ئه‌ڤرۆ نیوز:
ناڤێ قوتابیێن ب سیسته‌مێ پارالێل ل په‌یمانگه‌هـ و كۆلیژێن سه‌ر ب زانكۆیا پۆلیته‌كنیك یا دهۆك هاتنه راگه‌هاندن
بۆ دیتنا ناڤان ڤى لینكى ڤه‌كه‌ن
ناڤێ قوتابیێن ب سیسته‌مێ پارالێل ل زانكۆیا پۆلیته‌كنیك یا دهۆك هاتينه وهرگرتن
نووترين نووچه
- سەرۆك بارزانی بۆ كۆنفرانسێ ئێكڕێزییا كوردان ل رۆژئاڤایێ كوردستانێ: ئێكگرتنا كوردان كلیلا چارەسەرییا ئێكجارییا پرسا كوردی یە ل سووریێ
- سەرۆكێ هەرێما كوردستانێ بەرهەڤی رێوڕەسمێ خاترخواستنا پاپا فرەنسیس ل ڤاتیكانێ بوو
- پشكا رەوشەنبیری و راگەهاندنا پارتی و دەزگەهێن گرێدای وێ وەفادارییا خوە بۆ رێبازا بارزانی دوپاتكر
- کۆنفرانسێ نەتەوەیی ل رۆژئاڤایێ کوردستانێ هاتە ساز کرن
- هیڤیدارم رۆژا لاڤە یا نیشتمانی پێكڤەژیانێ د ناڤبەرا پێكهاتەیێن كوردستانێدا ب هێزتر بكەت
- هیڤیدارین رۆژا لاڤە یا نیشتمانی ببیتە دەنگێ ئەوێن باوەری ب ئاشتیێ هەی
- مەسرور بارزانی: كوردستان ب درێژییا دیرۆكێ لاندكا پێكڤەژیانێ و فرەئایینیێ بوو
- میر حازم تەحسین بەگ: هەرێما كوردستانێ جهێ پێكڤەژیانێ و پەیڕەوكارێن هەموو ئایینانە
- ب پەیامەكێ ژ سەرۆك بارزانی، زانكۆیا ییل كۆنگرەیەك ل دۆر جینۆسایدا دژی كوردان سازكر
- مەسرور بارزانی و شاندەكێ ئەمریكی دوپاتی ل هنارتنا پەترۆلا هەرێما كوردستانێ كر
سهرهكى Facebook
ئه‌ڤ رێنمایه بۆ بهربژارێن خواندنا بلند، ماستهر و دكتورا دهرچوون
ئه‌ڤرۆ نیوز:
وەزارەتا خواندنا بلند رێنمایەک سەبارەت دەستپێکرنا خواندنا ماستەر و دکتۆرا بەلاڤکر، تێدا هاتیە، بەری دەستپێکرنا کۆرسێ ئەکادیمی پێدڤی یە قوتابى باوەرنامەیا توانستی یا زمانێ ئینگلیزی هەبیت و پێشکێشی زانکۆیێ بکەت.
ئاماژە ب وێ یه‌كێ ژی کریە، ئەو کەسێن باوەرنامەیا توانستی یا زمانێ ئینگلیزی نه‌بیت، پێدڤی یە فەرمانا بەربژاربوونێ بۆ دەربچیت نەک فەرمانا قوتابیێ وەرگرتی و هەر دەمێ باوەرنامە ئینا وی دمی دێ بیتە قوتابى.
سركێت و ئه‌مپێر
جه‌نابێ قایمقامێ دهۆكێ شه‌كره‌ك شكاند و ل گۆر بۆچوونا من نهێنیه‌كا مه‌زن ئاشكرا كر ده‌مێ گۆتى (وه‌ك ئه‌وا بۆ من هاتى گۆتن خه‌لك مرتاحه) ب راستى جه‌نابێ قه‌یمقامى، ئاریشا وه‌لاتیان ل گه‌ل ته و خودانێن بريارێ, ئه‌وه (ئه‌ڤێن گۆتن و ره‌وش و ئاخفتنان) بۆ هه‌وه دگه‌هینن, زنجیرا سكرتێر و نڤیسنگه‌ه و كه‌سێن ل دۆرێن هه‌وه نه, ره‌وشێ نۆرمال و ( پیڤازى) بۆ هه‌وه ڤه‌دگێرن, قه‌ت باوه‌رناكه‌م ئه‌وێن ئه‌ركێ وان گه‌هاندنا راستیان بیت، راستیێ وه‌كو هه‌ى بۆ هه‌وه بگه‌هینیت, وه‌لاتى نه مرتاحه قوربان, ره‌وش ئالۆزه و یا (دغولغولیت) نه دووره ته‌قنیه‌كا جڤاكى رووبده‌ت, ل وه‌لاتێ مه قورغكاریێ كه‌رتێن ژیانێ پاروان كرینه و وه‌لاتى زێده‌تر نه‌شێن ئارام پشت راست بن, ژ من ڤه كه‌رتێ (مولیدا) گه‌نده‌لیه‌ك مه‌زن تێدایه و هه‌تا نوكه زه‌لال و شه‌فاف نینه, به‌لگه چه‌ند كه‌سه‌كا ئه‌ڤ كه‌رته پاوان كریه, بۆ قازانجا خوه, چ حیكمه د هندێ دا یه ده‌رفه‌ت و سه‌رئێك كێمكرنه‌كێ ناكه‌ن بۆ وه‌به‌رهێنانێ د ڤى كه‌رتى دا, ئه‌ڤ كه‌رته چه‌ند باجێ ده‌ت؟ ئه‌ڤ كه‌رته چه‌ند (سونه‌مه‌نیێ) دوه‌رگریت ب چه‌ندێ دكریت ؟! (سه‌قفێ فایده‌ى) چه‌نده؟! مافێ بكاربه‌ران ل كیڤه‌یه؟! زیانێن نه‌بوونا كاره‌بێ چه‌ندن؟! ئه‌ڤجا هینگێ دێ مرتاح بین وه‌كو ئه‌ڤ كه‌رته ژى بكه‌ڤیته ل بن كونترۆللا ده‌سته‌كا (ده‌ستپاكیێ) كیانى (منافسێ) په‌یدا كه‌ن و ڤێ قورغكاریێ ب دووماهیك بینن. ل ڤان رۆژام (كۆمپانیێن ته‌له‌فۆنان) كه‌فتن منافسێ و سه‌رئه‌نجام وه‌لاتى مفاداره, چ رێگریه‌ك هه‌یه ئه‌ڤ كه‌رته كه‌رتێ مولیدان نه‌كه‌ڤیته (منافسێ) كه‌س وه‌لاتیى ب هندێ رازى نه‌كه‌ت كو (كاره‌با كوردستانێ) دێ رۆژه‌كێ باش بیت ب كێمى بیست سالێن دى ژى كاره‌با كوردستانێ باش نابیت و ئه‌ڤ كه‌رتێ كاره‌بێ پێدڤى ب وه‌به‌رهێنانێ یه وه‌ك پرۆژێن بچووك و مام ناڤه‌ندى, ده‌باره‌ى گه‌هاندنا راستیێ بۆ هه‌وه, وه‌ك حوكمه‌ت, مخابنى هوون ب هه‌مى ده‌زگه‌هێن هه‌وه یێن هه‌والگیرى و ئیستخباراتى, نه‌شیان راستیا ره‌وشێ بزانن و بۆ هه‌وه وه‌سا هات كو مله‌ت مرتاحه؟! به‌لێ بۆ خاترا ره‌وشێ مله‌ت بێ ده‌نگه نه‌ك مرتاحه, بۆ خاترا ب هزاران كوڕێن ڤى مله‌تى ل به‌رۆكێن شه‌ڕى نه بێ ده‌نگن. نه‌ك مرتاحن؟! بۆ خاترا پاراستا شكۆمه‌ندیا ده‌ستهه‌لاتا كوردستانێ خه‌لك ئارامه نه‌ك مرتاحه ….و السلام
نووترين رێنمايێن وه‌زاره‌تا دارايى بۆ موله‌تا بێ مووچه
ئه‌ڤرۆ نيوز:
وەزارەتا دارایى و ئابوورى یا حکومەتا هەرێما کوردستانێ، رێنمایەکا نوو بۆ پێدانا مۆلەتا بێ مووچە ده‌رخست،
ل گوره‌ى وێ رێنمایێ، پێدڤییە پشتى دوماهىهاتنا مۆلەتا بێ مووچە، فەرمانبەر دەستبکار ببیت و دووبارە داخوازا مۆلەتا بێ مووچەی بکەت ، بەرۆڤاژی دێ لگۆری رێکارێن قانوونى ل هەمبەری وی هێتە کرن .
گوهۆرین دێ كه‌ڤیته خشتێ كاره‌با موه‌لیدێ
ئه‌ڤرۆ نیوز، ره‌وان نهێلى:
ل دووڤ پێزانینێن ئه‌ڤرۆ نیوز، بڕیاره سوبه یان دوسبه موه‌لیدێن ئه‌هلى یێن كاره‌بێ گوهۆرینێ بێخنه خشتێ نوو یێ به‌لاڤكرنا كاره‌بێ بۆ ڤێ هه‌یڤێ، پشتى كو خشتێ نوو یێ هه‌یڤا ئێك بوویه جهێ نه‌رازیبوونا وه‌لاتیان كو ل ده‌مژمێر 7 سپێدێ بۆ 8 سپێدێ و پێنجى ئێڤارى بۆ 12 شه‌ڤ موه‌لیدان كار دكر.
ژێده‌رێ ئه‌ڤرۆ نیوز كو نه‌ڤیا ناڤێ خوه ئاشكرا بكه‌ت دیاركر كو سوبه پرسا خشتێ نوو یێ به‌لاڤكرنا كاره‌با موه‌لیدان دێ ئێكلا بیت و بڕیار ل سه‌ر هێته دان كو موه‌لیدێن كاره‌بێ ل ده‌مێ كاره‌با نیشتمانى نه‌بیت ل ده‌مژمێر 7 سپێدێ تا 11 سپێدێ و ل ده‌مژمێر 2 نیڤرۆ تا ئێكێ شه‌ڤى كار بكه‌ن و بهایێ ئێك ئه‌مپیر دێ 10 هزار یان 11 یان 12 هزار دینار بیت.
عه‌بادى: كوردستان ژ وێ رێژا بۆ هاتیه دیاركرن، زێده‌تر په‌ترۆلێ دفرۆشیت
ئه‌ڤرۆ نیوز:
حه‌یده‌ر عه‌بادى سه‌رۆك وه‌زیرێن عیراقێ راگه‌هاند، كوردستان نه‌فتا زێده‌تر ژ وێ كۆژمێ بۆ هاتیه دیاركرن ب رێیا به‌نده‌رێ جه‌یهان یێ توركى دفرۆشیت.
عه‌بادى داخواز ژ هه‌رێما كوردستانێ كر كو د هنارتنا نه‌فتێ دا زێده‌تر یا شه‌فاف بیت.
عه‌بادى ئاماژه ب وێ یه‌كێ ژى كر كو ئه‌و رێیێ ناده‌ن ئاخا عیراقێ بۆ هێرشكرنا سه‌ر وه‌لاتێن هه‌ڤسوو بهێته بكارئینان و هه‌ڤكاریا چو لایه‌نه‌كێ ناكه‌ن ژى بۆ هێرشكرنا سه‌ر توركیا.
ره‌وشا سه‌قايێ سوبه‌هى
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا چارشه‌مبى رێكه‌فتى 4ى كانوونا دويێ 2016 ئه‌سمانێ دهۆكێ دێ ئه‌وره‌كێ ناڤه‌ندى بيت ل پتريا جهان.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن بلندێن توركيا بۆ سه‌ر هه‌رێما كوردستانێ دێ بيته ئه‌گه‌رێ هاتنه خوارا پلێن گه‌رمێ ب رێژا 2 بۆ سێ پله و دهێته پێشبينيكرن ئه‌سمانێ دهۆكێ ئه‌وره‌كێ ناڤه‌ندى بيت ل پتريا جهان.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 15كم دا و ماوێ ديتنێ ژى دێ د ناڤبه‌را 9 بۆ 10كم دا بيت، پلێن گه‌رمێ ژى دێ د ناڤبه‌را -1 بۆ 9 پلان دا بن.
جڤاتا دادوەریێ بڕیارا دامەزراندنا 24 دادوەران دەرخست
ئەڤرۆ نيوز:
پشتی تمامکرنا خۆلەکا دو سالی یا پەیمانگەھا دادوەریا ھەرێما کوردستانێ، جڤاتا دادوەریا ھەرێمێ بڕیار دا 24 دادوەرێن نوو بۆ دادگەھێن ھەرێما کوردستانێ بھێنە دامەزراندن.
جڤاتا دادوەریا ھەرێما کوردستانێ د ڕاگەھاندنەکێ دا ئاشکرا کریە کو جڤاتا دادوەریا ھەرێمێ بڕیارا دامەزراندنا 24 دادوەرێن نوو بۆ دادگەھێن ھەرێما کوردستانێ دەرخست کو ئەو دادوەرە دەرچوویێن خۆلا دویێ یا پەیمانگەھا دادوەریێنە و تێدا ھاتیە: “ئەو دادوەرە ل دووڤ پێدڤیا دادگەھێن ھەرێما کوردستانێ دێ دەست ب کاربن”.
ئاماژە ب وێ چەندێ ژی کریە، سێ ژ وان دادوەران بۆ سەرۆکاتیا دادگەھا تێھەلچوونا ناوچا دھۆک، پێنج بۆ سەرۆکاتیا دادگەھا تێھەلچوونا ناوچا ھەولێر، 12 بۆ سەرۆکاتیا دادگەھا تێھەلچوونا ناوچا سلێمانیێ و چار دادوەر ژی بۆ سەرۆکاتیا دادگەھا تێھەلچوونا ناوچا کەرکووک / گەرمیان ھاتینە دامەزراندن.
ھەر دو رۆژان کەسەک ل ھەرێمێ دھێتە کوشتن
ئەڤرۆ نيوز:
ل گۆرەی ئاماژەکا دەستەیا سەربخوە یا مافێن مرۆڤی ل ھەرێما کوردستانێ، ب تنێ د ھەیڤا دووماھیا سالا بۆری دا 15 حالەتێن کوشتن و خوە کوشتنێ ل ھەرێما کوردستانێ ھاتینە تۆمارکرن و ئەگەرێ سەرەکی یێ ڤان تاوانان ژی دیاردا ھەلگرتنا چەکی یە.
ھەروەسا ل دووڤ ئامارا دەستەیا سەربخوە یا مافێن مرۆڤی د ھەیڤا 12 یا سالا بۆری دا 13 حالەتێن کوشتنێ و دو حالەتێن خوە کوشتنێ ل پارێزگەھێن ھەرێما کوردستانێ ھاتینە تۆمارکرن.
ئاماژە ب وێ چەندێ ژی کریە، ھەر د ھەیڤا 12 دا پێنج حالەتێن خەندقینێ، دو حالەتێن خوە سۆتنێ، حالەتەکێ سۆتنێ و حالەتەکێ ھاڤێتنا زارۆکی ھاتینە تۆمارکرن.
دەستەیا سەربخوە یا مافێن مرۆڤی ل ھەرێمێ د وێ ئامارێ دا خویا ژی کریە، ھەر د ھەیڤا 12 دا ب نارنجۆکێ ھێرش بۆ سەر مالا رێڤەبەرێ ئاسایشا قەرەتەپە ھاتیە کرن و پەقینەک ژی ل نێزیک بارەگەھێ (حدکا) ل باژێرێ کۆیە ھاتیە ئەنجام دان کو ھژمارەکا پێشمەرگێن وێ پارتێ و ئەندامێن ئاسایشێ شەھید و بریندار بوون.
دەستەیێ دایە زانین کو دیاردا ھەلگرتنا چەکی ئەگەرێ سەرەکی یێ ئەنجامدانا ڤان تاوانان بوویە، ھەروەسا لایەنێ ئابووری و جڤاکی ژی دو ئەگەرێن دی یێن حالەتێن کوشتن و خوە کوشتنێ نە ل ھەرێما کوردستانێ.
v
داعشێ دڤێت چەکێن کیمیاوی ل ئورۆپا بکار بینیت
ئەڤرۆ نيوز:
بین ڤالاس بەرپرسێ کاروبارێ ئاسایشێ ل کابینا حوکمەتا بریتانیا بۆ کۆڤارا ساندی تایمز دیار کریە کو رێکخراوا تیرۆرستی یا داعشێ ھەموو پیڤەرێن مرۆڤاتیێ بنپێ کرینە و وێ رێکخراوێ ل سووریی و عیراقێ چەکێن کیمیاوی بکار ئیناینە و نھا ژی دخوازن ل ئورۆپا چەکێ کیمیاوی ل دژی خەلکێ مەدەنی بکار بینن و گۆت: (پێزانێن کو دەزگەھێن پۆلیسێن ئورۆپا داینە مە ژی نیشا ددەن کو داعش ب رێیا شانێن خوە یێن نھینی ل ئورۆپا کار بۆ دروست کرنا چەکێن کیمیاوی دکەت و ئەو یەک دێ مەترسیەکا مەزن بیت بۆ ئورۆپا و دڤێت ب ھەموو رەنگەکێ کار بۆ ژناڤبرنا ئەندامێن داعشێ ل ئورۆپا بھێتە کرن).
وی بەرپرسێ بریتانی ئەو یەک ژی دیار کریە کو بەری نھا چەندین ئەندامێن داعشێ ل ئورۆپا ھاتینە گرتن و د لێپرسینان دا وان دانپێدان ب ھندێ کریە کو داعشێ دڤێت ل ئورۆپا چەکێ کیمیاوی بکار بینیت، ئەو یەک ژی نیشا ددەت کو پشتی شکەستنێن وێ رێکخراوێ ل عیراقێ و سووریێ گەلەک ئەندامێن وێ ڤەدگەرنە ئورۆپا و ھەکە وەکو پێدڤی چاڤدێریا وان کەسان نەھێتە کرن و نەھێنە گرتن ئەو دێ بشێن ئاریشێن مەزن بۆ مە دروست بکەن.
ئەڤ داخۆیانیا بەرپرسێ بریتانیا د دەمەکێ دایە کو ھەفتیا رۆژناما واشنتۆن پۆست یا ئەمریکا ژی د راپۆرتەکێ دا دیار کربوو کو سالا ٢٠١٧ دێ ل ئورۆپا گەلەک کریارێن تیرۆرستی ھێنە کرن و ئەو ئەندامێن داعشێ یێن کو وەلاتیێن ئورۆپا نە دێ ڤەگەرنە ئورۆپا و ئەو کەسە دێ رەوشا ئورۆپا ئالۆز کەن و دڤێت وەلاتێن ئورۆپا دەست ب پێرابوونێن باش ل دژی وان کەسان بکەن و نابیت بھێلن ئەو ئەندامێن داعشێ ب ساناھی ڤەگەرنە ڤە ئورۆپا.
نيشاندان
WP Facebook Auto Publish Powered By : XYZScripts.com