ئه‌ڤرۆ نیوز:
مه‌سعود بارزانى سه‌رۆكێ هه‌رێما كوردستانێ ئه‌ڤرۆ پێشوازى ل شانده‌كێ هه‌ڤپشكى عیراقى ئه‌مریكى كر كو پێكهاتبوو ژ فال فه‌یاز شیره‌تكارێ ئاسایشا نه‌ته‌وى یا عیراقێ و برێت مكگورگ نوونه‌رێ تایبه‌تێ سه‌رۆك ئۆباما بۆ هه‌ڤپه‌یمانیا دژى داعش و داعش و ستیوارت جۆنز بالیۆزێ ئه‌مریكا ل عیراقێ و مه‌تیوس میتمان قونسلى ئه‌مریكا ل هه‌ولێرێ.
د كۆمبوونه‌كێ دا، شاندێ مێهڤان سه‌ركه‌فتنێن پێشمه‌رگه‌ى ل شه‌رێ دژى تیرۆرستان ل به‌ره‌یێ باكوور و رۆژهه‌لاتێ مووسل ل سه‌رۆك بارزانى كر و به‌حسێ ره‌وشا مه‌یدانى یا به‌رۆكێن شه‌رێ تیرۆرستان ل فه‌لوجه و پارێزگه‌ها نه‌ینه‌وا و سووریا بۆ بارزانى كر.
شیره‌تكارێ ئاسایشا نه‌ته‌وى یا عیراقێ په‌سنا رۆلێ سه‌رۆك بارزانى د شه‌رێ تیرۆرستان دا كر و دوپاتكر كو هه‌رێما كوردستانێ و هێزا پێشمه‌رگه‌ى هه‌ڤپشكا راسته‌قینه یا عیراق و هه‌ڤپه‌یمانانه ل شه‌رێ تیرۆرستان و ئازادكرنا مووسل و پێگیربوونا حوكمه‌تا عیراقێ د ڤى وارى دا دوپاتكر.
د پشكه‌كا دى یا كۆمبوونێ دا، نوونه‌رێ تایبه‌تێ سه‌رۆك ئۆباما بۆ هه‌ڤپه‌یمانیا دژى داعش و داعش و بالیۆزێ ئه‌مریكا ل عیراقێ به‌حسێ گرنگیا هه‌ماهه‌نگیا د ناڤبه‌را هه‌رێما كوردستانێ و نه‌هێلانا ئاسته‌نگ و شاشتێگه‌هشتنا د ناڤبه‌را وان دا كر و پشته‌ڤانیا وه‌تێ خوه بۆ پێشمه‌رگه‌ى و هێزێن عیراقێ د شه‌رێ دژى تیرۆرستان دا دوپاتكر.
د هه‌مبه‌ر دا سه‌رۆك بارزانى راگه‌هاند، ئه‌وله‌ویه‌تا سه‌ره‌كى یا هه‌رێما كوردستانێ شه‌رێ داعشه، هه‌روه‌سا هه‌ماهه‌نگیا د ناڤبه‌را هه‌رێم و عیراق و ئه‌مریكا دا ب پێدڤى زانى بۆ ئێكلاكرنا گرفتان و شاندنا تیرۆرستان.
هه‌ر د ڤێ كۆمبووونێ دا، دوپاتى ل هه‌بوونا پلانا هه‌ڤپشكا سیاسى و ئێمناهى و سه‌ربازى بۆ ئازادكرنا مووسل و قوناغا پشتى ئازادكرنێ كر و به‌حسێ كێشێن هه‌ولێر و به‌غدا د وارێ په‌ترۆل و گرفتێن ئابوورى دا كر.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 19ى تيرمه‌ها 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1273 |
| 1 يۆرۆيێ ئه‌ورۆپى | 1420 |
| 1 ليرێ توركى | 435 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز:
ژنەکا 31 سالی دلێ خوە بۆ ئەڤرۆ ڤەدکەت و دبێژیت: ئەز فەرمانبەرم و من دو زارۆ ھەنە، ئەڤە 6 من شوو کری ، لێ ب حەژێکرن من شووکریە و زەلامێ من ژی ھەر فەرمانبەرە و بارێ مە یێ ئابوی یێ باشە، لێ پشتی کو من زانی زەلامێ من پەیوەندیا دگەل ژنەکا دیتر ھەی و دچیتە لنک وێ ئەڤ چەندە بۆ ئاریشە دناڤبەرا من و ھەڤژینێ مندا، لەوما نێزیکی من نابیت بتنێ زەلامێ من ھەیڤێ جارەکێ بو نڤستنێ ب شەڤێ دھێتە لنک من، من دڤێت خۆ ژێ بدەمە بەردان لێ ژبەر ھەردو زارۆیێن خوە دلنادەم بھێلم، ئەڤجا ھیڤیە بو من چارەیەکێ ببینن کا ئەز چ بکەم و ھوون چ دبێژن ؟
خانما ھێژا :
یا گرنگە تو ھزرێ د زارۆیێن خوەدا بکەی و چ پێنگاڤێن بلەز نە ھاڤێژە و بێگومان چ بو زارۆیێن خوە بکەی ھەر کێمە، ژبەرکو ھەر کێماسیەک د بەرامبەری وان دا گونەھباریە، ئەڤجا بەرژەوەندیا وان ھەردەم دانە بەرچاڤ و بزانە دەمێ پەیوەندیا دناڤبەرا ھەوە سست بوی ئەوێ ئەگەر ھەنە و دڤێت ھەر ژ دەستپێکێ ھوون لسەر راوەستیابانە و ھەوە چارەسەر کربا، ژبەرکو مافێ تەیە کو ھەڤژینێ تە رێزێ ل مەرجێن ھەڤژینیێ بگریت و دەم نەبوریە بەلکو بورینا وێ چارەسەرکرن یا بزەحەتتر ئێخستی، بەلێ تو و ئەو دڤێت لسەر خاترا زارۆیێن خوە لێ نێرینەکا ورد د رەفتارێن خوە دا بکەن و دانوستاندنەکا جدی دگەل ھەڤژینێ خوە بکە کا ئەگەر چ بوینە ھەڤژینێ تە ڤیانا خوە دایە ژنەکا دی و تو لپشت گوە ھاڤێتی و دەما کو ھوون ب وردی لدووڤ ئەگەرا گەریان ئەکید دێ چارەسەری ژی بو وە یا ئاسان بیت، دا کو ھوون ریفورمەکێ بێخنە رەفتارێن خوە و جارەکا دی پەیوەندی ب زڤرن وەکی بەرێ و ھشیار بە نەھێلە ئاریشە مەزن ببن و ھەر ژ دەستپێکێ چارەسەر بکەن.
ئەڤرۆ نیوز، زنار تۆڤی:
رێڤەبەرێ بەرێ یێ دەزگەھێ ھەوالگیریا ئەمریکا(CIA) دەربارەی بارودۆخێ رۆژھەلاتا ناڤەراست دبێژیت، ل ڤان نێزیکان سێ وەلاتێن عەرەبی ل سەر نەخشەیێ رۆژھەلاتا ناڤەراست دێ ھێنە ژێبرن.
مایکل ھایدن، رێڤەبەرێ یێ ھەوالگیریا ئەمریکا راگەھاندیە،ل ژێر روشنایا رێکەفتنناما سایکس بیکۆ کو بەری سەد سالان ھاتبوو ئیمزاکرن،لڤان نێزیکان و ب لایێ کێمڤە،دو وەلاتێن عەرەبی ل سەر نەخشەیێ رۆژھەلاتا ناڤێن ووێ ھێنە ژێبرن.
سەرباری ڤان ھەردو وەلاتان،ناڤێ چەند وەلاتێن دی یێن عەرەبی ئینا،کو نوکە شەر دناڤدا سەرھلدایە،مایکل ھایدنی زۆ رۆژناما “لۆ ڤیگارۆ” یا فرنسی گۆتیە،پێدڤیە روو ب روو راستیان ببین،کو چ دەولەت ب ناڤێ عێراق و سووریا نەماینە،لۆبنان ژی یا بەرەف شکەستنێ دچیت.
وی بەرپرسێ ئەمریکی زێدەتر گۆتیە،ئەو وەلات ھەمی یێن دڵبەش بووین بۆ سەر چەند ناڤان،ژ وانا:کورد،شیعە،سوننە،داعش و قاعیدە،کو بەری نوکە ل ژێر ناڤێ عێراق و سووریێ کوم ببوون.
ھەروەسا گۆتیە ژی: ئەڤ دەڤەرە د دۆخەکێ نەسەقامگیردایە و ب ڤی رەنگی دێ مینیت،بۆ چەند سالێن بھێت ھەکە وەلاتێن کاریگەر بزاڤێ نەکەن.
کۆتای پێھێنان
ئەڤرۆ نیوز:
سەرەراری نەخوارن و ڤەخوارنێ ژ ئەگەرێ رۆژیگرتنێ د ھەیڤا رەمەزانێ دا، گەلەک کەس قەلەو دبن و قەلەویا وان ژبۆ نەدووڤچوونا شێوازەکێ دروستێ خوارنێ و مژوولبوونا وان ب شەڤێ ھەمیێ ب خوارنێ ڤە ڤەدگەریت و دیسان نەئەنجامدانا وەرزشێ و وەرزش ژ کارێن گرنگە دھەیڤا رەمەزانا پیروز دا داکو لەشێ مرۆڤی یێ ب ھێز بیت و دوبارە ب ڤەژیتەڤە و شێوازێن دروستێن خوارنا ساخلەم باشترین دەرگەھن کو مرۆڤ ب ساخلەمی ژینا خۆ ببورینیت.
ژبۆ نەھێلانا قەلەویێ د ھەیڤا رەمەزانێ دا پێدڤیە ھەڤسەنگیەک دناڤبەرا خوارنا پاشیڤێ و فتارێ دا ھەبیت و باشترە خوارنا مرۆڤی یا پێکھاتی بیت ژ خوارنێن کو ( زوو بھێنە ھەرسکرن و مرۆڤی تێر بکەن، کێم کاوری دناڤدا ھەبن و گەلەک پێکھێنەر و ژێدەرێن خوارنێ دناڤدا ھەبن و لەورا ژی باشترە مرۆڤ دەستپپێبکەت ب ڤەخوارنا ئاڤێ یان شەربەتێ یان زەلاتێ و دیسان باشترە مرۆڤ دانەکی کاربوھیدراتان وەکو ( مەعکەرونا و پتات و برنجی) ب کەمیەکا کێم بخوت، دگەل زەلاتەکا کەسکاتیێ و خوارنا ماسیێ.ھەروەسان دێ باشتر بیت ھەکە شریناھی ب دو دانێن سڤک بھێنە خوارن.
ژبوونا وێ چەندێ مرۆڤ ب باشترین ساخلەمی رۆژیێن خۆ ببورینیت، باشترە مرۆڤ ل پاشیڤان زەلاتێ و پارچەیەکا نانی یان گوشتی یان مریشکێ بخوت دگەل فێقی و ماستی و شوربێ بەلێ پێدڤیە گەلەک چەوری دناڤدا نەبن.
ل دەمێ فتارێ ژی باشترە ماعونەکا شوربێ دگەل خوارنێن کاربوھیدری و زەلاتێ بھێنە خوارن و خوارنا شرینی ژی یا پێدڤیە بەلێ بێی ئیسرافکرن، ب ڤی رەنگی ھەر کەسەک دێ شێت سەنگێ خۆ راگریت و مرۆڤێن قەلەو ژی ب شێوەیەکێ سروشتی زەعیف دبن.
ژبوی مرۆڤ پاراستنا بەژ زراڤیا خۆ بکەت یا پێدڤیە ل دووڤ چەند رێیەکان خوارنێ ئامادە بکەت وەکو خوارنێن ب روین و شرین کێم بکەت بەلێ نەکو ب ئێکجاری خۆ ژێ دوور بکەت، دیسان ڤەخوارن و شلەمەنیێن دەستکرد کێم بکەت و ل جھێ وان ئاڤەماستێ یان عەێیرا فێقی ڤەخوت و ھندی دشیان دابیت دگەل خوارنێ ئاڤێ و شەربەتێ نەڤەخوت.
ھندەک ژ رۆژیگران ل دەمێ رەمەزانێ ھندەک خەلەتیان دوارێ خوارنێ دا دکەن و ئەو خەلەتی دبنە ئەگەر کو سەنگێ وان زێدەببیت و قەلەو بن و ژ گرنگترین وان خەلەتیان دێ دەست ب فتارێ کەن ب خوارنا گەلەک شریناھیان و ب شەڤێ ھەمیێ دێ بەردەوام خوارنێ خوون و ئەڤە کارتێکرنێ ل سەنگێ وان دکەت. ھەروەسان ل دەمێ پاشیڤێ ھندەک ھەنە دێ خوارنێن پری روین دخون ب مەرەما وێ چەندێ کو برسی نەبن، ئانکو ب کورتی ئەم دشێین بێژین ھەیڤا رەمەزانێ بۆ ھندەک ژ خەلکی وەکو فیستەڤالا خوارنێ یە و ئەڤ چەندە ل دھۆکێ ژی یا بەرچاڤە و دبیتە ئەگەرێ قەلەویێ و دیسان راستە ھندەک کەسێن نەخوش ژی مفای ژ رەمەزانێ دبینن دەمێ خوارنێ کێم دخون بەلێ ب شەڤێ دوبارە دەست ب خوارنێ دکەنەڤە و یا باشتر ئەوە ل جھێ ڤێ چەندێ رۆژیگر خو ب وەرزشێ ڤە مژوول بکەت داکو ھێز و شیانێن وی بھێنە ڤەژاندن و بشێت کارێن خو یێن رۆژانە ئەنجام بدەت.
ئەڤرۆ نیوز:
گولچیسک رۆلەکێ گرنگ د دەستنیشانکرنا ئاستێ فشارا خوینێ دبینن دماوێ دەرھاڤێشتنا ھندەک کەرستەیان کو ب چالاککرنا کاریگەریێن کیمیاوی رادبن. نوشداران مەرج بۆ سلامەتیا گولچیسکێن رۆژیگران داناینە و پتریا جاران نەخۆش ل گەل وێ چەندێ نە کو ل ھەیڤا رەمەزانێ قەستا نوشدارێن خۆ بکەن ژبۆ زانینا رەوشا گولچیسکێن خۆ و کا کەنگی ل سەر وان پێدڤیە برَیارا رۆژیگرتنێ بۆ وان بھێـە دان و ھەکە نەخوشەکێ گولچیسکان نەخوشیا خۆ ژ سەربارکێن بەرکان ببینیت وەکو گرتن یان ھەودان یان ئێشانا گولچیسکان یا دوبارەکری نابیت ب چو رەنگەکی رۆژیان بگریت.
د. عەبدولعەزیز ئیبراھیم تایبەتمەندێ نەخۆشیێن گولچیسکان دیارکر کو گولچیسک ژ ئەندامێن دەگمەنن دناڤا لەشێ مرۆڤی دا و ب گەلەک کاران رادبن ژوانژی پاراستنا پێکھاتنێن خوینێ یێن سەرەکی و رێکخستنا رێژەیا خوێ دناڤ شانەیێن جودا جودا یێن لەشی دا و ب وێ رێکێ کەرستێن مفادار بۆ لەشی وەکو ترشیێن ئەمینی و گلوکوز و پرۆتین دھێنە پاراستن و ژەھرێن لەشی ئەوێن ژ ھندەک کریارێن نوونەراتیا خوارنێ دمینن ( وەکو ترشیێ ئیریک و کریاتین و فوسفات و سلفات) ژ لەشی دھێنە دەرھاڤشتن، ھەروەسان گولچیسک رۆلەکێ گرنگ د دەستنیشانکرنا ئاستێ فشارا خوینێ دبینن دماوێ دەرھاڤێشتنا ھندەک کەرستەیان کو ب چالاککرنا کاریگەریێن کیمیاوی رادبن.
د.عەبدولعەزیز گوتژی نوشداران مەرج بۆ سلامەتیا گولچیسکێن رۆژیگران داناینە و پتریا جاران نەخۆش ل گەل وێ چەندێ نە کو ل ھەیڤا رەمەزانێ قەستا ل نک نوشدارێن خۆ بکەن ژبۆ زانینا رەوشا گولچیسکێن خۆ و کا کەنگی ل سەر وان پێدڤیە برَیارا رۆژیگرتنێ بۆ وان بھێـە دان و ئەرێ سەربارک بۆ وان دێ پەیدابن یان نە؟
ل دەستپێکێ ژی پێدڤیە بێژین کو رۆژیگرتن چو کارتێکرنێ ل گولچیسکان ناکەت ھەکە گولچسک د ساخلەم بن و چو مەترسیا ژی ل سەر گولچیسکان پەیداناکەن.
د. عەبدولعەزیز ئیبراھیم، دیارکر ژی کو ئەو نەخوشێ گولچیسکێن وی ب دروستی کارنەکەن پێدڤی ب چاڤدێریەکا تایبەت یا خوارنێ و ڤەخوارنێ ھەیە و گوت: سروشتێ پارێزا خوارنێ و ڤەخوارنێ بۆ نەخوشێن ژ کارکەتنا گولچیسکان ل سەر پلا ژ کارکەتنێ و نەخوشیێن بووینە ئەگەر دمینیت، پێدڤیە ل سەر نەخوشی پروتین و خوێ یان کێم بکەت و خۆ ژ ھندەک جورێن خوارنێ یێن پێکھاتی ژ پوتاسیومی و فسفوری دوور بکەت و پێدڤیە گەلەک ئاڤێ ڤەخوت داکو گولچیسک ب دروستی ب کارێ خۆ راببن، بەلێ ھەکە ھندەک نەخوشیێن دیتر دگەل ھەبن وەکو ئێشێن دلی ئەم شیرەتان ل وی دکەین کو شلەمەنیان کێم بکەت داکو ئاڤ ل سیھێن وی نەراوەستیت.
د.عەبدولعەزیز ئیبراھیم، سەبارەت نەخوشێن کو گولچیسکێن وان دھێنە شووشتن گوت: ئەم شیرەتان ل وان دکەین کو ھەر ل دووڤ وێ رێجێمێ کاربکەن و پێدڤیە ل دووڤ شیانان و ل دووڤ کەمیا میزێ ریجێمێ بکەن، ھەتا کو نەخوش تووشی زێدەبوونا شلەمەنیان دلەشیدا نەبیت کو ئەو شلەمەنی دبنە ئەگەرێ پەیدابوونا سەربارکان و زێدەبوونا فشارا خوینێ و وەرمینا گشتی دلەشیدا و کومڤەبوونا شلەمەنیان دناڤ ڤالاھیێن لەشیدا و ئەڤەژی کارتێکرنێن نەباش ل دووڤ خۆ دھێلن.
تایبەتمەندێ نەخۆشیێن گولچیسکان و رێڤەبەرێ ساخلەمیا زاخۆ دەربارەی نەخوشێن کو گولچیسک بۆ ھاتینە چاندن گوت: ئەوان شیان ھەنە ھەر تشتێ بخون و ڤەخون بەلێ پێدڤیە خوێ کێم بکەن، و ئەم شیرەتان ل وان دکەین رۆژانە ب کبَماتی سێ لیترێن ئاڤێ ڤەخوون.
بەلێ دەربارەی نەخوشێن کو بەرک د گولچیسکان دا ھەین، د.عەبدولعەزیزی گوتی: ھەکە نەخوشیا خۆ ژ سەربارکێن بەرکان ببینیت وەکو گرتن یان ھەودان یان ئێشانا گولچیسکان یا دوبارەکری نابیت ب چ رەنگەکی رۆژیان بگریت، ھەتا ب دروستی چارەسەر دبیت، بەلێ ھەکە ئەڤ تشتە ل دەف نەبوون باشترە بەری رۆژیان بگریت شیرەتان ژ نوشدارەکێ تایبەتمەند وەربگریت ب مەرجەکی کو پشتی فتارێ گەلەک ئاڤێ ڤەخوت و ب تایبەت بەری نڤستنێ و دگەل پاشیڤێ.
نەخوشێن گولچیسکان ھەنە کو بەردەوام گولچیسکێن وان دھێنە شووشتن یان حەفتیێ دو ھەتا سێ جاران ئەرێ ئەڤ نەخوشە چ بکەن؟
د.عەبدولعەزیزی گوت بۆ ڤان نەخوشان دەست نادەت رۆژیان بگرن و ھەکە نەچاربوون بگرن باشترە گەلەک ئاڤێ پشتی فتارێ نەڤەخون و نابیت خوارنێن مشتی پوتاسیوم ژی بخون داکو پێدڤی ب شووشتنا گولچیسکان یا ناگەە نەبن.
بەلێ دەربارەی نەخوشێن چاندنا گولچیسکان ژی دشێن رۆژیان بگرن بەلێ ب مەرجەکی کو پێدڤیە ب کێماتی سالەک ل سەر چاندنێ بوری بیت و کارێ خۆ دروست ئەنجام بدەت و میزێ ب سروشتی دروست بکەت ئەڤەژی پشتی پشکنین بۆ دھێنە کرن.
ئه‌ڤرۆ نيوز:
ل ڤان نێزیکا سێ کەنالێن نوو زاخۆ سپۆرت و داسنیا و زارۆ دێ ل زاخۆ ھێنە ڤەکرن، رێڤەبەریا راگەھاندنێ ژی دبێژن کەنالەکێ ب تنێ داخوازا رەزامەندیێ کریە، ھندەک کەنال ژی مەرجیێن خەرجیێن راگەھاندنێ ب مەزاختنێن زێدە دزانن.
مەھدی سالح وەکو رێڤەبەرێ کەنالێ دی تیڤی سەر ب دەزگەھێ داسنیا ڤەیە تەکەز کر کو کەنالێ وی دێ یێ ھەمەرەنگ بیت، دگەل ناڤێ دەلال تیڤی وگۆت: “ئەم گرێدایی دەزگەھێ داسنیاینە چو پەیوەندیا مە ب دەلال تیڤی ڤە نینە، میکانیزم ئەوە ھەر دەزگەھەکێ مافێ چوار کەنالان ھەیە”.
رۆژنامەڤان سەلام عەلی، بەرھەڤیا کەنالەکێ نوو ب ناڤێ زارۆ تیڤی دکەن دیارکر کو بھایێ رەزامەندیێ مەزاختیەک زێدە پێ دڤێت بۆ نموونە پشتی بۆرجی دانانین ھەیڤانە دۆ ملیون دیناران بدەین، سالانە ژی نێزیکی 20 ملیون دیناران بدەین ئەڤە ئەرکەکێ گرانە گۆتژی: “کەنالێ مە دێ سەربخوە بیت، پشکەک ژێ وەکو داھا دێ ب رێیا sms بیت”.
ئیدریس غازی، رێڤەبەرێ راگەھاندنا پارێزگەھا دھۆکێ بۆ ئەڤرۆ دیارکر کو ھەتا نوکە ب تنێ مە رەزامەندیا کەنالێ زاخۆ سپۆرت وەرگرتیە بۆ ماوەیێ ھەیڤەکێ دەست ب پەخشێ خوە بکەن دووڤدا بگرن، ل سەر ڤی بنیاتی چو باج بۆ ڤێ ھەیڤێ مە ژ وان وەرنەگرتینە، ھەتا نوکە چۆ کەنالێن دیتر رەزامەندی ژمە وەرنەگرتینە.
دلخواز مووسا رێڤەبەرێ رەوشەنبیری و ھونەری ل زاخۆ دیارکر ژ تۆرێن کومەلایەتی ئاگەھدارن کەنالێن نوو ڤەبن، لێ چو ئاگەھی وان ل دۆر ڤەبوونا وان نینن.
کۆڤان حسێن زێدەبوونا مینبەرێن راگەھاندنێ ب نیشانەکا ساخلەمە د وارێ رادەربرینێ دا ڤەگەراند، دەرفەتا باشتربوونێ کریە دەستێ بینەری دا و گۆت: “ھەر کەنالەک دێ رادەستی قەدەرا خوە بیت، ئەگەر لگۆرەیی ئەجیندایێن پرۆفیشنالی کار نەکەن، ژلایەکێ دیڤە فێری ھندێ کرین سەرمایەدار ھزر د وەبەرھێنانا کارێ مێدیایی دا بکەن.
نيشاندان
