ئەڤرۆ نيوز:
وەزیرێ سامانێن سروشتی یا حوکمەتا ھەرێما کوردستانێ راگەھاند: رێکەتن ل گەل بەغدا چارەسەریا قەیرانا دارایی ناکەت.
ئاشتی ھەورامی وەزیرێ سامانێن سروشتی یێ حوکمەتا ھەرێما کوردستانێ ل دیدارا میری راگەھاند: وەزارەتا سامانێن سروشتی کار دکر کو سالا 2016 ھنارتنا پترۆلا کوردستانێ رۆژانە بگەھینە ئاستێ ئێک ملیۆن بەرمیلێن پترۆلێ درۆژێ دا .
وەزیرێ سامانێن سروشتی یێ حوکمەتا ھەرێما کوردستانێ دیارکر پێشبینیا مە بۆ ھنارتنا پترۆلێ باش بوو، لێ ئەو قەیرانا دارایی یا نھا ھەرێم کەتیێ پشکەکا وێ پەیوەندی ب داکەتنا بھایێ پترۆلێ ل سەر ئاستێ جیھانێ ئەڤێن دی ژی گرێدایی بابەت و پەیوەندی ب مەڤە نینە و زۆر گازەندە ژی ژ مە دھێتەکرن.
ئاشتی ھەورامی گۆت ژی رەوشا پترۆل و قەیرانان بەرەڤ خراپتر برینە و دیار نینە بھایێ پترۆلێ ڤەدگەریت ئاستێ جاران کو 100 دۆلار بوو،ل سالا 2010 ل گەل بەغدا رێکەتنەک مەکر بۆ ئەوێ چەندێ پترۆلا کوردستانێ کو رۆژانە 60 ھەزار بەرمیلان د رۆژێ دا ب رێیا کەرکوکێ رەوانەی بەغدا بکەین و پارە نە ھنارت و ھەر دوو لا ئەو رێکەتن ھەلوەشاندن.
ناڤبری ئەو چەندە ژی دیارکر حوکمەتا ھەرێما کوردستانێ سالا 2012 ل گەل حوکمەتا تورکیا دەست ب دانوستاندناکر بۆ ھنارتنا پترۆلێ و ل دەستپێکا سالا 2013 گەھشتینە رێکەتنەکێ و ل دەمێ سالێن 2013 بۆ 2014 گەھشتینە رێکەتنێ و دەست ب راکێشانا بوریێن پترۆلێ کر و مە دڤیا دەست بکەین بۆ بەرھەم ئینانێ و حوکمەتا عیراقێ ب بریارا نوری مالکی شایستەیێن دارایی یێن ھەرێما کوردستانێ ھەموویێ بری .
وەزیرێ سامانێن سروشتی دیارکر حوکمەتا ھەرێما کوردستانێ ل ھەیڤا 5 سالا 2014 دەست ب ھنارتنا پترۆ لا ھەرێما کوردستانێ بۆ بەندەرێ جەیھان و پشتی شەرێ داعشێ دەستپێکری، ژمارەکا زۆرا ئاوارن و ھاتنا وان و بھایێ پترۆلێ ل بازارێن جیھانێ داکەتی و ل ئێک دەم دا توشی حێبەتیەکا مەزنکر ب برینا بۆدجا ھەرێما کوردستانێ ژلایێ بەغدا و ھاتنا داعشێ و داکەتنا بھایێ پترۆلێ،نھا حوکمەتا ھەرێما کوردستانێ ل زەڤیێن پترۆلێ رۆژانە 600 ھەزار بەرمیلێن پترۆلێ ھنارتینە کو 520 ھەزار بەرمیل دچیتە بەندەرێ جەیھان و 80 ھەزار بەرمیل ژی بۆ کارۆبارێن ناڤخویی بکار دئینن ھەڤدەم ھەر ئێک ژ زەڤیێن ئەلقوش و جەبەل و قەند چەند زەڤیێن دی یێن توخیبی ل گەل داعشێ و کارکرن تێدا ھاتیە راوەستاندن.
وەزیرێ سامانێ سروشتی یێ حوکمەتا ھەرێما کوردستانێ دازانین ل گەل برینا بۆدجا ھەرێما کوردستانێ و ریب ری بونا ئاریشەیێن ئاواران و شەرێ داعشێ بوینە ئەگەر بھایێ پترۆلێ بێکو بھێتە بەرچاڤکرن داکەت،ئەڤە ژی ئەگەرێن سەرەکی یێن قەیرانا دارایی یا ھەرێما کوردستانێ یە.
ئاشتی ھەورامی گۆت ژی پشکەکا زۆرا زەڤیێن پترۆلێ ل توخیبان ل سالا 2014 بەرھەمئینانا پترۆلێ ل زەڤیێن بەرھەم ھاتی ھاتینە راوەستاندن و بیرێن نو ژی نەھاتینە لێدان.
ناڤبری گۆت کۆمپانیێن جیھانی 30 ملیار دۆلار ل کەرتێ پترۆلێ ھاتینە مەزاختن و ل کەرتیچ پترۆلێ 40 ملیار دۆلار داھات ھەبوویە ، کو نیڤا وی پارەی ھاتیە دان ب وەزارەتا دارای یا حوکمەتا ھەرێما کوردستانێ و نیڤا دی ژی زیان بەر ھەرێما کوردستانێ کەتیە ل دابینکرنا سوتەمەنیێ بۆ کارەبێ و وەلاتیان کو نێزیکی بیست و پێنج ملیار دۆلار لێ دھێنە مەزاختن.
ئاشتی ھەورامی وەزیرێ سامانێن سروشتی یا حوکمەتا ھەرێما کوردستانێ دیارکر نھا ئاریشەیا قەرێن کۆمپانیا و بەنکێن ئەھلی ھەیە داھاتێ نھا یێ پترۆلپێ نەشێت قەیرانا دارای دەرباز بکەت.

ئەڤرۆ نیوز:
ئەڤ سالەژی وەکی سالێن بۆری پشکا 17%ێ بۆدجا گشتیێ عێراقێ بۆ ھەرێما کوردستانێ ھاتیە بجھکرن و نونەرەکێ کورد ژی ل جڤاتا نونەرێن عێراقێ ئیماژە بڤێ چەندێ کر، ئەڤ سالە وەک دووسالێن بۆری نابیت و عێراق دێ پشکا بۆدجا ھەرێما کوردستانێ و شایستەیێن دارایی یێن ھێزێن پێشمەرگەی بمەزێخیت،چونکە ھەردو حوکمەت گەھشتینە رێکەفتنێ، ھەروەسا دیارکر، بڕیارە عێراق قەڕەکێ دیکە ل سندۆقا دراڤی یا نێڤدەولەتی بکەت و بەھرا ھەرێما کوردستانێ ژی تێدایە.
حاکم سەرحان سلێڤانەیی، پەرلەمانتارێ کورد ل جڤاتا نونەرێن عێراقێ بۆ رۆژناڤا ئەڤرۆ گۆت” رۆژا ئێک شەمبی پەرلەمانی ڤەخواندا ئێکێ بۆ پڕۆژە قانوونا بۆدجا گشتیێ عێراقێ کر، پڕۆژە بۆدجا سالا 2017ێ ژ 48 مادەیان پێکھاتیە و دکتۆر سەلیم جبوری سەرۆکێ جڤاتا نونەرێن عیراقێ، لیژنا دارایی و وەبەرھێنانێ راسپاردیە دوڤچوونێن ھویر بۆ پڕۆژە قانوونا بۆدجا بکەن و پێشبینی دھێتەکرن ددەمێ بیست رۆژاندا پڕۆژە قانوونا بۆدجا گشتیێ عێراقێ بھێتە پەسەندکرن، ئەڤ سالەژی وەکی سالێن بۆری پشکا 17%ێ بۆ ھەرێما کوردستانێ ھاتیە بجھکرن و شایستە و مافێن دارایی یێن پێشمەرگەی دێ وەکی بەرێ بمینن، بەلێ ئەڤا جۆدایە دوو سالێن بۆری پشکا ھەرێما کوردستانێ نەھاتیە ھنارتن، ئەڤسالە ب ئەگەرێ سەرەدانا شاندێ بلندێ ھەرێما کوردستانێ و رێکەفتنا ناڤبەرا ھەردو حوکمەتێن عێراقێ و ھەرێما کوردستانێ پشکا ھەرێما کوردستانێ دێ ھێتە ھنارتن و ئاستەنگێن پێشیا ھنارتنا بۆدجە و مووچێ ھەرێما کوردستانێ ھاتینە لادان، چونکە بڕینا بۆدجە و مووچێ فەرمانبەرێن ھەرێما کوردستانێ قانوونی نەبوویە بەلکۆ پتر بڕیارەکا سیاسیە.
سەرحان سلێڤانەیی گۆتژی” بڕیارە حوکمەتا عێراقێ قەڕەکێ دیکە ل سندۆقا نێڤدەولەتیا دراڤی بکەت، بەلێ ھێشتا یا رۆھن نینە و دانوستان دگەل بەنکا دەولی دھێنەکرن و د بەردەوامن، ئەگەر گەھشتنە ئەنجامەکی ئەڤە دێ عێراق بەھرا ھەرێما کوردستانێ لڤی قەڕێ نوو بدەت و مینا قەڕێن بەری نوکە ھاتیەکرن ھەرێما کوردستانێ ناھێتە بێ بەھرکرن، ئەو قەڕە یێ مسۆگەرە بەلێ جارێ لدۆر قەبارەیێ ئەوی قەڕی ھندەک دانوستان ماینە بگەھنە ئەنجامێ دوماھیێ، ھەردەمێ ئەو قەڕ گەھشت ئەڤە بێگومان بەھرا ھەرێما کوردستانێ ژی تێدا ھەیە.