ئه‌ڤرۆ نيوز:
گەلەک ھەڤژین ھەست ب نەرحەتیێ دکەن ژبەر کورتیا دەمێ دیدارا سیکسی، ئەو یەک ژی دبیتە ئەگەرێ نەبوونا ھەستا تەنابوون و رحەتیێ یا پشتی سیکسی، شارەزایێن سیکسی ڤان شیرەتان دکەن دا لەرزینەکا خۆشتر و درێژتر و خۆشتر ژ کریارا سیکسی ببینن.
باشترکرنا گێولی: ھەر تشتەکێ جوان گێولێ خۆش دەست پێ دکەت، پێدڤی ناکەت بچیە بێھنڤەدانەکێ و بچیە ئۆتێلان دا سەقایەکێ تەنا و خۆش بدەستڤە بینی، تو دشیێ وی سەقای ل ژوورا خوە یا نڤستنێ چێکەی. گوھداریا موزیکەکا رۆمانسی یا رحەت و ھلکرنا شەمالکان سیستەمێ دەماران تەنا دکەت، د ئەنجام دا دێ بەربەست شکێن و سەقا خۆش بیت. بلا ل بیرا تە بیت ھندی سەقایێ ژوورا تە یێ خۆش بیت، دیدارا تە یا سیکسی دێ خۆشتر بیت.
پەسن: دیدارا خوە یا سیکسی ب گۆتنێن پەسنێ و نازک دەست پێ بکە، ئەو گۆتن دێ ھاریکار بن ھەڤپشک رحەت بیت و ھەست ب تەناھیێ بکەت، ئەو یەک ژی دێ خۆشیا سیکسی زێدە کەت.
نامەیێن سەرنجراکێش: بەری بگەھیە مال گۆتنێن خۆش و دلینی بێژنە ئێک و دو ب رێیا نامەیێن کورت و گۆتنا ئاماژە، پەیڤێن خۆش و وێنەێن دلڤەکەر دێ یاریان کێم کەن و خۆشیێ زێدە کەن.
ھونەرێ ترانێ: خوە فێر بکە دێ چەوا کۆنترۆلا زوو پەراندنێ کەی ب رێیا کۆنترۆلکرنا ھەستێن خوە و ژ دەستنەدانا دەلیڤا گونجای. دەست ب ترانا بکە و ھەر دەمێ تە ھەست پێ کر ھاندان زێدە بوو، ئەو یەک دێ دەمێ دیدارا سیکسی درێژ کەت و خۆشیا پتر لێکەت.
ئەڤرۆ نيوز:
ھندەک کەس یین ھەین نەشێن ب رەنگەکێ بەردەوام ب شەڤ ب باشی بنڤن یان خەوەکا باش و ئارام بکەن و بەردەوام ل سپێدەھیان دا ھەست ب بێزاریێ دکەن، چونکو تێرخەو نابن، د دەمەکی دا د شەڤ دا ھەموویان پێدڤی ب خەوەکا گەلەک باش و کوور ھەیە، چونکو د رۆژێ دا ژ ئەگەرێ کارێن وان گەلەک ماندوو دبن و بھێنڤەدانەکا باشتر پێدڤیە د شەڤ دا.
ھەکە تو ژی کەسەکی ژی وان کەسێن ب باشی خەو ل تە ناکەڤیت و ھەردەم د شەڤان دا نەشێی خەوەکا کوور بکەی، ئەڤان رێنمایان بەرچاڤ بکە:
ڤەمراندا ئامیرێن ئەلکترۆنی د ژوورا خوە دا، چونکو ب ڤەمراندنا ئەنترنێت و مۆبایل و تلەڤزیۆن خەوا تە ئارامتر دکەن، ب گۆرەی ڤەکۆلینان ڤەمراندنا تیشکێن وان دێ کارتێکرن ل سەر مێشکی کێمتر لێ کەن، چونکو “رۆناھیا شین” ئەوا ناڤ شاشان دبیتە ئەگەرێ دروستبوونا کێمیا ماددێ میلاتۆنین کو دبیتە ئەگەرێ ئارامکرنا مێشکی و ئامادەکرنێ بۆ خەوێ و ب ھەڤدژی ڤە دبیتە
ئەگەرێ خۆھدانێ و ھەستکرنێ ب نەئارامیێ د خەوێ دا.
د رۆژەکێ دا کێمتر ژ 20 دەقیقان بنڤە، چونکو کێم نڤستن د رۆژەکێ دا، خەوا شەڤان کوورتر لێ دکەت، ژ بەر ھندێ بزاڤێ بکە ھەکە د رۆژێ دا بھێنڤەدانێ وەربگری، پێدڤیە ژ 20 دەقیقان زێدەتر نەبیت.
ب کارئینانا بالیفکەکێ د ناڤبەرا لنگان دا بۆ کێمکرنا ئێشانا پشتێ ب ڤێ چەندێ دێ ئارامتر نڤن.
بالیفکێن ساخلەم ب کار بینە کو ستوویێ تە راست دکەت نە گەلەک بلند و نە ژی گەلەک نزم، دا کو سپێدەھیان ب ئارامی و وزەکا زێدە ژ خەو رابی.
د ھەمان دەم دا بنڤە و د ھەمان دەم دا ژ خەو رابە، دا کو لاشێ تە رابیت و زێدەتر بھێنڤەدانێ وەربگری.
بەردەوام وەرزشێ بکە، بەلێ باشترە گەلەک یا نێزیکی دەمێ نڤستنێ نەبیت و زووتر وەرزشا خوە ئەنجام بدەیی.
رۆناھیا ژوورا خوە کێم بکە.
ئه‌ڤرۆ نيوز:
ته‌نه‌ڤێت كێشا ته بهێته زێده‌كرن، يان ژى بزاڤێ دكه‌ى كێشا ته كێم ببيت، يا پێدڤيه به‌رى هه‌ر تشته‌كى ئاگه‌هدارى ئه‌گه‌رێن قه‌له‌ويێ ببى، دا كو ده‌ست ژ وان ره‌فتاران هه‌لگرى و هاريكاريا لاشى بده‌ى، زووتر كێش دێ هێته خوار.
نه‌خوارنا دانه‌كێ زادى كاره‌كێ خه‌له‌ته، ب تايبه‌ت خوارنا سپێده‌هيان كو گرنگترين دانێ خوارنێ يه، هه‌ڤدژى ڤێ چه‌ندێ ئه‌گه‌ره‌كێ باشه بۆ وێ چه‌ندێ كێشا ته بهێته خوار و راگرتنا هه‌موو پشكێن لاشى ب وه‌كهه‌ڤى كريارا هه‌رسكرنێ ب له‌ز دئێخيت، بزاڤێ بكه ل جهێ كێم خوارنێ بخۆ يان ژى دانه‌كێ خوه سڤك بكه وه‌كو ئێڤاران تو دشێى فێقى يان پرۆتينان بخۆيى وه‌كو فاسولى يان نوك.
د ناڤ دانێن خوارنێ دا بزاڤێ بكه ئاڤ ڤه‌خوارنێ بهێله، چونكو زيانێن زۆر ل ساخله‌ميێ و كێش زێده‌بوونێ دكه‌ت، به‌لێ د ده‌مێن دى دا و ب تايبه‌ت ده‌مێ برسى ئاڤێ گه‌له‌ك مفا يێ هه‌يى و دبيته ئه‌گه‌رێ هاتنه‌خوارا كێشێ ب زۆرى لاشى دئينيته خوار و به‌زى د حه‌لينيت و بزاڤێ بكه رۆژانه هه‌شت كۆپێن ئاڤێ كێمتر نه‌ڤه‌خۆيى، يان ژى به‌رى دانێن خوارنێ ئاڤێ ڤه‌خۆ، ژ لايه‌كى ڤه رێگريا گه‌له‌ك خوارنێ دكه‌ت و ژ لايه‌كێ دژى ڤه زيان نابيت.
خوارنا شرينێ ل گه‌ل دانێن خوارنێ ب هه‌مان ره‌نگ ژێده‌رێن قه‌له‌ويێ يه، چونكو شرينى پشتى دانێن خوارنێ يێن سه‌ره‌كى دبيته ئه‌گه‌رێ ژێككێشانا مه‌عده‌ى، جوداهيێ د ناڤبه‌را خوارنا دوهن كێم و كلۆريێن كێم دا بكه، مه‌رج نينه هه‌كه دوهن كێم بيت، كلۆرى ژى يێ كێم بيت.
خواردنی شیرینی له‌گه‌ڵ ژه‌مه خۆراكیه‌كاندا به‌هه‌مان شێوه سه‌رچاوه‌ی قه‌ڵه‌ویه، چونکە شیرینی پاش ژەمی خۆراکی سەرەکی یان لەگەڵیدا دەبێتە هۆی کشانی گەدە، جیاوازی له‌نێوان خواردنی كه‌م چه‌وری كه‌م كالۆریدا بكه مه‌رج نیه كه‌م چه‌وری بێت كه‌م كالۆریش بێت
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 15ى كانوونا دويێ 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1304 |
| 1 يۆرۆيێ ئه‌ورۆپى | 1375 |
| 1 ليرێ توركى | 340 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ب گۆره‌ى گۆتنێن په‌رله‌مانتاره‌كێ كورد، عه‌بادى ره‌ت كريه كو مووچێ پێشمه‌رگه‌ى بده‌ت و گۆتيه كو ئه‌وان داخواز ژ په‌كه‌كێ كريه كو شنگال چۆل بكه‌ن و ئه‌وان ژى به‌رسڤێن ئه‌رێنى هه‌بووينه و دايه زانين ژى كو هه‌كه هه‌رێمێ هه‌موو په‌ترۆلا خوه ره‌وانه بكه‌ت ژى به‌غدا ب تنێ دێ به‌هرا 650 هزار فه‌رمانبه‌ران مووچه‌ى ره‌وانه كه‌ت.
ئێڤاريا دوهى رۆژا شه‌مبى 14ى كانوونا دويێ 2017 حه‌يده‌ر عه‌بادى سه‌رۆك وه‌زيرێن عيراقێ و ئه‌ندامێن لژنا ئاسايش و به‌ره‌ڤانيێ ل جڤاتا نوونه‌رێن عيراقێ و ژماره‌كا زۆر ژ به‌رپرسێن له‌شكرى و هه‌والگه‌رى و فالح فه‌ياز شيره‌تكارێ ئاسايشا نشتيمانى كۆمبوو.
شاخه‌وان عه‌بدولا ئه‌ندامێ لژنا ئه‌منى ل جڤاتا نوونه‌رێن عيراقێ راگه‌هاند كو كۆمبوون يا ئه‌منى بوو و چه‌ندين بابه‌تێن ئه‌منى هاتنه گه‌نگه‌شه‌كرن و ژ وان ژى شه‌رێ داعش و چاوانيا پاراستنا به‌غدا و “تێدا بڕيار هاته دان كو راپۆرته‌كێ ل سه‌ر ئه‌زموونا هه‌رێما كوردستانێ و پاراستنا هه‌ولێرا پايته‌خت ئاماده بكه‌م”.
دا زانين ژى كو ده‌رباره‌ى كوردستانێ و مووچێ پێشمه‌رگه‌ى ژى داخواز ژ عه‌بادى كريه كو هه‌كه مووچێ هه‌موو پێشمه‌رگه‌ى نه‌ده‌ت ژى بلا مووچێ وى پێشمه‌رگه‌ى بده‌ت ئه‌وێ ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ د پارێزن بده‌ت، به‌لێ ره‌تكر و گۆت هه‌رێم يا په‌ترۆلا خوه دفرۆشيت و بلا ژ وى پاره‌ى مووچێ پێشمه‌رگه‌ى بده‌ت.
عه‌بادى د كۆمبوونێ دا ل دۆر هه‌بوونا په‌كه‌كێ ل چيايێ شنگال ژى گۆت كو ئه‌وان داخواز ژ په‌كه‌كێ كريه كو شنگال چوول بكه‌ن و ئه‌و وه‌لاتيێن توركن و ب تنێ وان مافێ بنه‌جهبوونێ ل سه‌ر ئاخا عيراقێ يێ هه‌ى و په‌كه‌كێ ژى به‌رسڤێن باش داينێ و گۆت: “سۆپايێ توركيا ژى دێ خوه ژ باشيك ڤه‌كێشيت”.
شاخه‌وان عه‌بدولا ئه‌نجامێن ڤێ كۆمبوونێ ب خراب وه‌سفكرن و گۆت: “پشتى شه‌رێ رزگاركرنا مووسل ئه‌و هه‌ماهه‌نگيا د ناڤبه‌را هه‌رێما كوردستانێ و عيراقێ دا نامينيت و ب قه‌ناعه‌تا من مالكى و عه‌بادى ب تنێ ناڤێن وان ژێك د جودانه”.
ئه‌ڤرۆ نيوز:
ژ ئه‌گه‌رێ سێداره‌دانا سێ گه‌نجێن شيعه ژ لايێ به‌رپرسێن به‌حرێنێ ل چه‌ند باژێرێن وى وه‌لاتى خوه‌نيشاندان ده‌سپێكرن.
سپێده‌هيا رۆژا ئێكشه‌مبى 15ى كانوونا دويێ 2017 حوكمه‌تا به‌حرێن سێ گه‌نجێن شيعه سێداره‌دان و داخوازكه‌رێ گشتى يێ به‌حرێن ژى ئه‌ڤ نووچه پشت راستكر و راگه‌هاند ئه‌وان سێ كه‌سان تۆمه‌تا تيرۆرێ ب سه‌ر دا ساخ بوويه.
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا دوكشه‌مبى رێكه‌فتى 16ى كانوونا دويێ 2017 ئه‌سمانێ دهۆكێ دێ ئه‌وره‌كێ ته‌مام بيت و پاشان هێته گوهۆڕين بۆ ئه‌وره‌كێ ناڤه‌ندى.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ كارتێكرنا فشارێن بلندێن وه‌لاتێ توركيا دهێته پێشبينيكرن ئه‌سمانێ دهۆكێ ئه‌وره‌كێ ته‌مام بيت و پاشان هێته گوهۆڕين بۆ ئه‌وره‌كێ ناڤه‌ندى.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10كم دا و ماوێ ديتنێ ژى دێ د ناڤبه‌را 9 بۆ 10كم دا بيت، پلێن گه‌رمێ ژى دێ د ناڤبه‌را 3 بۆ 12 پلان دا بن.
نيشاندان
