ئه‌ڤرۆ نيوز:
كه‌ركووك چاڤه‌رێ به‌غدا دكه‌ت دا كو داخوازيێن وان بۆ ئه‌نجامدانا ريفراندۆمێ به‌رسڤ بده‌ت، ل ده‌مێ به‌رسڤ نه‌دانێ ژى، ئيدارا كه‌ركووك كارتێن دى ل به‌رامبه‌ر به‌غدا ئاماده كرينه و پێشبينى دهێته كرن د داهاتى دا ب كاربينيت، كو گرنگترين ژى نه‌دانه‌ده‌ستا داهاتێ كه‌ركووكێ و برينا هێزا كاره‌بێ يه ل سه‌ر به‌غدا.
ئه‌ڤرۆ نيوز:
شاندێ هه‌رێما كوردستانێ ل به‌غدا د رۆژا دويێ يا سه‌ره‌دانا خوه دا گه‌هشتنه لايێ عه‌مار حه‌كيم سه‌رۆكێ جڤاتا بلندا ئيسلامى ل عيراقێ.
دوهى سپێدێ شاندێ هه‌رێما كوردستانێ گه‌هشتنه باژێرێ به‌غدا و ل گه‌ل فوئاد مه‌عسوم سه‌رۆك كۆمارێ عيراقێ و حه‌يده‌ر عه‌بادى سه‌رۆك وه‌زيران و سه‌ليم جبۆرى سه‌رۆكێ جڤاتا نوونه‌ران كۆمبوون.
شاندێ هه‌رێما كوردستانێ يێ پێكهاتيه ژ هه‌ر ئێك ژ فازل ميرانى سكرتێرێ مه‌كته‌با سياسى يا پارتى ديموكراتى كوردستان و فوئاد حسێن سه‌رۆكێ ديوانا سه‌رۆكاتيا هه‌رێما كوردستانێ و عه‌دنان موفتى ئه‌ندامێ سه‌ركرداتيا ئێكه‌تى نشتيمانى كوردستان.
ئه‌ڤرۆ نيوز:
ته‌قينه‌كا دى ئه‌ڤرۆ ل رۆسيا ل باژێرێ رۆستۆف يێ باشوورێ وه‌لاتى روودا و ب گۆره‌ى ژێده‌رێن ئه‌منى كه‌سه‌ك يێ بريندار بوويى.
ئه‌ڤى ژێده‌رى گۆتژى: “تۆخمه‌كێ نه‌نياس د رێ دا ته‌قى، بۆ ئه‌گه‌رێ برينا تبلێن كه‌سه‌كى. د هه‌مان ده‌م دا هێزێن ڤه‌كۆلينان گه‌هشتنه جهێ روودانێ بۆ زانينا ئه‌گه‌رێن وێ”.
ئه‌ڤى ژێده‌رى ئاشكه‌را ژى كريه كو ئه‌ڤ توخمێ نه‌نياس ل نێزيك قوتابخانه‌كێ ته‌قى ده‌ما كاركه‌ره‌كى ئه‌و جهـ پاقژ دكر.
ئەڤرۆ نيوز:
ل ژێر درۆشمێ (کەلتۆر ناسناما گەلانە) رێڤەبەریا گشتی یا رەوشەنبیری و ھونەری ل دھۆکێ ب پشتەڤانیا کۆمەلگەھا مازی و درێم سیتی دێ ڤیستڤالا کەلتۆری ل رۆژێن 10 و 11ى نيسانا 2017ێ ل دەمژمێر 5:00 ئێڤاری ل باخچێن درێم سیتی ل دھۆکێ گێڕیت.
حەسەن عارف، ژ رێڤەبەریا گشتی یا رەوشەنبیری و ھونەری ل دھۆکێ بۆ رۆژناما ئەڤرۆ ئاشکرا کر کو مەرەما وان یا سەرەکی ژ گێرانا ڤیستڤالا کەلتۆری نیشادانا وی کەلتۆری یە یێ ژ باب و باپیران بۆ بەرە بابێن نوو مای، ھەروەسا پەیداکرنا دەلیڤێن خوەشیێ یە بۆ خەلکی، چونکی بۆ دەمەکێ درێژە خەلکێ مە یێ د قووناغەکا دژوار دا دەرباز دبیت ژ بەر ڤێ چەندێ ئەڤ جۆرە چالاکیە دێ خوەشی و ئارامیێ ل دەف خەلکی پەیدا کەن و سەرەرایی ڤێ چەندێ دێ بنە بەرسڤەک بۆ وان دۆژمنێن ھەموو شیانێن خوە خستینە کاری بۆ بنبڕکرنا کەلتۆرێ مە، بەلێ ب ھیممەتا پێشمەرگێ کوردستانێ و خەلکێ مە یێ خوە راگڕ کەلتۆرێ کوردستانێ دێ ھەر یێ زیندی بیت و گۆت: “ئەرکێ ھەر سازیەکێ یە ھزر ل وێ چەندێ بکەت دێ چەوا خوەشیێ بۆ خەلکی پەیدا کەت”.
ناڤھاتی ئاماژە دا وێ چەندێ کو پێشانگەھێن کەلتۆری و شێوەکاری و کارێن زارۆیان دێ ل رۆژا 10ى نيسانا2017ێ ل دەمژمێر 5ی ئێڤاری ھێنە ڤەکرن و دووڤ دا دێ شانۆگەریا پانۆرامایێ و چەندین کەڤالێن ھونەری ب پشکداریا چەندین تیپان ھێنە نیشادان و گۆت: “د ھەمان رۆژ دا ل دەمژمێر 7ی ئێڤاری دێ چەندین تیپێن ھونەرێ مللی و مۆزیکێ پشکداری ڤیستڤالا کەلۆری بن و د ناڤ فیستەڤالێ دا دێ چەندین ستران ژ لایێ ھونەرمەند (حەسەن شەریف)ی ڤە ھێن گۆتن”.
حەسەنی خویا کر کو رۆژا دویێ یا ڤیستڤالا کەلتۆری ل 11ى نيسانا 2017ێ دێ ل دەمژمێر 5:00 و 7:00 ئێڤاری ب پشکداریا چەندین تیپێن ھونەرێ مللی و مۆزیکی ل باخچێن دریم ستی ل دھۆکێ ھێتە گێڕان. کەلتۆری ل رۆژێن 10 و 11ى نيسانا 2017ێ ل دەمژمێر 5:00 ئێڤاری ل باخچێن درێم سیتی ل دھۆکێ گێڕیت.
ئه‌ڤرۆ نيوز:
نڤيسينگه‌ها سه‌رۆك وه‌زيرێن عيراقێ راگه‌هاندنه‌ك ل دۆر كۆمبوونا شاندێ هه‌رێما كوردستانێ ل گه‌ل سه‌رۆك وه‌زيرێن عيراقێ ل به‌غدا به‌لاڤكر.
ئێڤاريا رۆژا چارشه‌مبى 5ى نيسانا 2017ێ حه‌يده‌ر عه‌بادى سه‌رۆك وه‌زيرێن عيراقێ ل گه‌ل شاندێ هه‌رێما كوردستانێ كۆمبوو.
ب گۆره‌ى راگه‌هاندنه‌كا نڤيسينگه‌ها سه‌رۆك وه‌زيرێن عيراقێ د وێ كۆمبوونێ دا رێكه‌فتن هاتيه كرن كو كار ب ديالۆگێ و هێمنكرنا كاودانان بهێته كرن. هه‌ڤده‌م ته‌كست ل سه‌ر خالێن هه‌ڤپشك هاتيه كرن و گرێدان د چارچۆڤێ دستوورى و قانوونان دا، كو ئێكه‌تيا عيراقێ و پێكڤه ژيان د ناڤ پێكهاتان دا دهێته ده‌سته‌به‌ركرن و رێ نه‌هێته دان ب چو ره‌نگه‌كى شه‌رێ لابه‌لا دروست ببيت و بزاڤێن خوه ژى بۆ نه‌هێلانا داعش باشتر لێ بكه‌ن.
نڤيسينگه‌ها سه‌رۆك وه‌زيرێن عيراقێ راگه‌هانديه ژى كو رێكه‌فتن هاتيه كرن ل سه‌ر لابرنا هه‌موو وان ئاسته‌نگێن دكه‌ڤنه به‌ر سينگێ ماددێ 140 و ته‌كست ل سه‌ر گرنگيا رێخۆشكرنێ بهێته كرن دا كو سه‌رژمێرى بۆ ژمارا خۆجهيان بهێته كرن، ئه‌ڤه ژى پشتى هه‌موو ئاخا عيراقێ دهێته كونترۆلكرن و داعش دهێته ژناڤبرن.
ئەڤرۆ نیوز:
شیرەتکارێ لەشکری یێ ئەمریکا (ئێرنی ئۆدێنۆ) کو ژەنەرالەکێ لەشکری یێ خانەنشینە و د رۆژنامەیێن گرنگێن جیھانی دا کارێ شەرۆڤەکرنا سیاسی دکەت، دبێژیت، درەوشا نوویا کو رۆژھەلاتا ناڤەراست تێدا دەرباز دبیت، کوردستان دشێت ببیتە فاکتەر و کیلیلا سەقامگیریا دەڤەرێ.
د بابتەکێ دا کو ل رۆژناما واشنتۆن تایمز ھایتە بەلاڤکرن، ئەو ژەنەرالێ خانەنشین دبێژیت، نوکە تورکیا ل ھەمبەری راپرسیێ دایە کو پێشنبینی دھێتە کرن ، ستراکتور و سیستەمێ دەستھەلات و برێڤەبرنا وەلاتی بھێتە گوھۆریِن، رەجەب تەیب ئەردۆگان سەرۆک کۆمارێ تورکیا ھەر نوکە ئاریشا خوە ب تورکیا دزانیت، بەلێ رۆژ پشتی راپرسیێ ھەلکێشانا وەلاتێ ئیرانێ دێ ھێتە پێش، لەورا بۆ روروبوونا وێ چەندێ بتنێ کلیلا وێ کێشێ و رزگاربوونا وێ ب فاکتەرێ کوردستانێ دێ بیت.
ب باوەریا (ئۆدێنۆی ) ، ھەموو یاریکەرێن دەڤەرێ پێدڤی ب کوردستانێ ھەیە، جوگرافیا کوردستانێ بتایبەتی دڤێ رەوشا زاڵدا، داگیرکرنا ئاخا کوردان ل عیراقێ و سووریا بۆ ئیرانێ گەلەکا گرنگە، ھەروەکی چەوا وێ دڤێت کەمەربەندەکا موکم دروست بکەت، ل عیراقێ بۆ سووریا و ل سووریا ژی ل سەر سنۆری تورکیا، بۆ باژێرێ عەفرینێ ل رۆژئاڤایا حەلەبێ، ھەتا بگەھیتە دەریایا رووسیا ل تەرتووس کو کنارێ وەلاتێ سووریا یە.
شیرەتکارێ لەشکری یێ ئەمریکا دبێژیت، دەستھەلاتدارێن ئیرانێ حەسوودیا خوە بریە ئاخا کوردستانێ ل رۆژئاڤایا مووسل، لەورا وانا دڤێت چەکدارێن حەشدا شەعبی کو د بنەرەتدا سەر ب ئیرانێ ڤەنە و ژمارا وانا 15 ھەزار کەسایە ل وێ دەڤەرێ بنەجھکرینە.
شیرەتکارێ لەشکری یێ ئەمریکا ھەروەسا ئاماژەدا ھندێ، ئەو چەکدارێن نوکە باژێرێ تەلعفەرێ داگیر کرینە کو دکەڤیتە دناڤبەرا موول و سووریا دا، ب داگیرکرنا ئاخا کوردستانێ ل وێ دەڤەرێ ئیرانێ خوە ب وەلاتێ سووریا ڤە گرێدا.
ئێرنێ ئۆدێنۆ د گۆتارا خوەدا ئاشکراکر، کور ئەمریکا و تورکیا بۆ دوبارە سەقامگیریا دەڤەرێ پێدڤی ب کوردان ھەیە کو ئیران نەشێت دەستێ خوە بسەردا بگریت، زێدباری وێ ژی گۆت: کوردستانێ ئەو رووبەرێ جوگرافی ھەیە کو رێ ل ھەمبەری پرۆژێ فرەە خوازیا و پێشڤەچوونا بەر ب دەریایا ناڤەراست دگریت ،د ڤی ئالی دا پشتی راپرسیا تورکیا ئێکەم کێشە بەرامبەری تورکیا و ئەمریکا دێ وەلاتێ ئیرانی بیت، کو نەشێت دەستبەرداری کوردستانێ ببن.
پاشی ژەنرەالێ خانەنشینێ ئەمریکی داخواز ژ ئەمریکا کر، دڤێت ئەمریکا دەڤەرەکا ئارام ل رۆژئاڤایا کوردستانێ دابمەزرینیت، ھەروەسا بنگەھەکێ لەشکری یێ مەزن یێ بەردەوام ل ھەرێما کوردستانێ بنەجە بکەت، جونکێ کوردستان کلیلا ھەڤسەنگیا ھێزێن دەڤەرێ یە و ئارمانجا ستراتیجیا ئەمریکا و تورکیا ل دەڤرەێ بتنێ ب رێیا کوردستانێ یە، لەورا پێدڤیە ئەمریکا بنگەھێن لەشکری وەکی وان بنگەھێن سەردەمێ شەرێ ساردا ل ئەلمانیا ھاتینە دروستکرن، ل کوردستانێ بھێنە دروستکرن.
ئه‌ڤرۆ نيوز:
عه‌مار حه‌كيم سه‌رۆكێ هه‌ڤپه‌يمانيا نشتيمانى يا شيعان د كۆنگره‌كێ رۆژنامه‌ڤانى دا ل ديالا راگه‌هاند، بڕيارا بلندكرنا ئالايێ كوردستانێ ل كه‌ركووك پێشێلكرنا ته‌وافقێ بوو ل عيراقێ، داخواز ژى كر بيننه خوار.
عه‌مار حه‌كيم ئێكه ژ هه‌ڤالێن نێزيك يێن سه‌ركردێن سياسى يێ كورد. چه‌ند رۆژان به‌رى نوكه ژى ئێك ژ سه‌ركردێن ديارێن هه‌ڤپه‌يمانيا نشتيمانى داخوازا بڕينا مووچه و بودجێ كه‌ركووكێ كربوو.
ئه‌ڤرۆ نيوز:
جڤاتا ئاسايشا نه‌ته‌وێن ئێكگرتى ئه‌ڤرۆ رۆژا چارشه‌مبى رێكه‌فتى 5ى نيسانا 2017ێ دێ كۆم بيت ژ بوو دانوستاندن ل سه‌ر بكارئينانا چه‌كێ كيمياوى ل باژێرێ ئيدليب يێ سوريا.
ب گۆره‌ى رويته‌رز كۆمبوون ل سه‌ر داخوازيا فره‌نسا و بريتانيا هاتيه رێكخستن و دێ تێدا دانوستاندن ل سه‌ر بكارئينانا چه‌كێ كيمياوى ل باژێرێ ئيدلب ل سوريا هێته كرن.
كۆمبوون دێ ل باره‌گايێ سه‌ره‌كى يێ نه‌ته‌وێن ئێكگرتى ل نيويۆرك، ئه‌مريكا ب رێڤه‌چيت.
دهێرشا كيمياوى يا سه‌ر باژێرێ ئيدلب دا زێده‌ترى 100 كه‌سان گيانێ خوه ژ ده‌ست دا و زێده‌ترى 400 كه‌سان بريندار بوون و ل سه‌ر ئاستێن نێڤده‌وله‌تى ژى كارڤه‌ندانێن مه‌زن ب خوه ڤه ديتن.
دوهى رۆژا سێشه‌مبى فرۆكێن شه‌ركه‌ر كو گۆمان دهێته كرن يێن رژێما سوريا بن بۆردۆمانا چه‌ند ده‌ڤه‌رێن باژێرێ ئيدلب يا بن كونترۆلا هێزێن ئۆپۆزسيۆنا وى وه‌لاتى كرن و د ئه‌نجام دا ب سه‌دان قوربان لێ كه‌فتن.
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ ئامارا جوداهيا سالا بۆرى و ئه‌ڤ ساله يا رێژێن باران بارينێ به‌لاڤكر و تێدا جوداهيه‌كا به‌رچاڤ ل گه‌ل سالا بۆرى هه‌يه.
ب گۆره‌ى ڤێ ئامارێ هه‌تا نوكه ل پارێزگه‌ها دهۆكێ338.9ملم باران باريه و ل سالا بۆرى 551.4ملم باريبوون و ب ڤێ چه‌ندێ ژى ديار دبيت كو سالا بۆرى 212.5ملم ژ ئه‌ڤ ساله پتر بارى بوون هه‌تا ڤى ده‌مى و ل سالا بۆرى هه‌موويێ 615.4ملم باريبوون، ئانكو هه‌تا ئه‌ڤ ساله بگه‌هيته رێژا سالا بۆرى پێدڤيه ل دهۆكێ 276.5ملم دى يێن بارانێ ببارن.
خشتێ جوداهيا باران بارينا ئه‌ڤ ساله ل گه‌ل سالا بۆرى:
نيشاندان