ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 20ى كانوونا ئێكێ 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1310 |
| 1 يۆرۆيێ ئه‌ورۆپى | 1370 |
| 1 ليرێ توركى | 370 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ژ ئه‌نجامێ وێ پێلا ل دووماهيا حه‌فتيا بۆرى ب سه‌ر هه‌رێما كوردستانێ دا هاتى و به‌رده‌وامى ب خوه ڤه‌گرتى هه‌تا ئه‌ڤرۆ، ل چه‌ندين ده‌ڤه‌رێن جودا يێن هه‌رێما كوردستانێ ب رێژێن جودا به‌فر و باران بارين، ده‌ڤه‌را سه‌رسنك ژى ئێك ژ وان ده‌ڤه‌رايه يێن ب به‌ر وێ پێلێ كه‌فتى و به‌فره‌كا زۆر لێ بارى.
ئه‌ڤێن ل خوارێ چه‌ند ديمه‌نێن به‌فرێ نه يێ ده‌ڤه‌را سه‌رسنك كو ئێك ژ هه‌ڤالێن ئه‌ڤرۆ نيوز ب ناڤێ “هه‌كار به‌روارى” ره‌وانه كرينه.
ئه‌ڤرۆ نيوز:
كه‌ژێ هاوتا ئه‌سعه‌د ده‌ست ب كارێ چێكرنا ريكلامێن بازرگانى كر و دا زانين ژ نوكه پێڤه هه‌كه ريكلامێن هه‌ژى هه‌بن دێ ئه‌كته‌ريێ تێدا كه‌ت.
كه‌ژێ د نووترن كارێ خوه دا، ل ئێك ژ ئۆتێلێن گه‌شتيارى يێن سلێمانيێ ريكلامه‌ك بۆ جۆره‌كێ مۆبايلێ وێنه كريه و بڕياره د داهاتيه‌كێ نێزيك دا بهێته به‌لاڤكرن.
د ڤێ ده‌ربارێ دا راگه‌هاند كو وێ كارێ ريكلامێ بۆ ب ده‌ستڤه‌ئينانا داهاتێ كارێن خوه يێن هۆنه‌رى كريه و گۆت: “هه‌كه ريكلامه‌كا ژ هه‌ژى هه‌بيت دێ كه‌م”.
سترانبێژا جوان و گه‌نج دا زانين ژى كو ئه‌و ريكلاما وێ كرى به‌هرا دو سالێن دى يێن داهاتێ كارێن وێ يێن هۆنه‌رى هه‌يه و گۆت: “نه‌شێم ئاشكه‌را بكه‌م كا ب چه‌ندێ من ئه‌ڤ ريكلامه كريه”.
ئه‌ڤرۆ نيوز:
دادگه‌ها بلندا فيدرال، ئه‌ڤرۆ رۆژا سێشه‌مبى بڕيارا ره‌تكرنێ ل سه‌ر تانا ژ لايێ هشيار زێبارى ڤه ل دۆر دستوورى نه‌بووينا ژ كارلادانا وى وه‌كو وه‌زيرێ دارايى هاتيه پێشكێشكرن دا.
ئاخفتنكه‌رێ فه‌رميێ ب ناڤێ ده‌سته‌لاتا قانوونا فيدرال دادوه‌ر عه‌بدولستار بريقه‌دار د به‌ياننامه‌كێ دا كو دانه‌ك ب ده‌ست ئه‌ڤرۆ نيوز كه‌فتيه راگه‌هاند: “دادگه‌ها بلندا فيدرال ته‌ماشه‌ى تانا دستوورى نه‌بوونا ژ كارلادانا وه‌زيرێ دارايى پشتى لێپرسينا وى كر”.
زێده‌تر گۆت: “دادگه‌هێ دياركر كو د ماوێ وان حه‌فت رۆژێن ئاماژه پێكرى يێن مادێ (61\حه‌ف\ج) ژ دستوورى يێن گرێداى ماوێ ناڤبه‌را داخوازا لێپرسينێ و رازيبوونێ، ئه‌نجامدانا لێپرسينێ ب ره‌نگه‌كێ پراكتيكى ب مه‌ره‌ما شيانێن وه‌زيرى بۆ به‌رسڤدان و به‌لگه‌يان”.
بريقه‌دار ئاماژه ب وێ چه‌ندێ ژى كريه كو ئه‌ڤ مادده سزايه يێ هاتيه سه‌پاندن ژ به‌ر كو به‌رسڤێن وى قه‌ناعه‌تێ بۆ ئه‌ندامێن جڤاتا نوونه‌ران چێناكه‌ت، به‌لكو ده‌نگدان ب گۆتنا باوه‌رى نه‌بوونێ ب گۆره‌ى ديتنا ئه‌ندامێن جڤاتێ بوويه سه‌ره‌راى ئه‌و ماوێ د ناڤبه‌را به‌رسڤ و دانا بڕيارا جڤاتێ دا، “ژ به‌ر هندێ ژى دادگه‌هێ بڕيارا ره‌تكرنا تانێ دايه”.
وه‌زيرێ دارايى هشيار زێبارى به‌رى نوكه داخوازا تانێ ژ دادگه‌ها بلندا فيدرال كربوو ب مه‌ره‌ما دستوورى نه‌بوونا وه‌رگرتنا باوه‌ريێ ژ وى ژ لايێ جڤاتا نوونه‌رێن عيراقێ وه‌كو وه‌زيرێ داراى ل 21ى ئيلۆنا 2016ێ ب پتريا ده‌نگان.
ئه‌ڤرۆ نيوز:
د به‌ياننامه‌كێ دا نڤيسينگه‌ها سه‌رۆك كۆمارێ عيراقێ راگه‌هاند كو فوئاد مه‌عسوم قانوونا حه‌شه‌د شه‌عبى ئيمزا كر.
پشتى كو به‌رى ماوه‌كى جڤاتا نوونه‌رێن عيراقێ پرۆژێ قانوونا حه‌شه‌د شه‌عبى ب پتريا ده‌نگان ده‌رباز كرى، نه‌رازيبوونه‌كا زۆر يا سونان لێ كه‌فت، قانوون ره‌وانه‌ى سه‌رۆكاتيا كۆمارى كر بۆ په‌سه‌ندكرنێ.
ب گۆره‌ى دستوورێ عيراقێ هه‌ر قانوونه‌كا جڤاتا نوونه‌ران په‌سه‌ند بكه‌ت، دێ بۆ سه‌رۆكاتيا كۆمارى هێته ره‌وانه‌كرن بۆ په‌سه‌ندكرنێ و هه‌كه د ماوێ 15 رۆژان دا سه‌رۆكاتى په‌سه‌ند نه‌كه‌ت، ب گۆره‌ى دستوورى و قانوونێ ب په‌سه‌ند دهێته هژمارتن و كار پێ دهێته كرن.
قانوونا حه‌شه‌د شه‌عبى ل 26ى هه‌يڤا بۆرى ل جڤاتا نوونه‌رێن عيراقێ هاته په‌سه‌ندكرن دا كو ده‌سته‌يا حه‌شه‌د شه‌عبى كو ژ چه‌ند گرۆپه‌كان پێك هاتيه ژ هێزه‌كا ميليشيا بكه‌نه هێزه‌كا قانوونى و سه‌ر ب فه‌رمانده‌يا هێزێن چه‌كدارێن عيراقێ بيت.
ئه‌ڤرۆ نيوز:
ب گۆره‌ى راگه‌هاندنه‌كا رێڤه‌به‌ريا گشتيا كه‌شناسيا هه‌رێمێ، ده‌مژمێر 3ى سپێده‌هيا ئه‌ڤرۆ يه‌كا تۆماركرنا نزمترين پلا گه‌رماتيێ ل حاجى ئۆمه‌ران رۆژهه‌لاتێ پارێزگه‌ها هه‌ولێر، نزمترين پلا گه‌رماتيێ ل سه‌ر ئاستێ هه‌رێما كوردستانێ تۆماركر كو گه‌هشته -14 يلێن سليزى د بن سفرێ دا.
به‌رى نوكى نزمترين پلا گه‌رماتيێ ل پارێزگه‌ها دهۆك هاتبوو تۆماركرن ل ده‌ڤه‌را كانى ماسێ ل باكوورێ پارێزگه‌ها دهۆك كو ل 3ى كانوونا دويێ 2016 ده‌ما گه‌هشتيه -13 پلێن سليزى د بن سفرێ دا.
فازل ئيبراهيم رێڤه‌به‌رێ گشتيێ كه‌شناسى و بيڤه‌له‌رزێ ل هه‌رێما كوردستانێ د داخۆيانيه‌كێ دا راگه‌هاند كو ئه‌و پێلا ئه‌ڤه چه‌ند رۆژه ب سه‌ر هه‌رێما كوردستانێ دا هاتى ب دووماهى هات، به‌لێ ل ده‌سپێكا حه‌فتيا بهێت دێ پێله‌كا دى يا به‌فر و بارانێ ب سه‌ر هه‌رێما كوردستانێ دا هێت.
ئه‌ڤرۆ نيوز:
وه‌زاره‌تا ئه‌وقافا هه‌رێمێ مه‌رج و رێنمايان بۆ تۆماركرنا ناڤێن ئه‌نجامده‌رێن فه‌يزا حه‌جێ بۆ سالا بهێت راگه‌هاند كو ئه‌وان كه‌سان ژى ڤه‌دگريت يێن سالێن بۆرى ناڤێن خوه تۆماركرين.
قاسم ره‌سۆل رێڤه‌به‌رێ حه‌ج و عۆمرێ ل وه‌زاره‌تا ئه‌وقاف و كاروبارێن ئاينى ئه‌ڤرۆ رۆژا سێشه‌مبى د چارچۆڤێ كۆنگره‌كێ رۆژنامه‌ڤانى دا گۆت: “هه‌موو ئه‌و كه‌سێن دڤێت بچنه حه‌جێ دڤێت ناڤێن خوه تۆمار بكه‌ن، ل به‌رامبه‌ر پڕكرنا فۆرمه‌كێ كۆژمێ 50 هزار ديناران دێ ژێ هێته وه‌رگرتن، بڕيار ئه‌وان كه‌سان ژى ڤه‌دگريت يێن سالێن بۆرى ناڤێ خوه تۆماركرين”.
نوكه 18 بنگه‌هێن تۆماركرنێ ل سه‌رانسه‌رى هه‌رێما كوردستانێ هاتينه ڤه‌كرن هه‌تا ئه‌ه‌و كه‌سێن دڤێت ناڤێن خوه تۆمار بكه‌ن سه‌ره‌دانا وان بنگه‌هان بكه‌ن.
قاسم ره‌سۆل راگه‌هاند ژى كو فورمه‌ك هاتيه ئاماده‌كرن كو هه‌موو پێزانين تێدا دێ هێنه تۆماركرن، ب تنێ پێنج رۆژ ژى مۆله‌ت دێ هێنه دان بۆ ڤه‌گه‌راندنا فۆرمان.
ب گۆره‌ى رێنمايێن نوو يێ وه‌زاره‌تا ئه‌وقاف و كاروبارێن ئاينى پڕكرنا فۆرمان دێ ل سه‌ر پسۆلا ئاهێن خوارنێ بيت، ئانكو هه‌ر وه‌لاتيه‌كێ پسۆلا ئاهێن خوارنێ ل وێ پارێزگه‌هێ نه‌بيت نه‌شێت ناڤێ خوه تۆمار بكه‌ت، ئانكو وه‌لاتيێن دهۆك نه‌شێن ل سلێمانيێ يان هه‌ولێر ناڤێن خوه تۆمار بكه‌ن.
به‌لاڤكرنا فۆرمان كريه پێنج گرۆپ؛ گرۆپێ ئێكێ بۆ وان زه‌لامێن دڤێت ب تنێ ناڤێن خوه تۆمار بكه‌ن، گرۆپێ دويێ ژى بۆ ئه‌وان ژنێن ب تنێ دڤێت ناڤێن خوه تۆمار كه‌ن، ب مه‌رجه‌كى د سه‌ر 50 ساليێ دابن، گرۆپه‌ك ژى بۆ وان زه‌لامان ته‌رخان كريه كو ژن ل گه‌ل بن يان محه‌ره‌مێن وان بن، گرۆپه‌ك ژى بۆ وان كه‌سێن ژن و مێر ب مه‌رجه‌كى به‌رى نوكه ئێك ژ وان هه‌ردويان حه‌ج نه‌كربيت.
قاسم ره‌سۆل گۆتژى: “ئه‌ڤێن به‌رى نوكه حه‌ج گرين ب چو ره‌نگه‌كى رێ پێ ناهێته دان جاره‌كا دى ناڤێن خوه تۆمار بكه‌ن بۆ ئه‌نجامدانا حه‌جێ ل سالا 2017ێ و ئه‌ڤه ژى دا رێ ب كه‌سه‌كێ دى بهێته دان دا كو فه‌ريزا حه‌جێ ئه‌نجام بده‌ت”.
ل پارێزگه‌ها دهۆك حه‌فت بنگه‌هـ هاتينه ڤه‌كرن كو پێكهاتى نه ژ ديوانا رێڤه‌به‌ريا ئه‌وقاف و رێڤه‌به‌ريا ئه‌وقافا زاخۆ و سێمێل و ئامێدى و ئاكرێ و به‌رده‌ره‌ش و شێخان.
نيشاندان
