ئەڤرۆ نیۆز،زنار تۆڤی:
هەلبەستڤان ئەدیب چەلکی د هەڤپەیڤینەکێ دا بۆ ئەڤرۆ نیۆز دیارکر:کو خانما سترانبێژ هەولێر نووترین سترانا خوە یا بناڤێ بلا بەسبیت تۆمارکریە و دیارکر ژی:کو ئەڤ سترانە ژ پەیڤێن وی ب خوە یە و ژ ئاوازێن سترانبێژ زانا جەبەلی یە،هەروەسا خانما سترانبێژ هەولێرێ چەندین سترانێن دی یێن تۆمارکری هەنە و خەلکا رۆژئاڤایێ کوردستانێ یە و نوکە ل ئەلمانیا دژیت،ئەدیب چەلکی ئەوژی گۆت:بریاره ل ڤان نێزیکان ئەڤ سترانە ل وەلاتێ ئەلمانیا بهێتە کلیپ کرن.
ئەڤرۆ نیۆز،زنار تۆڤی:
بهایێ زێری و دراڤێن جیهانی ئەڤرۆ ل رۆژا دوشەمبی 5.6.2017 ل بازارێن هەرێما کوردستانێ دا ب ڤی رەنگینە.
100 دۆلارێن ئەمریکی بەرامبەری 124700 دینارێن عێراقییە.
100 یۆرۆ بەرامبەری 141000 دینارێن عێراقینە.
100 پاوەنێن بریتانیی بەرامبەری 159500 دینارێن عێراقییە.
100 لیرێن تورکی بەرامبەری 35600 دینارێن عێراقییە.
100 ھزار تومەنێن ئێرانی بەرامبەری 33400 دینارێن عێراقییە.
بهایێ زێری ل بازارێن ھەرێما کوردستانێ ژی ب ڤی رەنگییە:
مسقالەکا زێرێ عەیار (24) ب 257000 دینارێن عێراقییە
مسقالەکا زێرێ عەیار (21) ب 227000 دینارێن عێراقییە
مسقالەکا زێرێ عەیار (18) ب 195000دینارێن عێراقییە.
ئەڤرو نیوز ، نەوزاد زادە ھلوری:
رێڤەبەریا گشتی یا ھاتن و چوونا ھەرێمێ دیارکر کو ئەڤرو وەکو رێزگرتن ب ھەلکەفتا رۆژا جیھانیان ژینگەھێ ل ھەموو کوردستانێ بو دەما دوو خولەکان دێ ترومبێل ھێنە راوەستاندن.
دڤی واریدا فازل حەجی ئاخفتنکەرێ رێڤەبەریا گشتی یا ھاتن و چوونا ھەرێمێ بۆ ئەڤرو نیوز گۆت: (ب ھەلکەفتا روژا جیھانیا ژینگەھێ وەکو رێزگرتن ل دەمژمێر ١١ێ سپێدێ ھەتاکو دەمژمێر ١١:٠٢ خولەک دێ ھەموو ترومبێل ل سەرانسەرێ ھەرێما کوردستانێ ھێنە راوەستاندن دخوازین کوش وفێر ھەڤکاربن )
ل گورەی زانیاریێن ئەڤرو نیوز ملیون و ٤٣٠ ھزار ترومبێل ل ھەرێما کوردستانێ ھەنە ، ئەڤە زێدەباری ترومبێلێن ئاوارە و پەنایەر و ئەوان ترومبێلێن کاتی و نە ھژمارکری.
ئەڤرۆ نیۆز،عەزیز رەسول هەورامی:
پشتی ل دوشەمبیا بوری شەش تانكه‌رێن بەنزینێ یێن كوالێتیا وان یا خراپ ل دەرگەهێ پەروێزخان هاتینه دەستەسەرکرن، ئەڤرۆ ئەو بەنزینە هاتە رەوانەکرن بۆ وەلاتێ ئیرانێ.
رێڤەبەرێ دەرگەهێ پەروێزخان بۆ ئەڤرۆ نیوز راگەهاندیە:ئەو شەش تانکەرێن بەنزینێ كو بەنزینا كۆمپانیا سمود وەتەن بوون،ژلایێ بنگەهێ سوتەمەنیێ یێ پەروێزخان و رێڤەبەریا نەوت و کانزایێن گەرمیان و وەزارەتا سامانێن سروشتی ڤە پشکنین بۆ هاتیەکرن،ب ئەگەرێ نزمیا کوالێتیێ نەهێلا ئەو بەنزین بهێتە ناڤا هەرێمێ.
ئەو ژی گۆتیە:پشتی پێکئینانا لیژنەیەکێ ژ بنگەهێ گومرگێ و پۆلیسێن گومرگێ و بنگەهێ سوتەمەنیا پەروێزخان، ئەڤرۆ ئەو شەش تانکەرێن بەنزینێ هاتنە رەوانەکرن بۆ وەلاتێ ئیرانێ.
ئەڤرو نیوز ، نەوزاد هلوری:
دەڤەرا بارزان وەکو تاکە دەڤەرا کوردستانێ زورترین رێژەیا کوڤیان تێدا هەنە ژ وان ژی هەبوونا چەندین جورێن بالندەیان. ئەڤ وێنێن ل خوارێ چەند وێنێن بالندەیانە کو ژلایێ وێنەکرێ بناڤ و دەنکێ دەڤەرا بارزان و کوردستانێ سابر دری هاتینە گرتن وەکو دری ددەتن دیارکرن کو ئەڤ جورێ بالندەیان ل کوردستانێ گەلەکێ کێمە و خوارنا سەرەکی یا وی ماسی نە.
سابر دری کو لسەر ئاستێ جیهانێ پشکداری د چالاکیێن فوتوگرافی دا کرینە و زێدەتر دبێژیت: (ئەز پتر گرنگیێ ب فوتویێن گیانەوەران ددەم لدوڤ شێوە و ناڤ و نیشان و بنەکوکا وان دچم و من دڤێت بو جیهانێ بدەم دیارکرن کو کوردستان ژی وەکو ملەتێن جیهانێ خودان سروشت و گیانەوەرێن جوانن وھەموو ئەڤ جورێن بالندەیان ل کوردستانێ ھەنە ب تایبەتی ل دەڤەرا بارزان)
ئه‌ڤرۆ نیوز:
مه‌سرور بارزانى و عه‌بادى د دیداره‌كێ دا رژدى ل سه‌ر هه‌ڤكاریا د ناڤبه‌را پێشمه‌رگه و هێزێن عیراقێ دا كر، نڤیسینگه‌ها سه‌رۆك وه‌زیرێن عیراقا فیدرال د راگه‌هاندنه‌كێ دا، به‌لاڤ كریه كو حه‌یده‌ر عه‌بادى سه‌رۆك وه‌زیرێ عیراقێ پێشوازیا مه‌سرور بارزانى راوێژكارێ ئه‌نجوومه‌نێ ئاسایشا هه‌رێما كوردستانێ و د.فوئاد حسێن سه‌رۆكێ دیوانا سه‌رۆكایه‌تیا هه‌رێمێ كر و د كومبوونه‌كێ دا، به‌حسێ سه‌ركه‌فتنا سه‌ربازى ل مووسل و هه‌ماهه‌نگیا د ناڤبه‌را هێزێن جودا جودا ژ وان هێزان ژى هێزا پێشمه‌رگه‌ى بۆ رزگاركرنا مووسل كر، هه‌روه‌سا رژدى ل سه‌ر هاریكاریا د ناڤبه‌را سوپایێ عیراقێ و هێزێن پێشمه‌رگه‌ى كر كو ره‌نگه‌كێ باوه‌ریێ دورست كریه كو به‌رهه‌مێ وێ ئه‌نجامێن بله‌ز و گرنگ بوو بۆ ژناڤبرا دوژمنان، ئه‌و هاریكارى و هه‌ماهه‌نگى ژى دێ ده‌ستپێكا په‌یوه‌ندییه‌كا بهێز و لێكتێگه‌هشتنا زێده‌تر بیت ل پاشه‌رۆژێ د ناڤبه‌را حوكمه‌تا فیدرال و هه‌رێما كوردستانێ.
ئەڤرو نيوز، سالار دۆسکی
بو ئێکەم جار ل سنوورێ پارێزگەھا دھوکێ نەخۆشخانەکا ئەھلی یا ٥٠ تەختی بناڤێ کوردستان دھێتە درۆستکرن ، کو دێ یا تایبەت بیت ب زاروکبوونێ ڤە.
دڤی واریدا ئەندازیار حکمەت سەیداڤایی خودانێ نەخۆشخانا کوردستان بۆ ئەڤرو نیوز گۆت: (بو ئێکەمین جار ل سنوورێ پارێزگەھا دھۆک نەخۆشخانەکا ٥٠ تەختی یا ئەھلی تایبەت ب زاروکبوونێ ڤە ب ناڤێ نەخۆشخانا کورستان ل سنوورێ پارێزگەھا دھوکێ دھێتە چێکرن کو دێ رۆژئاڤایێ دھۆکێ ھێتە چێکرن)
زێدەتر گۆت: (پارێزگەھا دھۆکێ بو رێژا زارووکبوونێ ل سەرانسەری عیراقێ و کوردستانێ ل رێزا ئێکێ دھێت تایبەتی پشتی کو ھژمارەکا زور یا ئاوارە و پەنابەران ھاتینە دھۆکێ)
ل بارا پێکھاتەیا نەخۆشخانێ گۆت: (نەخوشخانە لسەر شێوە و دیزانیەکا پێشکەفتی و سەردەم ب سێ قات و نیڤان دھێتە چێکرن و پێکدھێت ژ سێ ھولێن نەشتەرگەریان و سێ ژورێن زاروکبوونێ ، وەسا بریارە دوماھیا ئەڤ سالە بکەڤیتە د خزمەتا وەلاتیان دا )
نەخۆشخانا کوردستان لسەر رووبەرێ سێ ھزار ٥٠٠ مەتران دھێتە چێکرن ، ل گورەی ئاخفتنێن ناڤبری کو دێ نوژدار و کەسانێن بسپوور و تایبەتمەندێن نافخوە و بیانی تێدا کارکەن.
ئەڤرو نیوز ، نەوزاد ھلۆری:
دەمەک بەریا نھا فروکێن شەرکەرێن تورکیا سنوورێ ناحیا سیدەکان ب دژواری بوردومانکر و زیانەکا زورا ماددی بەر رەز و بیستانێن وەلاتیان گەیاندیە.
مورشید برادوستی وەلاتیەکی دەڤەرا سیدەکانە وەکو شایەتحالێ روودانێ بۆ ئەڤرو نیوز گۆت: (دەمەک بەریا نھا فروکێن شەرکەرێن تورکی ب بھانەیا بنکە و بارەگایێن پارتا کرێکارێن کوردستانێ چەند گوند و ناوچەیەکێن دەڤەرا سیدەکان ب دژواری بوردومانکرن ب تایبەتی ناوچەیێن زراران ، خوارکورک ، سەرجەمانو چیایێ دێرکێ )
زێدەتر گۆت: (ژ ئەنجامێ ئەوێ بوردومانێ چوو کەسێ گیانێ خوە ژدەست نەدایە ، بەلێ زیانێن ماددی بەر رەز و بیستانێن وەلاتیان گەھاندیە و ترسەکا زۆر ژی لدەف خەلکی پەیداکریە و ئاگر ل چەندین جھان بەربوویە پوش و پاوانی)
لگورەی ئاخفتنێن برادوستی ھەتا نوکە بوردومان یا بەردەوامە و بەردەوام ژی ل ھنداڤی دەڤەرێ ب نزمی د زڤرن.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 4ى خزيرانا 2017ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1243 |
| 1 يۆرۆيێ ئه‌ورۆپى | 1390 |
| 1 ليرێ توركى | 350 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
نيشاندان
