ئەڤرۆ نیۆز،زنار تۆڤی:
بەرسڤا پرسیارێن ئەڤرۆ یێن بابەتێ زمانێ ئنگلیزی یێن پۆلا “9” بنەرەتی،کو ئەڤرۆ ل 19.6.2017 ئەڤ ئەزموونە هاتیە ئەنجامدان.
بەرسڤا پرسیارێن بابەتێ زمانێ ئینگلیزیێ یێن پۆلا “9”
نووترين نووچه
- سەرۆك بارزانی و نێچیرڤان بارزانی و مەسرور بارزانی سەرەخوەشیێ ل قوربانیێن ئاگرێ توركیا دكەن
- نێچیرڤان بارزانی دوپاتیێ ل پێشڤەبرنا پەیوەندییان ل گەل هۆلەندا دكەت
- سەرۆكێ حوكمەتا هەرێمێ ل گەل چەندین سەركردە و بەرپرسێن وەلاتێن جیهانێ ل داڤۆسێ كۆم دبیت
- شاندێ هەولێرێ و بەغدایێ دوپاتیێ ل چارەسەركرنا كێشەیا مووچەیێ فەرمانبەرێن هەرێمێ دكەن
- هەلوەشاندنا بڕیارێن ڕژێما بەعسا ژناڤچووی پێنگاڤەكا گرنگ و پێدڤی بوو
- سەرۆک بارزانی داخواز کر کو ئاستەنگێن د ناڤبەرا مە و هەسەدێ دا نەهێلین
- سەرۆك بارزانی دوپاتیێ ل ئێكڕێزییا كوردان ل سووریێ دكەت
- قونسلێ ئیتالیا بۆ نێچیرڤان بارزانی: گرنگییێ ب پەیوەندیێن خوە ل گەل هەرێما كوردستانێ د دەین
- ئارمانجا مە پێشئێخستنا ژێرخانەیا ئابوورییا هەرێما كوردستانێ یە
- دیدار و كۆمبوونێن سەرۆكێ حوكمەتا هەرێما كوردستانێ ل داڤۆس
سهرهكى Facebook
شڤانەکێ ئێزدی ل چیایێ شنگالێ هاتە کوشتن
ئەڤرۆ نیۆز،زنار تۆڤی:
ژێدەرکێ هایدار بناڤێ خدر دیرۆ خانەسۆری بۆ ئەڤرۆ نیۆز دا دیارکرن:کو ل دەمژمێر 3 ئێڤاریا رۆژا دوشەمبی 19.6.2017 کەسەکێ ئێزدی بناڤێ”س،ع،م”کو شڤانێ پەزی بوو ل دڤەرا سەردەشتێ ل چیایێ شنگالێ،ژلایێ هندەک چەکدارێن نە نیاس ڤە تەقە لێ هاتیە کرن و د جهدا کوشتیە،هەروەسا ئەو چەکدار رەڤینە و ناسناما وان نەهاتیە زانین،ئەو ژی گۆتیە:کو ل هەیڤێن بوری ژی دا هندەک حالەتێن ب ڤی رەنگی رووداینە.
ل دوماهیا ئه‌ڤ ساله دێ ئه‌لبۆما خوه یا نوو به‌لاڤكه‌ت
ئه‌ڤرۆ نیۆز،زنار تۆڤى:
سترانبێژێ باكۆرێ كوردستانێ ئاراس ئه‌رده‌لان د هه‌ڤپه‌یڤینه‌كێ دا بۆ ئه‌ڤرۆ نیۆز دیاركر:هه‌ر زوو حه‌زا سترانگۆتنێ ل ده‌ف من په‌یدا بوویه،هه‌روه‌سا ل ده‌ستپێكا كارێ من یێ سترانگۆتنێ دا من چه‌ندین ستران ب شێوه‌كێ ساده ل گه‌ل ئامیرێ سازێ گۆتینه و من كرینه د مالپه‌رێن جڤاكى دا و ب ڤى ره‌نگى ئه‌ز شیام هونه‌رێ خوه بۆ خه‌لكێ كوردستانێ ب ده‌مه نیاسین و ل دووڤ دامن سێ كلیپ ب ره‌نگه‌كێ پرۆفشیۆنال چێكرینه،هه‌روه‌سا ئه‌ز سترانان ب شێوه‌زارێ زازاكى ژى دبێژم و د سترانێ دا هه‌رده‌م من ڤیایه ئه‌ز ئێش و ئازارێن جڤاكێ خوه ب ده‌مه دیاركرن،ئاراس هێشتا دبێژیت:نوكه ئه‌ز مژوولى چێكرنا ئه‌لبۆما خوه یا نوو مه یا ب ناڤێ”ئه‌ز خه‌لكێ كوردستانێ مه” كو دێ ل دوماهیا ئه‌ڤ ساله دا كه‌ڤیته بازارى و چه‌ندین ستران ژى من تۆمار كرینه،هه‌روه‌سا پرانیا سترانێن خوه من په‌یڤ و ئاواز داناینه و دیسا من گه‌له‌ك په‌یڤ و ئاواز داینه چه‌ندین سترانبێژێن كورد ل هه‌موو پارچێن كوردستانێ،گۆت ژى:ئه‌ز ئامیرێ سازێ و گیتارێ دژه‌نم و هه‌روه‌سا ژه‌نینا ڤان هه‌ردو ئامیران گه‌له‌ك هاریكاریا من دكه‌ت بۆ دانانا ئاوازێن سترانان.
ئاراس ئه‌رده‌لان خه‌لكێ باژێرێ وانێ یه ل باكۆرێ كوردستانێ و چه‌ندین سالان ل ئورۆپا ژیایه و نوكه ژى ل باژێرێ سته‌نبۆلێ ل توركیا دژیت.
زێدەتری 60 رێکخراوان پشتەڤانیا خوە بو ریفراندۆمێ راگەھاند
ئەڤرۆ نیوز ، نەوزاد ھلۆری:
ب مەرەما پشتەڤانیکرن و ھوشیارکرنا وەلاتیان ، ئەڤرۆ دکەمپینەکێ دا 60 رێکخراوێن کوردستانێ پشتەڤانیا خوە بۆ ریفراندۆمێ راگەھاند و رێکخەرێ ئەوێ کەمپینێ ژی دیارکر کو رۆژ بۆ رۆژێ ھژمارا رێکخراوان دکەمپینا وان دا زێدەتر دبیت و ئەرکێ وان دێ بیتە ھوشیارکرنا جڤاکی داکو ب بەلێ پشکداریێ د ریفراندۆمێ دا بکەن.
دڤی واریدا ھیوا سابر رێکخەرێ لژنا بلند یا کەمپینا پشتەڤانیکرنا ریفراندۆمێ یا رێکخراوێن جڤاکێ سڤێل بۆ ئەڤرۆ نیوز گۆت: (ئەنجامدانا ریفراندۆمێ بۆ دیارکرنا چارەنڤیسێ گەلێ کوردە و مافێ ھەر کوردەکێ یە و نابیت ببیتە پروسە و بەرنامەیەکێ سیاسی و حزبی و خواندنێن شاش بۆ بکەن ، ژبەرڤێ مە وەکو رێکخراوێن جڤاکێ سڤێل ب فەردیت کو کەمپینەکێ بۆ ھوشیارکرنا وەلاتیان بۆ پشتەڤانیکرنا ریفراندۆمێ ئەنجام راگەھینین کو ھەتا نھا زێدەتری 60 رێکخراوێن ھەرێما کوردستانێ پەیوەندی ب کەمپینا مە کریە و رۆژ بۆ رۆژێ ژی ھژمارا وان زێدەتر دبیت)
زێدەتر گۆت: (ژبەر زور بوونا ھژمارا رێکخراوان مە بریاردا کو ژ ئەڤرۆ وێڤە دەست ب ئەنجامدانا چالاکیێن جوداجودا ژ بۆ پشتەڤانیکرنا ریفراندۆمێ ل ھەموو کوردستانێ بکەین ، ژبەرڤێ گرنگە دامەزراوەێن حکومی و حزبی و رێکخراوێن جڤاکێ سڤێل و دەزگەھێن دن رولەکێ کارا ببینن بۆ سەرئێخستنا ریفراندۆمێ)
رێکخەرێ کەمپینا ناڤبری دیارکر ژی کو ھەر کوردەکێ خوزیا وی ئەوە کو سەربخوە بھێتە راگەھاندن و و گۆت ژی: (ژبەر سەدەما ناکوکیێن سیاسی و شەر و ئالوزی و قەیرانان خەلک کەفتیە ھەڤدژەکا دوولایەنی دا ، ژبەرڤێ ئەم پێدڤی دزانین کو لایەنێن شولەژێ ب ئەرکی َھوشیارکرنا جڤاکی رابن ب تایبەتی رێکخراوێن جڤاکێ سڤێل ، ژلایەکێ دنڤە لایەنێن سیاسی دناڤبەرا خوە دا دانوستاندنا بکەن و ناکویێن خوە نەھێلن و دامەزراوەیێن قانونی و شەرعی کارا بکەن ڤە ، ژبەرکو ئەو قوناغا نھا بۆ ئەنجامدان و سەرئێخستنا ریفراندومێ ھاتیە پێش دبیت دووبارە نەبیت ڤە)
ھیوایی د درێژاھیا ئاخفتنێن خودا دیارکر ژی کو قەیرانا دارایی ژلایێ ھندەک ھێزێن دەرەکی بو ھەرێما کوردستانێ درۆستکریە و دڤێت وەلاتی ڤێ یەکێ ب بھانە نەبینن بو پشکدارینەکرن د ریفراندۆمێ و زێدەتر گۆت: ( پێدڤی یە ھەموو لایەنێن سیاسی و پەیوەندیدار ب زوترین دەم کار بکەن بۆ خوشکرنا بارێ ژیانا وەلاتیان و خزمەتگوزاری و موچەیان بو دابین بکەن کو ئەڤ یەک ژی مافەکێ سرۆشتیێ وایە و حکومەت و لایەنێن شولەژێ چوو منەتان ژ وان ناکەن)
فه‌ره‌یدون عه‌بدولقادر:لاهۆر شێخ جه‌نگی هێرش ل من کرینە
ئەڤرۆ نیۆز،عه‌زیز ره‌سوڵ هه‌ورامانی:
فه‌ره‌یدون عه‌بدولقادر ئەندامێ بەرێ یێ مەکتەبا سیاسیا ئێکەتیێ راد‌گه‌هینیت کو لاهۆر شێخ جه‌نگی به‌رپرسێ ده‌زگەهێ دژه تیرۆرا ئێکەتیێ هێرش ل من کرینە،من ژی کۆنسلێ بریتانیا ل سەر ڤی بابەتی هایدارکریە.
فەرەیدون عه‌بدولقادر گۆتیە ژی لاهۆر شێخ جه‌نگی نامەیەک بۆ من ڤرێکریە و تێدا نڤێسییە تە بۆچی بەحسێ من کریە و هەروەسا نوکە ئەز یێ ل دەرڤەی وەلاتی و هەر دەمێ ئەز هاتم،دێ ڤێ حسابێ ل گەل تە کەم،گۆتیە ژی:من کۆنسلخانا بریتانیا ل سەر بابەتی هایدارکریە،چونکی من رەگەزناما بریتانی هەیە.
سه‌رۆكێ كۆمه‌لا هیڤى: حكومه‌ت و خه‌لكێ كازاخستانێ دێ دانپێدانێ ب ده‌وله‌تا كوردستانێ كه‌ن
ئه‌ڤرۆ نیۆز،زنار تۆڤى:
دكتۆر محه‌مه‌د ئه‌حمه‌د به‌رازى به‌رپرسێ كۆمه‌له‌یا هیڤى یا كوردان ل كازاخستانێ د هه‌ڤپه‌یڤینه‌كێ دا بۆ ئه‌ڤرۆ نیۆز دبێژیت:ل سالا 2008 مه كۆمه‌لا هیڤى ل كازاخستانێ دامه‌زراندیه و ئه‌ڤ كۆمه‌له نه یا حكومیه و مه فه‌رمانا كارگێرى ژ وه‌زاره‌تا ناڤخوه و وه‌زاره‌تا داد یا كازاخستانێ وه‌رگرتیه و مه‌ره‌م ژ دامه‌زراندنا ڤێ كۆمه‌لێ ئه‌و بوو،كو ئه‌م دۆزا كوردان بۆ خه‌لكێ كازاخستانێ بده‌ینه دیاركرن،هه‌روه‌سا ئه‌م شیاینه چه‌ندین شاندێن كازاخستانى ل سه‌ر هه‌موو ئاستان بینینه هه‌رێما كوردستانێ و ژ كوردستانێ ژى ب به‌ینه كازاخستانێ،دیسا ئه‌م شیانه په‌یوه‌ندیێن باش دناڤبه‌را هه‌ردو لایان دا دروست بكه‌ین و هه‌روه‌سا دڤێ كۆمه‌لێ دا ئه‌م شیاینه هه‌تا رادایه‌كێ باش دیرووك و شارستانیه‌تا كوردان بۆ خه‌لكێ كازاخستانێ بده‌ینه دیاركرن،ناڤهاتى زێده‌تر دبێژیت:مه وه‌ك كۆمه‌لا هیڤى ل جه‌م د وه‌زاره‌تا ده‌رڤه و وه‌زاره‌تا ره‌وشه‌نبیرى و په‌رله‌مانى و خه‌لكێ وى وه‌لاتى ژى مه به‌حسێ ریفراندۆمێ و سه‌ربخۆیا كوردستانێ كریه،هه‌روه‌سا حوكمه‌ت و خه‌لكێ وى وه‌لاتى ژى ب ره‌نگه‌كێ ئه‌رێنى ته‌ماشه‌ى ڤى بابه‌تى كریه و خه‌لكێ وان گۆتیه كوردستان ل كیژ قولاچكا جیهانێ بیت،ئه‌م دێ پشتگیریێ لێ كه‌ین،هه‌روه‌سا خه‌لكێ كازاخستانێ حه‌ز ژ ملله‌تێ كورد دكه‌ن و دخوازن ئه‌م ب بینه ده‌وله‌ت،هه‌روه‌سا حوكمه‌ت و خه‌لكێ وان گۆتیه،هه‌ر ده‌مێ كوردستانێ سه‌ربخۆیا خوه وه‌رگرت ئه‌و دێ دانپێدانێ ب ده‌وله‌تا وان كه‌ین،هه‌روه‌سا كوردێن كازاخستانێ ژى هه‌موو ل گه‌ل سه‌ربخۆیا كوردستانێ نه و یێن ل هیڤیا ده‌وله‌تا كوردى،هه‌روه‌سا گۆت:هه‌تاكو نوكه مه 13 كۆنفرانس ل سه‌ر ره‌وشا كوردستانێ ل وه‌لاتێ كازاخستانێ ئه‌نجامداینه،ملله‌تێ وان ژى حه‌ز دكه‌ن كو په‌یوه‌ندى دناڤبه‌را كوردستانێ و وه‌لاتێ وان دا هه‌بیت.
هێشتا دبێژیت:خه‌لكێ كازاخستانێ یێ به‌رهه‌ڤه هه‌موو هاریكاریان پێشكیشى خه‌لكێ كوردستانێ بكه‌ن د ده‌مێ ریفراندۆمێ دا،هه‌روه‌سا چ بكه‌ڤیته سه‌ر ملێن مه ژى ئه‌م وه‌ك كۆمه‌لا هیڤى دێ هێین پێشكێشى خه‌لكێ خوه كه‌ین ل ده‌مێ ریفراندۆمێ دا ل كوردستانێ.
فەرماندەکێ سەربازی یێ داعش ل مۆسل هاتە کوشتن
ئەڤرۆ نیۆز،زنار تۆڤی:
فەریق رائید شاکر جەودەت فەرماندێ هێزێن پۆلیسێن فیدرالی ل عێراقێ دا دیارکرن:کو ل چەندین جهان پۆلیسێن فیدرالی چووینە دناڤ باژێرێ کەڤندا ل مۆسلێ و ل دووڤ وێ پلانا هاتیە دانان هێزێن عێراقی د پێشرەویێ دانە،ژ پێخەمەت هێزێن مە کونترۆلێ ل سەر کۆلانێن تەنگ بکەن ب هەڤکاریا فرۆکان و فرۆکێن سیخۆریێ،هەروەسا گۆت ژی:ئەم شیاینە مزگەفتا هادین رزگار بکەین و هێزێن پۆلیسێن فیدرالی ئەڤرۆ فەرماندەیەکێ سەربازی یێ داعشێ بناڤێ ئەبوبەکر مسری ل باب جەدید کوشتیە.
موسل – رۆژنامەڤانەکێ کورد ھاتە شەھیدکرن
ئەڤرۆ نیوز:
پشتی نیڤرویا ئەڤرۆ ل موسلا کەڤن رۆژنامەڤانەکێ کورد بناڤێ “بەختیار حەداد ” ژبەر سەدەما تەقینا بومبەکا چاندی ھاتە شەھیدکرن.
ل گورەی زانیاریان ، رۆژنامەڤان بەخیتار وەکو وەرگێر ل گەل ستافەکێ رۆژنامەڤانێن فەرەنسی کاردکەت و پشتی دەست پێ کرنا شەرێ موسلا کەڤن ل گەل ستافی رۆژنامەڤانێن فەرەنسی دچیتە جھێ روودانێ.
دھێتە زانین کو ل دەمێ دەست پێ کرنا شەرێ موسل ھەتا نھا دوو رۆژنامەڤانێن کورد ل موسل ھاتینە شەھیدکرن کو ئەو ژی شیفا گەردی و بەختیار حەداد بوون ، و ھندەک ژی ل دەڤەرێن ئازادکریێن کوردستانێ ، ئەڤە سەرەای کو ھژمارەکا رۆژنامەڤانان ژی ھاتینە بریندارکرن.
سەروک وەزیرێن عیراقێ سەرەدانا سعودیێ کر
ئەڤرۆ نیوز:
ئەڤرۆ دوو شەمبی ب سەرەدانەکا فەرمی حەیدەر عەبادی سەروک وەزیرێن عیراقێ گەھشتە سعودیێ و ژلایێ رایەدارێن وی وەلاتی ھاتە پێشوازیکرن.
ل گورەی بەیاننامەیەکێ ژ نڤیسینگەھا سەروکوەزیرێ عیراقێ ، عەبادی دێ ل گەل رایەدارێن سعودیێ بەحس گەلەک تەوەران کەت ، ئێک ژ وانان شەرێ تیرورستێن داعشێ یە داکو ئارامیەکا زێدەتر ل عیراقێ درۆست ببیت.
سوبەھی وێڤە راڤەکرن و گرتنا ماسیان درۆستە
ئەڤرۆ نیوز ، نەوزاد ھلۆری:
وەزارەتا چاندن و ژێدەرێن ئاڤێ یا حکومەتا ھەرێما کوردستانێ بریار دا کو سوبەھی وێڤە راڤەکرنا ماسیانب شێوەیێن رێکپێدایی درۆستە و رێپێدایە.
ل گورەی نڤیسارەکا وەزارەتا چاندن و ژێدەرێن ئاڤێ یا حکومەتا ھەرێما کوردستانێ کو ئیمزا ئازاد ئەحمەد عەلی رێڤەبەرێ گشتیێ سامانێن ئاژەلی و ڤیتەرنەری ب وەکالەت لسەرە و ئاراستەیێ ھەموو رێڤەبەریێن پەیوەندیدار کریە و دانەیەک بۆ ئەڤرۆ نیوز ھنارتیە ، بریار ھاتیەدان کو سوبەھی وێڤە راڤەکرنا ماسیان درۆستە و رێپێدایە و زێدەتر ھاتیە: ( ب ھەلکەفتا جەژنا رەمەزانا پیروز و بو بەرژەوەندیا گشتی رۆژا ٢٠/٦/٢٠١٧ وێڤە راڤەکرن و گرتنا ماسیان ب شێوەیێن رێکپێدایی درۆستە و بریار دێ کەڤیت دوارێ بجھکرنێ دا)
دھێتە زانین کو سالانە ل ھەرێما کوردستانێ بو دەما سێ ھەیڤان راڤەکرنا ماسیان دھێتە قەدەغەکرن ژ رۆژا ٢٢/٣ ھەتا ٢٠/٦ ھەموو سالان.
نيشاندان
WP Facebook Auto Publish Powered By : XYZScripts.com