ئه‌ڤرۆ نيوز:
پەرلەمانتارەکێ پارتی دیموکراتی کوردستان ئەو چەندە رەتکر کو حەیدەر عەبادی سەرۆک وەزیرێن عێراقێ ئەندامەکێ مەکتەبا سیاسیا پارتی بۆ پۆستێ وەزیرێ دارایێ عێراقێ بەربژارکر بیت و دبێژیت، پارتی ب چو شێوەیەکی رازینابیت کەسەک بەربژێرا بۆ پۆستێن پارتی دیاربکەت و تەوافق ل عێراقێ نەمایە و ئەڤا خەلکەک قەبولدکەت کورد قەبولناکەن.
سیروان سیرینی، ئەندامێ فڕاکسیۆنا پارتی لپەرلەمانێ عێراقێ بۆ رۆژناما ئەڤرۆ گۆت” ئەف زانیاریێن ل دەزگەھێن راگەھاندنێ تێنە بەلافکرن، لدۆر بەربژێرکرنا ئەندامەکێ مەکتەبا سیاسیا پارتی دیموکراتی کوردستان ژلایێ حەیدەر عەبادی سەرۆک وەزیرێن عێراقێ بۆ پۆستێ وەزیرێ دارایێ عێراقێ چو راستی بۆنینە، چونکە عەبادی نەشێت بێی پارتی چوکەسا بەربژێربکەت بۆ جھێ ھشیار زێباری و پارتی ژی ڤێ چەندێ قەبولناکەت، ھێشتا تازە ئەڤە چەند رۆژەکە دادگەھێ بڕیار لدۆر کەیسا ھشیار زێباری دەرکری و ئەم وەک پارتی ئاگەھداری بەربژێرکرنا چو کەسا نینە ژلایێ سەرۆک وەزیرێن عێراقێ ڤە، راستە پۆستێ وەزیرێ دارایی پشکا کوردایە و لناف کورداژی بەھرا پارتی دیموکراتی کوردستانە، بەلێ ئەم وەک پارتی مە زۆر مەرەم پۆست نینە، بەرۆڤاژی پتر مە دڤێت ل پڕۆسا سیاسیا عێراقێ دا پشکداربین وەک شەریکێن رێڤەبرنا عێراقێ، ئەگەر مەرەما مە ل بەغدا تنێ پۆست و پلە بوون، ئەڤە چەندین پۆست ل کوردا و پارتی ھاتینە وەگرتن و مە چو کارڤەدانێن خراپژی نەبووینە.
سیروان سیرینی گۆتژی” مخابن پشتی پڕۆسا ئازادیا عێراقێ ئەڤە 13 سالە رژێما بەعس ھاتیە ھەرفاندن سال بۆساێ بێرێزی بەرامبەر پشکداریا کوردا ل عێراقێ دا تێتەکرن، عەقلیەت ل عێراقێ چێبویە دخوازن خوە بسەپینن بسەر ھەموو عێراقیاندا، بەلێ ئەگەر خەلکەک ل عێراقێ ڤێ چەندێ لسەر خوە قەبولبکەت، ئەڤە بلا پشتڕاستبن ئەم وەکی کورد بێدەنگنابین و حالەتێ ھەرێما کوردستانێ بۆیە دیفاکتو جودایە ل دەڤەرێن دی یێن عێراقێ، ھەرێما کوردستانێ بیرکاری ھەموو لایەنێن خۆڤە رازینابین پشتگوە پێنە پاڤێتن و بکەڤنە بن کاریگەر و دەستھەلاتا حوکمەتەکێ ل بەغدا بڤی عەقلی عێراقێ رێڤەببەت، ئەڤا ھەمبەر کوردا تێتەکرن ل عێراقێ ئەگەر مەرەم ژێ لاوازکرنا کوردابیت ل پڕۆسا سیاسی دا ئەڤە دێ زانن کورد ڤێ چەندێ قەبولناکەن و چو دەستھەلاتێن زۆرداری ناھێنە قەبولکرن بۆ بدەستڤە ئینانا حوکمێ عێراقێ.
نووترين نووچه
- سەرۆك بارزانی: گەلێ كورد دێ هەر گەهیتە سەربخوەییێ
- نێچیرڤان بارزانی و تۆبیاس لیندنەر دوماهی پێشهاتێن ئیراقێ و سووریێ گەنگەشەكرن
- پێدڤییە هەرێما كوردستانێ د رێككەفتنێن ئیراقێ و بریتیش پێتڕۆلیۆمدا پشكدار بیت
- مەسرور بارزانی ل داڤۆسێ چەندین دیدارێن گرنگ ئەنجامدان
- فازل میرانی سەرەدانا خەباتكەران دكەت
- بۆ چارەسەركرنا كێشەیا مۆچەیان هەرێمێ دو پێشنیاز بۆ بەغدا یێن هەین
- ڤەکۆلەرەک: ئارمانجا تورکیا رۆژئاڤایێ کوردستانێ یە
- سەرۆك بارزانی و نێچیرڤان بارزانی و مەسرور بارزانی سەرەخوەشیێ ل قوربانیێن ئاگرێ توركیا دكەن
- نێچیرڤان بارزانی دوپاتیێ ل پێشڤەبرنا پەیوەندییان ل گەل هۆلەندا دكەت
- سەرۆكێ حوكمەتا هەرێمێ ل گەل چەندین سەركردە و بەرپرسێن وەلاتێن جیهانێ ل داڤۆسێ كۆم دبیت
سه‌ره‌كى Facebook
ئه‌نجامێ 100% جهێ گومانێ یه
هه‌كه د (مه‌نتقێ) په‌روه‌رده و فێركرنێ دا چێببت قوتابى، تایبه‌ت د مژارێن زانستى دا 100% د ئه‌مزموونان دا ب ده‌ستڤه بینت، ئه‌ڤه د مه‌نتقێ سیاسه‌تێ دا گه‌له‌ك كێمه، هه‌كه نه‌‌بێژین دبنى دا نینه، ژبلى كو رژێمه‌ك دكتاتۆرى بت، د هه‌لبژارتنان ژى دا رێژه‌یا ره‌ها بده‌ستڤه‌دهینت، لێ ژبلى هنده‌ك ئالیێن وه‌ك وێ رژێمێ دكتاتۆرى، وه‌ك دى كه‌س دانپێدانێ ب وان ئه‌نجامان ناكه‌ت و د كیستێ وێ رژێمێ دمینت.
ئه‌ڤ جڕكێشان و شه‌ڕه‌ده‌ڤا نێزیكى سال و نیڤان ل هه‌رێما كوردستانێ، لناڤبه‌را حزبێن هه‌رێمێ، تایبه‌ت (پارتى) و (گۆڕان) هه‌مى دبینن، پالده‌ره‌ێ وانێ سه‌ره‌كى، لسه‌ر بده‌ستڤه هینانا رێژه‌یا كامله (100%) ژ ده‌ستكه‌ڤتیان دهێته كرن كو هه‌ڤكێشه‌یه‌كا ده‌م بسه‌رڤه‌چۆیه و مۆدێلێ وێ نها ل جیهانا ده‌مۆكراتخواز و پێشكه‌ڤتى نه‌مایه. راسته د هه‌ڤركى و ناكۆكیێن سه‌رده‌م دا، هه‌ر ئالیه‌ك بزاڤێ دكه‌ت كو رێژه‌یا بهتر ژ ده‌ستكه‌ڤتیان بده‌ستڤه بینت، لێ چو پێكهاتن و رێكه‌ڤتن نابن هه‌كه هه‌ر ئالیه‌ك هنده‌ك داگێڕانان (تنازلان) ب هه‌ر رێكه‌كا هه‌یى بۆ ئالیێ دى نه‌كه‌ت.
ئه‌ڤه هه‌كه نیازێن هه‌مى ئالیێن هه‌ڤرك لسه‌ر مێزه‌یا دانوستاندنان دروونن پاقژبن و چو مار دبن كه‌فشێن چو ئالیانڤه نه‌بن. كه‌واته د پرانیا عورفێن حوكمداریێ دا (ته‌نازل) پێخه‌مه‌ت به‌رژه‌وه‌ندیا گشتى چۆ كێماسى و شه‌رم تێدا نینه. به‌ره‌ڤاژى، سه‌ركه‌ڤتنه بۆ ئالیێ ژخوه‌گرتى و ئه‌و سینگفره‌هى و نه‌رماتى هه‌یى داگێڕان كرى. ئه‌ڤ ده‌ستپشخه‌ریا ڤێ دوماهیێ سه‌رۆكێ هه‌رێمێ كرى و پاشى (پارتى) وه‌ك مه‌زنترین پارتا ده‌ستهه‌لات چوویه ناڤ مالا هه‌موو پارتێن كوردستانى، تایبه‌ت (گوڕانێ و كۆمه‌لا ئیسلامى)، پێنگاڤه‌كا به‌ره‌ڤ ئاره‌سته‌یا دروسته. گه‌له‌كا گرنگه پێنگاڤێن زێده‌تر بهێن هاڤێژتن ژ هه‌مى ئالیان، داكو ده‌ستپیشخه‌ریا سه‌رۆكى به‌رهه‌مداربت. لڤێره چو كێماسى ژى بۆ چو ئالیان نابن، ماده‌م ئارمانج سه‌خمه‌رات به‌رژه‌وه‌ندیا گشتیه و ده‌ركه‌ڤتنا هه‌رێما كوردستانێیه ژ بن بارێ گرانێ ڤان قه‌یرانێن مایه دبنڤه و رۆژ بۆ رۆژێ زێده‌تر لێ دهێن و سه‌رباركێن وێرانكار لدووڤ خوه دهێلن.
ئه‌ز باوه‌ردكم هه‌موو ئالى گه‌هشتینه وێ باوه‌ریێ كو چو پێنگاڤێن كاریگه‌ر ده‌رباره‌ى چاره‌نڤیسێ ملله‌تێ كورد تایبه‌ت ده‌وله‌تبوونێ ناهێنه هاڤێژتن، هه‌تا هه‌موو ئالى رێكنه‌كه‌ڤن و نه‌بنه خودان گۆتاره‌كا هه‌ڤگرتى هه‌مبه‌را حوكمه‌تا فیدرال و ئه‌قلیمى و ده‌رڤه؛ ژ به‌ر كو هه‌موو دۆست و هه‌ڤالێن كوردستانێ ته‌كه‌زیێ لسه‌ر وێ چه‌ندێ دكه‌ن كو هه‌موو ئاڕێشه‌یێن ناڤخوه‌ی چاره بكن و ئێكرێزیا خوه مكوم بكن، داكو ل ده‌ستپێێ دانوستاندنان دگه‌ل به‌غدایێ بكن و پاشى دگه‌ل ئالیێن دى یێن ئه‌قلیمى و ده‌ولى بكن. ژ به‌ر كو ئه‌وا به‌غدا رازى دبت و ددته هه‌رێما كوردستانێ و دبته دیفاكتۆ (امر الواقع) شه‌رعیه؛ هینگێ نه (ترك) و نه (ئیران) نه‌شێن مایێ خوه د هه‌رێما كوردستانێ بكن.
هه‌كه هۆسا رێككه‌ڤتن هاته كرن، دبت هینگێ سه‌ربۆرا (هه‌ولێرێ) و (به‌غدایێ) وه‌ك سیسته‌مێ جودابوونا (چیك – سلۆڤاكیا) بت. لێ ئه‌وا ده‌له‌ته‌كا ئه‌قلیمى یان بیانى بى رازیبوونا ئیراقێ دده‌ته هه‌رێما كوردستانێ، هه‌لبه‌ت بێ به‌رامبه‌ر نابت، دبت بهتر وه‌ك سه‌ربخوه‌یا (قوبرسا) دو پارچه‌كرى بت، تنێ (تركى) داپێدانێ ب ئالیه‌كى دكه‌ت و (یۆنان) ب ئالیێ دى دكه‌ت.
به‌س دو رۆژ ببه‌ن كورد
رۆژێن گه‌رم یێن كۆ باندۆرا خوه ل پێشه‌رۆژا مه بكه‌ت نێزیك دبه‌ن و د ڤێ قۆناغێ دا ئه‌مێ بریارێ بده‌ن و راگه‌هینن كا ئه‌م چنه و ئه‌م چ دخوازن و هێژایێ چ ژیانه‌كى نه. راسته وه‌لاتێن زلهێز و داگركه‌رێن كوردستانێ هه‌ر یه‌ك خوه‌دان پرۆژه و پلانه‌كى نه و هه‌ر یه‌ك ژ وان ل دوڤ پلانێن خوه پاشه‌رۆژه‌ك بۆ كورد و كوردستانێ دیار كرنه و حه‌تا ژ ده‌ستێ وان بهێت دێ بزاڤێ بكه‌ن دا كۆ پلانا وان ل سه‌ر كوردان بهێته بجیه كرن، ده‌ما ئه‌م ل ره‌وشا پارچه‌ى و حسابێن بچوك یێن پارتێن خوه دنێرن گه‌له‌ك هێسان ئه‌م دشێن بێژن كۆ ره‌وشا ناڤخۆ یا مه زه‌مینه بۆ داگركه‌ران خۆش دكه‌ت دا كۆ بریارێ ل سه‌ر ناڤێ مه بده‌ن.
ئه‌م مه‌راق دكه‌ن، ب راستى پرۆژه و پلانێن پارتێن كوردى بۆ پاشه‌رۆژێ چنه؟ گه‌لۆ پارتێن مه دێ كینگێ خوه سپى بكه‌ن و ره‌ش و كرێتى و گه‌مارێن داگركه‌ران ژ سه‌ر خوه باڤێژن؟ پرسیارا داوى ژى ئه‌ڤه سه‌رۆكێ هه‌رێمێ پێشنیاره‌ك و پلانه‌ك گه‌له‌ك رۆن و ئاشكرا دا پێشیا هه‌مو ئالیێن سیاسى و ئه‌ز دشێم بێژم ب وێره‌كانه ته‌پا ئاڤێته ناڤ گۆراپانێ، ئه‌ڤجا چ بیانۆیه‌ك ل به‌ر ده‌ستێ چ ئالیه‌كى دا نه‌مایه و دڤێت پارتێن كوردى د زوترین ده‌م دا به‌رسڤا سه‌رۆكاتیا هه‌رێم بده‌ن و هه‌لویستێن خوه ئاشكرا بكه‌ن. یانى هه‌كه هه‌بیت نه‌خشه‌چاره‌یه‌ك بۆ پاشه‌رۆژا كوردان دڤێت ب زه‌لالى راگه‌هینن، تشتێ كۆ ئه‌ز دبینم چ نه‌خشه‌رێیه‌ك بۆ پاشه‌رۆژا كوردستانێ ل به‌ر ده‌ستێن ئالیێن سیاسى یێن كوردستانێ دا نینه و هه‌ر ئالیه‌ك ل ده‌ڤێ داگركه‌رێن كوردستانێ دنێرن و نه‌شێن رویێن خوه سپى بكه‌ن. یانى ب تنێ دو رۆژ هه‌ما دو رۆژ به‌سن بلا هزر بكه‌ن كۆ كوردن و باوه‌ر بكه‌ن هه‌كه به‌س دو رۆژ پارتێن مه هه‌ست ب كوردبونا خوه بكه‌ن و سۆز و په‌یمانێن كۆ دانه شه‌هیدان و گه‌لێ كورد ببیر بهینن دێ گه‌له‌ك زه‌لال یه‌كگرتنا ناڤ مالا كوردى دروست ببیت و وێ ده‌مێ ئه‌مێ بشێن ب سه‌ر بلندى ل هه‌مبه‌ر داگركه‌ران و وه‌لاتێن زلهێز ب ده‌نگه‌كى بلند راگه‌هینن كۆ ئه‌م ده‌وله‌تا خوه یا سه‌ربخوه رادگه‌هینن و دیسان باوه‌ر بكه‌ن ده‌ما ده‌وله‌تێ راگه‌هینن چ هێزه‌ك نه‌شێت ببیته رێگر و ده‌سته‌وه‌ردانێ بكه‌ت. یانى ئاریشا مه یا سه‌ره‌كى ئه‌وه كۆ مه كوردبونا خوه ژ بیر كریه و تنێ پاراتایه‌تیا مه د ئه‌قلێ مه دا مایه و ئه‌قلێ پارتایه‌تى د پرسێن چاره‌نیوساز دا كێمه و نه‌ساخیه و بچوكه.
ده‌ما په‌یڤ دهێته سه‌ر راگه‌هاندنا ده‌وله‌تا كوردى ژ هه‌ر سه‌ریه‌ك هزره‌كى نه‌ساخ و ژ هه‌ر ده‌وى ئاخاڤتنه‌كا بریندار ده‌ردكه‌ڤیت و سه‌ده‌مێ وێ ژى نه‌بونا ئه‌قلێ باسیت و ره‌سه‌ن یێ كوردبونێیه، هه‌كه نا بۆ چ د قۆناغه‌كى وه‌سا دا كۆ ئه‌م ژ هه‌ر ده‌مێ زێده‌تر نێزیكى خه‌ونا شه‌هیدان و هه‌ر تاكه‌كى كورد بونه كۆ ئه‌و ژى ده‌وله‌تا كوردیه، ئه‌م نه‌شێن پێكڤه دانشن و ب یه‌ك ده‌نگى و یه‌ك هه‌لویستى ب ده‌نگه‌كى بلند ده‌وله‌تا خوه یا سه‌ربخوه راناگه‌هینن. هه‌كه ده‌ستێ ده‌وله‌تێن داگركه‌ر د ناڤا مه دا نه‌بیت بۆ چ هزر و به‌رنامێن پارتێن مه ئه‌و هنده شێلى نه.
د ئاستێ نێڤده‌وله‌تى دا تشتێ كۆ خوه‌یا دكه‌ت ژ بلى ده‌وله‌تێن داگركه‌ر یێن پارچێن كوردستانێ چ رێگرى ل به‌رده‌م كوردان دا نه‌مایه و د ره‌وشا نها دا ده‌وله‌تێن زلهێز ژى د ناڤ دا پرانیا وه‌لاتێن ئوروپا ده‌ما ده‌وله‌ته‌كا كوردى بهێته راگه‌هاندن دێ نه ل دژ بن، لێ هه‌كه ئه‌م ب یه‌كگرتى ده‌وله‌تا خوه دروست نه‌كن نه ئوروپا و نه ژى وه‌لاتێن زلهێز چ ئالیه‌ك بۆ مه ده‌وله‌ته‌كا سه‌ربخوه دروست ناكن.
دو رێ ل پێشیا مه هه‌یه، رێكا یه‌كێ یه‌كگرتنا ناڤ مالا كوردى و یه‌ك هه‌لویستییه، ئه‌ڤ رێك دێ مه به‌ر ب ده‌وله‌تا كوردستانێ ڤه ببیت و بۆ گهیشتنا ڤێ رێكێ وه‌ك مه ده‌ستپێكێ گۆت ب تنێ دو رۆژ به‌سن و به‌س دێ هزر ل كوردبونا خوه بكه‌ن نه كۆ ل پارتایه‌تی. رێكا دویێ به‌رده‌وامى دانا ره‌وشا نها یا پارچه‌كرى و شێلى بونا هه‌لویستان و گۆهدارى كرنا داگركه‌رانه كۆ ئه‌ڤ رێك ژى دێ ده‌لیڤا زێرین ژ به‌ر ده‌ستێ ب فرینیت و به‌لكى ب سه‌دان سالێن دى ده‌لیڤه‌كا وه‌سا بۆ مه دروست نابیت. ئه‌ڤجا ته‌پ ل گۆراپابا پارتێن سیاسى یێن كوردستانێیه، دشێن ته‌پا باڤێژن گۆلا خوه و توشى خوساره‌ته‌كى دیرۆكى ببه‌ن و دشێن ب هه‌ڤرێزى پاساتان بده‌ن هه‌ڤدو و ب زیره‌كانه گۆلێ بۆ خوه تۆمار بكه‌ن و سه‌ركه‌ڤن.
حه‌فتيا بهێت پرۆژێ كاره‌با 20 ئه‌مپيرى ل سلێمانيێ دێ كه‌فته كارى
ئه‌ڤرۆ نيوز:
سالار حسامه‌دين، رێڤه‌به‌رێ گشتى يێ كاره‌با سلێمانيێ راگه‌هاند، حه‌فتيا بهێت پرۆژێ گوهۆرينا كاره‌با مالان بۆ 20 ئه‌مپيران دێ هێته بجهئينان.
سالار حسامه‌دين، رێڤه‌به‌رێ گشتى يێ كاره‌با سلێمانيێ راگه‌هاند ژى كو باژارێ سلێمانيێ بۆ 19 زۆنان هاتينه دابه‌شكرن و ژ ئاليێ 9 كومپانيان پرۆژێ دابينكرنا كاره‌با 20 ئه‌مپيرى دێ هێته بجهئينان.
گوت ژى: ئه‌ڤ پروسه دێ دو هه‌يڤان ڤه‌كێشيت و هه‌موو مالان بێ جوداهى دێ ڤه‌گريت، و دێ 19 هزار دينار بۆ گوهۆرينا كاره‌با مالان ژ وه‌لاتيان وه‌رگرن.
پرۆژێ دانا كاره‌با 20 ئه‌مپيرى، برياره 14 تاوه‌كو 17 ده‌مژمێران هه‌بيت و يا دى ژى دێ ژ ئاليێ موه‌ليدان ڤه هێته دابينكرن.
پانۆرامايه‌ك ژ وێنه‌يێن 2016ێ ل جيهانێ
ئه‌ڤرۆ نيوز:
ئه‌ڤ ساله، 2016 هه‌كه‌ر چ بۆ كوردان و خه‌لكێ هه‌رێما كوردستانێ ساله‌كا نه‌خۆش بيت ژ به‌ر وێ ژمارا زۆرا شه‌هيدێن شه‌رێ دژى داعش و ره‌وشا ئاواران و ره‌وشا دارايى، به‌لێ ل گه‌له‌ك وه‌لاتێن جيهانێ ژى ره‌وشێن خرابتر ژى هه‌بووينه و ل هنده‌ك وه‌لاتان ژى ده‌مێن گه‌له‌ك خۆشتر ده‌رباز كرينه.
ئه‌ڤێن ل خوارێ چه‌ندێ وێنه‌يه‌كن ژ پانۆراما 2016ێ ل سه‌رانسه‌رى جيهانێ:
سامۆنگ دێ Galaxy S8 Plus ئێخيته بازارى
ئه‌ڤرۆ نيوز:
مالپه‌رێ جى ئێس ئێم ئه‌رينا، راپۆرته‌ك به‌لاڤكريه و تێدا ئاماژه ب وێ چه‌ندێ كريه كو دێ سامسۆنگ مۆبايلا خوه يا Galaxy S8 ئێخيته بازارى.
راپۆرتێ ئاماژه بۆ وێ چه‌ندێ ژى كريه كو دێ ب ناڤێ Galaxy S8 Plus و ژ گرنگترين ساخله‌تێن وێ ژى قه‌بارێ وێ يه كو دێ شه‌ش ئينج بيت.
هه‌ر ب گۆره‌ى وێ راپۆرتێ Galaxy S8 ژى دێ ب قه‌بارێ خوه يێ نوكه ژى كو پێنج ئينجه هێته به‌لاڤكرن، ئانكو دێ سێ قه‌باره ل به‌ر ده‌ست بن، يا ئێكێ Galaxy S8 ب قه‌بارێ پێنج ئينج و يا دويێ ژى Galaxy S8 Edge ب قه‌بارێ 5.5 ئينج و يا سيێ ژى Galaxy S8 Plus ب قه‌بارێ شه‌ش ئينج.
راپۆرتێ ئاماژه بۆ وێ چه‌ندێ نه‌كريه كا ئه‌ڤ Galaxy S8 Plus دێ جهێ سامسۆنك Galaxy Note گريت يان ژى ب تنێ ئه‌ڤه بۆ حه‌زژێكه‌رێن Galaxy يه و قه‌بارێ وێ هاتيه مه‌زنكرن.
NRT: بارزانى كه‌ساتيێ سالێ يه
ئه‌ڤرۆ نيوز:
ب گۆره‌ى ئه‌نجامێن راپرسيه‌كێ كو مالپه‌رێ ئێن ئار تى بۆ دياركرنا كه‌ساتيێ سياسى ل سالا 2016، بارزانى ب ده‌ستڤه‌ئينانا زێده‌تر ژ 73% يا رێژا ده‌نگان وه‌كو كه‌ساتيێ سالێ هاته ده‌ستنيشانكرن.
ل رۆژا 20ى كانوونا ئێكێ 2016 مالپه‌رێ ئێن ئارتى راپرسيه‌ك بۆ دياركرنا كه‌ساتيێ سالێ د ناڤ سياسيێن هه‌رێمێ دا، ئه‌نجام دا كو تێدا هه‌ر ئێك ژ “مه‌سعود مسته‌فا بارزانى، نه‌وشيروان مسته‌فا ئه‌مين، كوسره‌ت ره‌سۆل عه‌لى، سه‌لاحه‌دين محه‌مه‌د بهائه‌دين، به‌رهه‌م ئه‌حمه‌د سالح، نێچيرڤان ئدريس بارزانى، هێرۆ ئيبراهيم ئه‌حمه‌د، عه‌لى باپير وه‌تمان و محه‌مه‌د حاجى مه‌حمود” د پشكدار بوون.
پشتى چار رۆژان ژ ده‌سپێكرنا راپرسيێ و ب گۆره‌ى ئه‌نجامێ دووماهيێ يێ راپرسيێ مه‌سعود بارزانى سه‌رۆكێ هه‌رێما كوردستانێ ل رێزا ئێكێ هات ب مليۆنه‌ك و 837 هزار و 369 ده‌نگان كو دبيته رێژا 73.22% يا ده‌نگان.
ل رێزا دويێ و ب جوداهيه‌كا گه‌له‌ك مه‌زن كو دبيته 17% هێرۆ ئيبراهيم ئه‌حمه‌د هاتيه و ل رێزا سيێ ژى محه‌مه‌دێ حاجى مه‌حمود و پاشان ژى سه‌لاحه‌دين بهائه‌دين.
ب وێنه و ڤيديۆ: رێوره‌سمێن كريستماسێ ل دهۆكێ
ره‌وشا سه‌قايێ سوبه‌هى
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا دوشه‌مبى رێكه‌فتى 26ى كانوونا ئێكێ 2016 ئه‌سمانێ دهۆكێ دێ ئه‌وره‌كێ ناڤه‌ندى بيت و ل دانێ سپێدێ ل سه‌ر چيايێ بلند به‌فر دێ باريت و ل ده‌ڤه‌رێن دى و ناڤ باژێران ئه‌گه‌رێ بارانه‌كا كێم يا هه‌ى.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ به‌رده‌واما كارتێكرنا هه‌ردو فشارێن نزمێن ده‌ريا ناڤه‌راست و ده‌ريا سۆر بۆ سه‌ر هه‌رێما كوردستانێ دهێته پێشبينيكرن ئه‌وره‌كێ ناڤه‌ندى بيت و ل دانێ سپێدێ ل سه‌ر چيايێ بلند به‌فر دێ باريت و ل ده‌ڤه‌رێن دى و ناڤ باژێران ئه‌گه‌رێ بارانه‌كا كێم يا هه‌ى.
رێڤه‌به‌ريا كه‌شناسيێ ئاماژه ب وێ چه‌ندێ ژى كريه كو ئه‌ڤ شه‌پۆلا به‌فر و بارانێ يا ب سه‌ر هه‌رێما كوردستانێ دا هاتى دێ هه‌تا سوبه‌هى دانێ ئێڤارى يا به‌رده‌وام بيت و پاشان ب دووماهى هێت.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10كم دا و ماوێ ديتنێ ژى دێ د ناڤبه‌را 8 بۆ 10كم دا بيت، پلێن گه‌رمێ ژى دێ د ناڤبه‌را 3 بۆ 10 پلان دا بن.
د 24 ده‌مژمێرێن بۆرى دا دهۆكێ كێمترين باران يا بارى
نيشاندان
WP Facebook Auto Publish Powered By : XYZScripts.com