ئه‌ڤرۆ نيوز:
بڕياره ئه‌ڤرۆ روونشتنا پاشخستيا جڤاتا نوونه‌رێن عيراقێ يا 33ێ ئه‌ڤرۆ رۆژا شه‌مبى 31 چريا ئێكێ يا سالا 2015ێ بهێته ئه‌نجام دان ئه‌وا ژ ئه‌گه‌رێ له‌هيان ل رۆژا پێنجشه‌مبى بۆ ئه‌ڤرۆ هاتيه پاشخستن.
جڤاتا نوونه‌ران دێ ئه‌ڤرۆ دانوستاندنێ ل سه‌ر 11 بابه‌تان كه‌ت كو هنده‌ك ژ وان دێ خواندنا ئێكێ بۆ كه‌ت و هنده‌ك ژى خواندنا دويێ نه و ژ گرنگترين وان ته‌وه‌ران ژى دێ خواندنا دويێ بۆ ويلايه‌تا سێ سه‌رۆكاتيێن “كۆمار، حوكمه‌ت و په‌رله‌مان” كه‌ت و دانوستاندنێ ل دۆر خشتێ نوو يێ موچه‌ى و پارێ جۆتياران ژى كه‌ت.
پێشتر نه‌جیبا نه‌جیب ئه‌نداما لژنا دارایى و ئابوورى ل جڤاتا نوونه‌رێن عێراقێ ئاشكرا كربوو كو تێبینى و نڤیسین و خرڤه‌كرنا تێبینیان سه‌باره‌ت سیسته‌مێ نوو یێ مووچێن فه‌رمانبه‌ران یێ ب دووماهى و دێ ئه‌ڤرۆ ل جڤاتا نوونه‌ران دانوستاندن ل سه‌ر هێته كرن.
ئه‌نداما لژنا دارایى و ئابوورى ل جڤاتا نوونه‌رێن عێراقێ هه‌روه‌سا ئاشكراكر كو برگێن خراب و لاوازێن ناڤ سیسته‌مێ نوو یێ موچان هاتینه نڤیسین، و دێ دانوستاندن ل سه‌ر هێته كرن.
نيشاندان