ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 31ى گۆلانا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1297 |
| 1 يۆرۆيێ ئه‌ورۆپى | 1445 |
| 1 ليرێ توركى | 435 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
د راگه‌هاندنه‌كێ دا كو دانه‌ك بۆ ئه‌ڤرۆ نيوز روانه‌كريه، فه‌رمانده‌يا هێزا پشته‌ڤانيا 1 راگه‌هانديه كو د ددوماهى ئۆپه‌راسيۆنا هێزێن پێشمه‌رگێ كوردستانێ بۆ رزگاركرنا ده‌ڤه‌رێن بن ده‌ستێ داعش ئه‌و شيان 9 گۆندێن كاكه‌يان ل سنورێ خازر ژ بن ده‌ستێ چه‌كدارێن داعش ده‌ربينن.
ده‌قێ راگه‌هاندنێ:
ل رۆژا 29ى گۆلانا 2016ێ ب سه‌رۆكاتيا سه‌رۆك و پێشمه‌رگێ كوردستانێ رێزدار مه‌سعود بارزانى سه‌رۆكێ هه‌رێما كوردستانێ و فه‌رماندێ هێزێن چه‌كدارێن هه‌رێمێ و پشتى دانانا پلانه‌كا له‌شكرى يا سه‌ركه‌فتى بۆ كونترۆلكرنا ئه‌و گۆندێن برايێن كاكه‌ى و شه‌به‌ك ل سنورێ ميحوه‌رێ خازر، سۆپاس بۆ خودێ د ماوه‌كێ كێم دا و ب كێمترين زيان شياين گۆندێن “وه‌رده‌ك، چه‌مه‌كۆر، كۆله‌پۆر، گه‌زه‌كان، تۆله‌به‌ند، موفتيه، زه‌هره خاتوونا مه‌زن و بچووك و تل ئه‌سوه‌دا مه‌زن” كو دبنه 9 گۆند ژ ده‌ستێ درنده‌ترين دوژمنێ مرۆڤاتيێ پاقژ بكه‌ين و زيانێن زۆر ب تيرۆرستێن داعش بگه‌هينين و سه‌روه‌ريه‌كا دى بۆ هێزێن پێشمه‌رگێ كوردستانێ تۆمار بكه‌ين.
ل ڤێره سۆپاسيا هه‌موو ئه‌وان فه‌رماندان دكه‌ين يێن د ڤێ داستانا مه‌زن دا پشكدارى شه‌رى بووين و ده‌ستێ برايێن پێشمه‌رگه ماچى دكه‌ين كو ب ره‌نگه‌كێ قه‌هره‌مانانه خوه سه‌لماند كو هێزا پێشمه‌رگه‌ى بۆ پاراستنا ئاخا كوردستانێ هه‌رده‌م گيانێ وى يێ ل سه‌ر ده‌ستى.
سه‌رێ خوه بۆ شه‌هيدان د چه‌مينيت و ژ خودێ دخوازين هه‌ر چ زوويه شيفايێ بۆ برينداران بهنێريت، سلاڤ ل خوراگريا كه‌سوكارێن سه‌ربلندێن شه‌هيد و خه‌لكێ كوردستانێ و هه‌ربلند بيت ئالايێ پيرۆزێ كوردستانێ، بژى پێشمه‌رگه.
فه‌رمانده‌يا هێزا پشته‌ڤانيا 1
31-5-2016
ئەڤرۆ نیوز، غیاس زێباری:
ژبوو پشتەڤانیا پرۆژێ سەرۆک مەسعود بارزانی یێ ریفراندۆم و سەرخۆبوونێ ئەڤرۆ جەماوەرێ ئاکرێ کەرنەڤالەکا جەماوەری سازدا و تێدا پەیڤا جەماوەری ژ لایێ مامۆستا جەوھەر حەدێ رێڤەبەرێ ئەوقافا ئاکرێ ھاتە خواندن و پەیڤا حوکمەتێ ژی ژ لایێ مازن محەمەد سعەید دەڤەردارێ ئاکرێ ھاتە خواندن.
عەبدولا ئلیاس ئەندامێ لژنا سەرپەرشتا کەرنەفالێ بۆ ئەڤرۆ نیوز گۆت: “ئەڤرۆ رۆژا سێشەمبی جەماوەرێ دەڤەرا ئاکرێ ب گشتی کۆم بوونە بۆ دیارکرنا پشتەڤانیا خۆ بۆ پرۆژێ سەرۆک بارزانی یێ ریفراندۆم و سەرخۆبوونا کوردستانێ”.
زێدەتر گۆت: “ئەم رەوشا نھو یا دەڤەرێ بۆ ڤێ چەندێ ب دەلیڤە دزانین و ئەڤرۆ ل سەر ئاستێ سیاسی و لەشکری ھەرێما کوردستانێ قووناغێن زۆر برینە و پشتەڤانیەکا جیھانی ژی ھەیە”.
ئه‌ڤرۆ نيوز، فاتما مزوورى:
ل ئێك ژ كه‌نالێن وه‌لاتێ مه‌غرب و د په‌خشێ ئێكسه‌ر دا، كچه‌ك ژ ئه‌گه‌رێ ته‌نورێ خوه يێ كورت تووشى كاودانه‌كێ شه‌رمزاركه‌ر بوو، ئه‌ڤه ژى پشتى وێ چه‌ندێ كو دايكا وێ په‌چنتى دا كو لاشێ وێ يێ رووت ده‌رنه‌كه‌ڤيت.
ژ ئه‌گه‌رێ وێ روودانێ ژى گرنژينه‌ك كه‌فته سه‌ر لێڤێن پێشكێشكارا به‌رنامه‌ى و بۆ جهێ شه‌رمزاريێ بۆ كچێ.
چالاكڤانێن مه‌ده‌نى يێن وى وه‌لاتى ژى راگه‌هاند كو ئه‌ڤ ره‌فتارا دايكێ زێده‌تر ئه‌ڤ كچه تووشى شه‌رمزاريێ كريه.
ئه‌ڤرۆ نيوز، فاتما مزوورى:
ل تۆڕا جڤاكيا تويته‌رى، ده‌نگويێ شكاندن و جه‌يلبرێككرنا دووماهى ڤێرژنێ ئاى ئۆ ئێس يێ نوو هاته به‌لاڤكرن وه‌كو نووچه‌كێ خۆش بوو ب بكارئنيه‌رێن خودانێن ئايفونان.
ل ده‌سپێكا ڤێ هه‌يڤێ كۆمپانيا ئه‌پل گه‌شه‌پێده‌رى سيسته‌مێ ئاى ئۆ ئێس دووماهى ڤێرژنێ خوه خسته به‌ر ده‌ستێ ب كارئينه‌ران كو 9.3.2 بوو، به‌لێ هه‌ر زوو ژ لايێ گرۆپێ تۆدێسكۆ ل تويته‌رى ده‌نگويێ شكاندنا سيسته‌مى هاته به‌لاڤكرن و ڤيديۆ خسته به‌ر چاڤێن ب كارئينه‌ران.
ئەڤرۆ نیوز:
رێجیما ماستی و قەسپان باشترین رێجیما بلەزە، کو ھەر حەفتیێ دێ سێ ھەتا چار کیلۆیان ژ تە کێم کەت، بەلێ یا باش ئەوە ڤی جۆرێ رێجیمی ژ ھەیڤەکێ زێدەتر پەیرەو نەکەن.
مفایێن ماست و قەسپان:
قەسپێ رەگەزێن تمام یێن خوارنێ د ناڤ دا ھەنە وەکو ڤیتامین و کانزا و تڕشاتی و ریشال و شرینێن خوەرستی، لەورا دبیتە دانەکێ خوارنێ یێ تمام.
ماستی ژی کالسیۆم و پرۆتین و مەھاندنێن خوەرستی د ناڤ دا ھەنە یێن ب ئاوایەکێ ساخلەم خوارنێ دھەرێسن، ھەروەسا ھەستا تێربوونێ ددەنە مرۆڤی و ناھێلیت زوو دلێ مرۆڤی بچیتە خورانێ.
رێجیما ماست و قەسپان:
حەفتیا ئێکێ: فتارە و پاشیڤان ماست و قەسپان بخۆ، تو دشێی ماستی یان شیری ڤەخۆی.
حەفتیا دویێ: ماستی د گەل ھژمارەکا کت یا قەسپان بخۆ بەری فتارێ بخۆی، پاشی نیڤ سەعەتێ خوە بگرە، پاشی پرتەکا نانێ جەھێ بخۆ د گەل گوشتێ سپی وەکو سینگێ مریشکێ.
حەفتیا سیێ: ماستێ و قەسپان ل گەل پرتەکا ستیکا مریشکێ یێ براژتی بخۆ، د گەل ھندەک فێقی د گەل فتارێ، ھەروەسا تو دشێی ھندەیک فێقی و نانی د گەل پاشیڤێ ژی بخۆی.
حەفتیا چارێ: ماستی د گەل وان خورانان بخۆ یێن بێ روون و شرینی.
ئەڤرۆ نیوز:
دەمی ژن یا ب دوگیان بیت یا پێدڤیە کوئەندامێ خوە یێ بەرھنگاریێ ب ھێز بێخیت دا تووشی نەخۆشیێن سەرمایێ و ئەنفلەوەنزایێ نەبیت.
خوارنێن ساخلەم و ھەڤسەنگ بخۆ و گەلەک جۆرێن فێقی و کەسکاتی بخۆ، ئەو جۆرێن خوارنێ دێ کۆمەکا کانزا و ڤیتامین و کەرستێن دژی گیرھەبوونێ ددەتە تە، ناھێلن ژی تو تووشی ھەودانان ببی.
گەلەک تەڕاتیان ڤەخۆ، ئاڤێ و چایا گیایان و دۆشاڤا فێقی ڤەخۆ، ئەو ڤەخوارن دێ لەشێ تە ژتافیل کەن و کانزا و ڤیتامینان د لەشێ دا زێدە کەن، بزاڤێ بکە ڤەخوارنێن کافیین تێدا وەکو قەھوێ و خڤەخوارنێن گەلەک شەکر تێدا ڤەنەخۆ.
دەمێ تو پێدڤی دبی دەمەکێ باش بێھنا خوە ڤەدە، بزاڤێ بکە دەمارێن خوە تەنا بکە.
ھندەک راھێنانێن وەرزشی بکە دا زڤرینا خوینێ د لەشێ تەدا باش بکەت، ھەروەسا دا ھاریکاریا تە بکەن بەرھنگاریا ھەودانان بکەی، خوە فێری وان راھێنان بکە یێن بۆ قۆناغا دوگیانیێ د باش بن.
ھەکو تو جگاران بکێشی، پێدڤیە تو دەست ژێ بەردەی چونک دێ بۆ زارۆیی تە یا خراب بیت، دیسان زیانێ دگەھینیتە کوئەندامێ بەرھنگاریێ.
ئەڤرۆ: چنار مزویری:
سترانبێژ ئاڤان جەمال، بۆدەمێ چەند سالانە دەست ب گۆتنا سترانێ کریە و ھەتا نوکە چەندین ستران و بەرھەم بەلاڤکرینە، کو ئێکە ژوان سترانبێژێن ھژمارەک ستران ب شێوەزارێ بەھدینی بەلاڤکریە و شیایە بدەنگێ خوە جەماوەرەکێ باش پەیدابکەت، ل ھەلبژارتنێن سالا 2013ێ خوە بەربژێرکریە بۆ جڤاتا پارێزگەھا سلێمانیێ و کارێن خوە یێن ھونەری راگرتینە.
ئاڤان جەمال لدۆر کارێن خوە یێن ھونەری بۆ رۆژناما ئەڤرۆ گۆت” پشتی ئەز بۆ جڤاتا پارێزگەھا سلێمانیێ ھاتیمە ھەلبژارتن، من چو کارێن ھونەری ئەنجام نەداینە، تنێ من خوە بۆ رێڤەبرنا جڤاتا پارێزگەھێ ئێکلاکریە و کار لسەر گۆتنا سترانێ نەکریە، دگەل ڤێ چەندێ من کار مایە لسەر چەند کلیپا بکەم و سترانێن من پێدڤی ب کلیپ کرنێ ھەیە، ئەگەر دەلیڤە ھەبیت ئەڤە دێ کار بۆ ئەڤان سترانێن نوو کەم.
ئاڤانێ زێدەتر گۆت” دگەل کارێ ئیداری لجڤاتا پارێزگەھێ من کارێ شێوەکاریژی ھەیە و ھەرڤێ حەفتیێ ل ئاڤاھیێ موزەخانا سلێمانیێ کو ب ئەمنا سۆر یا سلێمانیێ بەرنیاسە، من ب چەند تابلۆیەکا پشکداری د پیشەنگەھەکا ھەڤبەش دگەل شێوەکارێن باژێڕێ سلێمانیێ کر.
نيشاندان
