ئه‌ڤرۆنیوز، ئه‌یاد به‌روارى
وه‌زیره‌كێ عیراقی پێشبینیا وێ چه‌ندێ دكه‌ت كو ژبه‌ر به‌رده‌وامبوونا شه‌ڕێ دژی رێكخستیا داعش یا تیرۆرستی و نزمبوونا بهایێن په‌ترۆلێ، عیراق تووشی گرفته‌كا مه‌زن ببیت ل مه‌ها بهێت.
باقر زوبه‌یدی وه‌زیرێ ڤه‌گوهاستنێ ل عیراقێ و ئێك ژ سه‌ركردێن جڤاتا بلند یا ئیسلامی ب سه‌رۆكاتیا عه‌مار ئه‌لحه‌كیم دیاركریه‌” به‌رده‌وامبوونا هاتنا خوارێ یا بهایێن په‌ترۆلێ ل بازارێن جیهانی ب رێژا 60% و به‌رده‌وامبوونا مه‌زاختیێن دراڤی د شه‌ڕێ دژی داعشێ دا پێدڤی ب پێرابوونێن بابه‌تی نه‌ بۆ كێمكرنا مه‌زاختیێن گشتی ب رێژا نه‌ كێمتر ژ 60%”.

ئه‌ڤرۆ نیۆز، قائید میرۆ

فه‌رمانده‌كێ پێشمه‌رگه‌ی ئاشكراكر، ئه‌ف ئاریشا ل شنگالێ دگه‌ل چه‌كدارێن په‌كه‌كێ هه‌ی هاتیه‌ چاره‌سه‌ركرن و نوكه‌ رێیا ناڤبه‌را شنگال و رۆژئاڤا هاتیه‌ ئاساییكرن.
عه‌قید نادر خه‌مۆ، فه‌رماندێ پێشمه‌رگه‌ی ل میحوه‌رێ شنگالێ ب ئه‌ڤرۆ نیۆز راگه‌هاند” راسته‌ به‌ری نوكه‌ په‌كه‌كێ هنده‌ك ئالۆزی چێكربوون ل ده‌ڤه‌رێ و ره‌وش یا باش نه‌بوو، به‌لێ دده‌مێ نوكه‌دا ئه‌ف ئاریشه‌ هاتینه‌ چاره‌سه‌ركرن و چه‌كدارێن په‌كه‌كێ ده‌ربازی ده‌ڤه‌را چیایێ شنگالێ بووینه‌.
خه‌مۆی دیاركر، ئه‌ڤرۆ چو پێكدادان ل شنگالێ دناڤبه‌را پێشمه‌رگه‌ و چه‌كدارێن داعش چێنه‌بووینه‌، به‌لێ هێزێن پێشمه‌رگه‌ی د ئاماده‌باشیێ دانه‌ بۆهه‌ر به‌رسڤا هه‌ر هێرشه‌كا تیرۆرستان.

ئه‌ڤرۆ نیوز:
وه‌‌زاره‌‌تا كار و كاروبارێن كومه‌‌لایه‌تی ل هه‌‌رێما كوردستانێ راگه‌‌هاند رێژا بێكاریێ 2.5% بلندبوویه‌ د ماوێ دوو سالێن بوری دا ، ل ئیسال گه‌‌هشتیه‌‌ 9% ژ ئه‌‌گه‌‌رێ قه‌‌یرانا دارایی یا هه‌‌رێم تێدا دبوریت .
خه‌‌لكێ هه‌‌رێما كوردستانێ نوكه‌‌ نێزیكی 5.5 ملیۆن كه‌‌سن ، ژ وانا 40% یێن د ژیێ كاری دا دناڤبه‌را 15-65 سالی ل هه‌‌ردوو كه‌‌رتێن گشتی و تایبه‌‌ت كاردكه‌‌ن ، دهێته‌ خه‌ملاندن ب 2.17 ملیۆن كه‌‌سان .
عارف حیتو رێڤه‌به‌‌رێ گشتیێ كارو ده‌سته‌‌به‌‌ركرنا كۆمه‌‌لایه‌‌تی ل وه‌‌زاره‌‌تی د به‌‌یاننامه‌‌كا روژنامه‌‌ڤانی دا گوت:رێژا بێكاریێ ل هه‌رێما كوردستانێ بلند بوون گه‌هشتیه‌ 2.5% تۆماركریه‌‌ د دوو سالێن بوری دا ، ل سالا 2013 رێژه‌‌ 6.5% بوو ، ل ئیسال‌ بۆ رێژا 9% بلند بوویه‌‌، ل دۆر ئه‌گه‌‌رێن بێكاریێ ژی ناڤبری دیاركر ژبه‌‌ر قه‌‌یرانا دارایی ، راوه‌‌ستیانا پتریا پرۆژێن به‌‌لێنده‌‌ر و وه‌به‌‌رهێنانێ ، گیروبوونا مووچێن حوكمه‌تێ ، راوه‌‌ستیانا دانا پێشینه‌یێن دارایی ڤه‌دگه‌رن،ژمارا كه‌‌سێن بێكار ل دووڤ وان رێژێن وه‌‌زاره‌‌تێ راگه‌هاندین نێزیكی 195 هزار كه‌‌سن ، و دسه‌‌ر بلندبوونا رێژێن بێكاریێ ل هه‌‌رێمێ ، تۆماركرنا هاتنا كرێكارێن بیانی د بلندبوونێ دایه‌‌ ، ل د‌ووڤ ئامارێن وه‌‌زاره‌‌تێ د نیڤا ئێكێ یا ئیسال ‌دا ، هاتنا 13.2 هزار كرێكارێن بیانی بۆ ناڤ هه‌‌رێمێ هاتینه‌ تۆماركریه‌‌ ، و ده‌لێڤین كاری بۆ هاتینه‌ دان ژلایێ دام و ده‌‌زگا و لایه‌‌نێن جودا جودا ڤه‌‌ .
وه‌‌زاره‌‌تا كار و كاروبارێن كومه‌‌لایه‌‌تی مه‌‌رج داناینه‌‌ بۆ هه‌‌ر كۆمپانیه‌‌كا دڤێت كرێكارێن بیانی بینیته‌‌ هه‌‌رێمێ ، دڤێـت رابیت به‌لاڤكرنا ریكلامه‌‌كێ د روژنامه‌‌كا ناڤخویی بۆ ده‌‌لیڤین كاری یێن پێدڤی و شیان و مووچێن وان كرێكاران بۆ ماوێ 15 رۆژان به‌‌رده‌‌وام دا ، بۆ ره‌‌خساندنا ده‌‌لیڤێ بۆ كرێكارین ناڤخویی،هه‌‌روه‌‌سا ل دۆر ڤێ بابه‌‌تی سه‌ندیكا كرێكارا ل هه‌‌رێمێ بیێ چ ژماره‌‌كێ ئاشكرا بكه‌‌ت ، به‌لێ گۆمان ژ ڤان ژماران دڤێت یێن حوكمه‌تێ راگه‌هاندین و دبێژیت كو ئه‌‌ڤه‌‌ كێمترن ژ رێژێن دروست.

ئه‌ڤرۆ نیوز:
عه‌بدولخالق بابیرى، ئه‌ندامێ سه‌ركردایه‌تیا پارتى و به‌رپرسێ لقێ ئێك دیار كر
پارتى ڤییا ڤێ پێنگاڤێ بهاڤێژیت و ئه‌ڤ دانوستاندنه‌ دگه‌ل یه‌كگرتوو هاتنه‌كرن و پێش ره‌وشا ڤێ دووماهیێ بووینه‌ و هه‌كه‌ نه‌، پارتى دیمۆكراتى كوردستان مه‌جبور نینه‌ لایه‌نه‌كی بكه‌ته‌ هه‌ڤپشك د حوكمه‌تا خۆجهى دا و پارتى پتر دو پشكێن ده‌نگان ل سنوورێ دهۆكێ بۆ جڤاتا پارێزگه‌هێ ئیناینه‌ و پارتى دشێت ئارام حوكمه‌تا خۆجهى پێك بینیت و كارێ خوه‌ ئه‌نجام بده‌ت.
عه‌بدولخالق بابیرى دیار كر ژى، بڕیار یا سه‌ركردایه‌تیا پارتى و ب رازیبوونا هه‌موو لقێن پارتى ل دهۆكێ بوویه‌ كو باشه‌ یه‌كگرتوو پشكدارى حوكمه‌تا خۆجهى یا دهۆكێ ببیت و گۆت “پارتى چ كێشه‌ نینن كو لایه‌نێن دى یێن سیاسى ژى ژبلى گۆران پشكداریێ بكه‌ن، به‌لێ ژینگه‌ه پتر هاریكاربوو كو دانوستاندن ل به‌راهیێ ل گه‌ل یه‌كگرتوو بهێنه‌ كرن”.

ئه‌ڤرۆ نیوز:

پشتى كو دوهى ب بریاره‌كا سه‌رۆكێ حكومه‌تا هه‌رێما كوردستانێ جهێ وه‌زیرێن گوران ب چه‌ند وه‌زیرێن دى هاتیه‌ پركرن، ده‌نگڤه‌دانا سیاسى و میدیا لێ په‌یدابوو و ئه‌ندامه‌كێ مه‌كته‌با سیاسى یا ئێكه‌تیێ راگه‌هاند” ئێكه‌تى دێ ل سه‌ر وێ پرسێ كوم بیت”.
سه‌عدى ئه‌حمه‌د پیره‌ ئه‌ندامێ مه‌كته‌با سیاسى یا ئێكه‌تیێ راگه‌هاند كو وان هه‌ر ل ده‌ستپێكێ راگه‌هاندیه‌ كو ئه‌و جهێ وه‌زیرێن گۆران پر ناكه‌ن.