ئەڤرۆ نیوز:
بەری دەمەکێ ترۆمبێلا وەلاتیەکێ ل سەر جادا گشتی یا د ناڤبەرا قەزا ئامێدیێ و پارێزگەها دهۆکێ دا ل نزیک گوندێ سیاراتیکا ب تەمامی هاتە سوتن.
ترۆمبێلەک ب تەمامی هاتە سوتن
نووترين نووچه
- لەیلا قاسم نموونەیا قەهرەمانییا كچا كوردە و سیمبۆلا ئازادیخوازیێیە
- نێچیرڤان بارزانی: پێشوازیێ ل خوە هەلوەشاندنێ و چەكدانانا پەكەكێ دكەین
- نێچیرڤان بارزانی و مەسرور بارزانی پیرۆزباهیێ ل بنگەهێ لالشێ دكەن
- مەسرور بارزانی: پشتەڤانییا حوكمەتێ بۆ ب هێزكرنا ژێرخانەیا ئابۆری دێ بەردەوام بیت
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
- مەسرور بارزانی: پێدڤییە بەرپرسێن پارتی زێدەتر خزمەتا خەلكی بكەن
- هیڤیدارین حوكمەتا فیدرال مووچەی نەكەتە پرسەكا سیاسی
- بەغدا مووچەی وەك كارەتەكا فشارا سیاسی بەرانبەر هەرێما كوردستانێ ب كار دئینیت
- مافێ چارەنڤـیس، مافـەكێ سروشتیێ نەتـەوەیا كـوردە
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
سهرهكى Facebook
رەوشا تووشبوویەکێ دی ل سلێمانیێ خرابە
ئەڤرۆ نیوز:
د. یاد نەقشبەندی پەیڤدارێ رێڤەبەریا گشتی یا ساخلەمیێ سلێمانیێ دیار کر کو رەوشا ساخلەمیێ یا تووشبوویەکێ دی ل سلێمانیێ تێک چوویە و نها ل ژێر چاڤدێریا توند یا نوشداران دایە.
ناڤهاتی داخواز ژ هەموو وەلاتیان ژی کر کو مەترسیا کۆرۆنایێ ب جدی وەبگرن و خوەپارێزن، چونکو کۆرۆنا رۆژ ب رۆژێ پتر ل کوردستانێ بەلاڤ دبیت.
جڤاتا پارێزگەها هەولێرێ داخوازەکێ ژ وەزارەتا ساخلەمیێ دکەت
ئەڤرۆ نیوز:
جڤاتا پارێزگەها هەولێرێ دیار دکەت کو ڤایرۆسێ کۆرۆنا بلەز د ناڤ خەلکی دا بەلاڤ دبیت و ژ بەر هندێ ژی دڤێت وەزارەتا ساخلەمیێ و ئالیێن دی یێن پەیوەندیدار بەرنامێ خوە ب گوهۆرین و خوە بۆ هەر روودانەکا نەخواستی ئامادە بکەن.
جڤاتا پارێزگەها هەولێرێ داخواز ژ وەزارەتا ساخلەمیێ ژی دکەت کو گەلەک بنگەهێن نوو یێن ساخلەمیێ بۆ نەخوشێن کۆرۆنایێ بهێنە ئامادەکرن، چونکو هەکە وەسا نەبیت رەنگە کۆنترۆلکرنا کۆرۆنایێ یا ب ساناهی نەبیت. ژ بەر هندێ ژی باشترە بەرهەڤیێن تەمام بۆ کۆنترۆلکرنا کۆرۆناهیێ بهێنە کرن.
فراکسیۆنا پارتی سەرەدانا فراکسیۆنا ئێکەتیێ دکەت
ئەڤرۆ نیوز:
ئۆمێد خۆشناو سەرۆکێ فراکسیۆنا پارتی ل پەرلەمانێ کوردستانێ راگەهاند کو ب مەرەما پیرۆزباهیا جەژنێ و رێکخستنا کاروبارێن پەرلەمانی وان وەکو فراکسیۆنا پارتی سەرەدانا فراکسیۆنا ئێکەتی و هەموو فراکسیۆنێن دی یێن پەرلەمانێ کوردستانێ کرینە و دانوستاندن ل دۆر کارێ داهاتی یێ پەرلەمانی و هەماهەنگیا پتر د ناڤبەرا هەموو فراکسیۆنان دا هاتیە کرن.
داخوازا دوورخستنا جبوری دهێتە کرن
ئەڤرۆ نیوز:
بەرەیەکێ ئێکگرتی یا عەرەبی ل کەرکووکێ راگەهاند کو راکان جبوری پارێزگاری سەپاندی ل کەرکووکێ گەلەک گەندەلی کرینە و کەسێن نێزیکی خوە ل پۆستێ گرنگ دامەزراندیە و چو خزمەت ژی بۆ کەرکووکێ نەکریە و ژ بەر هندێ ژی دڤێت ژ کاری بهێتە دوورخستن.
بەرەیەکێ ئێکگرتی یا عەرەبی ل کەرکووکێ داخواز ژ سەرۆک وەزیرێن عیراقێ دکەت هەر زوو راکان جبوری ژ کاری دوور بکەت.
پەرتووکخانا جەلادەت بەدرخان هاتە خراب کرن
وەزیرێ ساخلەمیێ سەبارەت ب قەدەغەیا هاتنوچوونێ داخۆیانیەکێ بەلاڤ دکەت
ئەڤرۆ نیوز:
د. سامان بەرزنجی وەزیرێ ساخلەمیێ یێ حوکمەتا هەرێما کوردستانێ راگەهاند کو هەتا نها چو بریارەک بۆ هندێ نینە کو ل گەل وەزارەتا ناڤخوە ل دۆر قەدەغەیا هاتنوچوونێ کۆمبوون بهێنە کرن.
ناڤهاتی راگەهاند کو راستە نها هژمارا تووشبوویێن ب کۆرۆنایێ ل هەرێما کوردستانێ زێدەتر بووینە، ل چو بریارەک ل دۆر راگەهاندنا قەدەغەیا هاتنوچوونێ ل هەرێما کوردستانێ نینە و گۆت: (داخواز ژ وەلاتیان دکەین کو بابەتێ مەترسیا کۆرۆنایێ ب جدی وەربگرن و خوە بپارێزن).
پارتی پیرۆزباهیێ ل ئێکەتیێ دکەت
ئەڤرۆ نیوز:
ب هەلکەفتا ٤٥ سالیا دامەزراندنا ئێکەتی نشتیمانی کوردستان، مەکتەبا سیاسی یا پارتی پیرۆزباهیێ ل ئێکەتیێ دکەت و داخواز ژی دکەت کو بزاڤەکا جدی بهێتە کرن دا ئاریشێن نها ل هەرێما کوردستانێ بهێنە چارەسەر کرن.
مەکتەبا سیاسی یا پارتی دیار دکەت کو دەڤەر ب گشتی بەر ب گوهۆرینێن مەزن ڤە دچیت و رەوشا نها یا ئالۆز ل کوردستانێ ژی وەسا دخوازیت کو هەموو ئالی پێکڤە بزاڤا هندێ بکەن کو ئاریشێن نها چارەسەر بکەن، ژ بەر هندێ ژی پێدڤیە هەموو هێز و ئالیێن سیاسی ل کوردستانێ هەست ب بەرپرسیاریا خوە ل هەمبەر خەلکی کوردستانێ بکەن دا قۆناغا نها یا هەستیار بهێتە دەرباز کرن.
وه‌زیرێ ساخله‌میا هه‌رێمێ: زێده‌بوونا ژماره‌یا توشبوویێن كورونایێ مه‌ترسیداره
ئه‌ڤرۆ نیوز:
وه‌زیرێ ساخله‌میا حكومه‌تا هه‌رێما كوردستانێ راگه‌هاند چ نه‌مایه ره‌وشا كورونایێ ژ كۆنترۆلكرنێ ده‌ركه‌ڤیت، ئه‌گه‌ر ژی وه‌لاتی پێگیر نین ب رێنمایێن ساخله‌میێ تایبه‌تی د سه‌نته‌رێن بازاری دا.
د.سامان به‌رزنجی وه‌زیرێ ساخله‌میا حكومه‌تا هه‌رێما كوردستانێ راگه‌هاند رۆژ ل دیڤ رۆژێ توشبوویێن كورونایێ ل كوردستانێ زێده دبن، پێگیربوون ب رینمایێن ساخله‌میێ ب تایبه‌ت دناڤا سه‌نته‌رێن بازاری دا زۆرا كێمه ئه‌ڤه ژی بوویه ئه‌گه‌رێ زێده‌بوونا ژماره‌یا توشبوویان و چ نه‌مایه دێ ره‌وش ژ بن كونترۆلێ ده‌ركه‌ڤیت.
وه‌زیرێ ساخله‌میا حكومه‌تا هه‌رێما كوردستانێ ئه‌و چه‌نده ژی راگه‌هاند ل باژێرێ هه‌ولێرێ توشبوویه‌كێ كورونایێ ره‌وشا ساخله‌میا وی نه‌جیگیره و گرفتا ئه‌ڤێ جارێ ئه‌وه كۆ پشكه‌كا نه‌خوشان ژێده‌رێ توشبوونا وان نه‌دیاره، له‌ورا مه بریار دایه ژماره‌یا پشكنینێن رۆژانه بۆ 2000 هزاران زێده بكه‌ین، تاكو توشبوویێن زێده‌تر بن ئه‌م ژی لگۆری شیانان پشكنینان زێده كه‌ین.
عیراق دێ موچه‌یێ پله یێن بلند كێم كه‌ت
ئه‌ڤرۆ نیوز:
نڤیسینگه‌ها سه‌رۆك وه‌زیرێ عیراقێ راگه‌هاند ب ئه‌گه‌رێ داكه‌تنا بهایێ پترۆلێ ل بازارێن جیهانێ و داهاتێ عیراقی كێم بوویه، بریارى هاته دان موچه‌یێ پله‌یێن بلند بهێته كێمكرن.
نڤیسینگه‌ها سه‌رۆك وه‌زیرێ عیراقێ د راگه‌هاندنه‌كێ دا به‌لاڤكریه، مسته‌فا كازمی سه‌رۆك وه‌زیرێ عیراقێ سه‌رپه‌رشتیا كۆمبوونا لژنا چاكسازیێ كر و د وی چارچوڤه‌ی دا دانوستاندن ل سه‌ر به‌ركه‌تنێن قه‌یرانا دارای كۆ عیراق كه‌تیه دناڤ كر.
د ئه‌وێ راگه‌هاندنێ دا هاتیه كۆ مسته‌فا كازمی داخازكر زنجیره‌یه‌كا رێ و ئاوایین چاره‌كرنا قه‌یرانا دارایی بكار بینن ژ وان كێمكرنا موچه‌یێ پله‌یێن بلند.
لگۆری ئه‌ڤێ راگه‌هاندنێ نڤیسینگه‌ها سه‌رۆك وه‌زیرێ عیراقێ، كازمی داخازاكریه لگۆری بنه‌مایێ بده‌ستڤه ئینانا دادیا جڤاكی چاره‌سه‌ریا دو موچه‌ی و موچه‌یێ ئه‌وان خانه‌نشینان بهێته‌كرن كۆ ل ده‌رڤه‌ی وه‌لاتی ئاكنجینه.
نيشاندان
WP Facebook Auto Publish Powered By : XYZScripts.com