شارەزایەکێ ئاگەھدار ل بڕیارێن حوکمەتا ھەرێما کوردستانێ ئیماژە ب ڤێ چەندێ دکەت، ھەیڤا ئادارای داھاتی دو قووناغ ھاتینە دانان بۆ پێداچوونێ ب مووچێ فەرمانبەران و رێژەیا پێداچوونا پاشەکەفتا مووچەی 20%ێ نابۆریت، ھەروەسا دیار کر، فەرمانبەر دشێن ب مووچێ پاشە کەفتکری قەڕێن حوکمەتێ ڤەگەڕینن.
دکتۆر ئاراس قادر، بەرپرسێ سەنتەرێ زانیاریی و ڤەکۆلینا کوردستانێ بۆ رۆژناما ئەڤرۆ گۆت “پلانا حوکمەتا ھەرێما کوردستانێ ئەڤە ل ھەیڤا ئادارا داھاتی ب دو قووناغا دەستکاریێ د کێمکرنا پاشەکفتا مووچێ فەرمانبەران دا بکەت، رێژەیا کێمکرنا پاشەکەفتێ ژی 10 ھەتا 20% نابۆریت، چونکە ھەتا وی دەمی دێ حوکمەت شێت قەڕێن کۆمپانیا کێم بکەت و پێداچوونێ ب خشتێ مووچێ فەرمانبەران دا بکەت قووناغا دویێ دێ کەڤیتە پشتی تەمامبوونا سیستەمێ بایۆمەتری و بۆ ھەر فەرمانبەرەکی دێ ھژمارا حسابی ھێتە ڤەکرن و مووچێ وان کەڤیتە سەر ئەڤێ ھژمارا بانکی”.
دکتۆر ئاراسی گۆت ژی “ئەڤ پلانە ھاتیە دانان ھەتا فەرمانبەر بشێن ھندەک قەڕێن حوکمەتێ ب ڤی مووچێ پاشەکەفتکری بدەن، بەلێ دڤێت میکانزمەک بۆ وان فەرمانبەران ژی بھێتە دیتن یێن قەڕداری حوکمەتێ نینن، دا کو بزانن دێ ب چ شێوە سەرەدەری دگەل ھێتەکرن، ھەروەسا دێ میکانزم ھێتە دانان ب چ شێوەیەکی فەرمابنەرەکێ قەڕدار نەبیت مووچێ پاشەکەفتکری بۆ بھێتە ڤەگەڕاندن، ئەڤە ل سەر بڕیارا حوکمەتێ دمینیت دێ چاوا بیت”.
نووترين نووچه
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
- دستووری رێك یا دایە هەرێما كوردستانێ پەترۆلا خوە بفرۆشیت
- نە هنارتنا پارەیان و ئاریشەیا مووچەی بۆ هەرێما كوردستانێ، ئێك ژ كارتێن بەغدایێ یە
- بێی مادەیێ 140 بەغدا نەشێت تاكلایەنە رەفتارێ ب پەترۆلا كەركووكێ بكەت
سهرهكى Facebook
رێژا گرێبه‌ستێن هه‌ڤژينيێ و به‌ردانێ كێم بوويه
ئه‌ڤرۆ نيوز:
ژ ئەگەرێ قەیرانا ئابووری یا نھا ھەرێم تێدا دەرباز دبیت و لاوزایا رەوشا دارایی یا خەلکی دەڤەرێ کارتێکرن ل رێژەیا گرێبەستێن ھەڤژینێی و مارە برینان کریە و تا رادەیەکی ژی رێژەیا بەردانی ژی ل سنوورێ ناحیا دێرەلۆک کێم بوویە.
ل گۆر وێ ئامارا ل دادگەھا بەرایی ل دێرەلۆکی ب دەست مە کەفتی رێژەیا گرێبەستێن ھەڤژینیآ ژ 40% کێم بوویە و ھەروەسا رێژەیا بەردانێ ژی 25% کێم کریە کو ل دووڤ ئامارا سالا 2016 ب تنێ 321 بووینە و بەرامبەری سالا 2015 ھژمارا گرێبەستێن ھەڤژینیآ 404 حالەت بووینە لێ بەرامبەری ڤێ یەکی ژی ل سالا 2014 پتر ژ 520 حالەت ھەبووینە.
ھەر ل دووڤ وێ ئامارێ ھژمارا حالەتێن بەردانێ ژی ل سالا 2014 گەھشتبوونە 20 حالەتان لێ ل سالا 2015 ئەڤێ رێژەیێ ژی کێم کریە و بووینە 15 حالەت و ل سالا 2016 بتنێ 11 حالەت ھەبووینە.
ل گۆر شارەزایێن وارێ جڤاکی ژی ئەگەرێن کێمبوونا ڤێ رێژەیێ ژی ڤەدگەریت بۆ قەیرانا ئابووری یا ھەرێمێ و لاوازیا رەوشا خەلکێ دەڤەرێ ژلایێ دارایێ ڤە.
ھەروەسا دەربارێ ئەگەرێ کێمبوونا رێژا بەردانێ ژی ژێدەرەکی ژ دادگەھێ بۆ ئەڤرۆ دیار کر، کو ژ ئەگەرێ نیاسینێ و شەرمێ بارا پترێ حالەتێن بەردانێ دچنە دادگەھا دھۆکێ و ل دادگەھا مە پێشکێش ناکەن.
پارتى: دڤێت بزاڤێن جدى بۆ باشتركرنا ژيانا خه‌لكى بهێنه دان
به‌سه ئێدى ئه‌م نه‌بن كوێله‌یێن خه‌لكى
ئه‌م ب هنده‌ك پرسیاران ده‌ست ب نڤیسا خوه بكه‌ن و خوه بگه‌هینن هنده‌ك راستیان، سه‌ده‌مێن رێك نه‌كه‌ڤتنا پارت و ئالیێن سیاسى یێن هه‌رێما كوردستانێ چنه؟. پارتێن مه ل پشت په‌ردا چ د ئاخفن؟. ره‌وشا ناڤخوه ئاسته‌نگه یان هێزێن ده‌رڤه ده‌سته‌وه‌ردانێ دكه‌ن دا كۆ رێكه‌ڤتن چێنه‌بیت؟. به‌رسڤا ڤان پرسیاران حه‌تا ئاسته‌كى دیارن و وه‌سا خوه‌یا دكه‌ت دیسا ئه‌قلێ ئێكێ یێ كوردى ل سه‌ر كاره و حه‌تا نها ژ بلى سه‌رۆكێ هه‌رێمێ چ كه‌سه‌كى دى ل هه‌رێما كوردستانێ بزاڤا بكارئینانا عه‌قلێ دویێ نه‌كریه و حسابێن ل سه‌ر كورسیان و پارڤه‌كرنا ده‌هاتان ل پێش هه‌موو به‌رژه‌وه‌ندیێن نه‌ته‌وى و نشتیمانى راوه‌ستیایه. سه‌رۆكێ هه‌رێما كوردستانێ د ره‌وش و ده‌مه‌كى گه‌له‌ك گونجاى دا و پشتى سه‌ركه‌ڤتنا هێزێن پێشمه‌رگه ل هه‌مبه‌رێ تیرۆرستێن ده‌اشێ، هزرێن خوه ل سه‌ر پاشه‌رۆژا كوردستانێ ئینا زمان و هه‌ژماره‌ك پێشنیاز و رێچاره‌یان دا پێشیا پارت و ئالیێن سیاسی. ئه‌ڤجا ژ ده‌ستدانا ده‌لیڤا زێرین و ژناڤچوونا خه‌یالا ئاڤاكرنا ده‌وله‌تا كوردى دبیته تاوانا پارت و ئالیێن سیاسى و چو ده‌مه‌كى نه‌شێن خوه ژ بن بارێ ژ ده‌ستچوونا ڤێ ده‌لیڤا گرنگ و دیرۆكى رزگار بكه‌ن. شاند ل دووڤ شاندێن گرنگ و بریارده‌ر سه‌ره‌دانا هه‌رێما كوردستانێ دكه‌ن و به‌حسا رۆلێ گرنگ یێ كوردان د شه‌ڕێ ل دژى تیرۆرێ دا دكه‌ن و ب ئاشكرا یان ب زمانه‌كى دى ژ مه دخوازن كۆ ئه‌م ئێكبگرن و ب ئێكگرتى ژ ره‌وشا هه‌ى مفایێ وه‌ربگرن، نها ئه‌ز باوه‌ر دكه‌م هه‌ر تاكه‌كى كوردستانێ ل هه‌مبه‌ر رێك نه‌كه‌ڤتنا پارتێن سیاسى گه‌له‌ك دلگرانن و ل به‌ندا ئێكگرتنا ناڤمالا كوردینه و هه‌ر كه‌س دزانیت سه‌ده‌مێ ره‌وشا خراب یا ئابووریێ و نه‌بوونا په‌رله‌مانێ و حوكمه‌تێ ژ هه‌ڤ دووربوونا پارتێن كوردى و به‌رژه‌وه‌ندیێن ته‌نگ یێن پارتایه‌تیێ یه و شه‌ر بۆ كورسیانه و نه بۆ دانینا پاشه‌رۆژه‌كا گه‌ش بۆ كورد و كوردستانێیه. مخابن حه‌تا نها ژى پارتێن مه نه‌شیانه په‌یوه‌ندیێن خوه یێن ل گه‌ل وه‌لاتێن بیانى ل سه‌ر بنگه‌هه‌كا نشتیمانى دروست بكه‌ن و دوور ژ هێلێن سۆر خوه نێزیكى وه‌لاتێن داگیركه‌ر دكه‌ن و نه ب ئاشكرا بیت ژى دژاتیێ پارتێن دى دكه‌ن. ژ خوه وه‌لاتێن داگركه‌ر ژى ناخوازن سنۆرێن هه‌یى بهێنه گوهۆرین و ده‌وله‌ته‌كا كۆ باندۆرا خوه ل وان بكه‌ت بهێته راگه‌هاندن، لێ مه‌سه‌له نه خوه‌سته‌كا توركان، ئیرانێ یان ئیراقی یه مه‌سه‌له ئه‌م وه‌ك كورد چه‌ند دخوازن ده‌وله‌ته‌ك ئاڤا بكه‌ن و د ره‌وشا نها یا گونجاى دا بۆ راگه‌هاندنا ده‌وله‌تا كوردى مه چ به‌رنامه هه‌یه. وه‌ك كۆ نوونه‌رێ ئۆباما و وه‌زیرێ به‌رێ یێ ده‌رڤه یێ فره‌نسا ژى گۆتن كورد ب ئێكگرتنا خوه دشێن ژ ره‌وشا هه‌ى موفایێ وه‌ربگرن و خوه بگه‌هینن خه‌یالێن خوه و ب ئاشكرا ژى دیار كرن كۆ نه ئوروپا، ئه‌مریكا یان وه‌لاته‌كى دى بۆ كوردان ده‌وله‌ت دروست ناكه‌ت و هه‌كه كورد خوه بكه‌ن یه‌ك ژى چ ده‌وله‌ت و هێزه‌كى نینه بشێت ئاسته‌نگیێ ل هه‌مبه‌ر ئاڤاكرنا ده‌وله‌تا كوردى دروست بكه‌ت. یانى ئێدى به‌سه بلا پارتێن مه خوه و گه‌لێ كورد نه خاپینن و هه‌ما جاره‌كا ب تنێ بیت ژى ئه‌م خوه ژ هزرێن پارتاتى دور بخه‌ن و گۆهداریا ئاغا خوه، ئه‌نفالان، شه‌هیدان و خه‌یالێن خوه بكه‌ن. مافێ چ پارته‌كى نینه خیانه‌تێ ل گه‌ل خه‌یالێن گه‌لێ كورد بكه‌ت، بلا ئێدى كه‌س چیرۆكان نه‌بێژیت و هه‌ر تشت ل مه‌یدانێیه و سه‌رۆكێ هه‌رێمێ ب رێنماى و پێشنیارێن خوه رێ ل به‌ر هه‌موو ده‌ره‌وان داخستیه و یێن نه‌هێته ناڤ ئێكرێزیێ مافێ وێ نینه به‌حسا كورد و كوردستانێ ژى بكه‌ت. پارچێن دى یێن كوردستانێ د ره‌وشێن جودا جودا ژیان دكه‌ن، رۆژاڤا هێشتا ل ده‌ستپێكا قۆناغا پاراستنا ده‌سكه‌ڤتانه و بجیهكرنا فه‌ده‌رالیزمێ حه‌تا ئۆتۆنۆمیێ ژى سه‌ركه‌ڤتنه‌كا مه‌زنه، ل باكۆر ب ده‌ستخستنا مافێن نه‌ته‌وى و نشتیمانى د چارچووڤا دستورێ دا مرۆڤ دشێت وه‌ك پێنگاڤا ئێكێ قه‌بوول بكه‌ت و پشته‌ڤانى لێ بكه‌ت، دیسان ل رۆژهه‌لاتێ كوردستانێ وه‌ك پێنگاڤا ئێكێ دروستكرنا به‌ره‌یه‌كى نشتیمانى ل پێشیا هه‌ر كاره‌كى دیه، لێ ره‌وشا باشۆرێ كوردستانێ ئانكۆ هه‌رێمێ یا ئاڤاكرنا ده‌وله‌ته‌كا سه‌ربخوه‌یه و ژ بلى راگه‌هاندنا ده‌وله‌تا كوردى چ سیسته‌مه‌كى دى یان چاره‌كا دى نه گونجاییه و د ڤێ قووناغێ دا ناڤێ سه‌رفرازى راگه‌هاندنا ده‌وله‌تا كوردیه و ئه‌ڤ ده‌وله‌ت دێ وێره‌كیێ بده‌ته رۆژاڤا، باكۆر و رۆژهه‌لات و ب هه‌بوونا خوه ده‌وله‌ته‌كا سه‌ربخوه ل باشۆرێ كوردستانێ وه‌ك سروشت دێ پارچێن دى هان بده‌ت بۆ ئێكگرتنێ و به‌رێ وان بده‌ته ئارمانجا پیرۆز یا گه‌لێ كوردستانێ. وه‌ك پێنگاڤا ئێكێ بلا ناسناما ده‌وله‌تا كوردى بكه‌ڤیته د به‌ریكا هه‌ر كورده‌كى دا، پشتره هه‌كه ده‌سهلات نه دیمۆكراتیك بوو و به‌رده‌وامى دا گه‌نده‌لیێ و ده‌رفه‌تا كار و سیسته‌ما خوه‌ندنێ پێشنه‌خست و ژیانا هه‌ر تاكه‌كى نه‌كره گه‌ره‌نتیێ وێ ده‌مێ مافێ هه‌ر وه‌لاتیه‌كى كورده ئه‌ڤجا ل دژى ده‌سهلاتداران سه‌رهلدانێ بكه‌ت. بلا مه ده‌وله‌ت هه‌بیت هه‌كه پێدڤى كر ئه‌م ل دژى ده‌وله‌تا خوه ژى راوه‌ستن لێ كا ده‌ستپێكێ ئه‌م خوه ژ ئه‌بدبوونا عه‌ره‌بان، تورك و فارسان ده‌رخن، یا دى مافێ مه یێ وه‌شارتیه و مافێ مه‌یێ هه‌رى دیمۆكراتیكه.
باران بارين ل هه‌رێمێ دێ ده‌سپێكه‌ت
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا ئێكشه‌مبى رێكه‌فتى 15ى كانوونا دويێ 2017 ئه‌سمانێ دهۆكێ دێ د ناڤبه‌را ئه‌وره‌كێ ناڤه‌ندى و ئه‌ورێن ته‌مام دا بيت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن بلندێن رۆژهه‌لاتێ توركيا دهێته پێشبينيكرن ئه‌سمانێ دهۆكێ د ناڤبه‌را ئه‌وره‌كێ ناڤه‌ندى و ئه‌ورێن ته‌مام دا بيت..
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10كم دا و ماوێ ديتنێ ژى دێ د ناڤبه‌را 9 بۆ 10كم دا بيت، پلێن گه‌رمێ ژى دێ د ناڤبه‌را -1 بۆ 9 پلان دا بن.
رادیۆیا داعشێ هاته هاككرن و ئه‌ڤ په‌یامه بۆ به‌غدادی هاته هنارتن
ئه‌ڤرۆ نیوز; ڤه‌ده‌ر ره‌شاڤایی:
هاككه‌ره‌كێ نه‌ناسیار شیا پێلا رادیۆیا داعشێ هاك بكه‌ت و په‌یامه‌كئ بۆ رێكخستنا تیرۆرستییا داعشێ و سه‌ركرده‌یێ وێ ئه‌بوبه‌كر به‌غدادی بهنێریت بۆ دلئێشاندن و بێزاركرنا وان.
هاككه‌ره‌كی د ده‌مێ هاككرنێ دا گۆت كو مووسل دێ هێته رزگاركرن، ئه‌ڤه ژی وه‌ك شه‌رمزاریه‌كا دییه بۆ خه‌لافه‌تا داعشێ راگه‌هاندی.
ئێكه‌م جاره رادیۆیا داعشێ ل رۆژئاڤایێ مووسلێ بهێته هاككرن، ڤێ یه‌كێ بۆ ده‌مه‌كی ئالۆزی بۆ داعشێ چێكر.
داعش سیسته‌مێ په‌یوه‌ندیێن وایرلێس بۆ كرنا هێرشان و فه‌رمانان بۆ تیرۆرستێن خوه بكاردئینیت.
وێنه‌گره‌كێ كورد ناسناڤێ وێنه‌گرێ نێڤده‌وله‌تی وه‌رگرت
ئه‌ڤرۆ نیوز; ڤه‌ده‌ر ره‌شاڤای:
وێنه‌گر و رۆژنامه‌ڤانێ كورد محه‌مه‌د مه‌عسوم سوه‌ر، خه‌لكێ باكۆرێ كوردستانێ بوو ئێكه‌م كورد كو ناسناڤێ وێنه‌گرێ نێڤده‌وله‌تی ژ فێدراسیۆنا وێنه‌یێن نێڤده‌وله‌تی (FIAP) بده‌ست خوه ڤه بینیت.
مه‌عسووم سوه‌ر ژدایكبوویێ مێردینێ یه و ل ئامه‌دێ دژیت، چه‌ندین خه‌لات د هه‌ڤركیێن نێڤده‌وله‌تی دا وه‌رگرتنه و خه‌لاتێ تایبه‌ت یێ رێزلێگرتنێ ل هه‌رێما كوردستانێ وه‌رگرتییه.
ناڤهاتی ب وێنه‌یێن خوه د پێشانگه‌هێن نێڤده‌وله‌تی دا هونه‌رمه‌ند و جهـ وشوونوارییێن كوردستانێ نیشان دده‌ت، ئه‌ڤه ژی هنده‌ك ژ وێنه‌یێن وی نه:
ڤيديو: سه‌رتاشه‌ك ب ئاگرى پرچا وه‌لاتيان د قوسينيت
تيروپشكا قۆناغا 8ێ يا جامێ شاهێ ئیسپانیا هاته ڕاکێشان
شڤان پەروەر دبێژیت ئەو ناڤەگەریتە وەلاتێ خوە
ئەڤرۆ نیوز; ڤەدەر رەشاڤایی:
ھونەرمەندێ کورد شڤان پەروەر، پشتی کو بەری چەند سالان ل ئامەدێ کۆنسێرتەک کری و بەشداری کۆمبوونەکا سەرۆکۆمارێ تورکیا بووی، ژ ئالیێ ھندەک کوردێن باکۆرێ کوردستانێ ڤە تۆشی رەخنەیێن گران ببوو. شڤان پەروەری د نها دا بەرسڤا رەخنەگران دا و گۆت:” من خوەست کو ئەز پشتگریێ بدم ئاشتیا ھەردوو ئالیان. لێ ھەردوو ئالییان مللەت قوربانی سیاسەتا خوە کرن. وان بەرێ خوە دا شەر.”
شڤان پەروەری بۆ ئاژانسا سپوتنیک یا رۆسی گۆت: “من د گۆ تورکیا دکارە ببە باڤێ رۆژھلاتا ناڤین. ملەتا ل ھەڤ بینە. نەھێلە شەر چێببە. من ژ ئەردۆگانی خوەست کو ھەقێ کوردان بدن، دۆزا کورد چەرەسەر بکن، لێ وان تورکیا بخوە ژی خست ناڤ شەر، وەسا تەڤلھەڤیەک ھەیە کو ملەت بوونە قوربانیێن ئەز ئەزا پارتیێن سیاسی.”
شڤان پەروەر رەخنە ل تورکیا و ھەدەپی ژی گرت ژ بۆ تێکچوونا پرۆسەیا چارەسەریێ ل باکۆرێ کوردستانێ و دژواربوونا شه‌رێ په‌كه‌كێ و توركیا، گۆت: “کورد ژ خوە خوە نەگوھەراندن، لێ تورکا ژی خوە نەگوھەراند. ترک دبێژن ھەر گاڤ دڤێ بریار د دەستە مە دە بە. ھەر دخوازن ل سەر کوردان سەردەست بن، کورد ژی نکارن خوە وەک ئۆپۆزیسیۆنەکە خورت ل مەجلیسا وان بجھ بکن. ئۆپۆزیسیۆنا کورد ژی چێنابە. ھەکەر ھەدەپێ وەک پارتیەکیا کوردان و ئۆپۆزسیۆنێ مابا، دا تورکیا ژی وێ قەبوول کەت. ئۆپۆزیسیۆنەک کو مافێن کوردان ژی بپارێزن دەرنەکەت.”
شڤان پەروەر ئاماژە کرە پەڤچوونێن سالێن داوییێن ل باژارێن کوردان و گۆت:” یانی حالێ وان ھەندەکان چ بوو؟ خوەسەری چبوو؟. ھەردەرێ ھەموو باژارێن کوردان خراب کرن. ھەم دەولەتێ خراب کر، ھەم ژی وانا خراب کر. ڤێجا ئەمێ بێژن کیژان ھەقە. ھەردوو ئالی ژی ئەز ئەزا وانە، ملەت ل بەر دەستێ وان پەریشان بوون.”
شڤان پەروەری کو بەری چەند سالان ل ئامەدێ ھەڤدیتن د گەل ئەردۆگانی پێکئینا بوو، گۆت: “جارا پێشین ل تورکیا پێڤاژۆیەکیا چارەسەریێ،یا ئاشتیێ چێببوو، خۆدان دەرکەفتنەک چێببوو. پێڤاژۆیەکیا سەربەستیا ملەتان ئانیبوون بەرچاڤان کو کوردان قەبوول دکرن. رەوشەک وەسا چێببوو کو تورکیا ملەتێ کورد ژی قەبوول دکر. ھەردوو ئالی ژی رازی بوون. وان بخوە پێڤاژۆیەکیا ئاشتیێ چێکربوو، ژ من رە گۆتن “پێڤاژۆکا ئاشتیێ ھەیە وەرە” من گۆت ئەم دێ بچن ژ بۆ ئاشتیێ ئەم وان پیرۆز بکن. ئاشتیێ بێتر ئەم پێش بخن، ئالیکاریا وان بکن.”
من باوەریا خوە ب ئاشتیێ ئانیبوو
“ب سالان تورکیا گازی مە دکر، لێ باوەریا من ژ وان نەدبوو. لێ گاڤا کو من دیت تورکا و کوردان دەست دانە ھەڤ، من گۆ کا ئەز ژی وەک ھونەرمەندەکی کورد بچم بلا دەستێ من ژی د دەستێ وان دە بە. ب سەرۆککۆمارێ تورکیا برێز رەجەب تاییب ئەردۆگان ره. من دیت رەوشا ئابۆریا وان باش دچوو. ئێدی ناھێلن کەس بمرە. ئێدی ناھێلن مال خراب ببن. باشە ما کارێ مە چیە؟ ئەز ژی ب سالان قێریێن من بوو من بانگ ژ بۆ ئاشتی و ئازادیێ دکر، ئەز ژی ھاتم کو ڤێ ئاشتیێ پیرۆز بکم.” دەرفەتا ژیانێ ژ من رە نەھشتن.
پەروەری بەردەوام کر: “د بەردەوامیا ڤێ بەشداربوونێ دە من دیت کو دیسا سیاسەت کەتە ناڤ دا و یەکی گۆت چ شۆلێ تە ل ویرێ یە،یێ دی گۆ دڤێێ تو نەھاتبای. یەکێ دی گۆ نە رۆژا ھاتنا تە یە. من گۆ ئەز ھاتمە ژ بۆ پێڤاژۆیا کو وە دایە دەستپێکرن پیرۆز بکم، کا ھوون چ دخوازن ژ من. من دیت کو دەرفەتا ژیانا من ل وێرێ نەما. کو ئێدی بسترم.
بەرێ تورکا دژمناتی ل من دکر، ڤێ داویێ کوردان دژمناتیا من کر. رەڤیام چووم دیسا. شەڤەکێ مام من گۆ ب خاترێ وە. ئەز نامینم. ئەزێ وەک خوە بژیم. کەنگی کو ھون ل ھەڤ ھاتن وەک جامێرا ژ من رە بێژن، ڤایە ئەم ل ھەڤ ھاتن، کا تو ژی وەرە ژ مە رە بسترێ، ئەزێ وێ گاڤێ وەرم. نە کو تێکەڤم ناڤا پۆلەمیکێن سیاسی، قرێژ و شەر و کوشتن و مرن و ھیلەکاری و درەوان، ب ڤی ئاوایی ژ وێر دەرکەتم چووم.”
ھەردوو ئالییان ب ھەڤکاری ئاشتی خراب کرن
“داویێ من دیت کو دیسا شەر دەست پێ کر. ھەر رۆژ شەھید. ھەر رۆژ شەھید. ترک دەما کو کوردان دکوژن دبێژن (öldürdük). کورد گاڤا ترکا دکوژە دبێژن نزانم شەھید. کا ئەڤ چ حالە؟ ھەردوو ئالی ژی خەلەتە. ھەردوو ئالی ژی نە ژ بۆ ملەت ژ بۆ خوە نە. من د گۆ ترکیە دەولەتەکە مەزنە. تورکیا دکارە ببە باڤێ رۆژھلاتا ناڤین. ملەتا ل ھەڤ بینە. نەھێلە شەر چێببە. لێ ڤایە تورکیا ژی خوە خست ناڤ شەر، وسا تەڤلھەڤیەک ھەیە کو ھەردوو ئالی ژی ملەتان دکن قوربانا سیاسەتا خوە.”
باوەر ناکم کو جارەکا دی ڤەگەرمە وەلاتێ خوە
پەروەر ل دۆر ھلبژارتنان ژی گۆت “مفایێ ھلبژارتنان ژی نەبوو. ئیرادا ملەت نەھات بکارئانین. بتنێ سیاسەت و سەرۆکا رۆل ھەبوو. نە ئیرادا ملەتێ کورد ھات بکارئانین. نەیا ملەتێ تورک نەیێ مرۆڤایەتیێ ھات بکارئانین. تەڤا گۆ سیاسەتا مە. تەڤ ژی ئەز ئەزا وانە. تورکیە دەولەتەکە دیرۆکییە، ئەدەبییە، فەلسەفییە، کولتورییە دنیا ھەموو، لێ کۆم دبە. تەنێ تووریزما وێ تێرا خوەدیکرنا ڤی وەلاتییە. لێ ھەموویان خراب کرن. ئەز باوەر ناکم کو د رەوشەک وەسا دە جارەکە دین بێم. نایێم. ئەزێ مووزیکا خوە بکم. مووزیک ب سەر ھەموو ھونەران رەیە. و مووزیک وەک بایەکێ دھەرکە نکارە بسەکنە.”
نيشاندان
WP Facebook Auto Publish Powered By : XYZScripts.com