ئه‌ڤرۆ نيوز:

ل رۆژا ئەینی رێککەفتی 17 /2/ 2017 سەرۆکێ ھەرێما کوردستانێ (مەسعود بارزانی) پشکداری د ئێکەم رۆژا کۆنفرانسێ ئاسایشا جیھانی ل باژرێرێ میونیخ یێ ئەلمانی کر، و چەندین ھەڤدیتنێن دپلوماسی د پەراوێزا وی کۆنفرانسێ جیھانی دا ل گەل مەزنە بەرپرسێن وەلاتێن پشکدار ئەنجامدان.
د پەراوێزا رۆژا ئێکێ یا کۆنفرانسێ ناڤبری دا سەرۆک بارزانی ل گەل (ئێدوارد ناڵبەندیان) وەزیرێ دەرڤەیێ ئەرمینا کومبوو.
دوێ کومبوونێ دا پەیوەندیێن دناڤبەرا ھەرێما کوردستانێ و وەلاتێ ئەرمینیا ھاتنە بەحسکرن، ژئالیێ خوەڤە وەزیرێ دەرڤەیێ ئەرمینیا سەرەرای وێ چەندێ ب فەرمی (سەرۆک بارزانی) بۆ سەرەدانا وەلاتێ ئەرمینیا ھاتە داخوازکرن، ھەروەسا وەزیرێ ئەرمینیا دیارکر، کو وەلاتێ وی لبەرە قونسلخانا خوە ل ھەولێرا پایتەخت ڤەکەت.
ھەر دوێ ھەڤدیتنێ دا بەحسێ رەوشا سیاسی یا دەڤەرێ و عیراقێ و ھەرێما کوردستانێ و ئۆپراسیۆنا لەشکری یا ئازادکرنا باژێرێ مووسلێ ھاتنە کرن.

پشتی وێ ھەڤدیتنێ سەرۆک بارزانی ل گەل نوونەرێ کۆربەندا ئیابووری یا جیھانی داچووس کومبوو، نوونەرێ کوڕبەندا ناڤبری سۆپاسیا خوە ئاراستەی سەرۆک بارزانی بۆ پشکداریا وی دکۆڕبەندێ جیھانیێ داچووس دا کر، ھەروەسا بەحسێ کۆڕبەندەکێ تایبەت یێ گرێدایی ب رەوشا ئابووریا رۆژھەلاتا ناڤێن کو لبەر ل پایتەختێ وەلاتێ ئۆردن بھێتە ئەنجامدان ھاتە کرن، ھیڤی خواست کو سەرۆک بارزانی پشکداریێ د وی کۆڕبەندنی دا بکەت.
ھەر ل رۆژا ئێکێ یا پەراوێزا کۆنفرانسێ ئاسایشا جیھانی یا میونخ، سەرۆک بارزانی ل گەل ( جێمس ماتێس) وەزیرێ بەرەڤانیا ئەمریکی کومبوو، دڤێ کومبوونێ وەزیرێ بەرەڤانیا ئەمریکی خوەشحایلا خوە ب ھەڤدیتنا سەرۆک بارزانی دەربڕی، و راگەھاند، وێ پێزانین ل سەر دۆزا کوردان ھەنە و کورد و ئەمریکا پێکڤە قوربانی داینە.
ژ ئالیێ خوەڤە سەرۆک بارزانی سەرەرای پێروزباھیێن ل کارێ وەزیرێ بەرەڤاینا ئەمریکی ب ھەلکەفتا دەستبکاربوونا وی کرن، سوپاسیا وەزیرێ بەرەڤانیا ئەمریکی کر، و ھیڤی خوسات پەیوەندیێن ھەرێما کوردستانێ و ئەمریکا پێشڤەچوونێن زێدەتر بخوەڤە ببینن.
ھەر د ھەڤدیتنا سەرۆک بارزانی و وەزیرێ بەرڤانیا ئەمریکی دا، بترێر و تەسەلی بەحسێ شەڕێ دژی تیرۆرستێن داعشێ و ئۆپراسیۆنا ئازادکرنا مووسلێ ھاتنە گەنگەشکرن، وەزیرێ بەرەڤانیا ئەرمیکی پشتەڤانیا خوە بۆ مللەتَێ کوردستانێ دووپاتکر، و ھیڤی خواستن ددەمەکێ نێزیکی دا سەرەدانا ھەرێما کوردستانێ بکەت.
ل ئێڤاریا رۆژا ئەنیی یا رێککەفتی ژ7 / 2/ 2017 د پەراوێزا کونفرانسێ ئاسایشا جیھانی ل باژێرێ میونخ دا، سەرۆک بارزانی ل گەل وەزیرێ دەرڤەیێ وەلاتێ ئیرانێ ( موحەمەد جەواد زەیف) کومبوو، دوێ کومبوونێ دا، رەوشا سیاسی ە لەشکری یا دەڤەرێ و شەرێ دژی تیرۆرێ و پەیوەندیێن دوقوولی یێن دناڤبەرا ھەرێما کوردستانێ و کومارا ئیسلامیا ئیرانێ ھاتنە بەحسکرن.
ھەر د ئێڤاریا ھەمان رۆژدا سەرۆکێ ھەرێما کوردستانێ (مەسعود بارزانی) ل گەل خانما (بیتا مێرگ) وەزیرا دەولەتێ ل ھەرێما باڤاریا ل ئەلمانیا کومبوو، دوێ کومبوونێ دا خانما ناڤبری بەحسێ سەردانا خوە بۆ ھەرێما کوردستانێ و پێزانینێن ل سەر مللەتێ کوردستانێ و حوکمەتا ھەرێما کوردستانێ ھەی کرن، بتایبەتی وێ میھڤانداریا بۆ خەلکێ ئاوەرە و لێقەومیی یێن بووینە قوربانی شەڕێ تیرۆرێ ببلندی نرخاندن، زێدەباری ئازایەتیا ھێزا پێشمەرگەی د شەرێ دژی تیرۆرستێن داعشێ دا، ھەروەسا دووپاتکر، ئەلمانیا و ھەرێما باڤاریا دێ بەردەوام بن ل سەر پشتەڤانیا ھێزێن پێشمەرگەی و مللەتێ کوردستانێ.
ژ ئالیێ خوەڤە سەرۆک بارزانی ھەولیستێ خانما مێرگ و ھەرێما باڤاریا ببلندی نرخاند و سۆپاسیا مللەت و حوکمەتا وەلاتێ ئەلمانیاکر، کو ژ ئالیێ مرۆڤایەتی و لەشکری ھاریکاریا ھەرێما کوردستانێ دکەن.
ھەر دپەراوێزا کونفرانسێ ئاسایشا جیھانی ل رۆژا شەمبی رێککەفتی 18 /2/ 2017 سەرۆک بارزانی زنجیرەکا ھەڤدیتن و کومبوونان ل گەل سەرۆک وەزیرێن عیراقێ و شاندێ جڤاتا سیناتۆرێن ئەمریکا و وەزیرێ بەرەڤانیا ئەلمانیا و وەزێرێ دەڤەریێ ئیتالیا و ژمارەکا دیتر یا مەزنە بەرپرسێن وەلاتێن جیھانی ئەنجامدان.
ژوان کومبونان ژی سەرۆک بارزانی ل گەل جێگرێ سەرۆکێ ئەمریکا ( مایک پێنس) گرێدا، جێگرێ سەرۆک کۆمارێ ئەمریکی ل سەر مالپەرا تیویتەرا خوە راگەھاندیە، ل گەل سەرۆک بارزانی سەرۆکێ ھەرێما کوردستانێ، بەحسێ لەزکرن برێڤبرنا پلانا ژناڤبرنا تیرۆرستێن داعشێ ھاتیە کرن، ھەروەسا سوپاسیا سەرۆک بارزانی بۆ ھەماھنگیا ل گەل بەغدا ھاتیە کرن. ئەڤە کومبوونا دوێ یە یا سەرۆک بارزانی ل گەل مەزنە بەرپرسێن ئیدارا نوویا ئەمریکا ب سەرۆکاتیا دونالد ترامپ.
بەر وی دەمی سەرۆک بارزانی و جێگرێ سەرۆک کۆمارێ ئەمریکا (مایک پێنس) ب پەیوەندیەکا تێلەفونێ بەحسێ موکمکرنا پەیوەندیێن دوقوولی یێن دناڤبەرا ھەرێما کوردستانێ و ئەمریکا دا ھاتبوونە کرن، دوێ پەیوەندیێ دا جێگرێ سەرۆکێ ئەمریکی پشتەڤانیا وەلاتێ خوە بۆ ھەرێما کوردستانێ دووپات کر.