار و ھەر تتشێ دن ل کوردستانێ بچوک بکەت داکو ب ساناھیتر بھێتە دیتن.

سەروان عیسا ئەو گەنجە بو ئەڤرۆ نیوز گۆت: (چەند سالەکە من دەست ب کارێن شێوەکاری کریە کو ئەو ژی بچوککرنا ھەر تشتی یە ل کوردستانێ مینا رووبار و چیا و دەشت و دول و پر و ئاڤەدانیێن کوردستانی و شوونوار و جھێن مێژوویی داکو ب جوانتر و باشتر بھێتەدیتن ، ئەڤ یەک ژی ئارەزویا من بوویە ھەر ژ زاروکینی ھەتاکو نھا ئەڤ یەک بوویە کارێ من و بەردەوامم و نھا من جورە شارەزایەکا باش دوارێ کارێن دەستی دا وەرگرتیە)

زێدەتر گۆت: (ژبلی کارێن دەستی ئەز پێشمەرگەمە و من دڤێت لگەل پاراستنا کوردستانێ وەکو پێشمەرگە د ھەمان دەم دا ب کارێن خوەیێن ھونەری پشکداریێ دشارستانیا کوردستانێ دا بکەم ، بو کارێن خوە ژی ئەز کەرستەیێن مینا دار ، بەر ، گێچ ، ئاخ و چەند کەرستەیەکێن دن بکاردئینم کو ھندەک ژ وان کەرستەیان دوبارە دھێنە بکارئینان وەکو ریسایکلین)

پێشمەرگە و ھونەرمەندێ ناڤبری ل سالا ١٩٨٧ ژ دایکبویە و ل پیرمام یا سەر ب پارێزگەھا ھەولێر ئاکنجیە و ھەتاکو رێزا ١٢ێ ئامادەیی خواندیە و د درێژاھیا ئاخفتنێن خودا گۆت ژی: (ئەڤ سال من پشکداری دپێشانگەھا شێوەکاری یا گەشتیاریا ھەولێرێ دا کریە ، و ئەگەر پشتەڤانیا من بھێتەکرن دکارم زێدەتر کارێن خوە بکەم )

ئه‌ڤرۆ نیۆز،زنار تۆڤى:

شاكرۆ ئه‌و ده‌نگبێژه‌ یێ كو ناڤوده‌نگیا وى ل هه‌ر چار پارچێن كوردستانێ به‌لاڤه‌ بووى،ناڤێ وى شاكر ده‌نیزه‌ ب”شاكرۆ” هاتیه‌ نیاسین و ل سالا 1936 ل پانۆسێ ل باژێرى ئاگرى ل باكۆرێ كوردستانێ ژ دایك بوویه‌،پاشى ل گه‌ل خێزانا خوه‌ دچیته‌ گوندێ جه‌مالوه‌ردیا دۆتاخێ،ل دووڤ دا دچیته‌ قه‌ره‌یازیا ئه‌رزه‌رۆمێ،هه‌روه‌سا توركان ل پاش ناڤێ وى ده‌نیز لێ زێده‌كریه‌،هه‌روه‌سا شاكرۆى سترانێن خوه‌ ب ئۆكتافه‌كێ بلند دگۆتن و خۆدان ده‌نگه‌كێ بلند و ب هێز بوو.

شاكرۆ شاگردێ ده‌نگبێژ ره‌شۆیه‌ و پرانیا سترانێن وى گۆتینه‌،لێ وى ب خوه‌ ژى گه‌له‌ك ستران هه‌نه‌،هه‌روه‌سا ره‌شۆ ب خوه‌ ژى شاگردێ عه‌بدالێ زه‌ینكێ بوویه‌،شاكرۆى د ژیانا خوه‌ یا ده‌نگبێژیێ دا 65 كاسێتێن سترانا تۆماركرینه‌،هونه‌رێ وى یێ ده‌نگبێژیێ گه‌نجینه‌یه‌كا مه‌زنه‌ بۆ ملله‌تێ كورد و چو جاران ده‌نگ و هونه‌رێ وى دناڤا كوردان دا ناهێته‌ ژبیركرن،شاكرۆ ل سالا 1996 ل باژێرێ ئزمیرێ وه‌غه‌ركریه‌،لێ هونه‌رێ وى هەر زیندى مایه‌.