ئەڤرۆنیۆز ،سالار دۆسکی:
ئەڤرۆ ئێڤاری رێکەفتی 16/8/2015 ل دەمژمێر شەش و نیڤ ل بارەگایێ سەندیکا ھونەرمەندێن کوردستانێ لقێ دھۆک 23 ھونەرمەندێن پێشمەرگە ب زێری بھێنە خەلاتکرن.
خانم ئەڤین حسێن سەرۆکا لقێ دھۆک یا سەندیکا ھونەرمەندێن کوردستانێ بۆ ئەڤرۆنیۆز ئاشکراکر کو ھەر 22 ھونەرمەندێن ئەندامێن سەندیکا ھونەرمەندانە، ھەموو تەخێن ھونەری ب خوە ڤەدگرن(مۆزیک، شانۆ، شێوەکار، سترانبێژ، ھونەرێن مللی) ھونەرمەند یێن ھەموو دەڤەرێن پارێزگەھا دھۆک و بێ جوداھی و ھەر ھەموو نوکە دسەنگەران دانە و بەرگرێی ژ ئاخا پیرۆزا کوردستانێ دکەن.
ئەڤینێ ئەو ژی ئاشکراکر کو فلمەکێ دوکومێنتاری ل سەر ژیان ئەڤان ھونەرمەندان د سەنگەران دا ھاتبوو چێکرن ھاتە نیشادان، پارچەک مۆزیکەک ب ئامیرێ سازێ ژلایێ ھونەرمەندێ پێشمەرگە ڤە (دلشاد نێروەی) ھاتە ژەنین، پشتی خواندنا چەند پەیان، ھونەرمەند ێن پێشمەرگە ب مەدالیێن زێری ھاتنە خەلاتکرن کو مەدالیان لوگویێ سەندیکا ھونەرمەندان ل گەل پێشمەرگی ل سەر بوو، دووڤ دا سروودا پێشمەرگە ھاتە گوھداریکرن کو ژلایێ ئەڤان ھونەرمەندان ڤە ھاتیە گۆتن، پەیڤ (جیھاد بابیری)نە ئاواز ھونەرمەند(نسرەت محەمەد حەسەن) ھاتیە دروستکرن ژلایێ ستودیویا (m) میۆزیک ھونەرمەند (محەمەد زەکی، مەھدی نوری) ھەڤالێن وی ڤە.
ئەڤین حسێنێ ئەو ژی ئاشکراکر کو سروود پشتەڤانیا لقێ ئێکێ پارتی دیموکراتی کوردستان ھاتیە دروستکرن، خەلاتکرن ب سپونسەری یا کومپانیا ئەکەو ماکس، فلمێ دوکومێنتاری پشتەڤانی ژلایێ (فەرھاد ئەمین ) پارێزگەرێ دھۆکێ بوویە.