ئەڤرۆ نیوز ، هلۆری:
د ڤەگەرا تەرمێ مام جەلال دا چەند نهێنیەکێن دیڕۆکی هاتنە دیتن و هندەک ژی هاتن تومارکرن.
ژ وانان
- ل سالا 1956 د روژەکا وەکو ئەڤرۆ دا تەرمێ مەلیک مەحمود پاشایێ کوردستانێ ل بەغدا بو کوردستانێ هاتە ڤەگەراندن.
- ل سالا 1993 د رۆژەکا وەکو ئەڤرۆ دا تەرمێ هەرئێک ژ سەرکردێن کورد مەلا موستەفا بارزانی و ئیدریس بارزانی ل باژێرێ شنو یا روژهەلاتێ کوردستانێ بو گوندێ بارزان هاتە ڤەگەراندن.
- نوری مالیکی و چەند بەرپرسەکێن دن یێن عیراقی و کەنالێن عیراقی بایکوتا پشکداری و ڤەگوهاستنا رێورسمێن ڤەگەرا مام جەڵال کر ، ژبەرکو تەرمێ مام جەڵال ب ئالایێ کوردستانێ هاتبویە پێچان.
- ئێکەم رێورسمە د دیڕوکا سەد سالیا عیراقێ دا کو رێورسمەکێ فەرمی بو سەروک کومارەکێ عیڕاقی بهێتەدانان ، پێشتر هەموو سەرۆکێن عیراقێ ب کودەتا هاتینە کوشتن و ڤەشارتن وهندەک ژی ژ وان ژبەر دکتاتوریەتا وان بێی رێورسم هاتینە ڤەشارتن.
-ئێکەمین جارە کو تەرمێ سەرۆک کومارەکێ عیراقێ ب ئالایێ کوردستانێ بهێتە پێچان و هەموو ئەو سەرکردێن عیراق و هەرێم و جیهانێ کو بەرهەڤبووی سەرێ خوە بو دانا ، ئەڤە د دەمەکێ دایە کو هندەک ژ وان کەسان هەموو ژیێ خوە دژاتیا ئالایێ کوردستانێ کریە.
- ئێکەمین جارە پشتی دوو سالێن ژ کارکەفتنا پەرلەمانێ کوردستانێ ، سەروک و جێگر و سکرتێرا پەرلەمانی پێکڤە د رێورسمەکێ فەرمی دا کوم دبن و تاجە گوڵ پێشکێشی تەرمێ مام جەلال کریە.
- ئەڤرۆ ژی تەرمێ مام جەلال ل ئەلمانیا بو سلێمانی هاتە ڤەگەراندن ، بریارە ل دەباشان بهێتە ڤەشارتن.
نيشاندان
