ئەڤرۆ نیوز:
ل وەلاتێ توركيا هژمارا وان کەسێن ب ڤایرۆسێ کۆرۆنا یێ ژیانا خوە ژ دەستداین، گەهشتە ٤ هزار و ٣٩٧ کەسان.
فەخرەدین کوجا وەزیرێ ساخلەمیا تورکیا دیار کر: د ٢٤ دەمژمێرێن بورى دا ٢١ هزار و ٤٩٢ پشکنین هاتینە کرن، هەروەسا ٢٩ کەسێن دی ب ڤایرۆسێ کۆرۆنا یێ ژیانا خوە ژ دەست داینە، ٩٨٧ حالەتێن نوو یێن توشبوون ب کۆرۆنا یێ هاتینە تۆمار کرن، هژمارا توشبوویان گەهشتیە ١٥٧ هزار و ٨١٤ کەسان.
ئەڤرۆ نیۆز، رێوار محمەد رەشید:
رۆژا پارێزگەهبوونا دهۆکێ ل رۆژا 27/5/2020 ێ ل دەمژمێر 8:00 شەڤ دێ ب ئەنجامدانا چەندین چالاکیان ب شێوەیێ ئۆنلاین ژ لایێ رێڤەبەریا گشتی یا رەوشەنبیری و هونەری ڤە ل دهۆکێ هێتە ساخکرن.
حەسەن عارف، ژ رێڤەبەریا گشتی یا رەوشەنبیری و هونەری ڤە ل دهۆکێ بۆ ئەڤرۆ نیۆز دیار کر کو ل سالێن بۆری وان رۆژا پارێزگەهبوونا دهۆکێ ب ئەنجامدانا کەرنەڤالەکی ب پشکداریا هەمی سازیێن پارێزگەها دهۆکێ ساخ دکر، بەلێ ئەڤ سالە ژ بەر پەیدابوونا ڤایرۆسێ کۆرۆنایێ و پێگریێ ب رێنمایێن ساخلەمیێ بۆ پاراستنا گیانێ وەلاتیان وان بڕیار دا 51 سالیا رۆژا پارێزگەهبوونا دهۆکێ ب شێوەیێ ئۆنلاین ساخ بکەن.
ناڤهاتی ئاماژە دا ێ چەندێ کو ب ڤێ هەلکەفتێ ئەڤرۆ رۆژا 27/5/2020 ێ ل دەمژمێر 8:00 شەڤ دێ دیدارەکا ئێکسەر ل گەل هەلبەستڤان (شەعبان سلێمان) د پەیجێ فەرمیێ رێڤەبەریا گشتی یا رەوشەنبیری و هونەری ل پارێزگەها دهۆکێ د تۆرا جڤاکی یا فەیسبووکی دا هێتە ئەنجامدان، هەروەسا ل دەمژمێر 9:00 ی هەمان شەڤ دێ سمینارەک ژ لایێ نڤیسەر (موسەدەق تۆڤی) ڤە ل دۆر رۆژا پارێزگەهبوونا دهۆکێ ب رێیا بەرنامێ zoom video هێتە پێشکێشکرن.
ئەڤرۆ نیوز:
وەزارەتا ساخلەمیا هەرێمێ راگەهاند: ب مەرەما وەرگرتنا هژمارەکا پشکنینان و ڤەدیتنا بەرکەفتیان، بریاردایە گوندێ هۆستانێ یێ سەر ب قەزا مێرگەسوور ڤە کەرەنتینە بکەن.
وەزارەتا ساخلەمیا هەرێمێ د داخویانیەکی دا بەلاڤکریە: پشتی دەست نیشانکرنا توشبوویێ دوهی ب نەخۆشیا ڤایرۆسێ کۆرۆنا یێ، کو ئاکنجیێ باژێرێ هەولێرێ یە و ناڤبری سەرەدانا گوندێ ھۆستانێ یێ سەر ب قەزا مێرگەسوور کریە، ژ پێخەمەت ساخلەمیا وەڵاتیان و ڤەدیتنا بەرکەفتیان بریارا کەرەنتینکرنا گوندێ هۆستان دایە ب مەرەما وەرگرتنا هژمارەکا نموونێن پشکنین و رێکارێن خۆپاراستنا ساخلەمیێ.
ئەڤرۆ نیوز:
وەزارەتا ساخلەمیا هەرێمێ راگەهاند: دو حالەتێن ڤایرۆسێ کۆرۆنا یێ ل باژێرێ هەولێرێ هاتنە تۆمار کرن، کو بەرکەفتیێن توشبوویێن بەرێنە.
هەروەسا گۆتیە: د بەردەوامیا پشکنین و لێگەریانێ لدووڤ گۆمانلێکریان، دو توشبوویێن دی یێن کۆرۆنا یێ ل پارێزگەها هەولێرێ ھاتنە دەست نیشانکرن، کو زەلامەکێ د ژیێ ٥٠ سالیێ دا و کچەکا د ژیێ ١٨ سالیێ دایە، هەردو ژی ئاکنجیێن ناحیا عەنکاوە نە.
ئەڤرۆ نیوز:
وەزارەتا ساخلەمی و ژینگەها عیراقێ دیار کر: ۲۰٨ حالەتێن نوو یێن توشبوون ب کۆرۆنا یێ و ٤۱ حالەتێن چێبوونێ و شەش حالەتێن ژیان ژ دەستدانێ ھاتینە تۆمار کرن.
هەروەسا گۆتیە: د دەمێ ۲٤ دەمژمێرێن بوری دا ۲۰٨ حالەتێن نوو یێن توشبوون ب کۆرۆنا یێ ھاتینە تۆمار کرن، کو ۱٦٨ حالەت ل بەغدا ، نەھـ ل نەینەوا، ئێک ل دیوانیە ، سێ ل بەسرە، پێنج ل نەجەف ، ھەشت ل بابل، شەش ل کەربەلا، ئێک ل زیقار ، دو ل دیالا و دو ژی ل سەلاحەدین.
ئەڤرۆ نیوز:
ژێدەرەکێ ژ وەزارەتا خواندنا بلند یا هەرێمێ دیار کر: بریار هاتیەدان دووماهیێ ب خواندنا ئەڤ سالە ل زانکۆ و پەیمانگەهێن سەر ب خواندنا بلند بینن و قوتابی ئەزموونێن دووماهیا کورسێ دویێ نەکەن، ل جهێ وێ ژی دێ نمرێن کۆرسێ ئێکێ بۆ هێنە هژمار تن.
ئەڤرۆ کۆمبوونا وەزارەتا خواندنا بلند ب شێوێ ئۆنلاین بڕێڤەچوویە و تێدا هاتیە، دووماهی پێشنیار و ڕاسپاردە ل سەر خواندنا ئەڤ سالە هاتینە گۆتۆبێژ کرن.
ئەڤرۆ نیوز، زنار تۆڤی:
ئەڤرۆ سێشەمبی 26 گولانا 2029، ل دەمژمێر 5 ئێڤاری گەریلایێن پەکەکێ تەقە ل رەبیێن سوپایێ تورکیا کریە و یێن ل هنداڤی گوندێ بێدوهێ، د هەمان دەمدا سوپایێ تورکیا ژی تەقە ل پەکەکێ کریه و شەر دناڤبەرا وان دا روودایە.
سەربەست سەبری ئاکرەیی رێڤەبەرێ ناحیا کانی ماسێ بۆ ئەڤرۆ نیوز دیار کر: ل دەمژمێر 5 ئێڤاری ل نێزیک گوندێ بێدۆهێ شەر دناڤبەرا پەکەکێ و سۆپایێ تورکیا روودایە، گەریلایێن پەکەکێ ل گوندێ بێدۆهێ تەقە ل رەبیێن سوپایێ تورکیا کریە، لەشکرێ توورکیا تەقەیا هەرەمەکی ل گوندی کریە و د ئەنجامدا کچەکا د ژیێ 13 سالی ب ناڤێ( دالیا) بریندار بوویە، کو بۆ جەژنێ سەرەدانا مرۆڤێن خوە کربوو ل گوندێ بێدۆهێ.
ناڤهاتی گۆت ژی: هەر زوو، ب ئەمبۆلانسێ ئەو کچە ڤەگۆهاستیە نەخۆشخانا روزانا ل کانی ماسێ و چارەسەریا وێ هاتیه کرن، لێ ژ ئەگەرێ گرانیا برینا وێ هاتیە ڤەگۆهاستن بۆ نەخۆشخانا تەنگاڤیا ل زاخۆ.
ئەڤرۆ نیوز:
وەزارەتا ساخلەمیێ یا حوکمەتا هەرێما کوردستانێ راگەهاند کو دو کەسێن دی ل هەولێرێ تووشی ڤایرۆسێ کۆرۆنایێ بووینە.
د داخۆیانیا وەزارەتا ساخلەمیێ دا ئاماژە ب هندێ هاتیە کرن کو تووشبوویێ ئێکێ زەلامەکە د ژیێ ٣٨ سالیێ دا و ئاکنجیێ گوندێ (ابو جردە) یە سەر ب ناحیا گوێر، تووشبوویێ دی ژی زەلامەکە د ژیێ ٢٩ سالیێ دا و ئەو ژی ئاکنجیێ عەنکاوە یە.
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆكێ هۆشداریێ ددەتە وەلاتیان و دیار دکەت کو ژ دوهی رۆژا سێشەمبیێ ل پارێزگەها دهۆكێ(7) حالەتێن نوو یێن ڤایرۆسێ كورۆنایێ هاتنە تۆماركرن و ئەو هەموو كەسە نها ل نەخوەشخانا تایبەت دانە یا نەخوشیا ڤایرۆسێ كورۆنایێ ل دهۆكێ.
رێڤەبەریا ساخلەمیا پارێزگەها دهۆكێ د ئاگەهداریا خوە دا دوپاتی ل وێ چەندێ كریە ئەو (7) كەسێن هاتینە توماركرن ب ڤایرۆسێ كورۆنایێ، ئەوان كەسان (هاتنوچوون) ل ناڤا باژێری دا ئەنجام دایە و هەر دیسان ئەوان كەسان چەند سەرەدان ژی ئەنجام داینە.
ساخلەمیا دهۆكێ د ئاگەهداریا خو دا هوشداریێ ددەتە خەلكی كو فەرە هشیاری رەوش و ساخلەمیا خوە بن ژ بەر كو ئەوان كەسان هاتنوچوونا ئەنجام دای ناڤا باژێری دا، لەورا فەرە خەلك زور پێگیری رێنمایان بیت تا كو چ مەترسی ل سەر ژیانا وان دروست نەبیت.
ئه‌ڤرۆ نیوز:
رێكخراوا ساخله‌میا جیهانێ تاقیكرن و بكارئینانا ده‌رمانێن هایدروكسی كلوروكین بۆ چاره‌كرنا توشبوویێن ڤایرۆسێ نه‌هێته بكارئینان، چونكۆ چاره‌سه‌ركرنێ كارتێكرنا خو نه‌بوو و زیان بۆ توشبوویان هه‌بوویه.
پشتی لگۆری ڤه‌كۆلینه‌كێ، كۆ ل رۆژا هه‌ینیێ ل گۆڤارا نوژداری یا زه‌لانسیت هاتیه به‌لاڤكرن و تێدا هاتیه ئاشكراكرن، كۆ بكار ئینانا كلوروكین و پێكهاته‌یێن دی وه‌ك هایدروكسی كلوروكین ل دژی كورونایێ كارتێكرن نه‌بوویه، به‌لكۆ زیان به‌خش بوویه، له‌ورا رێكخراوا ساخله‌میا جیهانێ ب شێوه‌یه‌كێ ده‌مكی تاقیكرن ل سه‌ر ده‌رمانێ هایدروكسی كلوروكین بۆ چاره‌سه‌ركرنا توشبوویان نه‌هێته بكارئینان، كۆ بخو د بنه‌مادا دژی نه‌خوشیا مه‌لاریا دهاته بكار ئینان.
تیدروس ئه‌دهانوم گیبریسون رێڤه‌به‌رێ گشتێ یێ ساخله‌میا جیهانێ د كۆنگره‌یه‌كێ رۆژنامه‌ڤانی دا بریارا رێكخراوێ دوپات و راگه‌هاند بریار پشتی ڤه‌كۆلینه‌كا گۆڤارا نوژداری زه‌لانسیت هاتیه به‌لاڤكرن، بكار ئینانا ده‌رمانێن كلوروكین ل به‌رهنگاربوونا ڤایرۆسێ كورونادا زیانبه‌خشه ل شوونا مفا وه‌رگرتنێ.
نيشاندان