ئه‌ڤرۆ نيوز:
رێڤه‌به‌ريا پۆليسێن پارێزگه‌ها دهۆكێ د گرته‌يه‌كا ڤيديۆى دا، پلانا رۆژا هه‌لكرنا ئاگرێ نه‌ورۆزێ و رۆژانێن نه‌ورۆز و بهار و ئادارێ راگه‌هاند.
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سه‌ره‌كى Facebook
لێدانا تومبلكا شه‌ڕى و به‌رده‌همه‌نكرنا دژمنێن سه‌ره‌كى
ل چاخێن كه‌ڤن، ده‌مێ شه‌ڕ ل ناڤبه‌ر دو ئالیان یان پتر ژ ئالیه‌كى دقه‌ومى، هه‌ڤڕكان تومبلكا شه‌ڕى یان ده‌هۆلا شه‌ڕى لێددا دا كو خوه به‌رهه‌ڤى سات سفرا شه‌ڕى بكن، لێ ئه‌ڤرۆ ل چاخێ شۆڕشا ته‌كنۆلۆژى یا كو سینۆران بێ پاسپۆرت دبڕت، لێدانا تومبلكا شه‌ڕى بوویه راگه‌هاندنا هه‌ڤچه‌رخا دوده‌ڤ و هه‌رئێك ل دووڤ بۆچوون و ئاره‌سته‌یێن هه‌ین دژى هه‌ڤڕكێ خوه بكاردئینت. چو پێنه‌ڤێت حزبێن كوردستانى ژى مفا ژ ڤێ شۆڕشا ته‌كنۆلۆژى دیتیه و نها ب ده‌هان كه‌نالێن راگه‌هاندنێ ب هه‌مى جۆران هه‌نه و هه‌ر ئالیه‌ك ل دووڤ به‌رژه‌وه‌ندیێن خوه یێن به‌رته‌نگ تایبه‌ت كه‌نالێن خوه یێن ئه‌سمانى بكاردئینت و هه‌مى سووچ و ده‌رده‌سه‌ریێن ب سه‌رێ ملله‌تێ كورد هاتین دهاڤێژنه سه‌ر ملێن برایێن خوه یێن هه‌ڤڕك و خوه مافدار دكت، وه‌ك وێرسێ ئێكانه یێ رزگاركرنا كوردستانێ ل قه‌له‌مدده‌ت. ل په‌ى ڤى هه‌ڤیرێ هه‌ر ئاڤێ ڤه‌دخۆت، ل ڤێ دوماهیێ رۆلێ كه‌نالێن ئه‌سمانى یێن هنده‌ك حزبێن كوردى ل دژى هه‌ڤدو وه‌سا خورت بوویه، هه‌تا گه‌هشتیه وى رادده‌ى ئێدى نه‌یارێن خوه یێن سه‌ره‌كى و داگیركه‌رێن كوردستانێ به‌رده‌همه‌ن (تهمیش) كرینه و ماینه ب ده‌ڤولێڤێن هه‌ڤدوڤه و رۆژانه تومبلكا شه‌ڕێ قۆناغه‌كا نوو ژ زنجیرا دێرینا شه‌ڕێن براكوژیێ لێددن و هه‌ر گاڤه‌كێ هه‌لبوونا وى شه‌ڕى د ناڤبه‌را پارتێن هه‌ڤدژ دا ل سه‌ر چركاننه و كه‌س نینه وى ئاگرى بته‌مرینت؛ چونكى به‌رده‌وامیا وى شه‌ڕى تنێ د به‌رژه‌وه‌ندیا وان ئالیان دانه، ئه‌وێن دشێن ب فه‌رمانه‌كێ رابوه‌ستینن، ئه‌و ژى وه‌لاتێن داگیركه‌رن. ئه‌ڤ واقعێ هه‌ر د ئه‌زه‌ل دا لناڤبه‌را جڤاكێ كوردى هه‌یى كو حزبێن وان ژى هه‌ر ژ وى جڤاكى په‌یدابوونه، نه تشته‌ك كه‌س نه‌دیتى و بالكێشه، ژ به‌ر كو د درێژیا دیرۆكێ دا مرۆڤێ كورد هه‌رده‌م دووڤ به‌ردان بۆ خه‌لكى كریه، لێ چو جاران بۆ هه‌ڤدو نه‌كریه و هه‌رده‌م شه‌روشۆڕ لناڤبه‌را وان گه‌رم بوویه، دژمنان ژى وه‌كى ڤیاى مفا بۆ خوه ژ ڤان ناكۆكیان وه‌رگرتیه و هه‌ر ئالیه‌كێ ئالیێ دى وه‌ك چه‌ته بۆ خوه دژى هه‌ڤركێ خوه بكارئیناینه. ئه‌ڤرۆكه ده‌وله‌ت سه‌رێ فاكته‌رێن ده‌رانى، تایبه‌ت هه‌ڤركیا وه‌لاتێن زلهێز و هه‌یمه‌نه‌یا وان ل سه‌ر ده‌ڤه‌را رۆژ هه‌لاتا ناڤه‌راست و په‌یدابوونا رێكخراوێن ئیسلامى یێن هشكباوه‌ر؛ مینا (داعشێ) و (قاعیده)، ئه‌ڤ ده‌لیڤه‌یه بۆ كوردان هه‌لكه‌ڤتیه، خوه هه‌كه ده‌مكى ژى بت سینۆرێن ئه‌قلیمى نها ب كریار هاتینه هه‌رافتن و كوردان كۆنترۆل ل سه‌ر گه‌له‌ك ئاخا خوه كریه، هه‌كه بۆ خوه نه‌هێلن و ب كریار درووشمێ براینیێ هه‌لنه‌گرن، ئه‌ڤ ده‌لییڤه‌یه ژى، وه‌ك ده‌لیڤه‌یێن به‌ریا نها بۆ كوردان هه‌لكه‌ڤتین و (ئیستیغلال) نه‌كرین ل بن گه‌فێن ژ ناڤچۆنێیه. لێدانا تومبلكا شه‌ڕێ براكوژیێ ب رێیا مێدیایێن هنده‌ك حزبێن كوردستانێ تنێ زڤڕاندنا چوكلێ (میلێ) دیرۆكێ یه بۆ سه‌رده‌مێ مێرنشینێن كوردستانێ، ده‌مێ ئمبراتۆریێن عوسمانى و سه‌فه‌وى ل دووڤ به‌رژه‌وه‌ندیێن خوه بكاردئینان و هه‌ر هێلاین پارچه‌پارچه‌كرى و ل دووڤ سیسته‌مێ هۆز و ئوجاخێ، هه‌مى ده‌مان ل به‌ر ئێك راوه‌ستاى ب گیانێ خوینرێژتن و خوه كوژیێ و كه‌س خوه نه‌ده‌ته ب كه‌سێ، دوماهیێ هه‌ر بێ ده‌وله‌ت و بێ كیان و دارده‌ستێن دژمنان ماین.
پشتى نه‌ورۆزێ كاره‌ب دێ بيته 24 ده‌مژمێر
ئه‌ڤرۆ نيوز:
ئۆمێد محه‌مه‌د رێڤه‌به‌رێ كونترۆلا كاره‌با هه‌رێما كوردستانێ راگه‌هاند كو ژ ئه‌گه‌رێ كێمبوونا خواستێ ل سه‌ر ب كارئينانا كاره‌بێ ب ره‌نگه‌كێ به‌رچاڤ دشيان دايه پشتى نه‌ورۆزێ 15 ده‌مژمێران كاره‌با نشتميانى بۆ وه‌لاتيان دابين بكه‌ن و مواليدێن ئه‌هلى ژى دشێن ماوێ ماوى كاره‌بێ دابين بكه‌ن و ب ڤێ چه‌ندێ كاره دێ بيته 24 ده‌مژمێرى.
ده‌مێ هه‌لكرنا ئاگرێ نه‌ورۆزێ سه‌قا دێ ب ڤى ره‌نگى بيت
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا دوشەمبی رێکەفتی 20ی ئادارا 2017ێ ئه‌سمان دێ ئه‌ورێ ته‌مام بيت و پاشان ئه‌و ئه‌ور دێ به‌ره به‌ره كێم بيت و ل ده‌ڤه‌رێن چيايى دێ بارانه‌كا كێم باريت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو ژ ئەنجامێ لاوازبوونا كارتێكرنا فشارێن نزمێن ده‌ريا سۆر دھێتە پێشبینیکرن ئه‌سمان ئه‌ورێ ته‌مام بيت و پاشان ئه‌و ئه‌ور دێ به‌ره به‌ره كێم بيت و ل ده‌ڤه‌رێن چيايى دێ بارانه‌كا كێم باريت.
پشکا پێشبینیان دایە زایە زانین کو دێ ئاراستێ بای ژی دێ باکوورێ رۆژھەلات بیت ب رەنگەکی د ناڤبەرا 10 ھەتا 20کم دا و ماوێ دیتنێ ژی دێ د ناڤبه‌را 8 بۆ 10 دا بیت، پلێن گەرمێ ژی دێ د ناڤبەرا 9 بۆ 14 پلان دا بن.
هه‌تا نوكه ئه‌ڤ رێژا بارانێ ل سه‌رانسه‌رى هه‌رێمێ باريه
ساخلەمیا ھەرێمێ: بەغدا دەرمانا ببڕیت دێ مەژی ھەلویستێ خوە ھەبیت
ئەڤرۆ نیوز:
پەیڤدارێ وەزارەتا ساخلەمیا حوکمەتا ھەرێما کوردستانێ خویا کر، کو ھەرێما کوردستانێ ل ئاستێن بلند بزاڤان دگەل حوکمەتا عیرقێ دکەت ھەتا پشکا دەرمانێن ھەرێما کوردستانێ نەھێنە بڕین و گۆت: ئەگەر بڕیارا بڕینا دەرمانا بھێتە بجھئینان دێ مە ژی ھەلویستێ خوە ھەبیت ژبەرکو بڕیارەکا سیاسیە.
دکتۆر خالس قادر، پەیڤدارێ وەزارەتا ساخلەمیا حوکمەتا ھەرێما کوردستانێ بۆ رۆژناما ئەڤرۆ گۆت “ھێشتا بڕیارا حوکمەتا عیرقێ بۆ بڕینا پشکا دەرمانێن ھەرێما کوردستانێ نەچوویە د بیاڤێ بجھئینانێ دا و دەرمان وەکی بەرێ بۆ ھەرێما کوردستانێ تێن، بەلێ بەری نوکە ژی ھەر ب شێوەیەکێ ئاسایی دەرمان بۆ ھەرێما کوردستانێ نەھاتینە و ل گۆر پێدڤیێن ھەرێما کوردستانێ بەغدا دەرمانا نادەتە ھەرێمێَ، ئەڤ پێشنیارا ژلایێ وەزیرێ ساخلەمیا عیرقێ ڤە بۆ بڕینا دەرمانێن ھەرێمێ نوکە ل سەر ئاستێن بلند، ھەرێما کوردستانێ یا بزاڤان دکەت ئەڤ بڕیارە نەھێتە بجھئینان”.
دکتۆر خالس قادر گۆت ژی “ئەڤ دەرمانێن بەغدا دەتە ھەرێما کوردستانێ پشکەک ژ وان بۆ ئاوارەیێن عیرقێ تێنە دابینکرن یێن ل ھەرێمێ ئاکنجی، ئەم وەکی ھەرێما کوردستانێ دخوازین بەغدا چ پێنگاڤێن وەسا نەھاڤێژیت و ئەگەر بڕیار گەھشتە ڤی ئاستی بەغدا دەرمانێن خەلکێ کوردستانێ ببڕیت ئەڤە دێ بیتە بڕیارەکا سیاسی و ئەمژی وەکی ھەرێما کوردستانێ وی دەمێ بێدەنگنابین و دێ مەژی ھەلویستێ خوە ھەبیت”.
پتری 30 سەنتیمەترێن بەفرێ ل سنوورێ دھۆکێ بارینە
ئەڤرۆ نیوز:
د چەند رۆژێن بۆری دا پێلەکا بەفر و بارانێ ھەرێما کوردستانێ ڤەگرت و ژ ئەنجامێ وێ ل سەنتەرێ ناحیا کانی ماسێ 20 سەنتیمەترێن بەفرێ و ل خالا گۆمرکیا سەرزێری ژی پتری 30 سەنتیمەترێن بەفرێ بارینە، دیسا بلندترین رێژا بارانێ ژی ل ناحیا چەمانکێ باری یە و ب تنێ د 24 دەمژمێران دا 67 ملیمێن بارانێ بارینە و سەرجەمێ گشتی یێ ئەڤ سالە دگەھیتە 591 ملیمان.
کامیران محەمەد، سەرۆکێ باژێرڤانیا کانی ماسێ بۆ رۆژناما ئەڤرۆ ئاشکرا کر، ل شەڤا 17 ل سەر 18/3 پێلەکا بەفرێ دەڤەرا کانی ماسێ ڤەگرت و د ئەنجام دا 20 سەنتیمەترێن بەفرێ ل سەنتەرێ ناحیێ و پتری 30 سەنتیمەتران ژی ل خالا گۆمرکیا سەرزێری بارینە و سەقایێ دەڤەرێ ژی گەلەک ساربوویە و گۆت: “د ڤێ حەفتیێ دا پێشبینی دھێتە کرن ھێشتا بەفر ل دەڤەرێ بباریت، ھەروەسا نوکە ھەموو رێیێن ھاتنوچوونێ ل دەڤەرا کانی ماسێ ھاتینە ڤەکرن و خەلک دشێن ب سەناھی ھاتنوچوونێ بکەن”.
ژ لایەکێ دیڤە ھاشم یەحیا، بەرپرسێ پشکا کەشناسیێ ل قەزا ئامێدیێ بۆ ئەڤرۆ دیار کر کو د چەند رۆژێن بۆری دا رێژەکا زۆرا بارانێ ل دەڤەرا ئامێدیێ باریە و گۆت: رێژا ھەرە پترا بارانێ ل ناحیا چەمانکێ باری یە کو دگەھیتە 67 ملیمان و سەرجەمێ گشتیێ بارانبارینێ ژی دگەھیتە591 ملیمان، دیسا کێمترین رێژا بارانبارینێ ل ناحیا کانی ماسێ بوویە کو دگەھیتە 16 ملیمان”.
ھاشم یەحیا خویا ژی کر، ل سەنتەرێ قەزا ئامێدیێ 34 ملیمێن بارانێ بارینە کو سەرجەمێ گشتی دبیتە 486 ملیم، ل ناحیا دێرەلۆکێ 35 ملیم بارینە کو سەرجەمێ گشتی دبیتە 452 ملیم، ل سەرسنکێ 48 ملیم بارینە و سەرجەمێ گشتی دبیتە 591 ملیم، ل بامەرنێ ژی 36 ملیمێن بارانێ بارینە و سەرجەمێ گشتی دبیتە 443 ملیم و گۆت: “ھەتا نوکە رێژا بارانبارینێ ل سنوورێ قەزا ئامێدیێ نەگەھشتیە رێژا پار ڤی دمی کو دۆرێن 740 ملیمێن بارانێ ل سەنتەرێ قەزا ئامێدیێ باری بوون”.
ئاژانسا رویتەرز: کورد دێ چارەنڤیسێ ریفراندۆما تورکیا دیار کەن
ئەڤرۆ نیوز:
ئاژانسەکا جیھانی دیار دکەت کو ژ بەر شەر و ناکۆکیێن ل تورکیا و باکورێ کوردستانێ گەلەک کوردان نەڤێت پشکداریێ د ریفراندۆمێ دا بکەن، چونکو باوەریا گەلەک کوردان ب سیاسەتا دەولەتا تورکیا و یا پەکەکێ ژی نەمایە و ژ بەر ھندێ ژی ئەو کورد دێ چارەنڤیسێ ریفراندۆمێ دیار کەن، ھەکە پشکداریێ نەکەن ژی رەنگە ئەو یەک د بەرژەوەندیا ئەردۆگانی دا بیت چونکو دێ بیتە ئەگەر دەنگێ نەخێر کێم بن.
ئاژانسا رویتەرز یا نووچەیان د راپۆرتەکێ دا ل دۆر ریفراندۆما ل تورکیا بەحسێ گرنگیا رۆلێ کوردان دکەت و دیار دکەت کو کورد دێ چارەنڤیسێ ریفراندۆمێ دیار کەن و ژ بەر ھندێ ژی رۆلێ کوردان ل باکورێ کوردستانێ دێ گەلەکێ گرنگ بیت و حوکمەتا تورکیا ژی دڤێت ب ستراتیژیەکا نوو مفایێ ژ ھەلویستێ کوردان وەربگریت، چونکو ئەو کوردێن کو باژێرێن وان خراب بووینە ئەو ژ دەولەتا تورکیا توورە نە و د ھەمان دەمی دا باوەریا وان ب سیاسەتا پەکەکێ ژی نەمایە و دبێژن سیاسەتا شاش یا پەکەکێ بۆ ئەگەر کو تورکیا باژێرێ مە وێران کەت و ژ بەر ھندێ ژی ئەو دبێژن کو ریفراندۆمێ چو گرنگیا خوە بۆ وان نینە و وان نەڤێت پشکداریێ د وێ ریفراندۆمێ دا بکەن.
د بەردەوامیا راپۆرتێ دا ئەو یەک ھاتیە دیار کرن ئەردۆگان و ھەڤالێن وی باش دزانن ھەکە نەشیان دەنگێ وان کەسان بدەستڤە بینن ژی باشترە ھەما ئەو پشکداریێ د ریفراندۆمێ دا نەکەن، چونکو ھەکە ئەو پشکداریێ د ریفراندۆمێ دا نەکەن دێ رێژا دەنگێ نەخێر کێمتر بیت و ئەو یەک د بەرژەوەندیا ئەردۆگانی دایە و ژ بەر ھندێ ژی دەنگێ کوردان ل دڤەرێن شەری دێ چارەنڤیسێ ریفراندۆما تورکیا دیار کەت، چونکو رێژا دەنگێ وان کوردێن کو ژ دەولەتێ و پەکەکێ توورە نە گەلەک زێدەیە و ھەکە ئەو پشکداریێ د ریفراندۆمێ دا بکەن دێ دەنگێ نەخێر گەلەکێ زێدە بیت و ئەو یەک د بەرژەوەندیا ئەردۆگانی دا نینە، حوکمەت باش دزانیت ئەو کوردێن باژێرێن وان وێران بووینە گەلەکێ توورە نە و ژ بەر ھندێ ژی نھا د بەرژەوەندیا ئەردۆگانی دایە ئەو کورد پشکداریێ د ریفراندۆمێ دا نەکەن.
د راپۆرتێ دا ئاماژە ب وێ چەندێ ژی ھاتیە کرن کو نە پەکەکێ شیایە چو تشتەکێ بۆ وی خەلکی بکەت و نە ژی دەولەتا تورکیا سۆزەک وەسا دایە وان کو کارتێکرنێ ل ھەست و ھەلویستێ وان بکەت، ژ بەر ھندێ ژی ھەتا نھا دیار نینە کا دێ ھەلویستێ وی خەلکی چاوا بیت، گەلەک راپرسی ژی ھاتنە کرن لێ ھەمی راپرسی ژی وێ یەکێ نیشا ددەن کو دەنگێ وی خەلکێ ھەتا نھا بریار نەدایی کا دێ پشکداریێ د ریفراندۆمێ دا کەت یان نە، دێ چارەنڤیسێ ریفراندۆمێ دیار کەت ژ بەر ھندێ ژی نھا د راستی دا ھەم دەولەتا تورکیا و ھەم ژی پەکەکێ ژ ھەلویستێ وان کوردان دترسن.
ل ئالیێ دی پەیڤدارێ پارتیا دیموکراتیک یا گەلان ئۆسمان بایدەمیر ژی دیار کریە کو پشتی ھەڤسەرۆک و گەلەک ئەندامێن پەرلەمانی یێ پارتیا مە ھاتنە گرتن و زۆرداریا دەولەتێ ل سەر کوردان زێدە بوویی وێ یەکێ کارتێکرن ل دەنگێ کوردان کریە و رێژا دەنگێ نەخێر د ناڤ کوردان دا ل تورکیا ب رەنگەکێ بەرچاڤ زێدە بوویە.
ئێزدی ژ سەرۆک بارزانی دخوازن ھەموو دەڤەرێن وان سەر ب ھەرێما کوردستانێ ڤە بن
ئه‌ڤرۆ نيوز:
سەرۆکێ قەوالێن ئێزدیان، دیارکر ئێزدیان چەندین داخوازی ئاراستەی سەرۆکێ ھەرێما کوردستانێ مەسعود بارزانی کرن ژوانا ژێ داخواز ھاتە کرن ھەموو دەڤەرێن ئێزدیان سەر ھەرێما کوردستانێ ڤە بن ئێدی ئێزدی نەشین دگەل عەرەبان بژێن پشتی کارەساتا شنگال روودایی.
قەوال بەھزاد سلێمان سڤۆ، سەرۆکێ قەوالێن ئێزدیان بۆ ئەڤرۆ دیارکر مە داخواز ژ سەرۆک بارزانی کر دەڤەرێن ئێزدیان بھێنە ئاڤادانکرن و خەلکی زەرمەند بھێتە قەرەبوول کرن وھەموو پرۆژەیێن خزمەتگوزاری بھێنە دابین کرن بۆ دەڤەرین ویرانکری وەکو باشیک و بەحزانی و شنگال و سنوونی و ھەموو دەڤەرێن دێ ھاتینە ویرانکرن ژلایێ تیرۆرستێن داعش.
خۆیا ژی کر خەلکی باشیک وبەحزانی داخوازا ئاڤاکرنا مەزارگەھێن ئاینی کرن 21 مەزارگەھێن ئاینی ھاتبوونە پەقاندن ژلایێ تیرۆرستێن داعش ڤە مە داخواز ژ سەرۆکێ ھەرێما کوردستانێ کر پشتەڤانیی بکەت بۆ ئاڤاکرنا ھەموو مەزارگەھێن ئیزدیان وگەلەک داخوازیێن دێ ھاتینە کرن لێ یا ژ ھەموو گرنگتر ئەو دەڤەرێن ئێزدیان سەر عێراقی ڤە نەمینن ھەموو بھێنە سەر ھەرێما کوردستانێ ڤە .
قەوال بەھزاد سلێمان ئەو ژی دیارکر ل رۆژا 17/3/2017 سەرۆک مەسعود بارزانی دگەل میری ئێزدیان و میر تەحسین بەگ و بابا شێخ و ھەموو ئەندامێن جڤاتا روحانیی و کەساتێن و رەوشەنبیرین ئێزدیان کۆمبوو گەلەک گەنگەشە ل سەر رەوشا ئێزدیان ھەموو وارەکی دا ھاتە کرن.
سەرۆکێ قەوالێن ئێزدیان گۆت: سەرۆک بارزانی ئێش وئازارێن ئێزدیان ب ئێش و ئازارێن ھەموو کوردستانێ زانین وگۆت عیبادەتی ودینداریێ و زمانی ئێزدیان کوردییە بۆ ھیچ کەس و لایەنەکێ نینە پیناسەک ب سەر ئێزدیاندا بسەپینت ئێزدی کوردێن رەسەنن ھەموو پشتەڤانیا خوە بۆ ئێزدیان بۆ پاشەرۆءژا ئێزدیان دیارکر بەحسی ئازادکرنا ھەموو دەڤەرێن ئێزدیان ھاتە کرن بتایبەتی یێن شنگال ماین ھەتا نوکە دەستێن تیرۆرستێن داعش دا و داخوازی ھاتە کرن ھەموو شیانان پشتەڤانیی و ھاریکاریا شنگالیان بھێتە کرن.
سەرۆکێ قەوالێن ئێزدیان ئاشکرا کر کو سەرۆک بارزانی زۆر پشتەڤان و خەمخوری ئێزدیانە دێ باشتر ژێ بۆ پاشەرۆژا ئێزدیان کارکەت ژین وژیارا ئێزدیان خوش کەت ھەر وەکو جەنابی سەرۆک ژی کۆمبوونی دا دیارکر ھەتا دام ودەزگەھێن رەسمی و ھێزا پێشمەرگەی ھەبیت نابیت ھێزەکا دێ ھەبیت رێگری ل ئاڤادانیی وچالاکێن دام ودەزگەھێن حکومەتی بکەت.
به‌فر دێ باريت
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا ئێكشەمبی رێکەفتی 19ی ئادارا 2017ێ ئه‌سمان دێ ئه‌ورێ ته‌مام بيت و باران دێ ل ده‌مێن جودا ل جهێن جودا باريت و دانێ سپێدێ به‌فر ژى دێ باريت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو ژ ئەنجامێ لاوازبوونا كارتێكرنا فشارێن نزمێن ده‌ريا سۆر دھێتە پێشبینیکرن ئه‌سمان ئه‌ورێ ته‌مام بيت و باران دێ ل ده‌مێن جودا ل جهێن جودا باريت.
پشکا پێشبینیان دایە زایە زانین کو دێ ئاراستێ بای ژی دێ باکوورێ رۆژھەلات بیت ب رەنگەکی د ناڤبەرا 10 ھەتا 20کم دا و ماوێ دیتنێ ژی دێ د ناڤبه‌را 8 بۆ 10 دا بیت، پلێن گەرمێ ژی دێ د ناڤبەرا 8 بۆ 11 پلان دا بن.
رێڤەبەریا گشتیا کەشناسی و بیڤەلەرزێ ل ھەرێما کوردستانێ خۆيا ژى كريه كو دێ ل دانێ سپێدێ به‌فر بارين ژى ده‌سپێكه‌ت به‌لێ دێ ب رێژه‌كا كێمتر ژ ده‌ڤه‌رێن چيايى باريت.
نيشاندان
WP Facebook Auto Publish Powered By : XYZScripts.com